★أنثى الأسد★
157-بقات وسط لبيت آسر هاد لمرة مبغاش يدخل عليها يخليها حتى تبرد دق عليه أنور فتح ليه.
أنور:امضرا هضرات معاك
آسر:لا مزال لداخل دخلات لماكلة لبيت وسدات عليها بساروت
أنور:الى بغيتي ندخل نهضر معاها انا
آسر:لا غير خليها تبرد انا لي كنعرفها كيفاش كتكون فاش كتعصب
أنور:حتى انت كان خاصك تكوليها راه مبينك وبين هناء والو وتفهمها ولكن صراحة من حقها تقلق وحتى انا نستاهل حيت مفكرتش فاش تقربت منها باش نخلي هناء تغير
آسر:هاد لمرة عندك لحق درتها قد راسي ونستاهل أهم حاجة غير تبرد ونهضر معاها ونفهمها انو غير كنت بغيت نضحك معاها
أنور:آسر واش انت كتبغي إيثار؟؟
آسر:الحب نكوليك مزال ولكن كتعجبني بزااف كنكون مرتاح معاها واخا هادشي مبغيتش نعتارف بيه ولكن احساس مخربق عندي والله
أنور:مهم انا مشيت دابا الى حتاجيتيني عيط ليا واخا وسايس معاها راه كنعرفك
آسر:واغير تفتح لباب وتبرد مابغيتش ندخل عليها دابا مهم انا الى حتاجيتك نكولها ليك سير عند هناء، مشا أنور ورجع آسر لداخل تكا على لفوتوي كيفمر كيفاش يصالحها ويهضر معاها. فاتت مدة تفتح لباب هز راسو آسر بانت ليه واقفة كتشوف فيه طالقة شعرها لابسة شورط وتيشورت ديالو مزوقين تبسمات ليه بقا كيشوف فيها معجب
إيثار:مالك كالس ساكت شنو بيك؟
آسر:بتعجب!!) انا مالي شنو مابيا والو انت لباس عليك بيخير، تمات جايا جيهتو كتمشى بإثارة
إيثار:ماماليش علاش؟،قربات ليه ورا ضهرو حطات ايديها على كتافو كتماصي ليه
آسر:احم إيثار بغيت غير نكوليك داكشي لي..، حطات صبعها على فمو سكتاتو
إيثار:ششش مطرا والو انا كبيلة تعصبت على أنور حيت مان بغا يستغلني باش تغير هناء وزيدون لغلط ديالي انا انا لي فهمت غلط كان خاص نسول مديرش فبالك، شدات ليه فيديه وقفاتو عندها كدوز صباعها على دراعو
★أنثى الأسد★
158-على دراعو ودورهم على صدرو بشكل مثير آسر مشاعر ديالو بداو كيتحركو
آسر:إيثار شنو كدير؟قربات ليه إيثار علات على رجليها وجراتو من عنقو ليها عنقاتو وهمسات فودنيه بإثارة
إيثار:بصوت انثوي)تشهيتك مابقيتش قادة نصبر
آسر:وولكن ماشي وقتها انت مريضة
إيثار:ماشي مشكيل كاين عدة طرق احبيبي
آسر:حح حبيبك
إيثار:اه حبيبي كبيدة ديالي تايغري كنموت فيك
آسر:إيثار كتلعبي بالعافية
إيثار:وانا كنموت فلعافية، سكتاتو بوسة على فمو كتجر ليه فشفيفو بكل حنان نزلات ليه بقبلات خفاف على عنقو بعدات عليه بشوية شافت فيه عينيه ناعسين وقلبو كيطلع ويهبط جراتو من ايدو غادية بيه وهو تابعها حتى دخلاتو لبيت طلعات ايديها مع قميجتو كتحل ليه كل صدفة وتعطل فيها شدها من وجها ونزل على فمها كيبوس فيها وهيا خدامة كتحل ليه قميجتو زولاتها ليه بزربة ولاحتو على نموسية
آسر:مابقيتش قادر
إيثار:حتى انا مابقيتش قادرة، تلاحت فوقو كتبوس ليه فمو وتنزل ليه بعضات خفاف فعنقو وبوسات خفاف على صدرو وكرشو آسر وصلات بيه لحد مبقاش قادر كيحس براسو اينفجر كلسات إيثار فوقو وبدات كتحل ليه فسمطة ديال سروال حلاتها وفتحات ليه سروال حيداتو ليه رماتو بقات غير بالبوكسور
آسر:إيثار اش درتي فيا مابقيتش قادر نصبر اتحمقيني انحماق اجي عندي خلاص
إيثار:انا دابا انكون معاك وانكونو جسد واحد احبيبي انا جايا رجعات باللور حوايجو فيديها سروالو وقميجتو بدات غادية باللور هزات واحد تيليكوموند فيديها وخرجات وزدحات لباب بجهد ودورات ساروت.
