أنثى الأسد

130\131\132\134

★أنثى الأسد★
130-انا لي عارفاه
أنور:معرفتش والله جاتني عجب كيف كتهضري عرفتي تايغر عمر شي حد تجرأ يدور فيه ولا يرد عليه لهضرة نهائيا لكبير وصغير كيحتارمو هو رقم واحد فخدمتو لولة وحتى ديال دابا كولشي كيتمنى يخدم معاه وكولشي كيدير ليه الف حساب
إيثار:حتى لهاددرجة علاش زعمة
أنور:واخا تشوفيه قاسي ولكن طيب بزاف ويفديك بحياتو الى جابتها لوقت الى جاتك فرصة تشوفي ضهرو ايبان ليك فيها شي ندبات خفاف شحال من مرة غامر براسو فالخدمة وتصاب بالقرطاس وانا واحد من دوك ناس لي حماهم
إيثار:ممم زيدك لبلارج مسويهلش كنت مدية عليه نظرة غالطة صراحة دابا كبر فعيني
أنور:كلنا كبير فعينينا
إيثار:خصوصا هناء ياك هههه
أنور:الله أعلم مهم الى بغيتي انا نوصلك الى ايتعطل
إيثار:اه واخا تسناني نجيب ساكي ونجي، مسحات فمها ناضت دخلات لبيت ورجعات عندو داير ايديه فجيبو وكيتسناها خرجو لجوج سدات لباب وراها وهبطو بجوج كيهضرو ويضحكو مع بعضياتهم لخرجة لي خارجين من باب لوطيل حط أنور ايديه على ظهر إيثار مع لحطة مع مجية ديال آسر ومعاه هناء شوفات لي كانو فعينيه بحال سهم كلها شرر
أنور:هانتوما صباح نور
هناء:صباح لخير فين غاديين
إيثار:أنور ايوصلني لتدريب
آسر:برود) وقيلة انا وانت لي ثنائي ولا كدبت
إيثار:مكدبتيش كتفكر الي بغيتي انت لي يمكن نسيتي شحال ساعة راه مشا لحال ودابا خاصني نكون تم
آسر:تسنايني نبدل ونجي نمشيو
إيثار:لا على راحتك لصلا عندي تدريب انفرادي هو لول أنور ايوصلني غير خود راحتك حتى نتلقاو هاني مشيت، شافت فأنور"يلاه انور تعطلنا"
أنور:يلاه نشوفكم من بعد، دار ايدو ورا ظهر إيثار حتى لحدا طوموبيل فتح ليها لباب حتا دخلات ومشا هو ساك كولشي هادشي تحت نظرات آسر لي داير وكيشوف فيهم هناء كتكلم فيه والو وتكول واش جاوبها
هناء:آسر
★أنثى الأسد★
131-هناء:اسر راه كنهضر معاك زعمة واش غادي نبقاو هنا
آسر: أهاني تابعك،دخلات هناء وتبعها آسر دخلو لشقة لي فيها اسر وإيثار
هناء:واش إيثار فراسها
آسر:راك شفتيني يلاه جيت وهيا خرجت زربانة خليها حتى نرجعو ونكولها ليها 14فبراير هو عيد لحب وفنفس لوقت هو افتتاح ديال لمسابقة ولاد لحرام بغاو يستغلو لفرصة تكون دنيا عامر باش باش ينفدو لخطة ديالهم مزيان
هناء:داكشي فاش فكرت حتى انا امتا وصلاتك لبرا انت
آسر:لبارح منين رجعنا من لمؤتمر مكانش فيا نعاس كلت نتمشى هزيت سوارت ديال طوموبيل طلعة لي انطلع فيها لقيت ورقة فوق زاجة وفيها نفس لكتابة بالأشعة لغير مرئية فيها"14فبراير عيد الحب ولكن ممكن يكون نهاية حياة شخص أخر"رسالة ممفهوماش بعدا تخربيق ألغاز
هناء:سير دوش بعدا خاصك تخلط على إيثار نسيتي
آسر:والله حتى نسيت تسنايني هنا نبدل ونجي، دخل آسر لحمام دوش عليه عاد رجع لبيت بدل عليه لبس سروال كيطمة تيشورت بيضة قبية فالبيض وزرق ونظاظر دشمس خرج هز سوارتو وتيليفونو وخرج هو وهناء شدو طريق عند إيثار وصلو بلاصا طوموبيل ودخل هو هناء لاصال مشاو نيشان لقاعة فين كتكون تدريبات درقص دور آسر لبوانيي وفتح لباب مع على راسو بقا واقف متحركش كانت موسيقا ديال طانكو خدامة وأنور واخد إيثار بين ايديه كيشطحو واحد كيشوف فعينين تاني محاسينش باش كيوقع حداهم آسر دقات قلبو كيضربو لغدايد شدو مكرهش ينزل على أنور بشي بونية يسلخو تحكم فراسو حتى سلاو شطحة ديالهم اساتدة لي كانو ضربو ليهم رش
