أنثى الأسد

80\81\82\83

★أنثى الأسد★
80-تسمع دقان فباب بيت آسر
آسر:دخل
الخدام:موسيو تايغر حوايجك وصلو
آسر:دخلهم او وجد ليا كولشي لي اندي معايا ولي غادي نحتاج واخا
الخدام:واخا موسيو تايغر، دخل آسر لدوش دوش بينما جمع ليه لخدام حوايجو من بعد ما سالة خرج لقا كولشي واجد وهو هداك رما لبينوار لبس سروال فالكحل مقكع من ركبة مع تريكو رمادي ساعة فيديه دار من ريحتو ومشط شعرو هز تيليفون ديالو او واحد باليزة صغيرة هاز فيها كاع الاوراق ديال ولي ليحتاج خرج من بيتو لتحت كلف لخدام يهبط ليه شنط ديالو يديرهم فطوموبيلتو دخلات إيثار جارة باليزتها لابسة سروال فضفاض معاه كبوط فالخضر دايرة لقب لي كان مرسوم فيه صورة تعلب ودايرة نظازر فالكحل كان كالس فصالون جمال ونادية امنية مكانتش
نادية:هي صافي اتمشي صراحة هاد تلتيام عمرتي علينا دار مسخيناش بيك والله
إيثار:حتى انا صراحة ان شاء الله الى جيتو لمغرب مرحبا بيكم عندنا والله
جمال:ربي يخليك ابنتي تهلاي فراسك والله يعاونك ويحفظكم
إيثار:(عنقاتو) امين اعمي جمال تهلى فراسك حتى انت وتهلى فهاد زين صافي هههه
نادية:اجي عندي اجي(عنقاتها)نمرة عندك تاصلي بينا واخة
إيثار:واخا سلمو على أمنية الله يسمح ليكان حيلة وسباب ومقديت نكوليها بسلامة
نادية:يوصل ابنتي يوصل يلاه طريق سلامة، وصلات إيثار عند لباب وكتشير ليهم بيديها عطاتهم بضهر وخرجات كتنسنى ف آسر لي كان كايهضر مع والديه بقات مرقباه حتى شافتو سلم عليهم وتم جاي بقات كتلعب برجليها حتى وصل حل لكوفر دارت فيها بالزها سداتو فتحات لباب لوراني طعو وليداتها (كلابها ههه) وعاد طلعات حداه دارت لحزام وعطاتو بالوجه كتشوف فزاجو معبراتوش ديمارا طوموبيلتو وزاد حتى حد فيهم مكيهضر مع تاني بعد آسر على لمدينة حتى تمت طوموبيل داخلة لواحد ساحة كاتباني ليها طيارة
★أنثى الأسد★
81-طيارة واقفة ماكبيراش بزاف واقف حداها واحد بالبسة بيضة داير طربوش او واحد لخدام بانت ليه طوموبيلت آسر جا عندو نزل لبالز طلعهم لطيارة نزلات إيثار ونزلات كلابها جا عندو داك لخدام شد منو سوارت طوموبيل وداها طلع آسر لطيارة وتبعاتو هي من لور طيارة من لداخل كانت فخمة بزاف ومجهزة من مشروبات ومأكولات كراسا بالبيج كاع لي يحتاج لواحد فيها خلاها آسر تكلس فينما عجبها ومشا هو لواحد لبيت جناح ديالو فيه بيسي فيه كولشي كلس حتى إيثار مداتهاش فيه بانت ليها بلاصة حدا سرجم كلسات فيها طلع طيار ومعاه مساعد ديالو، بدات طيارة كتعلى حتى ولات فسما جبدات إيثار تيليفونها كتلعب بيه بدا كيسوني طلع ليه رقم كوميسير رشدي
إيثار:الو سي رشدي لباس عليك
رشدي:الحمد لله إيثار انت لباس كي غادية عندي خبار انو ليوم اتشدو طريق لسنغافورة
إيثار:اه بحال الى علمك الله انا وليت امكدمة بنادم امكدمني
رشدي:كيفاش
إيثار:لا والو اجوع كيخلي بنادم يدخل ويخرج فالهضرة وصافي
رشدي:يلاه تهلاي فراسك خليت ليك راها من بعد ونهضرو بون شونص، قطعات معاه وحطات تيليفونها كتشوف فجنابها وطل شدها جوع ديال بصح ناضت مشات لجيهة فين كاين شيفور ومساعد ديالو
إيثار:ههه كضحك)سمحوليا الى صدعتكم
مساعد:لا الالة اش حب لخاطر
إيثار:لا بلاش ديك لالة بغيت انسولك واش هنا كاين ميتكال صراحة فيا جوع وجوع مكايرحم والله
مساعد:ههه اه بصح اجي معايا نوريك بلاصت لماكلة مشا قدامها تبعاتو فتح ليها واحد صندوق بحال تلاجة فيه لماكلة ولي بغات
مساعد:هانتي لي بغيتيه اتلقايه هنا ويلى حتاجيتي شيحاجة انا هنا
إيثار:شكرا اخويا ربي يخليك،بدات تهز من ديك صندوق لي شافتو تشهاتو ومشات لبلاصتها تاكول وتوكل فكلابها لي معاها عاد حسات بروح رجعات ليها
