أنثى الأسد

110\112\113

★أنثى الأسد★
110-رجعات بلور كضحك على فعلتها لي دارت مشات جيهت دريسينغ ديالها فين مستفين لحوايج جداد واقفة وكدور وفكرتها لي فبالها تخرج لعقل لتايغر وتخليه يشالي فزناقي طاحت عينيها على واحد لبسة بدات تحك ايديها وتضحك بشر لبسات صايا لي كانت طويلة ولكن كلها مشبكة وفتحتها طويلة بزاف فخضها كلو باين كان فلون ازرق ليلي مع تريكو مخطط بالزرق ولبيض ايديه جايين كلوش وقصير كرشخا باينة مع صندالة عالية فلون الاحمر وساك بسنسلة فزرق منبت بالحجر طبقات تعاليم جاك ديال مكياج حاجة خفيفة ورشات من ريحة جديدة لي جات مع لحوايج
إيثار:اوبلى وحنا دابا وجدين، فتحات لباب كان واقف كيتسناها لابس سروال كحل وتيشورت فالبيض ولكحل طلع عينو فيها
آسر:مع راسو) داكشي لي كان ناقصني لي درناه تضرب كامل فزيرو
آسر:مجاتكش هاد لبسة والله كون ابدتيها حسن
إيثار:كتبدل هضرتها تماما) كاع حوايجي قطعهم جاك باش منرجعش نلبسهم مالقيت شنو نلبس مشينا انتعطلو اجي فين اتديني بعدا
آسر:حسابي مع جاك هو لاخر احم انمشيو لواحد لبار هنا
إيثار:اشنهو لبار لالا تبارك الله عليا بقاو ليا البيران وراه وجهك نيت ديال لبيران
آسر:انت راه حرام تبقاي فشخصية وحدة ضروري
ترجعي الاصلك واش تسحابي لبيران ديال لمغرب ولا هدا بار وريستو فنفس الوقت معروف هنا فسنغافورة وفيه وصلات ديال رقص لاتيني بغيت نديك تكسبي خبرة شوية فهمتي
إيثار:اه واكولها من صباح
آسر:وعلاش انت خليتي ليا لفرصة فين نهضر زيدي هلاص يلاه انلقاو طبلة لينا توصل 9 متلقايش بلاصتك، خرجات هي لولة قدامو تابعها من لور وكيشوف فمشية ديالها بحال عارضات الازياء كتعوج قدامو ركبو فلاسنسور هبطو لبلاصت طوموبيلات مشات هي جيخة طوموبيلتو كتسناه يفتح دارت ملقاتوش نباها من لور
آسر:مغاديش نمشيو فهاديك انمشيو فهادا،دارت
★أنثى الأسد★
111-دارت كايبان ليها راكب على سكوتر فالكحل ولحمر كبير
إيثار:واو ستك ستك دابا عجبتيني،تمات جايا كتجري قربات توصل حداه زيت طوموبيلات لي كان مكبوبة خلات رجلها تمشي بيها وترجع باللور كونماشي ايدو لي جراتها وجيحاتها فصدرو وبين ايديه، تعلات عليه كترمش فعينيها وتشوفيه آسر قلبو كيضرب فتسعين رجع ليه نفس الإحساس عرق فعنقو كيضرب وقلبو دقاتو متسارعة، حركات راسها وتقدات فلوقفة ورجعات وراه وركبات
إيثار:يلاه مشينا
آسر:شدي فيا، حطات ايدها على كتافو ديمارا سكوتر ونطالق فشوارع سنغافورة لكبيرة شعرها رطب طاير مع ريح فرحانة بهاد ركبة كتصرف بطفولة آسر حتضيها من لمرايات كيفاش كتصرف، وقف بيها فواحد زنقة وهبط
إيثار:فين حنا
آسر:انخليو سكوتر هنا باش نخرجو لشارع اورشارد نيشان تما زحام ميمكنش ندخلو بسكوتر حتى لداخل
إيثار:آسر بان ليا بحال شي واحد تابعنا
آسر:مبان ليا حتى واحد انا
إيثار:لا بان ليا انا وكلت غير صدفة ولكن دابا فاس كنت كتهضر بان لي شي راس طل من لهيه
آسر:فين، دار كيشوف مشا جيها فين كالت ليه كيشوف ايمين وشمال مبان ليه حتى واحد
آسر:ايكون اشي واحد داز من هنا
إيثار:يمكا يسرقو ليك سكوتر
آسر:متخافيش فيه جهاز تتبع وجهاز اندار يمسو شي حد غير اتسمع عنظي هنا(شير لساعتو) يلاه نمشيو خرجو من ديك زنقة مسافة خرجاتهم فشارع كبير ناس غاديين جايين بحال شي موسم
آسر:اري ايديك فأي لحظة ممكن تلفي واجا مانلقاك
إيثار:لا متشد فيا منشد فيك لي شافنا يكول بيناتنا شيحاجة بغيتي تهرب عليا توتوز شد ايديك عندك
آسر:اري ايدك لهنا بلا هضرة(شد ايديها بين ايديه بزز منها)، شارع كان كلو نوادي ليلية داخل كثر من لخارج ريستورات كبار محلات تجارية قدهم قداش، وقف بيها قدام واحد لباب كبير فالكحل واقفين فيه جوج رجال بلباس رسمي