ديبورا:إيثار شنو وقع ليك هاد نهار تبارك الله عليك برافو
آسر:احم بديتو بلابيا
ديبورا:اوه موسيو آسر تعطلتي وطوع موسيو أنور يشطح مع إيثار فبلاصتك
آسر:وتبارك الله لالهم إيثار جتها من لجنت وناس مزيان
ديبورا:دابا ندوزو للمفاجأة إيثار واجدة؟
★أنثى الأسد★
132-إيثار:الله يسمعنا خير
ديبورا:ايوا الالة أول حاجة هو عندنا ليك هدية لبسة لي اتلبسي يوم لمسابقة اتكون منا ليك وتاني حاجة هي اتجي معايا دابا باش تفرجينا واش شديتي شيحاجة ولا والو
إيثار:كتشوف فيهم) واش قدامهم
أنور:علاش عادي انا شفتك كبيلة وتبارك الله عليك كتعرفي غير كنت فالاول متخولة وصافي، آسر مطلع حاجبو ومبسم كيشوف فيهم بجوج بحال الى كيعرف بعضياتهم شحال هدا
آسر:اه علاش لا هادو غير حنا
ديبورا:يلاه اجي معايا، خرجات ديبورا وتبعاتها إيثار دازت مدة قليلة دخلات ديبورا شاقو فيها كيتسناو فإيثار بدا صوت لخلخال كيتسمع نغمات ديالو كولشي عطا انتباهو لباب خصوصا آسر متشوق يشوفها مع رمات اول خطوة برجيلاتها لبيضين آسر تبنج طلعها وهبطها كيف كتبان لعقيق لي على جبينها الاكسيسوارات فعنقها كسوة فشيبي كلها منبتة بالحجر كرشها عريانة وصايا دايرة بحال نص ديال حورية لبحر معريين من جناب وفيهم وردة منبتة تمات داخلة وأسر متبعها بالعين مسحور فيها كتبان بحال لفراشة لون ناسب لون لبشرة ديالها، خدات ديبورا ستيريوا على أنغام أغنية"يلا بينا يلاه"بدا جسم إيثار كيتمايل من جنب لجنب كرشها لي كانت كلها كترعد لخلخال لي كلما لعبت برجليها كيعطي صدى ديالو ايدها لي كانو كيمشيو ويجيو بحال الامواج فعلا كانت بحال لفراشة، آسر غير كيسرط ريقو دار عند أنور لقاه حال فمو ليها معرفش كيفاش حتى حط ايديه على عينين أنور غطاهم ليه باش ميشوفش فيه، هي مزال مسلات مشا جيهت ستيريو وفطع لموسيقى وقفات إيثار شافت فيه
آسر:براكة حتى لهنا شفنا لي خاصنا نشوفوه دابا مزيان ولكن انسة ديبورا علاش بضبط هاد لبسة يمكن تشطح بلبسة عادية او لا
ديبورا:لا ضروري من لبسة درقص تلبسها باش تقدر تدخل للمنافسة تبارك الله عليها عقلها خفيف ودغية تعلمات
★أنثى الأسد★
133-تعلمات لحركات وملقيتش معاها حتى موشكيل شحال من وحدة خاصني معاه بزاف دالحصص ومكتعلم ولكن إيثار حصة وحدة شدات ومزال مع تدريبات جاية اتزيد تعلم
آسر:شكراً انسة ديبورا عدبناك معانا شباب مشينا
إيثار:مالك زربان فيك طيكوك بلاتي نلبس عليا حوايجي
آسر:ياك انت جيتي مع أنور رجعي معاه اش بغيتينا حنا، شافت فيه هناء بتعجب وحتى أنور
إيثار:ومالي طلبتك تديني معاك وليتي طاكسي وراني جايا مع أنور وغادي نرجع معاه مشوكة فيك، خلاتهم ومشات تبدل سلات رجعات لقات انور كيتسناها خرجو ركبو فطوموبيلتو ومشاو للوطيل غير دخلو لقاو آسر وهناء كالسين مد ليها آسر ورقة بلاما يهضر معاها شداتها منو قلباتها لقاتها بيضة جبدات لعكر من ساكها شعلاتو وبدات تقرا فتهديد