إيثار:الله لكريشة عمرات دابا
★أنثى الأسد★
82- ولكريشة منين كتعمر كتكول لراس غني ياك اسام، هزات تيليفونها وخدمات موسيقى موس ماهر وداودية وجهدات فصوت وكلسات تغني معاهم ممسوقاش لا لي سايك لا لحتى واحد، آسر كيسمع وساكت مبغاش يعطيها لمجال تعصبو طل براسو عليها كتبان ليه كتلعب برجليها وبراسها شداتو ضحكة رجع لبلاصتو دار واحد لكاسك على ودنيه وغمض عينيها مداهاش فيها هي غير بردات هوايشها شدها لملل طفات تيليفونها وحطات راسها على زاجة وبدا نعاس كيتسلل لعينيها حيت فاقت بكري. حطات طيارة رجليها فمقر لطيارات لخاصة، فاق آسر شاف فساعتو رجع شعرو لور او وقف تمشا جيهت إيثار لقاها حالة رجليها وناعسة بقا واقف عند راسها حاضيها جاتو ضحكة شوية محاضحكة على وجهو مد ايدو لعند قبها كيحرك فيها حتى فاقت كترمش تقدات فالجلسة وشافت فيه
آسر:راه وصلنا
إيثار:معندكش فمك تهضر بيه كالس تحرك فيا وليت بكرة انا حيد مكافشك وهضر بفمك عيت إيثار جاتك تقيلة كنس قسيف
آسر:بديتي تاني مزال مسخنتي بلاصتك شوفي خبي هاد شي حتى نوصلو اوك كاما يلاه يلاه عفا بنتي، نطرات إيثار ايدها منو هزات سكادوها لي ديما معاها وجرات ساك والكس وروني كدامها ومع هبطات علات راسها تسحرات بالمنظر لب قدامها كانت لبلاصة فين تحطو فوق واحد تلة مخصصة غير لطيارات لخاصة لمدينة كلها ضرار شيحاجة خيالية بزاف لجو كان برد شوية من من لبرازيل سمعات حس طوموبيلات دارت لور بانو ليها تلاتة ديال طوموبيلات فالكحل جوج من نوع رونج روفر وتالتة من نوع كديلاك اسكالايد خرجو من طوموبيلات رجال بلباس رسمي جاو عند آسر سلمو عليه هاد لمرة كلامهم كان بالانجليزية لي فهمات إيثار انو لوزير لي سيفطهم لاستقبالهم جا واحد عطا سوارت لأسر مشا جيهت طوموبيل كاديلاك جا شيفور هاز لبالز دارهم لور دار آسر كيشوف فإيثار
آسر:عجبك هنا
★أنثى الأسد★
83-الى بغيتي نوصي ليك على كيطون يجيبوه ليك
إيثار:كول يلاه وبلى هاد لهضرة لكثيرة لي كضر فراس، خنزرات فيه وطلعات جنبو غير سدات لباب زاد وطوموبيلات لوخرين تابعينو من لور، بقات ساكتة شحال كالت ماليها ماليها تسولو
إيثار:احم بغيت انسولك زعمة تكوليا شي حوايج على سنغافورة شي معلومات حشومة جيت لهنا ومعارفة والو
آسر:تبسم) اوهوه لالاهم إيثار محتاجة مساعدة لعجب
إيثار:كتصغر عينيها وتقوس نيفها) بلاما يعجبك راسك وضسر وزايدون انت سباب مجرجرني ماعلمنيش باش انعرف كون علمتيني نجمع شوية ديال لمعلومات
آسر:داك لوقت لي كنتي مخدمة فيه دوك الاغاني ديال سواق كون قلبتي فيه ولكن لا انت مكتخدميش داك طانطو ديالك
إيثار:عرفتي شنو متكولش ليا دوك معلومات زيدهم فمخك. آسر بقا ساكت مركز على طريق وهي نطق
آسر:سنغافورة هي دولة جات على جزيرة فجنوب اسيا كيفصلها على ماليزيا غير واحد لمضيق سميتو مضيق جوهر وبينها وبين جزر ريا والاندونيسية مضيق سنغافورة وهي رابع مركز مالي فالعالم ومعروفة بالكتافة سكانية لي فيها وكيهضرو ماليها بربعة ديال لغات الانجليزية والملايو وصينية وتاميلية رئيسة ديالها مرا اسميتها حليمة يعقوب وهي معظم سكان ديالها مسلمين وفيها ناس مخلطين قوقاز لهنود الصين الاسياويين وزيد عليها هي من اهم لبلدان سياحية والاوطيل لي انكونو فيه مع الوزير هو من اشهر لاوطيلات هنا حاجة وحدة خاص تعرفيها لبلاصة فين اتقام لمسابقة سميتها شاينا تاون وجات فطريق اورشارد هاد طريق معروفة فسنغافورة هي من اشهر شوارع ديالها فيها محالات تجارية نوادي ليلية مطاعم يعني كيجيو ليها بزاف طبقة لبورجوا هادشي لي كاين لي بغيت نكوليك هو خاصنحلو عينينا مزيان واي واحد راه فمحل شك متكوليش لا هداك ميمكن كيجيه ولا راه توقعي اي حاجة.