أنثى الأسد

154\155\156

★أنثى الأسد★
154-على شر أعمالو و..، قاطعها آسر
آسر:إيثار بلاما تعصبيني جيني فاص بلاما تبقاي دوخي عليا اش كاين؟
إيثار:احم(كتحك فراسها)هناء وأنور كيخونوك
آسر:بحالاش؟
إيثار:حصلتهم بجوج كيديرو رديلة
آسر:كيضحك) ههههه رديلة كاع شنو شفتيهم كيديرو
إيثار:لقيتهم كيتباوسو وكونما دقيت عليهم كانو ايديرو حاجة كثر والله مكنكدب عليك لا تسحابني بغيت نزدي ليكم سلوكة ولا غرت منكم اغير بحكم صداقة شوف مدير والو فبالك والله لعشية نخرجك ونشطك وتنسا هادشي لي درقك بحيط درقو بخيط
آسر:ههههههه دابا انت اتخرجيني تفوجي عليا ياك فعلا والله حتى تصدمت هناء وأنور كيخونوني وأنور صاحبي مضنيتهمش هكا، تلاح عليها عنقها كيضحك وراها وهيا مشيفاهش عنقاتو بقا فيها واخا هي قوية ولكن مكتحملش لغدارة ولخيانة
إيثار:كطبطب على ضهرو) صافي انا ليوم نخرجك ومنخليو حتى بلاصة نضحكو ونشطو امديرش فبالك
آسر:عنقيني بجهد محتاج شي حد يكون معايا كنت كنبغيها بزاف، زادت عنقاتو إيثار كثر كثر هو خاشي وجهو فشعرها كيشم فيها كون صاب مايطلقش منها، بعدات عليه شافت فوجهو
إيثار:انمشي تلبس حوايجي وحتى انت لبس ونخرجو واخا
آسر:واخا، خلاتو ودخلات لبيتها.
آسر:ههههه حمقة والله حتى حمقة كيسحاب ليها انا وهناء بجوج مسطية، دخلات إيثار حيدات حوايجها لبسات شوميزة بيضة مع سالوبيط شورط دجين وسبرديلة جرات كلابها قدامها وخرجات عندو
إيثار:انا واجدة سير بدل
آسر:واخا تسنايني دخل بدل غير سروال بواحد ديال دجين وخرج عندها هز سوارتو وخرجو غير ركبو وهو يكوليها
آسر:فين نمشيو دابا
إيثار:فينما بغيتي لمهم نفوجو
آسر:واخا الالة، ديمارا طوموبيل ومشاو لوسط لمدينة فينما داز كيوريها سنغافورة معاليم ديالها وبلايصها لمعروفين هبطو طوموبيل داها لمتاحف ديال لمدينة
إيثار:بلاتي نتسيلفاو،
★أنثى الأسد★
155-جبد تيليفونو وبدا يصور فيها وهي كتبوزا تهز فكلابها ويصور فيها معاهم تصور معنقها تصور بايسها فوجها،رجعو كيكملو دوران ديالها مرة معنقها مرة شادة ليه ايديه غير كضحك وهو كيشوف ليها فملامحها وهضرتها وكيفاش كتبغي تنسيه وتفوج عليه لوقت دغية كيدوز
اسر:اندي لواحد لبلاصة زوينة بزاف اتعجبك، ركبو فطوموبيل بقا غادي بيها غادي طلعو لواحد تلة غير وصلو بان ليها مدينة ملاهي قديمة مبقاش حتى حد كيجي ليها
إيثار:اش جينا نديرو هنا؟
آسر:دابا تشوفي غير صبري طلعي بعدا لهاد لكرسي انا انجي حداك، طلعات وطلع حداها هي شادة روني والكس وسام شدو هو برك على واحد لبوطونة فداك لكرسي بقا شوية بشوية كيتهز وهو يطلع كولو لفوق مع كيطلع بيهم مع كتبان ليها سنغافورة كلها، إيثار متحمسة كتلعب برجليها
إيثار:شفتي كيكايبان لجو زوين بزاف
