أنثى الأسد

144\145\146\147\148\149

★أنثى الأسد★
144-فاقت فصباح كتشبح كتحك فعينيها كلسات حطات ايدها على كرشها كتحس براسها مدكدكة دارت جيهت نموسيتو مكاينش ناضت لحمام بانت ليها لقرعة دلما مليوحة هزاتها حطاتها على طبلة دخلات لحمام غسلات وجها خرجات لقات ساعة 10 دصباح
إيثار:خمرت نيت، خرجات على برا بانت ليها واحد لقفيفة مشات جيهتها فتحات لقاتها فيها ربعات لباكيات ديال الويز فرماج وشي تخربيق وميكة فيها شي بكيات ديال دوا معاهم ورقة
آسر:مبغيتش نفيقك داكشي لي تم ديالك فطري وخودي دوا ورتاحي واخا انا خرجت انا وهناء حتى نرجع ونشوفك"آسر"
إيثار:لوحش لكاسر انت ماشي آسر ياه اسيدي انت دور ليا مع رساتك وانا خليني مخشية فدار تهضري معاه انا مع هناءوجايب ليا ربعات لباكي مالنا دابحين عجل ولكن ابلاتي عليك احنطويل حتى تجيني، هزات وحدة من فوطة صحية دارتها بدلات عليها ولبسات حوايج مقطنين سخونين دارت لفطور لراسها يلاه كلات فيه شوية معجبهاش وحطاتو مشات تجبدات فبيتها كتفرج
إيثار:اربي مالي انا مالي واش هبلت ولا مالي واش انا بعقلي لي سيد شوية منحيدو حوايجنا انا وياه ياك هو من نوع لي مكنحملش ياك انا كيعجبني راجل دريويش، جات فبالها واحد لهضرة كانت كتقولها ليها جداتها"شوفي ابنتي عمرنا مغادي نديو لي بغينا ضروري مكدي لي لقدر ديالك مكتبو ليك كتكوني كتبغي واحد وكتدي واحد مضاناهش ابنتي لمهم هو هاد سيديكون كيبغيك ويحتارمك يخاف عليك ويصونك"
إيثار:انا اش كنهربق اصلا يديني وصلنا لزواج كاع ياربي سلامة خاصني نجمع راسي ونرجع كيف كنت معاه معاملة فحدود وبلاما نبقا ندابزو راه غير كنهلك صحتي ان شاء نساليو علينا هادشي والله يعاون لعونات صافي بلاتي علاش ديما كيدي معاه هناء تكون بيناتهم شيحاجة اووف وانا مالي اصلا اش دخلني حسن ليا نرتاح ونتفرج يديرو لي بغاو وانا إيه
★أنثى الأسد★
145-إيه!! فاتت شي ساعة سمعات ساروت فالباب تم داخل كيصفر ويغني
إيثار:بشوية) كيغني ناشط سيد باين ضرب شي بيلانتيات صحاح اياه بصحتك، بدا كيعيط
آسر:إيثار إيثار فينك
إيثار:إيخان ماشي إيثار،دخل عليها لبيت
آسر:راه سمعتك الحمارة اش كلتي
إيثار:لحمار هو انت وخاصك الودنين
آسر:ابسم الله عليك ياك لباس مالك؟
إيثار:شغلك همك سوقك وانت ومالك اش مشاليك بعد مني الله يرحم جدك فهاد نهار راني معصبة
آسر:منديش عليك مافيا لي يتصادع معاك
إيثار:دي عليا بنت ليك كنرمي فحوايجي مثلا ولا شنو يكما عمروك ولا حرشوكلي كنت معاهم سير رجع عندهم الما عجبكش لمنظر هنا
آسر:اديك لبرهوشة راه مبغيتش ندير فيك ايديك خلينا ترونكيل
إيثار:اجي اجي دير فيا ايديك انا فالح دير فيا ايديك ولالاك هناء اش كدير فيها أأ يلاه هضر شفتي انت أكبر حمار شفتو فحياتي شفتي انت مكنحملش فيك شعرة شتي ندمت على نهار فاش شفتك وكون حسابلي هادشي ايطرا مكنتش نقبل نجي لهنا، آسر كيشوف فيها تعصب مابغاش يضربها ولا يدير ايدو عليها بانت ليه كتنهج شوية تبدلو ملامح ديال جمعات وجها ودارت باع بالبكا
