أنثى الأسد

390\391\392\393\394

★أنثى الأسد★
390-مغاتعطينيش تيساع ياك؟
نوال:سبحان الله يلاه عرفتيها لا معطياهش بت هنا نبت يا أنا يا انت،بقات إيثار كتشوف فيها شحال عرفت راسها قاسح ومغاديش تفاك معاها شافت حتى عيات وسلامتها راسها دخلاتها لحمام مراتها كلها بالحنة طلي وتخليها تنشف وترجع طليها وإيثار ساكتة وصابرة عصباتها
إيثار:وبراكة واه رضيتيني بحال ليزانديان سيرو طليوه حتى هو بالحنة وهادشي واش نتطلى غير انا ولا؟
نوال:من نيتك كتهضري؟
إيثار:لا من كفايا كنهضر واش نتطلى غير انا طليوه هو
نوال:راجل مكيتطلاش الهبيلة راه انت لي خاص تكوني بيضة ولحمك صافي ورطب
إيثار:علاش زعمة ايلعب زلايكة فوكي؟
نوال:باش الهبيلة منين يقيسك يلقا لحمك رطب وملس
إيثار:ومالو لحمي بان ليك بحال ديال تمساح وراه ملس من عند ربي وراه حتى انا خاص نلقى لحمو ملس اهو لي يزلق انا لا منتزلقش؟
نوال:وهو باين من عند الله رطب
إيثار:ايوا يوا شتك اختي كتزلي على راجلي قدامي زعمة راني لوستك
نوال:لا حول ولا قوة إلا بالله العلي العظيم انت راه لي تبعك اتسيفطيه لبويا عومار يمكن هاكي لبسي هادي
إيثار:صافي كملات ملبساني قشابة بحال ديال كناوة تلاو بيا ليام بين ايديك وليتي ديري فيا مابغيتي
نوال:لي يسمعك يكول واش كندير ليك تعديب هادشي كامل لمصلاحتك واسربينا خلاص
إيثار:نترات ليها كندورة من ايدها وتبغم)يخ خزيت تكول انعس حدا توم كروز مثلا بقات ليكم اجيكس وصبون بلدي تحكوني بيه هادشي كامل باش سي آسر يتمتع فيا كي بغا ايوا ابلاتي عليك ارجلين بلارج كاع لي كيديروه فيا اتخلصو تالت ومتلي هابلاتي
نوال:واسربي خلاص وانت تبغي تكولي انديوك لي عدام،لبسات عبيها ديك لكندورة وخرجات وقفاتها نوال وفرشات ليها ايزار بيض على نموسيتها باش مطليش دنيا بالحنة تكات إيثار ومقابلاها اش كدير فتحات
★أنثى الأسد★
391-فتحات لماريو جيهت لحوايج جداد لي خدمات ليها لحاجة مليكة قفيطين خفيف ديال جوهارة بالبيج ومخيط بالخضيضر بارد دو بياس بيضين كولون وتريكوه بالبيض فيهم طرز من جناب
إيثار:اش كديري تم؟
نوال:كنجبد ليك متلبسي غدا ان شاء الله فالحمام
إيثار:كون اخليتوني نعوم فدار مافيا لي يمشي لشي حمام،خنزرات فيها نوال:
نوال ياك اختي بغيتي عرس مغربي تقليدي أصيل بتقاليدو وعاداتو ايوا اللالة حتى لحمام داخل فهادشي وشوفي اديك زريمقة اتشوفي بعينيك وتسكتي داك ضرقوش ولا الى نضت ليك مايفكونا أجدرمية
إيثار:راه كتليك انتوما قوم حكار حكرتوني دابا حيت مكتفة واخا حتى ورا لعرس ونتفاهمو
نوال:واخا من دابا لديك ساع اديري خمسة على فمك وتسكتي،خنزرات فيها إيثار وبقات ساكتة جمعات ليها نوال حوايجها فساك قداتو ليها بدا تيليفون كيسوني يلاه بغات تماطا ليه إيثار سبقاتها نوال هزاتو ودوزات لخط
آسر:الو حبيبي توحشتك فين غابرة عليا؟نوال شداتها ضحكة
نوال:احم نسيبنا لعزيز هادي نوال
آسر:مكيحشمش)أه نوال فين إيثار؟
نوال:هاهيا حدايا علاش؟ إيثار هازة حجبانها فيها وكترمش
آسر:هههه سؤال غريب هدا بغيت نهضر مع مراتي ولا ممنوع؟
