أنثى الأسد

120\121\122

★أنثى الأسد★
120-عندنا ميدار خرجو من لاسنسور وصى الامن لي عند لباب يحضي داخل ولخارج لحق على إيثار طلعو لطوموبيل وديمارا
إيثار:شكون هناء وأنور،شاف فيها آسر ورجع كيسوك
آسر:هادو من أحسن ضباط لي خدمت معاهم
إيثار:ممم واش هوما مغاربة
آسر:لا من لبرطقيز وراه باينة مغاربة
إيثار:امالك انت صابح شاعل ياك لباس كنكولو نهضرو بداب ونديرو هدنة بيناتنا ونديوها فخدامينا ولكن انت لا كيسحاب ليك راسك بنادم خايف منك ولا واجمع راسك راه بديتي كطلع ليا جنية لراس وزوينة هادي، تبسم آسر سايك ومبسم، إيثار حاضياه معجبة فيه
إيثار:ياربي طلبناك سترا وسلامة ياربي تخرجنا من دار لعيب بلا عيب بنادم كيكون فحال وتلقاه فحال كون غير بويا عومار مزال محلول حتى هو سدوه الله يستر، آسر مجاوبهاش نهائيا وقف طوموبيل قدام واحد لاصال ديال فيتنيس وزومبا،هبط وتبعاتو إيثار دخلو ستقبلاتهم لمسؤولة على تما داتهم لقاعة كبيرة دخل من بعد دقايق دخلو عندهم بنت او ولد ديبورا والونسو اساتدة ديال رقص لاتيني بداو معاهم من اول خطوات الونسو مع إيثار وديبورا مع آسر،ديبورا مالقاتش اشكال مع آسر نهائيا محتارف فجميع انواع رقصات إيثار لي خدات وقت مع الونسو
ديبورا:دابا جات نوبتكم بجوج تفضلو، خداها آسر بين ايديه لحمها رطيطب وريحة وردة لياسمين كتغلغل لنيفو سيطرات على لحواس ديالو بقات غادية معاه فنفس لخطوات لحظة معرفاتش كيف دارت حتى بجغات ليه على رجليه
آسر:اوتش واو هادو رجلين بنادم ولا رجلين لفيل
إيثار:بزاف عليه ولهلا يحييك كنلبس غير 37 مالك على بوحاطي
ديبورا:مطرا باس راه كتوقع حاولو مرا خرا غير بشوية وبلهدوء
إيثار:كوليه هو يتكالما وهو غير معبس
ديبورا:إيثار غير تهدني وطلقي راسك كيف درتي مع الونسو واخا ممم عندي فكرة حسي براسك انو لي قدامك شي واحد
★أنثى الأسد★
121-واحد كتبغيه واخا
إيثار:وهدي راه مشكيلة كبيرة انا مكنبغي حتى واحد وعمري بغيت
ديبورا:اوك هانتي حوالي تنساجني مع آسر شوفي ليه فعينيه ولى شوفي فشي بلاصة كتعجبك فيه، إيثار كتعلي فيه عينيها طلعاتو وهبطاتو
إيثار:نحاول واخا هو مافيه ميتعجب
آسر:هاه باز لوجهك كان عليا نسجلك لبارح ونوريك شنو لي معجبك فيا اما لي عجبك راه كثير وحسبتيه كدامي
إيثار:انا احم احم مهم خلينا نكملو،وقفو مقادين شاف ليها فعينيها نيشوان وهي كدلك كتشوف فعينيه وفمو وشعرو وبداو بجوج بتسلسل مع لموسيقى لاتينيا ايديه كيسرحو فوق لجسم ديالها كلو من ايديها وضهرها بحركات كتخليهم منساجمين وقرابين لبعضياتهم بزاف كيعنقها من ظهرها وهي كدلك كيحط وجهو على عنقها ويشم ريحتها لي بحال طبيعة اخر لقطة سلاوها فامهم قراب لبعضياتها وملصقها معاه كيتبادلو نظرات وانفاسهم كطلع وتعبط، ديبورا والونسو كيضربو رش ليهم وكيهتفو"برافو"ايثار نتابهات سرطات ريقها وبعدات عليه كتصايب فشعرها
