أنثى الأسد

400\401\402\403\404

★أنثى الأسد★
400-حافضهم مزيان اودني منك حتى لختي وخط أحمر
سهيل:واحد سيد معانا ولي دايرين عليه هادشي كلومكاينش معانا وسي تايغر افين مشيتي
آسر:كان ساهي)شكون انا معاكم معاكم والله الى معنديش مع هاد سهير غير انتوما معرفت منين طلعتو بهاد حفلة لعزوبية
غسان:سيد توحش مراتو هههه لحب واعر(كيضحك)
آسر:خنزر فيه)انت طلعتي ولا نزلتي انفوت فجدك شي دقة غير بلاتي كنجمعهم ليك
غسان:هز ايديه)مابقيتش انهضر وفين هاد رقاصة لي مصدعين لينا بيها راسنا ولايني حتى انت اكريم مساهلش ناري وتعرفها لمدام قفرتيها
كريم:مبغيتش نتخيل حتى لمنظر
آسر:شفتو غير نوال اما عيني بوعبولة ديالي مابغيتش نتصور ولا نتخيل حتى لمنظر
سهيل:شش كنسمع بحال دقان
غسان:اوبلا لحفلة اتبدا ييس انا نوض نشوف بغيت نخضر عينيا انا لول
سهيل:كلس الأرض انا انفتح،وقف سهيل ومشا جيهت لباب..
غسان:موجه كلامو لأسر لي كان متكي)هاد صاحبك ديما سابقني كيبغي ياكول لحصيصة هو لول
آسر:على فيه حاجبو)راه انشير عليك بهاد طاس،تم جاي سهيل مزنزل مكيهضرش كاع حتى وقف عليهم
غسان:شفتك مزنزل من مفاجأة هي شي قوقة ياك ارا برع،تسمع صوت نسوي ميوعي ورا سهيل
إيثار ونوال:هاي ياحلوين هيهيهي،على آسر وغسان وكريم فيهم راسهم طلعوهم من صباط لعالي لتقاشر لي كانو بحال دلكلون لبسة ديال رقص بحال قوس قزح مع بودي وسروال مع نكاب وطرطيق لمسكة وقف كريم
كريم:وقيلة غالطين فشوبر
نوال:وهي كتلوك فلمسكة)هههه لا ازين ياك انت لي دومونديتي على راقصة شروق هادي هي وانا نونو لعزافة احسن راقصة فيك اكازا
غسان:كريم من صباح وانت تقول رجلين وطولة جايبلين جوج صوصيطات مغلفين اصاحبي
نوال:حشومة تكول هكا فحقنا صاحبتي شروق كانت دايرة جلسة ديال تسمير وتحرق بيها جلدها ومبغاتش تخليكم بلاش كالت اللهم لعمش ولا لعما
★أنثى الأسد★
401-آسر:كتليكم من الاول هادا مابلان ماوالو ولكن كديري لي فراسكم انا غادي،يلاه ايوقف كيحس براسو رجع وإيثار طايحة عليه
إيثار:بصوت ميوعي)حشومة عليك كالو لينا راك عريس وهاد ليلة ليلتك انخليك شهريار فزمانو غير عطيني راسك وقفات وخلاتو غير كيشوف شافت فنوال
إيثار:نونو موسيقى بليز،مشات نوال جيت ستيريو خدماتو بدات موسيقى شرقية بدات نوال وإيثار كيشطحو شطيح ديال الاموات تبدلات الموسيقى وبدات موسيقى"كتاب حياتي ياعيني ماشفت زي كتاب"دراري حسو بالغمة على لقلب ولخنقة مقدروش يتحملو الموت البطيء إيثار كتهندز وتبلاني فلبيت بانت ليها واحد شبكة كحلة فواحد لقنت من لبيت فيها مضرب ديال بيسبول تبسمات وكملات بخبت
آسر:براكة براكة اش هاد تسطية هادي كريم عطيهم حسابهم خليهم يمشيو ضروني فراسي انمشي نرتاح
غسان:بلانك خاوي اكريم كنا ناويين ندوزو ليلة واعرة اش هاد لغنا وهاد شطيح كنازة هادي
إيثار:لا لكنازة مزال مابدات يلاه اتبدا اولد خالت راجلي لمستقبلي
غسان:كيفاش؟مشات ايثار جيهت ديك شبكة هزات دوك جوج مضارب لاحت واحد لنوال واحد هزاتو هيا
آسر:أشنو هادشي
كريم:اش هاد تفلية؟
نوال:تفلية هيا لي اتشوفها دابا اراجلي حبيبي، بجوجهم زولو نكاب على وجهم دقة وحدة خلاو دراري مطرطقين عينيهم
كريم:نوال!
