أنثى الأسد

135\136\137\138\139

★أنثى الأسد★
135-باش يراقبو تيليفونات لي بغيت نكوليك دابا هو نهار 14فبراير مبغيتكش تكون فحفلة افتتاح لمسابقة
لي:كيفاش تايغر انت عارف انو خاص نلقي لكلمة ديالي نسيتي
آسر:منسيتش وغادي تلقي لكلمة ديالك انا وايثار انشرحو ليك كولشي واخا سمعني....
رجع آسر وايثار من عند موسيو لي من بعد ماشرحو ليها لخطة كلها دخلو
إيثار:انا انمشي نيني شوية، نقز أنور
أنور:شاكيرا شنو بان ليك نخرجو لعشية نبدلو لجو، آسر على حجبانو وتبسم
آسر:هاه شاكيرا كاع واو دغية وليتو صحاب؟
أنور:ههه سميتها عليها صباح إيثار دغية كدخل لخاطر مرحة وعفوية ونشيطية
آسر:وقيلة حنا جايين نخدمو أ أنور ماشي نسهرو
هناء:وانا لي كنت انطلبها منك كيبان ليا اترفض على هاد لحساب
آسر:مدام كولتيها انت مغاديش نرفض ليك
إيثار:اياه حلال عليك وحرام عليا ولايني راك جحموم مكتسواش، شافت فأنور) صافي أانور مع 8دالعشية
هناء:صافي الى هكاك نخرجو مجموعين شنو بان ليكم
أنور:انا عليا موافق
إيثار:لي درتوها انا معاكم شوفو غير هاد رجلين نعامة واش ايبغي
هناء:شكون رجلين نعامة؟
آسر:هناء أنور نشوفوكم مع 8 سيرو ترتاحو، خرج أنور وهناء دار آسر كيشوف فيها واقفة جامعة ايديها وكضرب برجل وحدة فالارض
إيثار:مالك كتشوف فيا ياك لباس
آسر:كيفكر) كنشوف فيك كنفكر كيفاش نقتلك واش ندبحك بموس حافي ولا نسد عليك فشي بيت فيه الفيران وطوبات ولا نطلق عليك سراق زيت حتا تموتي ولا نعلقك من شفار عينيك ولا شنو ندير؟
إيثار:هههههه هههههه هههههه
آسر:واش كلت شيحاجة كضحك
إيثار:شفتي هادشي كامل لي كلتي مكيخلعونيش انا وطوبات ولفيران صحاب كنشدهوم من قزيبتهوم وكنجبد فيهم ونلعب بيهم راه انا لي كندير ليهم تعديب اما سراق زيت كنشجدو من جعابتو ولاهيلة شحال من مرة خلعت بيه صاحبتي نوال الى بغيتي تعدبني شوف ليك
★أنثى الأسد★
136-شوف ليك شيحاجة اخرى والله منصحكش
آسر:انت مناش مصنوعة مناش اش بغيتي عندي واش ناوية تهبليني متخلينيش نخدم معاك تهديد
إيثار:تهددني شاد عليا شيكات متلا وتا سير كاليك تهديد
آسر:متنسايش لفيديو ديالك لي عندي الى وريتو لأمور زرق لعينين لي ميتة فيه متلاش يشوف فيك مزال احبيبة اوك،جا حتى لقدامها وباس صبعو وحطو على فمها زدخل لدوش خلاها ولات سخونة بالاعصاب
إيثار:ولد لهم عينين بوصايحة بغا يهرب ليا زرايقة ديالي واخا، كلسات الارض كتخمم وتعض فصباعها وتفكر شنو ادير سمعات دوش مطلوق عرفاتو كيدوش تعجبات
إيثار:هدا مالو غير كيدوش فصباح ودابا وليت كنشك فيه هو وديك هناء زعمة يكونو داروها فطوموبيل ويلي ويلي الله يمسخو كثر ماهو ممسوخ فيه دودة ديال سبعات ريوس حسن عوان هادي لي اتديه مسكينة هزيت ليها لهم من دابا انا اش كالسة كندير نوض نشوف هاد بلارج فين داير تيليفونو نمسح داك لفيديو لي كالس نهار ومطال يهددني بيه، وقفات على ريوس صباعها كتقلب فصالون والو فالبيت والو مخلات فين قلبات