نوال:بحال الى علمك الله أه اسيدي ممنوع تشوف إيثار حتى لغدا لحنة ان شاء الله اما دابا ممنوع تهضر وزيد خاصها تنعس بكري باش تفيق بكري
آسر:لا واش بصح كتهضري؟
نوال:شنو بان ليك؟
آسر:لا بان ليا بصح نيت كتهضري
نوال:يلاه تصبح على خير
آسر:زعمة مكاين حتى حل باش تعطيها ليا توحشتها
نوال:نونونو ممنوع منعا باتا يلاه سي يو،دارت لتيليفون طاق وقطعات عليه
إيثار:وضسرتي اشعيبية أ زعمتي زعمتي وضسرتي نيت علاش حيدتي ليا تيليفون وعلاش مخليتينيش نهضر معاه؟
نوال:أولا ممنوع تهضروتانيا خاص تنعسي باش لبشرة ديالك ترتاح واخا مالو ايهرب
★أنثى الأسد★
392-ايهرب نايض فيك طيكوك تبتي شوية وانت فيك دودة يلاه نعسي وهاد تيليفون ايبقى معايا اوك يلاه حوبي تصبحي على خير،خلاتها غير كتشوف وتيليفونها فيدها خرجات طفات ضو وسدات لباب
إيثار:بنت لهم من فعايلها ولاهيلة دارتها ومشات واخا نتفاهمو من بعد ماشي دابا سلمت امرها لله كتقلب هكا وتقلب هكا حتى داها نعاس صبحات صباح على صوت طوموبيلات ولهضرة كثيرة بزاااف حولات ما امكن مديهاش فديك لهضرة وتكمل نعاسها ولكن والو مقادتش يلاه حلات عينيها مزيان دخلات عليها أسية ونوال
أسية:عروستنا يلاه نوضي خلاص نعاسة
إيثار:كتفوه)شكون جا واش هاد صداع؟
أسية:جا عمي محمد ومراتو وبناتو وجا خالي رشيد مهم جات العائلة كلها وصافي وأهل نوال
إيثار:كنحس براسي كيطنطن كون غير خليتوني واحد شوية نعس
نوال:هادي راه الما كبيتي عليها سطل ديال لما لبارد والله لا ناضت
ايثار:معرفت مالك اديك عينين تيقليلت تزاد فيك ضلعة راه انوض نشتف على ريتك
نوال:واجربي جربي كاع اصلا انا اندفع جبهة هاد ليامات حيت عارفاك يلاه غسلي وجهك ويلاه خلاص نمشيو لحمام
إيثار:ونفطر بعدا
أسية:بينما غسلتي وجهك انكون جبت ليك لفطور يلاه غير نوضي،ناضت ايثار دخلات لحمام غسلات وجها ومشطات شعرها خرجات لقات بلاطو ديال لفطور كاين فطرات وهزات ساكها وخرجات من لبيت لقات أسية وريم ونوال وأمنية أخت آسر حتى هيا غادية معاهم وبنات لعايلة موجدين سلمات على عايلتها وخرجات مع لبنات ركبو كل وحدة فطوموبيل وشدو طريق لحمام غاديات ومحيحات فطوموبيل بلغنا مخدمين شعبي اسية سايكة ريم حداها ونوال لور مع إيثار وأمنية ولبنات لوخرينات تابعينهم من لور وهوما ناشطين نقز ريم
ريم:قاليا غسان ليل ايديرو حفلت عزوبية لأسر،نقزت أمنية:
أمنية:أه حتى انا داكشي لي سمعت،لحظة صمت إيثار غير مقلشة ودنيها
ودنيها وكتسمع
إيثار:كيفاش زعمة تاني اش ناهية هاد لحفلة
ريم:حفلة زعماك دايرينها ليه ايحتافلو بيه باخر نهار ليه فلعزوبية بحال داكشي ديال الافلام لي كنشوفو ديال تركيين
إيثار:وشنو كيكون فهاد لحفلة؟،يلاه اتجاوبها امنية وهي تنغزها نوال
نوال:والو كيكونو أطلبة
إيثار:صغرت عينيها)راه شتك ابنت لهم من فعلك فاش نغزتيها ضحكي عليا حفلة وطلبة منين جبتيها هادي أمنية شنو كيكون فهاد لحفلة
أمنية:والو كينشطو ويضحكو مع بعضياتهم عادي
إيثار:ممكن يشربو كاع ياك