إيثار:ودابا خلي حسك تكرد تما فداك لبيت عريان حتى تكوفر نوريك انا تفلى عليا ياشلاهبي
آسر:تصعق دور مع سخونية محسش بسرجم ليكان محلول ولبرد داخل ناض عريان جيهت سرجم سدو مع دلك لبيت كي تلاجة عرفها خلات لكليمة شاعلة
آسر:إيثار شنو
★أنثى الأسد★
159-شنو كديري حلي هاد لباب، مشا لدريسينك ديالو فتحو باش يلبس حوايجو لقاه خاوي مافيه شرويطة وحدة مشا جيهت باب لحمام والو مسدود لبرد بدا كيوصل فيه لطوب، مشا لباب كيخبط ويضرب
آسر:ايثااار حلي هاد لباب ولا انفرع بوه حلي حلي بلا خرا حلي اش هاد لعب
إيثار:من ورا لباب) اه لعب ديالك انت زوين ستغليتيني وكضحك عليا وعاجبك لحال ودابا تخلص خليك تما تصيف شوية راه صهد نيت
آسر:لوحي ليا غير تيليكوموند ديال لكليمة نسدها راه تجمدت
إيثار:لحتها فزبل دكدكتها شيرت بيها كليتها صافي مشات معليك غير تنعس تما اه فكرتيني راه خليت ليك واحد ليزار ولكن معرفتش واش يجي قد طولتك ولا لا، دار وراه بان ليه ايزار مشا فتحو لقاه قد لفوطة صغير ضرب بيه وكيزبل ويعاير، غادي جاي مرة يضرب فالباب مرة يكلس حاول يلطف هضرتو ويهضر معاها بصواب رجع جيهت لباب تاني
آسر:احم إيثار عفاك الله يخليك فتحي عليا راه انمرض وتكوني انت سباب هادشي الله يخليك فتحي خلينا نتفاهمو، مجاوباتوش شوية سمع موسيقى شعبية مجهدة وهي كتغني معاها باش متسمعو.
آسر:واخا حتى نخرج لوالديك ونوريك هاد لفعايل بشحال كيطلعو، لكليمة كانت مجهدة بزاف وهو عريان كلس على نموسية كيقلب على اي حاجة يلبسها مشا لماريوها كيبان ليه الكساوي ولمينيات ضرب بالباب ورجع تكمش، دازت تقريبا شي شي ساعتين ونص كانت ساعة ديك 11ونص دليل متكية ايثار على لفوتوي وكتفكر بحال الى حسات بتأنيب ضمير
إيثار:زعمة يكون بصح ايمرض وانا نيت خليت لكليمة مجهدة بزاف ناري وقيلة زدت فيه وكون غير دابزنا ونتفتو شي نتفة وعطيتو علاش كيقلب ومندير هكا وقيلة نمشي نشوف اشكيدير،جمعات لوقفة وبدات تمشا بشوية دورات ساروت فلباب وجاها صوت ديال شي حد كيترعد حلات لباب بان ليها فوق نموسية مكمش كيترعد او زرق بالبرد تخلعات
أنت تقرأ
أنثى الأسد
Mystery / Thriller✅كاملة✅ المشاغبة ومحبوبة الجماهير رجعات ، فرصة ومناسبة لي مقراهاش يقراها ولي بغى يعاودها يمكن ليه يعاودها ومن أول وجديد 💃🏻💃🏻💃🏻 داكشي باش قررت نزلها ليكم باش لي مقراهاش يرجع يقراها شكون توحش إيثار وهبالها😂😂 وشكون توحش محبوب الجماهير #تايغر...