إيثار:هيء اهيء اهيء انا معنديش زهر انا اهيء مالي مالي اش داني نجي لهنا توحشت خويا كريم اهيء اهيء، تكالما آسر وقرب ليها كلس حداها جرها لصدرو عنقها كيمسح على راسها ويبوس فيها خشات راسها فصدرو عنقاتو كتنخصص بقا معاها هكاك حتى تهدنت بعدها ابشوية كيشوف ليها فعينيها دوز صبعو عليهم كيمسح ليها دموعها
آسر:بغيت نعرف غير علاش هاد نحيط ولبكا كولو
إيثار:معرفتش والله جاغير هكاك بوحديتو
آسر:عمري شفتك هكا شنو واقع
إيثار:معرفتش كولما كنكون مريضة هكا كيوقع ليا
آسر:اه فهمت فهاد لفترة كتبدل تصرفات لمرا وكدير شي حوايج بلا خاطرها داكشي باش كتليك منديش عليك
إيثار:فين كنتي صباح
★أنثى الأسد★
146-صباح؟
آسر:ولينا فلكوميساريا هنا كنت مع هناء مشينا فطرنا انوسوبل
إيثار:كتعوج فيه) اونسوبل مزيناتكم بجوج جيتو كي لكوبل اكبور وشعيبية انا نصحك هاديك هنلء مجاتش معاك والله انا غير بغيت ليك مصلاحتك، آسر جاتو ضحكة حيت حس بيها كتغير.
آسر:إيثار ماشي انت لي اتكولي ليا شنو كيجي معايا ولالا هناء كنعرفها من شحال هادي وكنا معجابين بعضياتنا من اول مرة شفتها فيها بنت ضريفة متخلقة وراكي شفتيها، آسر بلعاني كيلعب ليها على لوتر لحساس،
إيثار:اياه انا دابا بنت ليك لفعة مسمومة منسواش
آسر:حاشا ولكن اش جابك انت لهضرة مالك انت ومال هناء انا اول حاجة خدامين بجوج وكيبان ليا بحال الى انولي صحاب
إيثار:جمعات فمها)اه بصح عندك صح اصلا انت كبير وكتعرف شنو مسلكك نجي انا ونكوليك اش كيصلاح ليك وشنو لي لا اه حتى انا فخبارك كنت انكوليك نكونو صحاب مالنا على لمدابزة كل نهار اش بان ليك؟
آسر:اهاه حتى هادا نضار حنيقزة
إيثار:متبقاش تكوليا حنيقة هادي اول حاجة
آسر:حتى انت متبقايش تكولي ليا رجلين نعامة وبلارج
إيثار:صعيب كتخرج مني بلاما نحس
آسر:حزقة زلات كتخرج منك بلاما تحسي باز ايوا حتى انا هكاك منقدش نحيد من فمي سميت حنيقزة من هادشي كلو فطرتي
إيثار:شويكيك فيا جوع تشهيت سوسيس مع بصلة ولحار
آسر:واش كتسحابي راسك كاينة عند با حمان مول سوسيط هبلتي
إيثار:الى بغيتي نبداو صفحة جديدة اتجيب سوسيط من عند لكزار وتصليبو ليا انت بيديك وجيب ليا معاك بانيني بلاداند ياك ويكثر لفرماج وجسب معاك بيتزا فغوي دميغ او واحد لبواكة ديال فيريرو روشي
آسر:مابغيتيش طون ولحرور ولا خانز وبنين حسن
إيثار:لا هادوك حتى لغدا جيب غير هادو دابا راه تشهيتهم دير ليا خاطري راه مريضة لي كليتو رديتو وفيا دوخة، صغر آسر عينيه كيشوف فيها بشك كتشوف
★أنثى الأسد★
147-كتشوف فيه وفشوفات ديالو ليها دخل ليها شك
إيثار:علاش كتشوف فيا ياك لباس؟
آسر:لا لا انت معجبتينيش اكتشهاي كي لموحمة ودايخة هادشي فشكل ياكما انت وانور...
