أنثى الأسد

95\96\97\98\99

★أنثى الأسد★
95-بعضياتهم بزاف تزوجو عن حب وعاشو حياة زوينة بزاف تزاد عندهم ولد ولكن للأسف مات مراتو جونيفر هادي هيا سميتها تأمزات نفسية ديالها ومرضات ودخلات لمصحة تعالج فهاد لحظة هادي موسيو لي ولا فلوزارة مبقاش كيعطي اهتمام ليها هنا فين اتبان سومو عارضة الازياء لي يلاه اتكول أه فدنيا وتبان كانت كتصيد غير صيدة صحيحة ميبان ليها غير شيباني فلبلان طيحاتو جمعات ليه ستة وضامة طرقات على باباه وتزوجاتو وطلق لمريضة لي فسبيطار انتوما رجال غدارة
آسر:بدينا فرجال تاني كملي
إيثار:معليناش مرتو لولة من تما مبقاتش بانت وكانو خرجو شي شائعة كتكول انو شي واحد شافها منين خرجات من لمصحة مع موسيو ليومينهو وهادي كتبقى غير شائعة كيف كالو لمهم سيد طلع ماسهلش وديك طيطفيت لي كانت حداه عاهرة من طراز رفيع كانت كدير الازياء ونفس لوقت كضرب فجوايه اخرين
آسر:لقضية مخربقة واحد شوية انت متغفليش عينك عليهاولو لحظة وحدة
إيثار:انا محملتهاش من لول باينة فيها لفعة بغات تحيد راجل من طريقها باش تسوك فجمل وماجمل، آسر وقف طوموبيل
آسر:يلاه هاحنا وصلنا،نزلات إيثار من طوموبيل علات عينيها لمبنا كبير بزاف لبناء ديالو تقليدي بالأحمر كولو أضواء جا فشارع اورشارد لمعروف ناس غادين جاين بحال شي إحتفال تمو داخلين هوما ولفريق مع دخلة واقغين لبوديكارد لبنات داخلات خارجات بحال ملهى ليلي
إيثار:واش متأكد هنا فين ادار مسابقة جاني بحال كباريه ديال فيلم الراقصة وسياسي
آسر:لمبنى مقسوم على تاجات تلاتة هدا لي كتشوفي ملهى ليلي ولفوق كافي وفيه وصلات موسيقية اما طابق لفوق بحال مسرح كبير تما فين كتقام لمسابقة كل عام فهمتي لبالان بحالاش
إيثار:هكاك وانا نفهم شحال يكون مولاه كيدخل دلفلوس
آسر:بنفاد صبر)دابا تشوفيه بعينيك وسوليه واش أنا كنت معاه؟
★أنثى الأسد★
96-إيثار:كولني ديرني فخبز وكولني واحنا اسولناك ياربي سلامة،تماو داخلين لبنات غاديات جايات بلباس خاص ديال شينوة لموسيقى خدامة بيت كيدخلهم لبيت بحال لمتاهة وكل بيت مرسوم فيه تنين كبير آسر وقف واحد لخدام سولو على مكاب ديال لمدير وراه ليه ومشا طلعو فواحد لاسنسور وطاقم ديال الامن بقا لتحت حتى يعطيهم آسر لوردر باش يركبو لكميرات وصل آسر عند باب واحد لمكتب بابو حمر دق ودخل كان لمدير كيهضر فتيليفون غير دخل آسر وسد لمكالمة رجل باقي صغير فالاربعينات وقف ومد ايدو لاسر
آسر:سلام معاك لحارس شخصي لوزير لي هسين وهادي الآنسة أسية خدامة معايا
مدير:مرحبا مشرفين كاين فاش نعاونكم
آسر:كيف كتعرف موسيو لي كيتعرض لتهديدات
مدير:اه فخباري هادشي لي سمعت هاداك للانسان فالمستوى وطيب معرفتش شنو بغاو عندو
آسر:المهم هنا مغاديش ناخدو من وقتك بزاف بغينا نزرعو كميرات مراقبة فشاينا تاون
مدير:شنو انكوليك سمحلي ولكن مستحيل هادشي
إيثار:علاش مستحيل مالكوم كتهربو لكوكيين خايفين تحصلو
آسر:احم) موسيو عادي اجراءات عادية غير باش نحميو لوزير
