أنثى الأسد

385\386\387\388\389

★أنثى الأسد★
385-كنت كنركبها وانا باغي نشد شي حد ماشي وانا مشدود كلشي بسبابك وانت أش جاك حتى ناسية لاكارط ناسيونال ديالك
إيثار:على أساس انت جبتيها زعمة ياك كولشي بوليس دلعالم كيعرفوك علاش هادو متيقوكش بانك تايغر
آسر:وانت تيقوك راك خت اسية بونجوم وكريم وخا حلفتي حتى شبعتي او واخا شبه متيقوكش دابا اديري خمسة على فمك وتسكتي حسن مانوض ونهرس ليك داك لفم لي ديما داير لفضايح
شاف:اسيادنا اناس فاش عينيكم كلنا ليكم سكتو شوية
آسر:ويلى ماسكتناش شنو ايوقع مثلا
إيثار:آسر هنينة واش بغيتي تبات فلبنيقة؟
آسر:انبات فنمي ماشي لبنيقة يسحاب راسو ايخلغني ولا معارفش راسو يمكن معامن كيهضر اكيجيو جداد كيدخلو مجهدين
شاف:شتك كتعاير عرفتي تهمة ديال اهانة موضف اتناء لخدمة شحال فيها دلحبس؟
آسر:انا حافظ الكتاب دلقانون كلو نتسناك انت توريه ليا منين نوصلو عند كوميسير رشدي ونتفاهمو
إيثار:صافي سكتنا واه راه انت لي خف من رزقك عصبيتك ديما كتخرجنا فشيحاجة ماهياش نهار لخر يجيك شلل نصفي وكول إيثار كالت،سكت آسر مابقاش هضر كيحس براسو بغا ينفاجر إيثار حادرة راسها وكتحس بالبوليسي لي حداها كل مرة يحرك رجلو ويضربها لرجلها ساكتة حتى عيات ونطقات:
إيثار:يكما نحيدها من بلاصتها ديها معاك حسن غير كالس وتحكحك يخليها قاعيدة جمع راسك شوية ولانجمع خويا بشي نص
آسر:مالنا؟ اش واقع؟
إيثار:انت اسكوت انا نوريه نيت ياكما تسحابني من دوك البنات انا راه مكنعرف لا بوليسي لا زمر
الشاف:مالنا هاديك هاه واش خاص لي يقطع ليك لسان
آسر:اش كلتي اش كلتي تقطع ليها لسان الى سميتك راجل مد عليها ايدك يلاه الى مدرت ليك عاهة مستديمة منتسماش آسر لهلالي(شاف فلاخور)وانت الما بعدتي رجليك عليها انرجعك كتكلس فكرسي متحرك ولا داير لعكاز
الشاف:هاحنا وصلنا ودابا
ودابا انتفاهمو مزياااان يلاه هبط هادو،تفتح لباب هبطو إيثار وأسر بغاو يديرو ليهم بحال دوك سراقة جاو يجروهوم من ايديهم
آسر:طلق انا داخل بوحدي
إيثار:حيد ايديك عليا ياكما حصلتيني كنسرق ولا كندبح، داخلين مع باب لكوميسارية وهوما حاميين زازاة تسمع صوت كوميسير رشدي كيغوت
رشدي:اش هاد صداع ولغوات يكما كينين فزريبة
الشاف:مون كوميسير هاد جوج لقيناهم موقفين سير فطريق رئيسية وزيد عليها عيرونا اثناء تادية لخدمة
رشدي:مزال ماشافهم) أهاه تبارك الله تبارك الله، مع دار بقا مصدوم
رشدي:تايغر إيثار!
شاف:واش كتعرفهم؟
رشدي:شاف فيه)تايغر آسر لهلالي عميل صابق فالاستخبارات البرازيلية وهادي إيثار بنت الحاج عمر بونجوم واخت لانسبيكتور كريم بونجوم
الشاف:متوتر)وأخت كريم بونجوم
إيثار:تماما اجي أشمن بنيقة كلتي اتنزلنا ليوم؟
آسر:شنو كنتي كتكول كبيلة حيت يمكن ماسمعتكش مزيان
إيثار:كون كان شي مسكين كون كلى قتلة ديال لعصا هاد ليلة دابا وليتي تفتف ياك
رشدي:إيثار آسر أجيو معايا وانت من بعد ونتفاهمو
الشاف:اوك شاف،هداك مشا ورشدي دخل لبيرو ديالو تبعاتو إيثار وأسر دخلو وسدو لباب على فيهم رشدي عينيه
رشدي:واش ممكن تشرحولي بجوجكم أشنو واقع؟؟؟؟......
