أنثى الأسد

150\151\152\153

★أنثى الأسد★
150-مسكين مقلوبة عليه لقفة الله يجيبو على خير،دخلات ودخلو وراها لقاو اسر موجد طبلة متولة وحاط شوية سوسيط لكلاب إيثار
آسر:تعطلتو
إيثار:كانو لإخوان كيدوشو سبحان الله كنت كنسمع بكري قاليك مكيدوش غير لي كيدير علاش
هناء:هههه إيثار كتعجبيني والله اختي فروجية وفيك ضحك
آسر:يلاه كلسو كلسو قبل ميبرد
إيثار:بشوية)انا بغيتو ياكلوه حامي ويصلق ليهم لجهاز لهضمي وتناسلي ولمسالك لبولية ان شاء الله بغيتهم يتشوطو
آسر:إيثار اش كتبركمي كلسي بلاصتك
إيثار:جرات لكرسي بجهد)هاهي كالسة،لكل كلس كياكلو ويتبنو
هناء:آسر بحال ديما الله يعطيك صحة
إيثار:تحت لسانها) يتحش ليك فركابي ان شاء الله
إيثار:فخباركم كنت كنتسنط شحال هادي لراديو سمير الليل انتوما مكتعرفوهش واحد سيد حصل خطيبتو مع صاحبو فوق ناموسية ناري قتلهوم كاليك وجاب 5ليترو دزيت وكلس يكرض فيهم ويقلي ومصارنهم دارهم كرداس وكديد ولهيلة الله يستر ولا لغدر فينما مشيتي الله يحضر سلامة
آسر:وقيلة حنا كناكلو اش جبد هاد لهضرة دابا
إيثار:وغير كلت ندردشو وصافي مافيها باس اودي الله يعطينا سلامة لوقت لخيانة ولات تجري فدم بنادم ميفرق بين خوه وصاحبو كيطعنو ورا ضهرو بدم بارد ويكلس يضحك فوجهو بنادم كيبان ليك درويش وهو سم ديال لفعة مكيبان والو ورا سمو
هناء:بصح لوقت خيابت
أنور:انتوما مالكم على هاد لهضرة بدلو لموضوع
إيثار:علاش يكما كتحس بعداب ضمير فايت ليك خنتي شي حد اغير gر
أنور:هههه لا أبدا
إيثار:باز لوجهك كتفرنس مزال تفو على تريكة
آسر:إيثار انخلي دار عشتك ياك بغيتي سوسيط وطيبناه كولي وهنينة وانت مالقيتي فين تجبدي لقتيلة ولغدر غير هاد لوقت
إيثار:اودي كول وسكت معارف والو مديوش عليا انا واحد لمسطية معندي ميدار ميديش عليا لواحد كولو بصحة وراحة متحشموش مرحبا بكم..
★أنثى الأسد☆
151-سلاو مكالهم وإيثار كتشوف فيهم شوفة لعمى فضلمة
هناء:تايغر شنو بروكرام ليوم
تايغر:اليوم خاوي كان عندنا حصص رقص انا وايثار ولكن علمت الاستادة انو اليوم مغاديش تجي حيت مريضة
هناء:هيا حدكم هنا
آسر:اه علاش عندي شي حوايج نقادهم وشي شغال نساليهم الى بغيتو تخرجوانت وأنور سيرو اصلا كاميرات لمراقبة كلهم تحت عينيا كولشي تحت سيطرة
أنور:مدام هكاك نخرجو اناوانت اهناء شنو بان ليك؟
إيثار:كتقطع لخبز بعصبية) ياه ياه سيري خرجي انت وياه فوجو شوية يشري ليك لكبال ولبيبوش
هناء:فاش شكرتيني كنحماق على لكبار ولبيبوس
إيثار:هههه راه باين نيت
هناء:مدام هكاك صافي ها حنا مشينا آسر الى بغيتي شيحاجة تاصل بيا واخا
آسر:انا عارف هادشي اهنوءة لهلا يخطيك، ستأدنو منهم هناء وأنور ومشاو خلاوهم لوحدهم دار آسر كيشوف فإيثار لي كتمضغ لخبز بعصبية ومخنزرة
آسر:بغيت انعرف مال حسك منين كلسنا وانت لوك لوك ياك لباس ماخليتي قتيل ماخليتي دبيح ماخليتي غدر هناء وأنور كنتي بغياي تاكليهم بعينيك
إيثار:الى جات ناكلهم بعينيا راه لباس حمد الله لي مغززتش بسناني وريشت
آسر:واش انت فينما مشيتي تبغي دابزي وتنوضي صداع مالك مع ناس يلاه كنت صحة سلام معاهم
إيثار:وقفات) انوض نزض انت مجايب لدنيا خبار لما كيدوز من تحتك وانت اكتفرنس والله حتى كتبقى فيا، ناضت من على طبلة خلاتو ومشات مفهم مالها تبعها بالعين حنى دخلات لحمام غسلات ايديها ومشات لبيت سدات عليها كتمشي من راس لبيت لراس لاخور افكار تديها وأفكار تجيبها مشات جيهت بيسي هزاتو وربعات على نموسيتها بدات تسوني لنوال على شحال عادجاوباتها
نوال:لقردة ديالي توحشتك بارشا هالبا
إيثار:لحلبة ماشي هلبة واش يلاه حطاتك طيارة من لمغرب لعربي ولا يلاه فايقة يمكن
نوال:لا ياختي فايقة بكري توحشتك