إيثار:هدا فين ايكون دار تيليفونو يكما دخلو معاه لحمام؟ مشات جيهت لحمام فتحاتو طلات براسها لما مطلوق ورواق كيبين غير خيالو كدور فراسها بان ليها سروالو محطوط مشات كتسلت جيهتو هزاتو قلباتو لقات علاش كتقلب هزات تيليفون ورجعات سروال لبلاصتو جات خارجة وهي توقف دارت تبسمات بشر ومشات جيهت روبيني لي مدوز لما لحمام سداتو وتسد لما وهيا ميتة بضحك
آسر:مال هدا؟، كيضرب فيه ويحل والو
آسر:كيعيط) إيثار إيثار،هي ميتة عليه بضحك
إيثار:اشنو كاين اش بغيتي؟
آسر:شوفي لما مالو واش مقطوع ولا مالو
إيثار:لا ممقطوعش انا لي رشقات ليا وسديتو، طل براسو لي كان كولو صابون وشومبوان مغمض عينيه
آسر:براكة من لبسالة طلقي لما
إيثار:لاءح مابغيتش اش ادير؟
★أنثى الأسد★
137-آسر:شوفي اديك رجلين حنيقزة والله ومتحلي لما الى حسابك معايا هاد نهار اتندمي عليه حياتك كاملة
إيثار:أ والله واخا تكلس تهدد تماك نهار كاملو لاحليتو غير بشرط واحد
آسر:إيثار متصعرينيش هاد نهار راه نفوت فطسيلتك شي ضربة
إيثار:كتعاير والله لا حليت يلاه، آسر تعصب طلعات ليه جنية صدرو كيطلع ويهبط صرط ريقو وقرر يديها على عقلها
آسر:واخا واخا شنو بغيتي وتحلي لما
إيثار:بلاتي صبر،مشات كتجري جابت تيليفونها ورجعات
آسر:وفينك طلقينا خلاص بلا بعر
إيثار:واخا الى بغيتي نطلق عليك لما كول"بيني بيني"(سفنج لي فيه سنيدة)
آسر:شنو واش انت مريضة ولا مال طسيلتك هارب ليك لفرخ راه انخرج لوالديك طلقينا بلا لعب
إيثار:أه عندك الحق "بيني"مجاتش معاك صافي واخا يلاه كول "زعبول زعبول"(هو لهندي لي فيه شوك)
آسر:واااااع إيثار راه انخرج ليك والله يمعل جد بو شي ما كاع
إيثار:والله ومتكول زعبول لا طلقتو ومالك كون مفرتت وطالقها ممعانا حتى واحد لي يخسر ليك لبريستيج قدامو يلاه ازعم زعم"وكول زعبول بجوج دريال لحلاوة وطراوة"يلاه
آسر:واش من نيتك
إيثار:والله حتى من نيتي وريتي غير طلقنا يلاه كول زعبوول بحال الى كتصيح زعبول زعبول يلاه، آسر سلم أمرو لله
آسر:زعبول زعبول
ايثار:هكاك كول زعبول بجوج دريال لحلاوة وطراوة يلاه
آسر:زعبول بجوج دريال لحلاوة وطراوة، إيثار ميتة بضحك سجلاتو فيديو وخباتو عاد طلقات عليه لما، رجعات ليه تيليفون حيت دابا ممحتجاهش مشات لبيت خرجات ليه بينوار وشي حوايج ديالو ورجعات لبيت سداتو عليها بساروت وبدات تشطح وتنقز
إيثار:باش تعرف راسك معامن نوريك بنت سي عمر علاش قادة كاليك يهددني وحل فمك دابا لما وريتهم تايغر كيبيع زعبول فلحمام ههههه كم انا شريرة،خرج آسر بان ليه بينوار لبسو وهو كيتحلف عليها
