أنثى الأسد

415\416\417\418\419

★أنثى الأسد★
415-من بعد ماتكتب الكتاب تحيدو طوابل وناض كلشي كيشطح حتى من إيثار وأسر شاركو ناس شطيح كلشي نايض كبير وصغير قرب آسر لودن إيثار بهمس:
آسر:الليلة ليلتنا انا وياك
إيثار:ههه مفهمتش!!
آسر:ليلة انفدي فيك كاع لما لباردلي كنت كندوش بيهماديريش راسك مفاهماش
إيثار:أه هههههه لا أحبيبة حيت هاد 7يام كلها اتبردها بلما بارد
آسر:اش كتخربقي راه حنا مزوجين دابا انت حلالي
إيثار:اه عرفت راه حنا مزوجين ولكن تقاليد ديال هنا كاع هاد 7يام لي فيهم لعرس انبقى فدارنا وممنوع عليك تقيسني نهائيا حتى نهار لحفلة لي معول ديرها على قبل صحافة عاد غادي يكوم لي فبالي وبالك اوك حبيبي
آسر:لا وقيلة كنحلم ولا مابقيتش كنسمع
إيثار:لالا احبيبي كتسمع ومكتحلمش وسول اي واحد هنا بغيتي تسول كريم راه حداك سولو..دوراتها نوال عندها كتشطح معاها وأسر بقا غير كيشوف.
نوال:مال آسر مبهوض؟
إيثار:لهلا يوريك كيسحابو ليوم يفرتك رمانة تصدم منين كتليه ممنوع حتى دوز 7يام ديال لعرس كاملة
نوال:ناري علاش مافراسوش هههههه ناري حكلو مصدوم هههههه كون تشوفي خوك كيحيض وبيض يجيني من هنا وانا نهرب من هنا محملش راسو
إيثار:صافي حتى انت حشومة عليك
نوال:والله حتى نشحفو ومتكوليش حشومة حيت هاد تحريميات تعلمتهم منك انت
إيثار:ايوا شغلك هداك الالة عطيه عطيه ههههه..كملو نشاط ديالهم ولعرس مسالة حتى لصباح مشات إيثار وأهلها ورجع آسر مع اهلو لدار دخل عليه غسان وسهيل لبيت لقاوه يلاه كيبدل
سهيل:مافهمت حتى حاجة فهادشي ديالك
غسان:ياك اصاحبي ليلة ليتك انت ومراتك شتك راجع معانا بغيت نسولك ومقديتش
آسر:شعالة نايضة فيه)اووووف ميسولني حتى واحد لي فيا كافيني وكثر
سهيل:غير بشوية شنو واقع؟
آسر:اسيدي لقصة ومافيها منقدش نمس مراتي طول هاد 7يام ديال لعرس ويلاه شفتي على
★أنثى الأسد★
416-على بلان واعر كيجاك عجبكم الحال دابا
سهيل:شاد ضحكة بزز دار ايديه على فمو وكيهضر)معندك مدير اصاحبي غير صبر،على فيه عينيه آسر مخنزر
آسر:غير طلقها وضحك بلاما تخنق وانت حابسها غير طلقها،طلق سهيل ضحكة ميت بضحك وغسان حتى هو ميت معاه بضحك
غسان:مكتوب عليك تبرد بالما لبارد خايبة اصاحبي متبغيهاش لعدوك ههههه اوووف مقادش نحبس ضحك والله محسو بسطل ديال لما بارد منين جاهوم ولاو كيكطرو
آسر:دابا تعادل كيجاكم دوش زوين نخرج منلقاكمش هنا،خلاهم ودخل يدوش...