آسر:إيثار!
إيثار ونوال:سوربرااااااايز.....
★أنثى الأسد★
402-دراري لهضرة تشلات ليهم مقدروش ينطقو بحرف واحد خصوصا كريم لي كيشوف شوفات ديال نوال ليه شوفات نارية
نوال:لمش كلى ليك لسانك ولا صدمة كانت قوية عليك ياك
آسر:شنو كديري هنا ياك ليلة ليلت الحنة ديالك؟
إيثار:اووه على شهريار زمانو مسكين ومزال كتسول سبحان الله انا نمد ايديا ورجلي ومكوانسية وانت جايبين ليك لحريم لي يشطحو ليك ودوز ليلة زاهيةوالله الى امت لي جات معاك مبحالك حد
سهيل:بنات فهمتو غلط،مزال مكملها جاتو دقة نيشان لكتفو بلمضرب لي هازة إيثار حتى توعت
آسر:إيثار اش هادشي كديري واش تسطيتي؟جاتو دقة حتى لكتفو بنجاتو كريم حس بضربة جيهت كرشو غسان حتى هو جاتو ضربة لضهرو خلطوهوم كاملين جمعوهوم
إيثار:بغيتو ليلة زاهية ها زهو ونشاط هاك هاك لحسك ها زهو
كريم:كيحاول يفلت)نوال خليني نشرح ليك احبيبة
نوال:سكت منسمعش حسك كتهضروغرفة ملكية اسيدي مخديتيهاش فاش تزوجنا ومدوموندي ليا على رقاصة شروق ليوم نهرس ليك هاد راس ليوم،تسلت آسر من جماعة ودار لإيثار من وراها بغا يشد ليها ايديها شدهوم وهيا كتركل هزات ديك لعصة حتى لسما جات فراس غسان دازت لراس سهيل ونيشان لراس آسر طيحاتهم بثلاتة بيهم وقفات نوال على ضرب كريم خرج عينيه
كريم:اش هادشي درتي واش باغية تمشي لحبس ولا شنو،مجا فين يكملها جاتو دقة من لور طاح حداهم وقفات إيثار ونوال شافو فبعضياتهم وضحكو
إيثار:لي يفكر يديرها فلعيلات ولا يلعب مع لعيالات خاصو كتر من هكا
نوال:ديرها فرجال وترجاها وديرها فنسا وماتنساها ولكن شنو انديرو دابا
إيثار:بلاتي انا نوريك، هزات ساكها وجبدات لعكر ديالها شافت جيهت نوال كضحك بشر...
خرجو من البيت لبيت فين كانو حيدو ديك لحالة بدلو حوايجهم جمعو كاع الادلة وخرجو من لبيت قبل مايهبطو دخلات إيثار لبيت رقاصة شروق حطات ليها
★أنثى الأسد★403-كسوتها وخرجات رجعو لكارط لاستقبال دورات مع عاملة الاستقبال خرجو وركبو فطوموبيل إيثار سونا تيليفون إيثار كانت نمرت عصام
إيثار:وي بوقال اش حتى لدابا عاد مسوني اش هاد صداع
عصام:واواحد مولاتي سهرة فلكلوب خاصها انتي ونوال شيخة تسونامي وعثمان مولين لحيحة دوماج ليوم حنتك وليتي عروس دابا
إيثار:واش انت فلكلوب دابا
عصام:واييه سمعي سمعي،إيثار كتسمع شعبي خدام
إيثار:هاي هاي هاحنا جايين
عصام:بتعجب)واش تسطيتي،مخلاتوش يكمل هضرتو قطعات عليه
نوال:واش بصح تنمشيو لكلوب بهادلحالة وانت محنية وراه غدا ايبدا عرسك خاصك ترتاحي
إيثار:زيدي وسكتي رجالتنا كانو بغاو يدوزو ليلة زاهية ودابا حنى لي انزهاو يلاه،ديمارات طوموبيل وكسيرات نيشان لكلوب ضواو شاعلين ولافيش مصور فيها عثمان مولين وشيخة تسونامي بلاصات طوموبيلتها ودخلو بانت ليها لكليكة شيرات ليهم جاو كيجريو عندها معجبين منها