إيثار:ايمتا جا هدا
آسر:لبارح بليل كنت خارج ولقيتو فوق طوموبيلتي شنو بان ليك
إيثار:14فبراير هو عيد لحب وحفلة افتتاح لحفلة وضروري مغادي يكون سيادة لوزير واتكون دنيا عامرة ومخلطة دارسينها مزيان ولكن دابا هادا لي ناوي يقتلو موحال يستعمل لقرطاس ممكن يحط ليها شي حاجة فشراب ديالو يدك ليه شيحاجة كولشي ممكن
آسر:تنهد) حتى انا هادشي فاش فكرت ولكن خلصنا شي خطة باش ممكن نصيدو هدا لي ناوي يقتلو
إيثار:ممم بلاتي انا جايا، مشات لبيتها حيدات حوايجها لبسات تيشورت فليموني وسروال مهدول فزرق هاد جوج حوايج لي حتفضات بيهم من حوايجها لقدام خرجات عندهم حفيانة طلع آسر فيها راسو كيفاش ولات كتبان تبسم ورجع كيشوف قدامو جات حداه كلسات وربعات هناء وأنور واقفين كيشوفو فيهم بجوج نفس شدة دايرين ونفس شوفة، إيثار نقزات من بلاصتها علات حجبانها وضحكات
إيثار:لقيتها والله حتى لقيتها
آسر:شنو لكيتي شي كارتة من كوارتك، مداتهاش فكلامو جات حداه كلسات ودورات ايديها كلها على كتافو بحال شي
★أنثى الأسد★
134-بحال شي صاحبو
إيثار:سمعني اصاحبي وطلق ودنيك الى كانو هوما مطورين حنى خاص نكونو مطورين كثر منهم
آسر:بحالاش وضحي كثر، جبداتو لعندها وأسر ولا بحال لمونيكة فيدها تديه وتجيبو
إيثار:هوما بغاو موسيو لي يكون فالحفلة ياك باش يقتلوه وحنا خاصنا نصيدو هدا لي بغا يقتلو علاش حنا اصلا نديو موسيو لي لهاد لحفلة
أنور:فهمتك شنو بغيتي تكولي برافو إيثار اري ايديك(هاي فايف) آسر إيثار بغات تكوليك نجيبو شي واحد فبلاصة لوزير متنكر بلباسو يكون بحالو تماما بحال شي طعم لي نقدرو نجيبو بيه ونحصلو مول هادشي
آسر:فهمتك مفكرتش فهاد لقضية عندك الحق فهادي انا غادي نتكلف إيثار أجي معايا، وقف اوقف إيثار خلاو هناء وأنور وخرجو مشاو نيشان لجناح موسيو لي دخلهم لمساعد لقاو موسيو لي ومراتو سومو كالسين كيشربو لقهوة غير شافتهم سومو قلشات ودنيها
لي هاسين:شباب كاين شي مشكيل
آسر:موسيو ممكن ناخود شوية من وقتك الى سمحتي
لي:اه تفضل مكاين حتى واحد غريب
اسر:كنفضل نهضرو على انفراد على برا عفاك
لي:واخا اجي معايا، خرجو من لجناح تلات إيثار بغات تسد لباب شافت فسومو
إيثار:سامة لعقروشة لفعة لكرطيطة ابلاتي على بوك نهار نعرفك انت مولات هادشي نريشليك دوك جوج زغيبات، خرجات وسدات لباب سومو بقات كتشوف حيت مفهمات والو من كلام إيثار دارت رجل على رجل تبسمات وكملات شريب قهوتها.
دخل لي هاسين وأسر وتبعاتهوم إيثار حفيانة لواحد لجناح اخور
لي:شنو كاين اتايغر واقعة شيحاجة
تايغر:موسيو لي بغيت نسولك واش مزال كتلقى تهديدات
لي:صراحة لا من نهار جيتو مبقاتش جاني حتى شي تهديد من غير مرة مرة كيسوني ليا تيليفون من نمرة مجهولة كنكول الو وكيقطع
إيثار:سيدي معاش كيجيك هاد الاتصال؟
لي:مع ليل اه تفكرت كنسمع غير صوت نفس رجالية
آسر:واخا انعطيهم اوامر