أمنية:بعد تردد)ممكن انا كنكول غير ممكن بلاما تشوفي فيا
ريم:كيكون فيها شراب وكيجيبو حتى لبنات
نوال:كتغمز فريم والو) لقوة ان شاء الله
إيثار:كيفاش لبنات؟
ريم:أه يجيبو حتى رقاصات ماشي بعيد يجيبو رقاصة مايا كاع كلشي ممكن
نوال:اديك شنيولة واش مابغيتيش تسكتي لا انعطيك لوجه كنكوليك سكتي وانت ادودودو مكتسكتيش
ريم:هزت كتافها)وانا مالي طنكول اليكاين،إيثار مهضرتش اساكتة وتخمم
إيثار:مع راسها)هاكا وليدي على حفلة لعزوبة شراب ورقاصة مايا وشيخات هكاوا على سي سيد واخا انا نوريك حفل لعزوبة بشحال كيطلع أبلاتي.....★أنثى الأسد★
393-وصلو لحمام مع دخلة دخلو كيصبيو على نبي ويزغرتو اما واحد إيثار لعقل محاضرش دخلوها وعياو ميطليو ليها وهي لعقل غايب فركوها ورجعات بحال شمعة لمضوية لواو عليها بينوار فلبيض مطروز وخرجوها نشفوها ودهنو ليها لحمها لبسو ليها حوايجها وخرجو ركبو وهي تنقز نوال:
نوال:سبحان مبدل الاحوال ممالفش ليك هاد سكات نهار بغيت نطلي ليك لماسك درتي ليا حالة ودابا ساكتة مكتهضريش
أسية:حتى انا معرفتش مالها مملفاش ليها،مجاوباتهمش دورات وجها جيهت ريم
إيثار:أجي انت اديك سليعفانة معرفتيش فين ايكون حفلة لعزوبية لي دايرن لأسر
ريم:سمعت خويا كريم كاليهم ايديهم لواحد لوطيل فكازا
إيثار:اينا اوطيل راه كازا كلها اوطيلات؟
نوال:لاش كتسولي راه ليوم حنتك زعمة؟
إيثار:طلقينا اشمن اوطيل؟
ريم:سمعت كتليهم كريم لوطيل فين كان تصالح هو ونوال وسمعتو بودني كاليهم ايدوزو ليلة واعرة،نوال قلشات ودنيها ودورات راسها كتشوف فيها
نوال:اشنو كريم حتى هو معاهم؟
إيثار:دابا قلشتي ودنيك ياك منين سمعتي سي سيد ديال راجلك ليلة ايدوزها زهو ونشاط وتعلاق على شيخات
أسية:كتشوف فريم)أنتي خاص يحك ليك سودانية لداك لفم
ريم:مالني شنو كلت ماكلت والو أنا صريحة وكنكول لي كاين
أسية:موجهة هضرتها لإيثار)شوفي انت هاد نهار حنتك بلاما ديري شي شوهة راه كنعرفك،إيثار مجوبتهاش بقات كتشوف فطريق حتى وصلو لدار ستقبلاتهم مها وعمتها بلحليب وتمر وزغاريت دخلات طلعوها لبيتها نيشان لقاتهم حاطين ليها سروال مطروز بدهبي وقفطانو ديال جوهارة بالبيج وحتى هو مطروز دارو ليها لجوهر على شعرها من بعدما نشفوه وهبطوها بزغاريت نوال مقابلة معاها وتزغرت وتابعاها بتصاور دخلوها لصالون لكبير فين دايرين كلسة بالخضر نقاشة كالسة كتسناها لابسة قفطان فالخضر وفولارا بيج نقاشة سعاد معروفة
★أنثى الأسد★
393-وصلو لحمام مع دخلة دخلو كيصبيو على نبي ويزغرتو اما واحد إيثار لعقل محاضرش دخلوها وعياو ميطليو ليها وهي لعقل غايب فركوها ورجعات بحال شمعة لمضوية لواو عليها بينوار فلبيض مطروز وخرجوها نشفوها ودهنو ليها لحمها لبسو ليها حوايجها وخرجو ركبو وهي تنقز نوال:
نوال:سبحان مبدل الاحوال ممالفش ليك هاد سكات نهار بغيت نطلي ليك لماسك درتي ليا حالة ودابا ساكتة مكتهضريش
أسية:حتى انا معرفتش مالها مملفاش ليها،مجاوباتهمش دورات وجها جيهت ريم
إيثار:أجي انت اديك سليعفانة معرفتيش فين ايكون حفلة لعزوبية لي دايرن لأسر