عصام:اول مرة انشوف عروسة بحنتها خارجة لكلوب تنشط كنت كنسمع غير بحفلة عزوبية لرجال
إيثار:ايوا هانتا حييتي حتى شفتيها ديال لبنات، لغنا خدام ونشاط هاك بلاك ولبنات مكاين اجديب دخلات نوال وإيثار وسطهم وكلسو هاك بلاك هاك بلاك وكيتسيلفاو وتلوح فأنستغرام دوزو ليلة من نوع رفيع مطرطقة خرجو كيضحكو توادعو مع دراري ركبو فطوموبيل ورجعو فحالهم لدار حتى ل3ديال ليل عاد رجعو سقيل بلاصاو طوموبيل بعيد ودخلو لطريق دار على رجليهم طلعو من بلاصة منين جاو بدلو حوايجهم وتخشاو بجوج تحت مانطة وفبلاصة إيثار بقاو ساكتين وكيشوفو فسقف دارت إيثار شافت فنوال ولوخرى دارت شافت فيها وهوما يطرطقو بضحك دقة وحدة
نوال:ناري زعمة حنا والله مايقدر علينا غير لي خلقنا خصوصا انت عمري شفت شي عروسة دارت هادشي كلو فليلة عرسها وحنتها جديدة حتى ليك انت والله زعمة بيبا
★أنثى الأسد★
404-بيبا ليك والله
إيثار:هاد ليبة اتبقى متورخة عندنا نكبرو ونولدو ونتفكروها
نوال:يلاه نعسي لادوز خالتي مليكة وتسمعنى وانكونو مشينا فيها عرفتي شنو كنتفكر ديك خالوطة وجالوطة لي درتي لدراري فوجهم ناري ويفيقو كيف ايكون ردت لفعل ديالهم ههههه يكونو فاقو دابا
إيثار:مع لعيا بدا يشد فيها نعاس)مم شكون عرف يفيقو ولا لا بغيت انعس دابا نعسي خمدي وعندك تشخري نلوحك من سرجم،دارت نوال عندها وعنقاتها ونعسات حتى هيا..
"نرجعو للأوطيل"
كريم:أخخ أراسي(كيدور فراسو)
آسر:سحال وحنا ناعسين(كيحك فراسو)
كريم:كيضحك)آسر شنو داكشي فوجهك
آسر:شاف فكريم تكرشخ بضحك) بغيتي تكول وجهك انت
كريم:لا وجهك انت،مسح آسر وجهو بيديه كيشوف لحمورية ناض بالخف جيهت لحمام شاف راسو فلمرايا كيبان ليه راسو معكر
آسر:فعايلها وشكون من غيرها ناري ونشوفها ناري غير بلاتي حسابك معايا جاي جاي
كريم:كيعيط عليه وهو ميت بضحك)آسر اجي تشوف اجي،خرج آسر من حمام
كريم:شوف غسان وسهيل لعار ههههههه،ردات ليهم وجهم بحال شيخات
آسر:وانت لي كضحك سير شوف وجهك ختك زوقات لينا وجهنا كاملين سير غسل وجهك نشوف هادو يفيقو،دخل كريم يغسل وجهو خلا آسر كيفيق فسهيل وغسان حتى فاقو وغسلو وجهم كاملين هزو لي كوستيم ديالهم لبسوهم وخرجو من شومبر هبطو لاستقبال كتبان ليهم رقاصة شروق كتغوت
شروق:كيفاش كيفاش هادشي يوقف فاوطيل معروف بحال هدا كدخلو من والا أأ هادي آخر مرة نحط رجلي فهاد الاوطيل
كريم:شنو واقع ياك لباس؟
عاملة الاستقبال:سيدة كتكول انو تهجمو عليها جوج عيالات بالباس كحل طويل وضربوها وحنى حتى واحد مدخل علينا بهاد لباس هدا كميرات كاملين خدامين من غير ديال لغرف ميمكنش نحطو فيهم لي كام
آسر:بصوت خافت)بحال الى عرفت شكون مالين هادلبلان اوووف منك ا إيثار متهناي حتى