أنثى الأسد

84\85\86\87\88\89

★أنثى الأسد★
84-ايثار:واخا مكنحملش فيك شعرة ولكن انا صريحة معندي منسالك راك دماغ، تبسم ابتسامة على جنب
إيثار:بلاما تبقى تفرنس ويعجبك راسك بزاف
آسر:دابا قربنا نوصلو بلاما نوصيك الى سولك موسيو لي على شعرك
إيثار:صبغتو
آسر:وسميتك؟
إيثار:أسية ولكن إيثار لقب ديالي باش منتيروش شبوهات
آسر:برافو
إيثار:بلتما تبقا توصي، رجعات سكات وعطات انتباه ديالها لمباني سنغافورة بلادروعة بزاف منظرها بليل كيفتن بدا كايبان ليها واحد لمبنا كبير وعالي قدامو سبع كايخرج من فمو لما دارت طوموبيلت آسر وبدات غادية فواحد طريق طلعات راسها عرفات انو هدا هو لوطيل كبير بزاف غادية وفجنابك ينابيع ديال لما طوموبيلات غادين جايين غير راقيين خرجات راسها من سرجم كطل
آسر:دخلي راسك مزال دوري وتبشعي شوفان، دخلات ايثار شافت فيه
إيثار:وانت اش حرق شطاطتك ندلدل راسي انا كاع همك شغلك سوقك
آسر:الى درتي هاديك اتكون احسن حاجة اتهنيني من شي حاجة كنت انا انديرها وبيديا وطال زمان ولا قصار انديرها، وقفات طوموبيل هبط وخلاها كتفك سمطة هبطات دارت سكادو على ظهرها وجرات كلابها غادية فجنبو مكتخليهش يسبقها دخل لخدام لبالز ديالهم لوطيل من لداخل عالم اخور من نحية ديكور من نحية لخدمات لي خدامين فيه نصهم بنات بالفولار ونص بلا فولار عويناتهم مجيبدين جا واحد راجل عند آسر جرو من ايديه وبعدو على إيثار كيبان ليها كيحرك فراسو حتى سالة وجا لعندها
آسر:اجي ايوريونا بلاصتنا فين انكونو
إيثار:ياك كلتي ليهم يعطيونا جوج بيوت منفصلين ياك
آسر:إيثار زيدي كدامي راه كلتها ليهم، تبعو داك سيد ورجال لوخرين وراهم طلعو فلاسنسور وقفو عند واحد طابق بحال شقة كبيرة
سيد:مرحبا بيكم هاد لجناح وهاد لجهة مخصصة لموسيو لي وهاد لجهة مخصصة ليكم اما نحية لماكلة اتبقاو تاكلو مجموعين
★أنثى الأسد★
85-باش يكون امان كثر حيت تبعا لتعاليم مخصناش نفلتو عليه ولو دقيقة يكون بوحدو مهم دابا اتمشيو ترتاحو كيف كتليك موسيو تايغر لمعدات كلها اتلقاوها فالبيت بينما رتاحيتو وبدلتو عليكم ايشوفكم موسيو لي
آسر:شكرا يونغ، شد من عندو سوارت وحل واحد لباب دخل وتبعاتو إيثار جناحهم كان بحال شقة جوج حمامات وكوزينة لاصقة مع صالون عصري، بقات كدور إيثار فشقة وتشوف طلقات كلابها حلات واحد لباب لقات بيت كبير بزاف فيه جوج نوامس كبار لاصقين فالحيط كايتضغط على واحد زر كيهبطو لاحت صكادوها وكبطها وخرجات عندو
إيثار:اداك بلارج يلك كلتي ليهم انكونو فييوت منفصلين شفت ابيت واحد وجو نوامس
آسر:كيخوي ليه كاس دالقهوة) كلتها ليهم ولكن موسيو لي رفض كاليك خاص نكونو فبيت واحد باش الى طرا شي حاجة نكونو بجوجنا فالموقع بغيتي تهضري معاه راه سيري ولكن منظن ايتسنط ليك وغادي تحطي راسك فنوقف خايب بزاف اللهم صبري علما وجد ياك انت مخايفاش مني وكلتيها بفمك فين كاين لمشكيل