أسية:ناري كنتخيل وجهو كيف كان وااااع كان كيحلم اليوم ليلتو خاب ضنو
نوال:كان خاصني نديرها لكريم ونشوف قدرت استحمالو كداش
أسية:عجبني دهاز غزااال خلي لي بروديو لي جاب ليك كولها ديال لبرازيل ومعمولين من لقهوة كيخليو لحم غزااال متقسميش معايا؟
إيثار:نوضي نوضي تنعسي دهاز لعروسة مكيتقسمش وزايدون حتى انت الى بغيتي يجيك من برازيل راه يجيك
أسية:اش كتخربقي
نوال:ايوا أختي سي سهيل منزلش عينو عليك طول لعرس حال فمو فيك غير انت الما كتشوفيش،جمعات أسية لوقفة وتمات خارجة
أسية:الله ينعل لي بغا يجمع معاكم انا غادية نعس،مشات وخلاتهم
إيثار:وانت مغاديش تنوضي لبيتك؟
نوال:شكون انا لا احبيبة انا هاد سبعيام كلها انعس هنا
إيثار:انا كيحسابلي غير كضحكي انت باغية ديريها بصح
نوال:ومالي كنتفلى يلاه الحب تصبحي على خير، دورات وجها ونعسات
إيثار:ايوا ورتيني فهاد لبيت ، مجاوباتها شافت إيثار حتى عيات ونعسات، صبح صباح  هاد لمرة لخيام كلهم رجال ومكلسين معاهم آسر ملبسينو جلابة وكالسين شي رجال على لقوافي وكلشي ميت بضحك دخلو شي رجال من دقايقية مراكشيين بداو يعطيو فنكات آسر جاتو الاجواء فشكل ولكن عجبو الحال حيت عمرو شاف بحال هادشي شوية ناضو رجال كيغنيو ويشطحو بفاقيهم....
★أنثى الأسد★
417-اما إيثار عاطياها غير لماكلة ومخشية وسط العائلة وعاطياها لضحك لي شافها ميكولش راها عروسة فينما دوري تلقايها وسط لعيالات لكبار كتسمع لخبير ديالهم ومكتبغي تنوض من وسطهم غير بلكشايف كيسوني عليها آسر كطلع نمرتو وتقطع عليه قربات دوز سبعيام وقرب نهار لموعود كانت إيثار فالحمام خرجات منو وردات لباب وراها دورات راسها كتبان ليها مرة طويلة بزاااف وقلدة دايرة جلابة ونكاب وجلابة قصيرة عليها صغرات عينيها معجبة
إيثار:سلام اللالة شكون انت واش انت مع لمعروضين ولا راه يمكن غلطي فلبيت راه كلهم هوما لتحت،شوية جاها صوت لي كانت كتفاداه شحال هادا
آسر:لا مغالطش انا بغيتك انت(حيد نكاب)،خرجات إيثار عينيها مصدومة شوية طلقاتها بضحكة رنانة
إيثار:وكواك الحق جيتي نيت كي بلارج بديك جلابة واااااع ونكاب من لفوق هههههه خاصك غير لكحل ولعكر ديال 24ساعة وتولي بحال لي كيفرقو طباسل فسويرتي،محسات بيه حتى طار عليها رجع ليها ايديها لور كيخنزر فيها قطع فيها ضحكة
آسر:علاش كنسوني عليك مكتجاوبيش ولا كتخلي لخط دايز فاش عينك نسيتي راسك راه انت مراتي يمكن؟
إيثار:منسيت والو ولكن كيف كتليك قبل ممنحقك تمسني حتى تفوت 7يام
آسر:اشمن تقاليد واشمن قانون لي كيكول هكا انا لي عارف هو انت مراتي قدام الله وناس وندير معاك مابغيت انت ديالي براكة صبر كيضبر توحشتك بزاااف توحشت نشم ريحتك(دوز نيفو على وجها وشعرها)توحشت عينيك توحشت شفايفك لموردين لحلوين (سرق بوسة على فمها خلاتها ترعدات من راسها لرجليها تبسم حيت حس بيها حتى هيا توحشاتو بدات كطلع فريقها وتهبط فيه)
إيثار:شش شوووف هه هادشي لي كدير را راه ماهواش ايجي شي واحد دابا يدخل علينا
آسر:كيتحك معاها ويدوز ايديه من عنقها نازل مع وسط صدرها وهابط لكرشها نفس ديالها كيطلع ويهبط
★أنثى الأسد★
418-وكيجسد نبض ديالها دقات قلبها كيضربو بجهد)شنو بان ليك نهربو بجوج متقاوميش حتى انت باغياني وبجهد وانا حاس بيك شنو كلتي التفاحة ديالي نمشيو لوطيل ولا أي مدينة بغيتي نبعدو على هنا حنى شنو بان ليك بزربة وجدي راسك ولا مشي هكا انشريو كاع لي بغينا يلاه أحبيبة،إيثار تخدرات بهضرتو حسات بتفكيرها تشل زاخا تنكر حتى هيا باغياه ورغبة ديالها فيه غادية وكتزيد يلاه اتحني راس وتوافق حتى تسمع دقان وتعياط من نوال لي خلاها تفيق
