أنثى الأسد

405\406\407\408\409

★أنثى الأسد★
405-حتى دخلين يالحبس يالسبيطار لحمقين،خلاو شروق كدابز معاهم وخرجو ركبو فطوموبيلت آسر غسان وسهيل لور وكريم حدا آسر
غسان:مزال دقة لي خديت كضرني كنحس بدوخة واو اخويا مغاديش تزوج بمرة اتزوج بجون سينا
آسر:بصوت صارم)غسااان واش بغيتي نكمل عليك
كريم:لالا ميمكنش هادشي لي كنشوف
آسر:شنو واقع؟
كريم:هاك انت شوف،مد ليه تيليفون كاتبان ليه إيثار ونوال كالسين على سيلفي وشطيح معرف يغوت معرف شنو يدير كيبان غير لعرق دالاعصاب كيضرب
آسر:لا تبارك الله غير داروها ومشاو يقصرو شهد اكريم الى فوت فختك شي ضربة متلومنيش ولكن لحساب من بعد ماشي فهاد لوقت هدا ناس او والديك بطبيعت الحال معارفينش مدايرة بنتهم ولكن غير بلاتي حسابها ورا لعرس وانا فين كلتها ليك......
★أنثى الأسد★
406-صبح نهار جديد يوم لي كتسناه اي عروس فبلاصة إيثار لي كانت لايحة رجليها على نوال وخامرين كيشخرو لباب بغا يتهرس بدقان أو شكون لي جايب ليهم خبار كريم فاق نعاسو خاسر ليلة لبارح مدازتش مزيانة وكملات عليه الحاجة منين طلباتو يطلع لبيت ختو من سرجم
الحاجة:ولدي الله يرضي عليك طلع وفيقهم راه ليوم عرس ختك شحال مزال تابعنا
كريم:هدا كاملو نعاس(دايراها قد راسها وناعسة)
الحاجة:يكما يحسابليك راسك تزوجتي وكبرتي منحكمش فيك طلع نوض ختك ومراتك راه عندنا ميدار،سلم كريم أمرو لله ودار لي كتليه مو طلع لبيت إيثار سرجم معلول وهي ونوال دايرين نعسة عالمية خدم موسيقى مجهدة فتيليفون هي لي فيقاتهم
إيثار:كتحك فعينيها)مالك داخل بعجاجتك ياك لباس منخافوش؟
كريم:لا أختي نخافو غير ليوم عرسك ومابغيتش ندير فيك شرع ايدي اما لي نديرو ليك ليوم ماعالم بيه غير الله ادوي اليزانديان اتشيتة ماعليك حكام سيبة جايا هاجمة وداكة راجلك وناس ومدوزة ليا ليلا فالكلوب انت وديك زريمقة لي حداك مابقيتو محكومين وأنت(موجه كلامو لنوال)مابقيتيش مرات راجل لي دوري فلكلوبات فنصاصات ليل عندك عادي ياك؟وقفات نوال كطلع فين وتنزل شافت فإيثار
نوال:نوضي غسلي حالتك مزال عندنا ميدار(شافت فكريم)وانت لي كتحاسبني سير شوف راسك وفعايلك لي جايب ليهم رقاصة معرفت فين تعرفتي عليها تصدمت فيك عاد ديك ساعات جي تحاسب معايا ديك دقة لي شديتي وقليلة فيك،خلاتو حال فمو فيها وخرجات
إيثار:وفكها دابا شوف كيدير تصالح معاها
كريم:مالي اش درت انتوما لي درتو
إيثار:لا مدرتي والو غير انت لي مشيتي كريتي ليهم رقاصة وشومبر رويال مامات غير خرجو مسارنو واشتي راه والله حتى عبرات عليكم وغزينة فيكم سيرتو نوال لي مدرتيه ليه بغيتي ديرو دابا وباز وجهك صحو منو مكاينش عرفتي
★أنثى الأسد★
407-عرفتي اخويا مدير خرج كاع والله بعد مرات كديرو شي حوايج مايتلبسوش عليهم لجوايج وتبقاو تكولو أش درنا ولا عرفتي خليك كالس انا لي نايضة،خلاتو إيثار كالس وناضت لحمام دوشات عليها دوش خفيف وخرجات لقاتو مكاينش هزات جليليبة خفيفة لقاتها محطوطة بلون خضيضر براندا بطبيعة الحال لخياطة وتوب كلشي مولاتو لالة نادية اما إيثار خداو ليها غير لعبار معندهاش مع لبلدي نهائيا هزات ساك وصندالة فالكحل وساك فنفس لون دخلات عليها نوال