إيثار:وانا علاش حاسة انو هادشي من تحت راسك وانت لي مخطط ليه وضاحك علي
آسر:انا مسالي ليك غير انت الى ساليتي اجي نهضرو فالمهم خلاص
إيثار:واخا واخا ابا سويسير نتفاهمو من بعد،جات قدامو كلسات كتشوف فيه ناض هز صندوق كبير وحطو قدامها حلو كان فيه كاع انواع سلاح فالمجر لول لمجر تاني كان فيه شي حوايج لاعلاقة ليهم بسلاح سنسلة دالعنق عكر فالحمر مسكة، إيثار شافت فيه وتكرشخات بضحك
آسر:مالك كتفرنسي واش هادشي كيضحك
إيثار:سمحلي ولكن لاش هادشي وانت كتعكر وانا كنكول ديك لحمورية لي فمك ملشي طبيعية
آسر:ممكن تسكتي شوية داك دركوم عندك راه هاصو لهديم انت طاسيلتك راه اندير فيك ايدي سدي فمك وحلي ودنيك كل واحد فينا عندو سلاح ايخبيه تحسبا لاي حاجة هدا (هز صناطات دلودنين)
★أنثى الأسد★
86-هدا كل واحد فينا ايديرو فودنو هو صغير مكايبانش وممنوع سمعتي تحيديه من ودنيك
إيثار:نديرو فينما مشيت واخا ندخل لكبينة نبول نديرو
آسر:وجه لكوابن) اياه الالة فينما كنت اي حاجة كنت غير تهضري انسمعك وحتى انا اي حاجة كلتها اتسمعيها
إيثار:لمهم منضمنش ليك ايعجبك الحال الى سمعتي اش كنكول انا راه كنعرق ليك مكنخلي منكول اديرها فبالك
آسر:معليناش هادي (هز سنسلة)اديريها فعنقك متحيديهاش واخا ماشي ستيلك (طلعها وهبطها)ولكن ضروري ديك نونة ليكتشوفي كميرا اتخلينا مراقبين داخل ولخارج وكةلشي ايتصور صوت وصورة تفاهمنا اما الالة هادا(عكر)اتخليه معاك ديما فساك
إيثار:ولكن انا مكنعكرش
آسر:هادا ماشي عكر عادي هادا كايخدم تحت الاشعة لفوق بنفسجية وفيه لايز كايخدم على بعد مفهوم دابا وسلاح مايحيدش من جيبك لا هو لا رصاص ديما يكون معاك.
إيثار:جاني راسي بحال الى انت جيري وانا هي لجسوسات خاصنا غير الكس وكلوفر خخخخخخ
آسر:لاحول ولا قوة إلا بالله، نوضي بدلي حوايجك باش نشوفو موسيو لي
إيثار:عجبك راسك داير فيها راجل بطال زعمة
آسر:يكما بغيتي نوريك واش راجل ولا خلينا حتى نجيو من عند موسيو لي ونوريك تباتي سهرانة ليل كلو وانت كتهتي بسميتي، جا حتى لحدا وجها وباسها بالخف ومشا لحمام
آسر:(من لحمام) سربي خلاص مغاديش نبقا نتسناك
إيثار:سلكوط سلكوووط مكبوووت بو شلاقم عاجبك داك بو ودنين لي عندك كتحكني زعمة ياك واخا واخا قيد عندك رجلين نعامة قيد عقل علاما درت ليك ومزال جاي فطريق اتخلص،هزات ايدها كتحك فحنكها وكتسمع فضحك ديالو من وسط لحمام
ايثار:تهجرو ان شاء الله بغيت داك لفم يطردك بلحبوب ياربي وتولي زيزون تهضر بصبع ان شاء الله ياربي،دخلات لبيت وضرباتو بجهد ضربات طارطاويت فوق نموسية وكضرب رجليها مع لحيط بحال ليزانديان.