مشا جيهت
★أنثى الأسد★
بيتها كيدق عليها ويدور لبوانيي والو مشا لباب لي كيدخل بين لحمام ولبيت حتى هو مسدود وهو يرجع ليها
آسر:إيثار فتحي لباب ولا والله حتى نهرسو
إيثار:سير فحالك حوايجك راه تما فيا نعاس اه وبلاما تحاول تهرس لباب اتهرس غير كتافك نسيتي لباب مصنوع من لفولاد يلاه نتشاوفو مع 8تصبح على خير أمول زعبول،
آسر:واخا نتفاهمو من بعد الالة إيثار مكنتسماش آسر لهلالي الما رجعتها ليك بغيتي غير تلعبي واخا، رجع لبس حوايجو وخدا بيسي كيخدم فيه. وصلات لعشية ناضت إيثار كتشبح مشات جيهت لباب حطات ودنها عليه مكاينش لحس حلفات متحل حتى تسمع حس انور وهناء مشات لحمام غسلات حالتها ورجعات لبيت سدات عليها من جديد
إيثار:ولايني انا نخاف منحشم هههه ومالو ايخلعني اغير مابغيتش يخلي فيا شي أمارة وانا ليوم زعمة بغيت زريقة يشوفني كنفتن باش يدوب فدباديبي ايوا نمشيو نشوفو اش نلبسو ليوم خاص نبان بحال جونيفر لوبيز فتحات دريسينغ تهز لبسة تقيسها تشوف راسها فالمرايا وتعاود تحطها شوية سمعات صوت كرشها
إيثار:غير صبري شوية وغادي تاكلي متحشميناش، رجعات كتقيس من هادي لهاديك حتى قرات فالاخير تلبس صايا طولة فالقهوي مفتوحة فجنب بفتحة طويلة مع حزام فيه وردة منبتة مع شوميز ديالها قصيرة من جيهت لكرش فتفس لون فيها عقيق رقيق كلها كتبري صباط عالي فالبيج داكن واكسسوارات ديالها جات سيكسي بزاف رشات ريحتها وبدات دور قدام لمرايا مكملاتش دورة سمعات ظقان وصوت آسر
آسر:واش انبات هنا فتحي لباب مابقاش لوقت خلاص
إيثار:شوف راه لبست حوايجي بغيتي دابز حتى نرجعو
آسر:وسربي خلاص فتحي،مشات جينت لباب فتحاتو دور راسو آسر طلعها من راسها لرجليها بقا واقف وكيشوف فيها مكيهضر مكيتكلم مكيتجها لبسيط عينيها شوفات ديالها وقفتها ريحتها حركو رغبة وحدة ليجات فبالو....
★أنثى الأسد★
138-آسر بحال الى تخدر ولا كيهضر بلا عقل
آسر:عارف هادشي لي اندير مغاديش يعجبك ولكن مقادش نسيطر على راسي
إيثار:كيفاش مم..، مخلاهاش تكمل هضرتها حتى كان حاط شفيفو على شفيفها معنقها بيدو وايد شاظ بيها وجها إيثار محساتش حتى علات ايديها ورت عنقو كتلعب ليه فشعرو من لور وكتبادلو بوسة ورى بوسة آسر مبقاش قادر يسيطر على راسو مقدرش يبعد على شفيفها لحلوين لي دوبوه بحال الى عمرو باس شي بنت بعد شوية عليها عينيها نعسين مدمعين كيشوف فيها وحتى هي كتشوف فيه تبسم ليها ورجع كيبوسها بكل رقة وحنان، تسمع دقان على لباب دقة لولة مسمعوهاش هوما مزال واحد مشبع من تاني دقة تانية وتالتة فيقاتهم بعد اسر عليها وهو مزال شاد وجها بين ايديه