نوال:ناري كون مالقيتش ساليتي وتشوفي
إيثار:عرفتي راسي كيزدح والله مهضرتيش مع كريم؟
نوال:لا مهضرتوش ومغنهضروش دابا خليه وانت مسوناش ليك آسر؟
إيثار:لا مسوناش كاع بمرة على لغسلة لي درت ليه لبارح باين هاد لعرس انبرز فيه بوحدي يلاه زيدي انتعطلو،هبطو لتحت رجال غابر ليهم الأثر دار عامرة هالي مزال محنا كيحني لبنات كولشي تجمعو بجلالبهم ايمشيو لصالون حتى نادية غادية معاهم لصالون فطرو مجموعين بضحك وحتى واحد معارف أش وقع لبارح خرجو مجموعين كل واحد ركب فطوموبيلتو وشدو طريق مراكش لعند أشهر مكيوز جواد بينكو وهوما سايكين نقزات أسية
أسية:انتوما دوك جوجات مكتحشموش ولا كيدرتو ليها تسحابو خباركم ماوصلاتنيش ولا شنو وانت الالة مولات لعقل نقولو ختي هبيلة وانت زعمة لي ديري ليها لعقل تابعاها فحماقها
إيثار:انا ماشي درية صغيرة ادير ليا نوال لعقل حافضة سوارية وعارفة اشنو كندير وسوكي وسكتي لانصدقو مقلوبين يدورو دورة يكولي هبيلة زوينة هادي
أسية:واخا الالة إيثار هاهيا ساكتة ودابا نشوفو هاد لعرس واش اتبرزي فيه مع راجلك ولا بوحدك وراه من حقو الى تراجع
إيثار:كاعلى يبرزو تبرز معايا نوال ولا سام وروني ولا ألكس هانية عرسي انكمل 7يام متابعة ونحيح وندردك وبلفور ياشيفور هو لي خاسر كيتو هو وزايدون
★أنثى الأسد★
408-وزايدون مالي اش درت شتيني غير أنا
نوال:هنيو لوقت راه مخاصك تقلقي على بشرتك
إيثار:هاهيا سكتات،من بعد هاد لمناقشة سكتو حتى وصلو عند باب صالون نزلو ستقبلهم جواد بينكو لي خداو من موعد قبل بلحليب وتمر ولحلوة وضحك خداو لبنات لعروسة دخلوها لواحد لبيت حيدات حوايجها نعسوها على واحد سرير دارو ليها تدليك لداتها حسات براحة عاد دازو ليها لوجها سوان دفيزاج غسلو ليها شعرها وخرجوها وهنا تكلف جواد بشعرها دار ليها مشطة مهزوزة وشي خصلات هابطين اما المكياج كان راقي كونتور وضلال دخانييين باردين مع عدسات مابين رمادي وشيبي شفار ولمسة من المسكارا عاد فالاخير هايليتر ولمسة من تكر موف بارد مات جات غزالة بزاااف ممعروفاش
اسية:واووو على ختي غزالة ماشاء الله
إيثار:حتى انتوما جيتو فانات كاملين نوال تسيفتي ليوم خويا يدير مستحيل باش تصالحو هههه
نادية:مرات ولدي ماشاء الله عليك
إيثار:كون تشوفي انتو ندوشتي غزالة كتهبلي
نادية:اووه يخلي لي زين انا،نقز جواد:
جواد:فتياتي شوفو فيا يلاه سيلفي تشيييز،كلشي ضحك للكميرا تصورو مجموعين وخرجو دايرين شبكة بيضة على إيثار ركبو فطوموبيلاتهم ورجعو هزات إيثار تيليفونها مالقات حتى ميساج
إيثار:داير فيها مقلق واخا
نوال:شكون؟
إيثار:نمر ديالي شكون فنظرك
أمنية:اممم توحشتي خويا كاليا غسان انو خلاه كيوجد
إيثار:مشا عقلك بعيد امونمون
أمنية:اممم هههه واخا...