ريم:سمعت خويا كريم كاليهم ايديهم لواحد لوطيل فكازا
إيثار:اينا اوطيل راه كازا كلها اوطيلات؟
نوال:لاش كتسولي راه ليوم حنتك زعمة؟
إيثار:طلقينا اشمن اوطيل؟
ريم:سمعت كتليهم كريم لوطيل فين كان تصالح هو ونوال وسمعتو بودني كاليهم ايدوزو ليلة واعرة،نوال قلشات ودنيها ودورات راسها كتشوف فيها
نوال:اشنو كريم حتى هو معاهم؟
إيثار:دابا قلشتي ودنيك ياك منين سمعتي سي سيد ديال راجلك ليلة ايدوزها زهو ونشاط وتعلاق على شيخات
أسية:كتشوف فريم)أنتي خاص يحك ليك سودانية لداك لفم
ريم:مالني شنو كلت ماكلت والو أنا صريحة وكنكول لي كاين
أسية:موجهة هضرتها لإيثار)شوفي انت هاد نهار حنتك بلاما ديري شي شوهة راه كنعرفك،إيثار مجوبتهاش بقات كتشوف فطريق حتى وصلو لدار ستقبلاتهم مها وعمتها بلحليب وتمر وزغاريت دخلات طلعوها لبيتها نيشان لقاتهم حاطين ليها سروال مطروز بدهبي وقفطانو ديال جوهارة بالبيج وحتى هو مطروز دارو ليها لجوهر على شعرها من بعدما نشفوه وهبطوها بزغاريت نوال مقابلة معاها وتزغرت وتابعاها بتصاور دخلوها لصالون لكبير فين دايرين كلسة بالخضر نقاشة كالسة كتسناها لابسة قفطان فالخضر وفولارا بيج نقاشة سعاد معروفة
★أنثى الأسد★
394-معروفة خلاو وجه إيثار على طبيعتو بلا مكياج بلا والو كلسوها ودارو لبها تلاتة ديال مخدات بيضين مطرزين حطو ليها رجليها عليهم وبدات كتنقش ليها نقش هندي حاطة قدامها طبلة مغطية بتوب مطرز خضر حاطة لورد وسكر وشمع حتى كيتمو داخلات لاعبات كل وحدة قدها قداش بداو كيسخنو طرح إيثار خنزرت فنوال تجي عندها جات قربات ليها وهبطات جيهتها
إيثار:شوفي اتمشي لبيتي ياك اتحلي لماربو ديالي وتجبدي واحد جوج كسوات اتلقايهم فواحد بوشيطات مدهبات اتوجديهم تحطيهم مطرفين باش نطلع نلقاهم
نوال:أش بغيتيهم؟
إيثار:ماشي شغلك ديري لي كتليك
نوال:أياه حتى هدا نظر حتى انا انمشي نكولها لخالتي مليكة شنو بان ليك؟(هزات حاجبها وكتشوف فإيثار لي بدورها حتى هيا كتشوف فيها بشر)
إيثار:غير جيتيني محنية اما نوض نوريك هبطي عندي
نوال:هاهيا هبطات يلاه طلقينا؟هبطات براسعا عند إيثار جراتها وكلست كتوشوش ليها فودنيها
نوال:ناري واش هبلتي؟راكي عروسة ياحسرة
إيثار:ماشي شغلك دابا شنو كلنا؟
نوال:نمشي معاك نسيتي حتى راجلي كاين تما غير مجابتها لوقت ومبانش ليا من صباح اما نوريه شيخات ومايا بشحال كطلع
إيثار:ماتكولي والو الى بغيتيني نديك تافقنا؟
نوال:واخا كوني هانية منكول والو،مشات طوال طلعات لبيت إيثار جبدات دوك جوج بوشيطات حطاتهم ورجعات عندهم لتحت لحال الى ماواقع والو دار اتهز بشطيح ورديح كولشي ناشط وفرحان رجال مكاينش حسهم نهائيا إيثار مقابلة تيليفونها وتكول واش جاها ميساج واحد شيرت تاني لنوال حتى جات عندها
إيثار:مسوناش ليك كريم؟
نوال:لا مبانش كاع لا هو لا غسان ولا سهيل وأسر ماسوناش؟
إيثار:لا سيد ناسيني لابرية لا تيليفون بسيف كيوجد لنشاط ديال ليل تسخينات ماقبل المباراة ولكن ابلاتي أزهواني صوبيص ليلة اتشوف راقصة مايا بشحال كطلع.....