إيثار:الله يقلل حياك لهلا يحييك ويطول زمان عليك بزاف عليك انا هادي لالاك إيثار بنت لقاع ولباع وشمعة من دراع هاي هاي والى جينا نشكو نسكو فيك نيت انت لي شحال هادي وانا معاك شكون كال اش كتشربني ودوز ليا بليل سير حسن ليك لانخبطك وحنا يلاه قلنا نتصالحو انت راه متخلي حد يتصالح ولاهيلة زوينة هادي، دخلات لبيتها كتبغم وخلاتو واقف كيحرك براسو قهراتو، رجع هز سوارتو وخرج مشا يجيب ليها لي بغات على سعدو او وعدو رجعات هي تكات على نموسيتها كتقلب من هنا لهيه بغات اتغمض مقداتش
إيثار:واش انا زوينة بحال هاديك هناء وهي حاجة باش فيتاني طويولة عليا كيف زرافة اصلا رجال كيبغيو لمرة لقصيرة حيت فيها أنوثة كثر ولكن انا اشمن انوثة فيا وانا دايرة بحال بوشعيب لجزار لي عندنا فسوق انا دابا مالي زليت هكا مكنتش كنتسوق زمان لهادشي اصلا من هادشي كلشي أهم حاجة هي الاخلاق مبقاتش فزين اوووف انحماق انعس حسن اه حسن نعس، غطات راسها شوية رجعات عرات راسها وكلسات شاظة حناكها
إيثار:دابا انا اشبغيت شوف أنور شحال غزال داكشي لي كيعجبني ولكن علاش هاد بلارج ولا كيأتر فيا علاش لا اصلا ليغيكل كدير هكا كتبقاي توهمي اه داكشي لي كاين اصلا اتفوتني اترجع عيني طويلة اصلا انا زهوانية مكنرساش على واحد اووف دابا رتاحيت دابا انعس مزيان وبيخييير، تبسمات ورجعات تكات داتها عينها مدة طويلة شوية بدات واحد ريحة كتهر نيفها هزات راسها وعي مغمضة عينيها بحال الى ضربها حمار ليل ناضت كتمشى وعينيها مغمضين ميجي وجها غير فالباب هو لي فيقها
إيثار:اخخخخ نيفي تفو على باب، حلات باب لبيت خرجات
★أنثى الأسد★
148-خرجات كيبان ليها آسر واقف فلكوزينة كيشحر فسوسيط ويقاد فيها
إيثار:ياه ياحليلي ناري على ريحة ريوكي سايلين
آسر:سيري بعدي لهيه مسحي عليا ريوكك لاتصدقي مخلطاهم مع هادشي
إيثار:باز ليك وراه هادشي كثير مالي عليه
آسر:ومالك اتاكلي غير انت انا معدب عليه مخليت بلاصة فين قلبت ومسخراني شحال وانا واقف على بيتزا وبانيني ديالك وفالاخير تاكلي ا نتي
إيثار:اه بصح فين هوما؟
آسر:راه فتلاجة ولبسي بانتوفتك وسير عيطي على هناء وأنور
إيثار:امم علاش ايتغداو معانا؟
آسر:وعلاش مبغيتيهمش يتغداو معانا؟
إيثار:لا عادي غير لمهم انا ميزاحمني حد لحق لكبير ليا انا
آسر:ناري على مو كرش خفت شي نهار تاكليني سيري سيري عيطي ليهم ناكلو هادشي محدو سخون، رجعات لبيت لبسات بوليرو وبانطوفة ودارت بانضة على شعرها فيها بابيونة دارت لقات كلابها شمو ريحة مشاو كيجريو حدا رجلين آسر، تبعاتهم فتحات لباب ومشات لجناح هناء يلاه أدق كيبان ليها لباب مبسم لفضول لي فيها قتلها دفعات لباب بشوية وتمات داخلة كتقلب بعينيها، كتسمع صوت غريب صوت لبوسان وأهات عالية