آسر:اخخخ مكنشبعش منك مكنشبعش من حلاوتك شنو درتي فيا اتحمقيني انحماق انحماق أ إيثار جننتيني، مخلاهاش تهضر بسها بوسة تالتة بجهد حتى خلى فمها حمر ورجع بلور خرج من لبيت خلاها واقفة مبلكة عينيها قلبها كيضرب تبوريشة طلعات معاها بدات كترمش وتستوعب شنو كانت كدير مشات كتجري لحمام دخلات سدات عليها حطات ايديها على لافابو علات عينيها فالمرايا حطات ايدها على قلبها وكتشوف فوجها كيفاس تورد
إيثار:اويلي اس درت انا والله حتى تباوسنا بوش ابوش اويلي منسواش انا واش هترت ولا مالي انت أ إيثار لي خليتيه يبوسك امادا قنانفك بلا حشمة بلا حيا وكالسة نلعب ليه لسعرو حيدي ليه نيت حوايجو انت وتهناي ولكن ولكن واخا هكاك فمو زوييين وشعرو زوين وطيطب وعويناتو اخخخ اميمتي اش كنكول انا لا لا صافي تسطيت إيثار ديري عقلك واش هترتي والله لحسو لابقيت مديت ليه شواربي ولا خليتو يمسهم واه ضسارة هادي اوووف شهيق زفير صافي دابا مزيان نعكرو لفيم، هزات عكر من ساكها ورجعات عكرات خرجات من باب لحمام باش مترجعش لبيت
★أنثى الأسد★
139-لبيت تلاقا بيه لقات هناء لابسة كسوة قصيرة وصباط عالي وأنور لابس تريكو كلاس وسروال فنفس نوع كلاس فنفس لون لي لابسة إيثار
إيثار:هههه بحال الى متافقين
أنور:واييه ولكن انت قمر فهاد ليلة
هناء:هايهاي غير عي لي قمر انا لا زعمة، نباها آسر لي كن لابس تريكو لاصق وفيست فيها واحد لوسام إيثار طلاعاتو وهبطاتو لاول مرة كتحس بحال اعجاب تجاهو
أنور:إيثار مشينا
إيثار:أأ اه يلاه، عطاها انور ايديه شدات فيه تحت نظرات آسر هبطو بربعة بيهم خلاهم آسر مشا يهضر مع لحراسة ورجع عندهمشاف إيثار ركبات مع أنور وهناء ركبات فطوموبيلتو، شدو طريق لريستو تيك تاك ريسطو اوروبي لبناني ، نزلو مع دخلة ستقبلوهم وراو ليهم طبلة فين ايكلسو كل واحد خدا بلاصتو كلشي ساكت آسر مكابل إيثار وأنور شوفاتو ليها مد آسر ايديه تحت طبلة طلع طرف من صايا وغطا ليها لفتحة دارت شافت فيه خرج ليها عينيه حيدات ليه ايديه بلانا يعيق حتى واحد جا عندهم سيرفور حط ليهم لمينو شافو لي بغاو وطلبو بعدا مشروبات قدام طبلة ديالهم كانت طبلة خاصة وحدا خرا فيها ربعة رجال واحد فيهم كان مقابل إيثار وممنزلش عينو عليها حاضي تصرفاتها وحركاتها ضحكتها صحابو كيهضرو وهو كيشوف فيها غير هيا.
رجع سرباي بالمشروبات كل واحد حط ليه ديالو إيثار عاد اتهز كاسها حيدو ليها آسر
إيثار:اويلي كاسي هدا تسطيتي
آسر:شش بلاتي نشمو بعدا لايطرا ليك كيما لمرة لفايتا ولا نسيتي، شم لكاس لقاه مافيه والو ورجعو ليها، دازت سهرة كلها بضحك مع أنور وايثار تعشاو فجو مرح سلاو جا وقت شطيح نوض أنور إيثار تشطح توسطو لحلبة خداها بين ايديه هيا غير حالة فمها وضحك آسر حاضيهم وكيشرب فكاسو كون صاب ينوض يغزز أنور، سلات الاغنية لولة تمو راجعين انور وايثار أنور سابق وايثار متلية تلكا ليها شخص طويل