★أنثى الأسد★
152-توحشتك ياختي من نهار مشيتي مابقيتش كنخرج الما خرجني كريم
إيثار:اياه اختي خرجو رجليك شواري ولا كريم لي كيخرجك
نوال:مالك صافي راه ولا خطيبي دابا كنتسناوك اترجعي ونديرو خطبة رسمية اجي نكوليك جبت ليك واحد تبركبكة فاعلة تاركة
إيثار:شنو هيا عارفاني نموت فتبركيك
نوال:عقلتي على سكينة لي كانت قرات معانا؟
إيثار:سكينة بكاوي ياك؟
نوال:هاديك ايوا الالة ومالي تزوجات غير والبارح خداها تركي لاباس عليك فاسطنبول تشوفيه كيداير كيحمق بزين ياختي معرفت منين دبرات عليه سعادتها
إيثار:واش انت شوية لاباس انا لي خاص نكول منين ضبرات عليه اما انت راك ديك زين ولجمال لفتان ديال دار بونجوم وجمعيوطوي ولا نطوي ختي
نوال:واحنى غير كلنا وصافي ياه وانت شي جديد عندك اش درتي مع داك سي تايغر؟
إيثار:داكشي لي بغيت نكوليك ونستاشر معاك تعاونيني
نوال:خوي لمزيودة انا فالخدمة هضري، سرسبات ليها إيثار كولشي من طاقطاق حتى لسلامو عليكم
نوال:اجي وريني هاد تايغر بعدا ونكوليك شنو كاين، سيفطات ليها إيثار تصويرتو
نوال:هييي ناريييي ياختي
إيثار:ياك لاباس مالكي؟
نوال:شفتي قسمان بالله وضيعي من ايديك هاد توتوز اسيري تموتي واش شفتي سنينات ولفيم ولعينين وشعر كيداير وطولة وتجريدة ولعمورية احح اقلبي اشوفة فيه تحرك لمشاعر
إيثار:فخبارك سجلتك والله اوالديك حتى نشريها ليك مع خويا ولايني عينيك خضرين مجنجرين
نوال:اهيء اهيء والله مدرتها بصح انا واخا نشوف لي شفت كريم معمر قلبي واش بصح سجلتيني انا صحايبتك دابا
إيثار:مسجلناك ما والو غير كولي ليا دابا شنو ندير
نوال:شوفي انت كلتي دابا انكم وليتو صحاب مدام ولا صديقك مخاصكش تخبي عليه ليكاينة كوليها ليه مسكين حشومة عليه تغدر بحال هاد زين والله بقا فيا لا اختي قوليها ليه وخليه هو يدبر راسو
★أنثى الأسد★
153-ايثار:اجي ويلى فوت فيها شي ضربة ولا بغا يقتلها
نوال:لا لا ميمكنش هيا غير حبيبتو ماشي مراتو الى طرا شيحاجة دخلي انت راه فالكافية
إيثار:عندك الحق حشومة نخبي عليه انتسما حتى انا غدارة بصح داكشي لي اندير وليليها ليها يلاه بسلامة من بعد ونهضرو
نوال:وصليها ليه بطريقة مزيانة راني عارفاك وباش مكان جاوبيني
إيثار:واخا يلاه سيري، سدات لبيسي وقفات متوترة كتمشي وتجي كطرطق فصباعها وتحك فراسها فتحات لباب دالبيت بان ليها متكي هاز كتاب لابس شوميزة شيبية وسروال بيض طلع فيها عينيه بانت ليه كتعض دفارها وتشوف فيه رجعات لبيت سدات لباب حرك راسو ورجع كيقرا شوية تاني فتحات لباب ومشات بزربة لكوزينة حلات تلاجة هزات قرعة دالما بغات تشرب نباها آسر
آسر:زعمة ركي مريضة مخاصكش تشربي لما بارد ولا نسيتي يمكن،إيثار تبسمات ليه حطات لقرعة دالما ورجعات لبيتها تاني
آسر:الله يستر وصافي، بدات طل عليه براسها مقابلاه اش كيدير خرجات تاني تبقشش فدار من هنا لهيه تنزل تشم لغرس وطلع راسها كتشوف فيه
إيثار:اووف ياربي مالي منديرها ونطلقها ليه فوجهو، عطياه بظهر وكتهضر، مع دارت لقاتو وراها معلي حاجبو ويديه وراه كيشوف فيها
آسر:شنو كاين مالك من صباح وانت دوري بحال دجاجة لي بغات تبيض ياك لباس
إيثار:هيهيهي انا؟لا أبدا ماماليش لا لا اه مالي مالي عرفتي شنو لا صافي والو، يلاه اتخطاه جبدها من سروالها رجعها
آسر:شوفي انا ماشي مكلخ من صباح وانت تحيضي وتبيضي باينة لعما باغية تكولي شيحاجة ومقديتيش شنو كاين طلقينا خلاص اش واقع
إيثار:ههه احم مهم شوف لي بغيت نكوليك هو متقلقش اصلا دنيا هانية دنيا كلها بنات تمشي وحدة وتجي لوخرا وانت لقوم لغدار معندك مادير بيه انت ولد ناس والف وحدة تمناك والله اصلا لغدار ملقاه مع الله ايتخلص على شر