★أنثى الأسد★
112-بلباس رسمي فلكحل وكتوب علىبابو بلحمر(altitude gallery et bar)مد ليهم آسر واحد لكارط شافوها رجعوها ليه وفتحو ليه لباب مع دخلو كتسمع لموسيقى وزدحة بنات دراري هالي مع صاحبتو كل واحد وشنوكيدير
إيثار:يشوفني لحاج عمر يحيد لورقة ديالي من لحالة لمدنية
آسر:مغاديش نكلسو هنا انطلعو لفوق، مساتو فيدو شاف فيها وشيرات ليه ليديه لي شاد ليها ايديها
إيثار:واش حتى هنا كاين زحام
آسر:غير نسيت ماشي حبا فيك شاد ليك ايديك
إيثار:ودابا انت لي وليتي نكار ماشي انا خلينا عايشين لجو ولحظة شحال هادي ماشطحت، حدامن مادازت كيشوفو فيها رجال اعجاب بيها ولعيالات نظرت سم حيت جايا مع تايغر لي شحال من وحدة مع دخل حطاتو فراسها تصيدو، طلعو لفوق كان عالم أخور طبالي فدهبي وكراسة عاليين شباب وبنات مجمعين لي شاد مشروبات ولي شاد عواصر ولكن الاجواء ماشي بحال لتحت موسيقى خدامة خداو طبلة كانت خاوية وكلسو فيها مع كلسات إيثار تفتحات لفتحة وباينة رجليها لي كانت بحال لحليب رما آسر عينيه عليها كيشوف فيها عكب شاف قدامو جا عندهم واحد سرباي يولهم اش يبغيو يشربو
آسر:جيب ليا مشروب مخلط وزيدو شوية ديال لكحول وهي جيب ليها كوكتيل سنغافورة
إيثار:هيا ناوي ليلة تعميها
آسر:مع راسو) الى زدت معاك دقيقة انكحلها ماشي غير نعميها
إيثار:شوف ديك خيتي شفناها عند لباب طلعات تبعاتك وكالسة مقابلة معاك
آسر:باش عرتيها تبعاتني
إيثار:هاه على سؤال ومالها اتبعني انا شوف كيف كتحرك كاس ديالها شفتي لي كدير ديك لحركة دائرية على فم لكاس وتشوف فشي حد راه بغاتو
آسر:هاي هاي ولايني راك مساهلاش منين عرفتي هادشي
إيثار:واش انت هبيل مالي جايا من ورا شمس وراني عارفة او واعية ماشي انبان لي طرطارة تكول فيا الفم
آسر:ماشي غير لفم كتشافت فيك حوايج خرين
إيثار:اش
★أنثى الأسد★
113-جاب ليهم سرباي لمشروبات ديالهم هزات كاسها كتشربو فيه حامض مانكة خليط ديال لفواكه الاستوائية، آسر مقابل واحد خيتي لي كالت ليه إيثار كتشوفيه وتغمز فيه
آسر:إيثار خليك هنا انا جاي نمشي لحمام ونجي
إيثار:ههه عليا انا ولا داير لعدر بلحمام باش تشد نمرة وشكون داها فيه سير عندها نيشان ترجل شوية اصاحبي باز
آسر:من بعد ونتفاهمو على كلمة ترجل، ناض من حداها مشا لحمام لي فعلا كان بصح غادي ليه غير شافتو ديك خيتي تبعاتو، بقات إيثار بوحدها كتشوف ليكوبل كيشطحو بان ليها ظل وقف عليها علات عينيها كيبان ليها واحد طولة ولجمال نوع لي كيعجبها شعر زعرولعوينات عسليين بحال شي اسباني
"يوسبيك انكليش
إيثار:يس
"اوك انا رودريكو وانت
إيثار:انا إيثار
رودريكو:اسمك عربي
إيثار:اه انا مغربية
رودريكو:مشرفين انا ايطالي سمخيلي الى برزطك شفتك مع داك سيد قلت واش حبيبك حتى شفتو هو واحد لبنت فلحمام كيتباوسو وقلت ايكون غير صديق
إيثار:كتهضر بدارجة) هداك فينما مشا يمد شلاقمو بغيت ليه فيهم جربة ان شاء الله
رودريكو:شنو كلتي مفهمتش
إيثار:ههه كتليك اه صديق ديالي هداك بحال خويا مديرش فبالك،هزات كاسها جغطاتو كامل
رودريكو:ممكن تشطحي معايا
إيثار:ههه انا مكنعرفش لهاد رقص لكلاسيكي
رودريكو:انت غير تطلقي بين ايديا ومشي مع خطواتي ومع الايقاع ويكون كولشي هو هداك
إيثار:اياه علاش لا (احح على توتوز والله لا فلتك من ايدي يابيا يابيك) عطاتو ايديها وكتمشى بالقياس لي شافها يحلف عليها ماشي هي لي كانت قبل،وقفو مع ليكوبل لي كانو كيشطحو خدا ايديها بين ايدو وعنق الخص ديالها وكيوريها كيفاش تمشا وكيفاش دير تبعات داكشي لي كيكول ليها وطلقات راسها بين ايديه نسات آسر نسات كلشي كتشطح وهي فرحانة كتحس براسها فراشة طايرة فرحانة بزاف وغير كضحك