إيثار:دير دير نكاب خلاص
آسر:وراني راجلك واش هبلتي؟
إيثار:واش تبغي شي واحد يشوفك بهاد لحالة سربي خلاص،مع علات ليه نكاب دخلات نوال شادة فبوانيي وكتشوف فيهم
نوال:من صباح كنعيط ونقلب عليك خليتك بين لعيالات جيت مالقيتك،كتشوف بشك فأسر لي منكب وف إيثار لي وجها حمر قرب آسر لودن إيثار بهمس:
آسر:هاد صاحبتك ليبر لاصقانا مزوجة لاصقانا
نوال:إيثار شكون هادي؟
إيثار:برتباك)شكون هادي؟
نوال:اه شكون هي؟
إيثار:شكون هي؟
نوال:واش شاربك لفاخر؟
إيثار:هيهيهي اه والله مكدبتي كبيلة كانو دايرين اتاي على لفاخر بحال صحراوة ويمكن شربني
نوال:و شكون هاديك لمرا لي حداك؟
إيثار:شافت فأسر)شكون أنت مم بغيت نكول شكون انتي؟
نوال:لالا انت فيك شيحاجة
إيثار:أاااههه شكون هادي هههه علاش معرفتيهاش هادي تايكة مولات لبن لي حدانا متعرفيهاش انت كنشدو عندها كل جمعة لبن لبنها حلو بنين دوقيه ايعجبك،قرب آسر لودن إيثار
آسر:باش عرفتي لبن ديالي بنين الى بقينا هنا مغادي دوقي لا لبن لا حليب،ماحس بمرفك ديالها جاه نيشان لكرش
نوال:تايكة وانا عاهدي غير بلمعطي لي كيفرق لبن هنا
إيثار:وانت مالك خاصك تنبشي فكلشي ودراتا در خاشية نيفك حتى فتايكة مولات لبن سيدة مكانتش وجات تبارك ليا وكاتليا اتجيب ليا شي ايطرويات نتقوت بيهم،
★أنثى الأسد★
419-شافت فأسر:
إيثار:يزورك لخير أمي تايكة غدا وندوز عندك لحوش نجيب عندك ديك 5ايطرو دلبن يزورك لخير امي تايكة سلمي على دراري،جرات على آسر بلا هواه وسدات لباب نقزات نوال:
نوال:واش هاد تايكة مكتهضرش؟
إيثار:بغيت انعرف واش انت مقدم لحومة ولعفو لله انت مالكي كون غير عطاك كريم شي بوسط فلكوميسارية تلاهي لوقت
نوال:على سيرت كريم
إيثار:شوفي نعاس معايا والله لا نعستي اختي لبارح عميتيني بريحة حزاقك تكولي واكلة لبيض لبلدي أو صبحو عينيا حمرين منفوخين والله لا ضربتي لعتبة فهادلبيت وليوم واكلة رفيسة ها دجاج بلدي هالعدس لغد نصبح فاقدة داكرة
نوال:كتغبن)ياك اختي ياك
إيثار:أواخا تبكي دموع وتبكي تبروري شتي تعواجي متنعسي فهاد لبيت واغير رولي وسيري حدا راجلك راه شفت ديك لفعة ديال فاطمة زهرا كدور بيه
نوال:سيري سيري كتفلاي باغية تهناي مني
إيثار:ايوا لهلاك كاعلى تيقي سيري غبري خليني نعس ومنين تسرق ليك راجلك اجي تبكي عليا وسيري خليني نعس راه خاصني نرتاح عدوزتي غدا غادية بيا لشي صالون كاتليك هيا لي بغات تكلف بيا غدا سيري
نوال:واخا واديريها فين تجيك هاهيا مشات
إيثار:أجي نكوليك،دارت عندها نوال مبسمة
نوال:عرفت مغاديش نهون عليك
إيثار:طفي داك ضو وراك وسدي لباب من وراك يلاه تصبحي على خير،عقدات نوال غوباشتها إيثار مداتهاش فيها تخشات تحت لمانطة ودورات وجها حتى حسات بمخدة جاتها من لور
نوال:قبل متسد لباب)تنعسي على شوك اتشيتة عقلي، خرجات وطفات ضو دورات إيثار راسها لقاتها مشات شوية جاها ميساج من عند آسر"انا وليت مك تايكة واخا نتفاهمو على هادشي من بعد الى فلتي ليوم مغاديش تفلتي غدا ضحكي كيما بغيتي بليل اتكوني ليا كنبغيك المحمقاني"
إيثار:واخا دابا نشوفو(ضحكات وهيا تنعس)..
"صباح بكري"
أسر:سهيل عفاك انت لي