مدير:شاينا تاون ماشي غير ملهى ليلي هو اكبر ملهى فسنغافورة وفيه اوطيل وصالة رقص وفيه مطعم كميرات اتقلق ناس وسياح كيبغيو ياخدو راحتهم وهنا كدار اكبر مسابقة وتنائيات كيخدو غرفة مشتركة ميمكنش تبقا انت حاضيهم بهادشي انخسر زبائن ديالي وهادشي راه فخبار موسيو لي وزايدو كاين كاميرا ديال لباب وكاميرا على باب لخزنة لمباقي معنديش بيه غراض سمحلي كنت بغيت نعاونكم ولكن هادشي لي كتكولو مرفوض وكيف كتليك يمكنليك تسول سعادة لوزير، سكت آسر وحرك راسو او وقف
آسر:شكرا ليك خليناك على خير خرج وتبعاتو إيثار وهوما مزال واقفين
إيثار:علاش مزدتيش حكرتي عليه هاد خونا تحت راسو لعجينة
آسر:انا حمار مطاحتش
★أنثى الأسد★
97-مطاحتش عليا فكرة انو ممنوع دار كاميرات فبلاصة المسابقة
إيثار:انت من زمان حمار خاصك الودنين يلاه عرفتيها،يلاه ايجاوبها كيسمع فالمدير كيهضر شير لايثار باش تسكت وبدا يتسنط فالحوار لي كان"متخافيش احبيبة ديالي كولشي تحت سيطرة وغادي مزيان كيف بغينا متخافي من والو اه جاو ولكن انا رافض فكرة لكميرات مابغيتش شي واحد يعرف شنو كاين كولشي مزيان اكبيدة ديالي قريب قريب حتى انا كنبغيك مواااح" شاف آسر فإيثار وحتى هي شافت فيه جرها من ايدها وهبطو بزربة شير لامن يتبعوه ديمارا وزاد
إيثار:ناري على ولد لحرام معامن ايكون كيهضر زعمة
آسر:اووف اوف خاصني نفكر انا متأكد هاد خونا عندو يد فهادشي
إيثار:هاء وراه باينة لعما فظلمة عندك عو وديك لمونيكة ديال ماد ان شينا اجي ياكما تكون بيناتهم شيحاجة
آسر:كولشي توقعين حتى لراس بنادم متعرفي شنو بيه عندنا مشكيل دابا وضروري مخصنا نحلوه نوصلو بعدا انربطو الاتصال بلويس وبموسيو رشدي
إيثار:انت فين كتعرف رشدي
آسر:انت مالك مكلخة هاداك راس ولا خنشة دسيما ضروري منعرف لبوليس ديال اي قنت راه كانت خدمتي هاديك يمكن
إيثار:انت غير زيد راه كنجمع ليك فيهم شتك ضسرتي وطواليك لسان، مجاوبهاش وصلو لاوطيل بلصة طوموبيلتو عبطات إيثار هي لولة وتبعها دخلو لشثة ديالهم هز بيسي ديالو فتحو وخدم تسجيلات ديال لكميرات ديال لوطيل بان ليه كولشي عادي اوهو هداك موسيو بي مخرجش من شومبر ديال وحتى سومو غير هزا تيليفونها ودور مرة تهضر مرة تبسم وضحك ومرة بحال الى متوترة ومقلقة
إيثار:شنو لقيتي
آسر:هاكي شوفي،عطاها بيسي كتشوق
إيثار:انا راه احساسي ميخيبش فاش كنت صغيرة مسيمين عليا غير شوافة تيوتيوا كنت كنحس بنادم من لول ولهيلا كون خدمت فيها كون كنضرب فلوس صحيحة
آسر:واش انت فراسك شي فيس خاسر يمكن
★أنثى الأسد★
98-انا فين وانت فين ربطي ربطي الاتصال مع رشدي الى تبعتك يا واحد فجوج يانسيفطك انت لروضة يا نمشيو ليها بجوج ولكن الاحتمال لول وارد
إيثار:تمشي ليها نيت انت فاش نافع،عوجات سيفتها فيه وربطات الاتصال برشدي وداير سبيكر باش حتى آسر يسمع
رشدي:إيثار ياك لباس
إيثار:والو ابا رشدي صبر هاد بلارج لي هدايا يربط الاتصال بشاف لويس باش نهضر مجموعين،رشدي كايشوف فطريقة باش كتهضر إيثار مع تايغر لي كولشي كيخاف منو حتى ليها هي
آسر:كون كوميسير رشدي انا انربط الاتصال بلويس، ربطو الاتصال معاه كل واحد كيشوف تاني وكيسمعو