آسر:حتى انت زوينة بزاف، دارت شافت فيه لقاتو كيشوف فيها هز ايدو حيد شي زغبات كانو داخلين ليها لفمها بدات تاني ترعد ورعشة طلعات ليها مع رجليها بدا كيهبط راسو جيهتها هاد لمرة هي سبقاتو وحطات فمها على فمو كتبوس فيه وحتى هو بادلها نفس لبوسة كتنهد وخرجات نهيدة من الاعماق ديالها بعدات عليه ضحك ليها وجبد ليها حنيكاتها
آسر:كتحمقيني كنشوفك مكنبقاش نسيطر على راسي
إيثار:حتى انا احم بغيت نكول هههه خاصنا نمشيو ظلام لحال
آسر:ياه الالة واخة، برك على ديك لبطونة وبدا لكرسي كيهبط حطو رجليهم على الارض يلاه جرات كلابها تركب جرها من ايدها ورجع باسها بجهد وركب خلاها غير كترمش كبقاتش كدافع على راسها ركبات وديمارا وزاد مكتشوفش فيه غاديين كتشوف فزاجة حتى حسات بيديه شدات ايديها بغات تجبدها منو مقداتش هي كتجبد وهو كيجبد
إيثار:اويلي طلق
آسر:نونونو خليها هنا هادي هيا بلاصتها، شافت حتى عيات وخلات ايديها
★أنثى الأسد★
156-ايديها فيديه،رجعو لاوطيل خرجو وهو مزال شادها طلعو بجوج قبل ميدخلو تمو جايين هناء وأنور من جيهة جايا جايين معانقين وقفات إيثار و آسر كيشوفو فيهم إيثار كتشوف فيه وتشوف فيهم أنور نزل على فم هناء كيبوس فيها
إيثار:احم شوف ميهمك راه ولاد لحرام دير راسك ماشتيهمش ماتهورش واخا تيق فيا واخا، آسر مهضرش هناء حسات بيهم دارت شافت فيهم آسر مزال شاد فيدين إيثار تبسمات هناء وشيرات لأنور شافوهم تمو جايين عندهم
إيثار:هاهوما جايين تحكم فأعصابك واخا،وقفو عليهم
هناء:كنتو خارجين حنا يلاه جينا
أنور:سي آسر شنو كين امم كاين شيحاجة ورانا اح عليك
آسر:كيضحك)ههه شنو ايكون مكاين والو
هناء:اممم عليا انا ولا اح عليكم بجوج، إيثار كتشوف فهدا وترجع تشوف فهدا مافهمات والو
آسر:انتوما ادوك جوج ايمتا اتفرحونا وتزوجو خلاص واش ديما اتبقاو تسلتو بحال الى سارقين
أنور:على أساس انت مكتعرفش هناء غير لبارح لي تصالحنا كنا مخاصمين
هناء:ولكن مصبرتش لخصامو وبلعاني كان كيتودد لايثار باش نغير منسهاش ليه،إيثار حسات بلقالب وحسات شحال هي مكلخة لكلب لعب عليها وزيدك زريقة حتى هو كان كيخدمها باش تغير هناء،نطرات ايدها من ايد آسر بعدات عليهم وزادت شوية رجعات عندهم وقفات ورا انور دقات ليه فضهرو غير ضار عندعا هزات رجلها حتى لسما وضرباتو لسلطان نيشان خلاتو كيتوجع
إيثار:هادي باش تعلم ديرني مصيدة
آسر:إيثار
إيثار:انت اتسد داك ضرقوش عندك ومتهضرنيش،خلاتهم ومشات حلات جناح ديالهم دخلات كلابها لبيت ودخلات بدلات حوايجها لابسات شورط طويل وديباردو جمعات شعرها سفنجة مشات جيهت تلاجة بان ليها آسر واقف جبدات بانيني لي بقا ديال وبيتزا دارتهم فلميكرو ويف حتى سخنو هزاتهم ودخلات لبيتها وسدات عليها هدوء ديالها مكيطمنش عاصفة قريبة جايا فطريق.