"فدار"
سهيل:وكاع هادا دوش اصاحبي
غسان:هههه خليه راه عرسو هدا من حقو،خرج آسر لابس بينوار شعرو فازك
آسر:شنو كتكولو نتوما أدوك جوج
غسان:عرفتي خاصنا مشروب
سهيل:من نيتك كتهضر؟
آسر:غير خليه هدا خاصو شي دقة كتر من هاديك لي كلى لبارح
غسان:لا عفاك مزال منسيتش ديال لبارح حسب ماكلت والو هاهو ساكت
سهيل:شنو اول لبسة ادخل بيها؟...
★أنثى الأسد★
409-آسر:كومبلي بطبيعت الحال ومن بعد سيدة شنو سميتها اه نكافة اتلبسني على حسب لباسي ديال إيثار
غسان:ايوا سربي خلاص مابقا والو كنتسنا بفارغ صبر ريم كيف اطلع فلعرس،خنزر فيه آسر
آسر:عطي بتيساع لبنت ولا مغايعجبك حال ويسالي هادشي اتاخد اول طيارة وترجع لبرازيل ولا احبيبي غادي تمشي فطيارة وعضامك مجموعين فميكة اوكي
غسان:علاش زعمة هادشي كلو حيت عجباتني البنت شنو فيها عادي
آسر:لبنت مزال ماقفلات حتى 17سنة ها لولة متسحابش أوروبا هادي لبنت فسن 18دير اي حاجة وحرة هنا راه كايبقاو متقلدين بتقاليد ومتنساش شكون ختها غير لبارح كليتي دقة وغير بلغلط خلي الى كليتيه ديال بصح ومتنساش ختها وحدة خرا فلبوليس دوسيك ايعمر نيشان مؤبد حسن ليك خاف على عظامك
سهيل:هوهوهو خصوصاً موسيو لبوليسي دختها(كيصفر)حسن ليك متعاملش معاها والله
آسر:انتوما دوك جوج خرجو عليا تسناوني على برا،خرجهم وسد عليه لباب خرج كومبلي ديالو لي وصل غير صباح وحداه بواطة فالخضر محفور عليها شعار ديالو نمر وحرف الاول من لقب ديالو حرف"ت" هز لبواطة حلها تبسم تبسيمة كبيرة وسدها ورجها لبلاصتها.
نواصر كلها مقلوبة بحال الى مهرجان نايض تبوريدة وأحواش لعيالات وتزغريت من عند دخلة لولة خيام رجال بوحدها وخيام لعيلات بوحدها ناس كلشي فرحان ويغني تكولي عرس وحدة فبناتهم أما لبركاكات بوحدهم
لمعروضة1:واتي شوفي ياخويتي واتكولي اداك مهرجان برازين ولا منازيل ولا معرفت لباباه
لمعروضة2:وايييه أخويتي كيت بناتنا تي شوفي كيكانت ضل وطوطح بين جنان بحال لقرودة وفلاخر جابت زين رجالة ياخيتي معرفنا فين كيضبرو عليهم
لمعروضة3: وانا ياخيتي على ماسمعت كالو ليا غبار فطاليان
لمعروضة2:اويلي تي اش سايرة تكولي خوتها في لمخزن وتاخد غبار لا تكوليهاش تقاي الله اويلي شكون