ديبورا:برافو عليكم تبارك الله لمهم يوميا ايكون عندنا تدريبات بحال هكا تدريبات مجموعة وتدريبات منفصلة
إيثار:علاش ياك حنا تنائي بجوج خاص نحضرو لجوج
ديبورا:اه عرفت ولكن متنسايش راه قبل مغادي تشطحو كتنائي اتشطحو بوحدكم علاش مفخباركمش رقص الانفرادي
آسر:بتساؤل) لا مفراسنا والو
ديبورا:كاع لي مشاركين فمسابقة تشاينا تاون ايدوزو من اختبار رقص الانفرادي شباب ايجيهم بريك دانس ولبنات جاهم دانس اوغيونتال
إيثار:هههه كيفاش زعمة انولي فيفي عبده ههه لا لا صافي داكشي لي خاص
آسر:بلاتي أ إيثار نفهم سمحيلي استادة ديبورا انت منين جاوك هاد لمعلومات
ديبورا:حيتاش انا والونسو انكونو لمدريبين ديال لمشاركين خلال لمسابقة انا كلت واش فخباركم على قضية رقص الانفرادي لمهم رقص اللاتيني
★أنثى الأسد★
122-اللاتيني انخدمو عليه معاكم انو والونسو اما بنسبة لانفرادي كاين لي يخدم معاكم واخا وكنتمنى ان شاء الله نكونو فالمستوى نهار لمسابقة يلاه نتشاوفو من بعد، خلاو إيثار وأسر غير كيشوفو، خرجات إيثار وتبعها آسر ركبات فطوموبيل طلع جنبها آسر إيثار ساكتة حتى نفاجرات عليه
إيثار:اويلي على غدايدي على تواخر زمان إيثار بونجوم تهز لبوط وتشطح رقصني ياكدع على واحدة ونوص والله الى داكشي لي ناقصني فلحساب كاع كنت كنتوقعو حتى لهادي خرجات ليا فجنب، آسر للحظة تكرشخ بضحك كيضحك حتى دمعو عينيه
إيثار:وليت ضحكة انا على اخر يامي ياه وتاك ضحك
آسر:لا والله مهكاك ولكن انت وشرقي ميمكنش نتخيلها والله
إيثار:كتخنزر) بلاما تبقى تفرنس راه اصلا لي فيا كافيني والله ناري ياعيباد الله عمري حسبت حساب هادشي
آسر:وراه الى جيتي تشوفي مزيان هاد لقضيةبعدا تعلمي حتى الى تزوجتي تعرفي تشطحي راجلك، خنزرات فيه إيثار
إيثار:نشطح ليه داكشي لي بقا نيت لقا ليا شي حل أ آسر، بدات دبل فعينيها آسر على حجبانو كيشوف فيها
آسر:هاي هاي على لحنان طاح عليك اشمن حل هادشي راه داخل فخطتنا ميمكنش نرفضو هادشي ولا نبدلوه ولا كلشي ايتضرب لينا فزيرو مدام بدينا هادشي بجوج إلا وخاصنا نكملوه بجوج فهمتيني؟
إيثار:هي دابا على سعدي وعدي نتحزم ونبدا نلوي اجي هادشي مغاديش يبان فتلفازة؟
آسر:ضروري غادي يبان ولكن الى كان على والديك كوني هانية مغاديش يتفرجو فهادشي دشطيح ورديح، حطات إيثار راسها على لكورسي وغمضات عينيها
إيثار:اووووف، وصلو لاوطيل طلعو مع دخلو سونا سكيب ديال آسر مشا نيشان فتح لبيسي لقا لويس
آسر:وي لويس امضرا
لويس:هناء وأنور ركبو دابا ساعة عندكم اتكون 10دصباح كول 9دليل ايكونو فسنغافورة
آسر:مزيان فهمتيهم كولشي
لويس:اه وفرحانين حيت ايتعاونو