إيثار:أشاوا هادشي ياربي منشوف شي منظر مخل للأدب ياك آسر خليتو فكوزينة، طلات براسها على واحد لبيت مبسم لباب ديالو دفعاتو ابشوي كتبان ليها هناء وأنور فوق بعضياتهم انور عريان من لفوق وهناء بالبينوار دالحمام معنقاه وكيبوس فيها، إيثار خرجات عينيها خرجو دلدلو ورجعو لبلاصتهم خطفات راسها
إيثار:ويلي ويلي ويلي لخيانة لمشروعة هكاك الالة هناؤ زيغ انت بخبيزتك مسهلاش كضربي هنا ولهيه وزغبي كالس يطيب مسكين ويفكر فلالة هناء خاصها تاكول تاكول جنابها ان شاء الله وزيدك على زرايقة حتى هو كيخون صاحبو الله يستر ناري ستغفرت الله، خرجات من لجناح وسداتو بشوية ورجعات دارت راسها يلاه ادق
إيثار:والله
★أنثى الأسد★
149-والله ياولديكم حتى نحرمها عليكم، دقات لباب دقان ديال جدارمية، دقة ورا دقة ورا دقة مبغاتش تزكا دارت دقان ديال دق فلباب وهرب ديال يامات لمدراسة حلات هناء لباب شعرها مشعكك وشدا كول لبينوار، صغرات إيثار عينيها كتشوف فيها بلؤم
هناء:اه إيثار هادي انت
إيثار:اه انا علاش شكون يسحابك ومالك مشعكة تكول غير مناتفة الله يستر وحناكك حمرين لي شافك يكول اشي حد كان يقرص فيك ولا يصرفق فيك
هناء:توترات) ههه لا كنت فلحمام داكشي باش
إيثار:اممم كنت فلحمام وشعرك ناشف بعدا لعجب لمتعجيب هدا
هناء:واش بغيتي شيحاجة؟
إيثار:يااه كاليك آسر اجي تغداي انت وانور انا دابا ندق عليه حتى هو
هناء:هاه وووواخا انت سبقيني وانا انتبعك انا انكولها لأنور
إيثار:لاءح آسر كاليا متجيش إلا وهناء وأنور فيديك اسيري بدلي حوايجك انا كنتسناك هنا مغنتحركش ومغنتململش من هنا حتى تخرجي(كتخنزر فيها)
هناء:واخا انا جايا، رجعات هناء لداخل كالتها لأنور مصاب ميدير نقز من بالكون دهناء لبيتو هو، لبسات هناء عليها مشطات شعرها سلات وخرجات عند إيثار لي كانت واقفة بلاصتها اخرجات طلعاتها وهبطاتها
إيثار:اجي ندقو على داك لكوعبي دأنور، مشاو لبيتو إيثار لقدام وهناء وراها دقات إيثار جوج مرات وهو يحل لباب لابس بينوار دالحمام ضحكات إيثار
إيثار:سبحان الله لي دقيت عليه كيخرج ليا بلبينوار واش متافقين على دوش ولا كيفاش؟
أنور:ههه إيثار هناء شنو كاين؟
إيثار:هيهيهي سبحان الله بحال الى يلاه شفتي هناء
أنور:كيفاش؟
إيثار:لا والو مديرش فبالك سربي لبس عليك آسر طيب لغدا لينا وكاليا منجي غير وانتوما معايا
أنور:واخا انا جاي، دخل لبس ورجع عندهم سبقاهم إيثار وهوما وراها بحال جوج مجريمين غادية وتبغم
إيثار:ناري على قوم غدار تفو عليكم بقا فيا اسوسير مسكين