★أنثى الأسد★
87-بردات غدايدها ناضت بالخف لبسات حوايجها سروال خضر تيشورت بيضة وتجاكيط كويرة فالكحل وهزات ساك ديالها وخرجات لقاتو على برا شاف جيهتها ورجع شاف فساعتو
آسر:يلاه مخاصش نتعطلو على سيد، خرجو بجوج دقة وحدة لقاو داك لمساعد كيتسناهم على برا فتح ليهم باب كبير دخل هو الاول تبعاتو كان كالس واحد سيد قصير شوية داير نظارات ديال شوف عويناتو مجبدين وشعرو فيه خصلات ديال شيب كالس بكل فخامة كيقرا كتاب غير دخلو شاف جيهت آسر تبسم حط لكتاب من ايديه وتم جاي عند لسر فاتح ايديه
لي هاسين:الحوار بالإنجليزية)تايغر تايغر تايغر وأخيران تلاقينا مدة هادي بيناتنا ياك
آسر:مدة طويلة امورك مزيان موسيو لي
لي:انا هو انا لا شيء يدكر، طل وراه بانت ليه إيثار تبحلق فعويناتها
لي:انسة أسية تشرفت بمعرفتك، تقدمات إيثار مدات ليه ايديها
إيثار:وانا كثر موسيو لي نهار كبير هدا، نغزها آسر كيضحك
لي:كيبان ليا بدلتي لوك ديالك
آسر:على حساب شبهات حتى الاسم ديالها من هنا لقدام إيثار راك عارف شنو كاين
لي:مزيان مزيان منخافش عليك اتايغر سمعة ديالك سابقاك وتبارك الله عليك طبعتي اسمك فسوق الاروبية وحتى فجهاز الامن انت الاول
آسر:هادي شهادة كنعتز بيها
لي:وحتى انت انسة أسية برافو عليك عرفت نختار وانا تايق فيكم بجوج
آسر:الى بغيتي ممكن نبداو من دابا تعطينا معلومات على نوع رسائل ليكايجيك
لي:تايغر انا عارفك مضبوط فخدمتك ولكن وصل وقت نعاسي نشرب دوا ونعس انا كنت كنتسناكم باش نتعرف عليكم غدا ان شاء الله انهضرو فوق لفطور دابا سيرو ترتاحو وعلى سلامتكم ومرحبا بيكم فسنغافورة
إيثار:ان شاء الله نكونو عند حسن ظن، ستأدنو منو ورجعو لبيت ديالهم،رمات إيثار ساكها وتجاكيط ديالها ودارت ايدها على جنابها كتشوف ف آسر لي مشا حل تلاجة كيصايب سوندويتشات
★أنثى الأسد★
88-ليه حس بجوع كيصايب ويصفر بلعاني عارفها حاضياه كيمشي من هنا لهنا ويقاد
إيثار:ولايني راك شلاهبي ديال بصح عجبك راسك اراس طارو فاش كنا لداخل(كتعيب موسيو لي) تبارك الله عليك وليتي معروف وانت نوض تيقتي راسك انا بغيت انفهم هاد ناس اش عاجبهم فيك انا بعدا كتجيني لاعلاقة والله،آسر مداهاش فيها صايب عشاه حطو ليه قدامو وبدا كياكول وساكت
إيثار:كرشك كبيرة كولينا غير بسم الله داكشي اضربو بوحدك
آسر:لي بغا شيحاجة راه كوزينة يصايبها زايدون داكشي لي كليتي فطيارة مكليتوش انا
إيثار:وبغيت ليك حناش سينتا ان شاء الله وكيف شتيني تخليني بنادم انت تاكول وهو كيحسب ليك لكمة لي كدوز فقرجوطك ياربي سلامة خشي فوجهك خشي راسك كي مسمار جحا خزيت ياربي سلامة، خلاتو ومشات تصايب لراسها حتى هي تعشات وسالات مشات لصالون مالقاتوش كتسمع دوش خدام عرفاتو كيدوش دخلات لبيت ستفات حوايجها فدريسينغ بدلات حوايجها لبسات تيشورت وسروال فضفاض طلقات شعرها وتخشات تحت لكوفر هزات لبيسي ديالها كتقلب وتقرا شي معلومات دخل هو طلعات عينها فيه بان ليها كيخنزر فيها مالابس والو لفوق مشا جيهت حوايجهم حتى هو دخلهم ورتبهم فدريسينغ سالة ودار لعندها