لويس:تايغر شنو واقع
آسر:عندنا واحد لمشكيل صغير،إيثار ستغلات لفرصة هزات طرف دالخبز دارت فيه كاشير ولخبز كتاكول او واقفة على راس آسر دار شاف فيها ورجع كيكمل هضرتو
رشدي:شنو لمشكيل
آسر:لمشكيل انو مقر لمسابقة مانعين كميرات دار وهادشي مدكور حتى فالعقد وهنا شاكين فمدير شاين هو ومرات لوزير انو ممكن عندهم ايد فهادشي
لويس:تايغر مخاصش يكون شك خاص يكون يقين فهمتيني ضروري من دليل
إيثار:وانت سيدة ادكرنا ليها لكميرات ولات تفافا ابوحديتها وهو بودنا سمعناه كيهضر مع شي وحدة وكيكوليها كولشي مزيان ولكميرات مغاديش يدارو وكتكوليا دليل راه حتى خاصنا نديرو شي خطة باش نلقاو هاد دبيل هدا ولايني مسطي هاد شاف ديالك
رشدي:إيثار
إيثار:اشمن إيثار إيثار وخدمو معانا عقلكم اولاد ناس كون عرفنا اتكولو لينا هاد جوج كلمات بلاش من تعياطكم ولش عرفتو شنو خاصنا نديرو خاصنا نزرعو جسوس فوسط شاينا تاون باش يحضي يكون هو لكميرا لكبيرة تماك يحضي داخل ولخارج ويجيب لينا تبركيكات
رشدي:إيثار عندها صح
آسر:حتى انا عندي نفس الفكرة خاصنا شي عميل كفوء وتقة وميغدرش بينا بحال لمرة لي فاتت كنت حياتي اتمشي فيها عقلتي الويس
لويس:اه بصح
★أنثى الأسد★
99-آسر:هدا لي انديروه فشاينا تاون نجهزوه مزيان يدير راسو خدام باغي خدمة بحال سرباي،إيثار فالكوزينة كتوجد سوندويتش تاني مكتشوفش فيه وكتهضر
إيثار:ولا ممكن كاع يمشي على قضية لمسابقة يدير راسو بغا يشارك ياك كاليك هداك كبيلات كيعطيو غرف لمشاركين مزيانة كولشي ايكون تحت عينو
رشدي:برافو برافو فكرة واعرة،جات جنب آسر كلسات حدات كتاكول
آسر:خاصنا نشوفو شكون هاد لعميل لي يدير هاد لمهمة هادي، إيثار خدامة كتاكول سمعات سقيل هزات راسها آسر كيشوف فيها لويس حتى هو ورشدي كدلك
إيثار:امالكم كتشوفو فيا ياك لباس
رشدي:إيثار ديرها
إيثار:الله اودي مرحبا نعطيها الشطيح شحال وانا كنتسنى هاد لفرصة كنعرف نراpي بم اه بوم بوم اه
لويس:خاصك شريك فالمسابقة انت وأسر انسب جوج ديرو هاد لعبة
آسر:من نيتك انا وياها نيvر حماقيتي لا انا وياها بحال لبركان مكنتلاكاوش
لويس:هادي راه خدمة ماشي تفلية
آسر:لويس انت عارف انو قبلت بهادشي باش نخلص لخير لي عليا ماشي خدمتي هادي،نقولت إيثار
إيثار:واشحال عاجبك راسك اوليتي ميليونير نسيتي راسك وخدمتك لولة وخير هاد سيد عليك وباز نكار لخير انت كولما داخلين لهاد لمعماعة جبهة على قبل حبابنا وانت شحال فيك ديال فانطازية تايغر باش تايغر بقزيبتك باشار كيداير ضروري يعصبك
آسر:تحت سنانو) نتفاهمو من بعد شنو لمعمول دابا
رشدي:انتقدم انت وايثار بحال دو كوبل بيناتهم الحب والانسجام بغاو يتقدمو لمسابقة خاصكم تعرفو بعدا الفئات ديال رقص لي كاينة باش حين ميمكنش تكون الفئة مضوبلة
إيثار:متحمسة) ندفعة لفئة راب احسن حاجة
آسر:انت سباب هاد لبلا انت وافكارك هنينة وسكتي انا انقلب دابا،بدا يقلب فالبيسي خرجات ليه لاليست ديال لفئات لي مقدمة لمسابقة وكل واحد من اي بلاد
لويس:تايغر شنو خرج ليك
آسر:للأسف..