آسر:مغاديش طفي داك ضو
إيثار:وانت مغاتسترش راه ناعس معايا زعمة
آسر:عادي انا عند بالي ناعس مع صاحبي بحالي بحالك اسي إيثار
إيثار:كيفاش زعمة دابا كتحكني كتقلي ليا سم ياك
آسر:طفي ضو معاك مكنحملش نعس وضو شاعل
إيثار:وانا مزال مجاني نعاس بغيتي تركد راه ركد حتى نسالي ويجيني نعاس ونطفي ضو
آسر:عرفتي الى نضت ليك راه غانديرو شي طاب وشي مطاب
إيثار:لا انت قرر واش بغيتي طيبو ولا تخليه خضر بلاما تفلى عليه
آسر:لاخر مرة انكوليك سدي داك لمشقوف وطفي ضو ودوزي تنعسي بغيتك نعسي ماتنوضي ونتهنا منك،حطات بيسي
★أنثى الأسد★
89-حطات بيسي من ايديها وطلعات فوق نموسيتها
إيثار:ايوا ايوا متيحابش راسك غير راجل دير لي بغيتي وتبقى تحكم وتعاير اسييررر واااش مضسرك هذاك لي مدلي هذااك را تااا عند لقرررد انووض جمع مرااودك من طريق قبل لا نتقب لخوويااا لافيشور راه مزال مكتعرفنيش راني خاسرة راني نكعا ونجبد لفعة ونقسمها على ربعة ونبيعها فسوق لاربعا وجمع وطوي معايا ودخل سوق جواك حسن ليك،وقف آسر تقابل معاها
آسر:ولايني راكي حلايقية مع راساتك وعنداك تمشي غالطة ميغركش لمضهر راه شماكرية لي عاشرت انا معشرتي فيهم لاتلت لا ربع شوفي اديك لبرهوشة راه جمعت ليك حتى عييت متزيدينيش خراك حتى انت وصداعك اتكلسي وتكملي هاد زبل لي جينا على قبلو ودخلي سوق جواك وتجري تقودي تنعسي ولا قسما بالله ليوم ميطلع عليك صباح،قربات منو إيثار حطات صباعها فوجهو ويلى مدرت هادشي لي كلتي اش ادير اعضيم طيو
آسر:اديك لبرهوشة جمعي عليا ضفارك راه معارفاش معامن كدوي
إيثار:معامن فملك الله أردوغان؟واتا نوض قبل لانوريك البرهوشة علاش قااادة
اسر:هنا قدامك و ريني شطارتك و لا غي القمومة "الفم" لي فيك طاارت عليه بعضة ليدو تالزغاتو
إيثار:ها لقمووومة لاش صااالحة بااش نتااا كبررر مني باش بديك طولة! ندير طالون نجي طول منك بداك عضلات !! سوتياماتي يضربوهوم فزيرو بموسطاج . هااهوو عندي تاهو يلاه باش فايتني،جبدعا من رجليها طاحت على نموسية طلع فوق منها وكلس
آسر:كتعضي المجعورة كتعضي شايط عليك داك لفمك دياك انت كتقلبي على خلى ضار بوك وراه كلتها ليك قبل كتليك متقديش عليا ولي فراسك فراسك
إيثار:طلق مني الى كنتي راجل طلق مني داكشي فاش فالح عاجبك شتي انت خاصك طهارة من لول وجديد باش دخل جواك،تلاح ليها على عنقها مصو ليها كتركل بحال دبيحة طبع ليه عنقها كلو بلعاني تلاح