★أنثى الأسد★
386-رشدي:لا بصح واش من نيتكم نكولو إيثار طايشة مرة مرة وانت أمول لعقل هادو غير بغاو يتزوجو وناويين يجيبو دراري لا انتوما غير فرتكو جرة حسن ليكم الى بقيتو هكا مكاين زواج
إيثار:انا مدرت والو لا بلاتي فعلا درت ولكن انا ماقصدت والو
آسر:الحمدلله لي عرفتيها فراسك حق
رشدي:شوفو زواج راه مسؤولية ماشي ايام ديال الحب وسالينا راه اتولدو ولاد اتحملها فعصبيتها وحتى هيا هكاك اتكونو بجوج فالحلوة ولمرة هادشي راه خاص تهضرو فيه وانت اتحمليه فعصابيتو ماشي بجوجكم طالعين راه ضروري من صبر واحدكيصبر على تاني باش زواجكم يدوم ودابا تفضلو فحالكم عندي مايدار وتعطلت،خرجو بجوج من كوميسارية يلاه آسر ايركب وهي توقفو بيدها
إيثار:كتحك فراسها)سمحليا مكانش خاصني نتصرف هكاك عارفة راسي انتزوج ونبدا حياة جديدة مخاصش نتعامل مع صحابي بحال الى انا مزال ديال راسي
آسر:حتى انا سمحيليا كنت معصب وزدت تعصبت منين شفت داك خونا كيغمز فيك وانت حدايا مسيطرتش على راسي كنواعد انحاول نسيطر على راسي،حط ايدو على راسها وقربها منو عنقها وباس ليها راسها وهي عنقاتو من ظهرو بيديها بجوج
إيثار:ويلاه نحيدو من هنا لايرجعونا بتهمت رديلة على طريق
آسر:ههههه يلاه،شدو طريق دار حطها عند الباب دخل معاها صيكان فاش تقداو دخلات هيا وهو مشا كل مرة كيتقداو شوية وكلشي على دوقها وطبيعة الحال من نوع رفيع.
آسر:بالبرتغالية)كيف وصيتك بغيت تصميم مكاينش زمرد أخضر ماكس منوصيكش مابغيتش هاد تصميم يكون لابسو شي واحد أخور هاد الخاتم متميز بنسبة ليا تافقنا يلاه نعول عليك.
سهيل:أول مرة ليك أصاحبي
آسر:إيثار متميزة بنسبة ليا بغيت خاتم زواج مايكونش فالمحلات كلها تصميم خاص
سهيل:واخيرا طحتي أشريكي مبروك عليك
آسر:شاف فيه)وانت مناويش طيح؟
سهيل:شكون انا نتزوج؟....
★أنثى الأسد★
387-آسر:اه علاش كاين شي واحد من غيرك؟
سهيل:انا انمشي عندي منقضي بغيتي تشد فيا راه غسان عندك زوجو اما انا خليت ليك زواج ومايجي منو يلاه انا مشيت
آسر:سير هرب انت لي كتكول هكا اتولي ميت وتزوج ودابا تشوف
سهيل:وهو هابط مع دروج)واخا غير حلم حلم اشريكي.
(عند إيثار)
إيثار:وا والله لا درتها واش انت هبيلة يمكن
نوال:وراه قريب تزوجي يالهبيلة خاصك ضلي طلي فلماسكات
إيثار:واش بانت ليك شي كحولية فيا انا بيضا من عند الله منحتاج لداك تخربيق ها كاكاو هالقهوة هالبيض جيبي لفرص وديري كيكة انت حسن كاع ونعمرو كروشنا
نوال:انعيط على خالتي مليكة تهضر معاك
إيثار:عيطي انت على جدارمية كلهم كاع شفتي اري داك لماسك اريه
نوال:وشتي ودابا مزيان كتسمعي لهضرة بعدا،مدات ليه طاس ليفيه لماسك شداتو إيثار من عندها خشات فيه ايديها وهزاتو وطلساتو لوجه نوال
إيثار:ايوا دابا بياضي انت اما انا بيضة خلوق وحتى مزال تجيبي ليا شي سيكوك نديرو لوجهي وتشوفي يلاه نوضي خليني نقيلل شوية راه فيا نعاس
نوال:واخا ديريها فين تجيك وبقاي عاطياها لنعاس حتى تغلاضي
إيثار:وانا باغية نغلاض بغيت نولي بحال هيفا بغيت طراكس تولي تهزني من دار(هزات مخدة)ودابا اتمشي ولالا؟
نوال:كتغبن)وهاهيا غادية ازلمومية ديريها فين تجيك تريكة ناقصة،خرجات نوال وهي كتبغم وتبركم
إيثار:وبقاي تبركمي تما بقاي ولاهيلة اتخلط وتطلي ليا لوجهي الي زين زين واخا ميعوم من تنين لتنين خلاها كبور،حطات راسها على نموسية يلاه تغمض عينيها وجاها ميساج
إيثار:وناري واش منعسش انا منعسش،هزات تيليفون بانت ليها نمرت آسر لي كانت كاتبة عليها(حبيبي رجلين نعامة) فتحات لميساج:
"توحشت حبيبي بزااف ومابقا والو ويولي ديالي شنو كيدير حبيبي كيفكر فيا كيفما كانفكر فيه أنا ولا ناسيني؟"
إيثار:لا
★أنثى الأسد★
388-إيثار:لا حبيبي حبيبك كيفكر افنعاس دابا عينيا كيتسدو نعس حتى انت رتاح واخا(ميساج انوفوايي) متعطلش عليها رد ديك ساع جاها
آسر:فينما نسيفط ليك شيحاجة يا فيك نعاس يا فيك جوع انت متكوليش شي حاجة حلوة(جاوباتو)
إيثار:لعسل
آسر:مالو احبيبي لعسل؟
إيثار:كلتي نكوليك كلمة حلوة كتليك لعسل وراه لعسل لي حلو دابا مغاديش تاقة فيا زجه الله وتخليني نعس
آسر:نعسي نعسي انا بغيتك تنعسي ومتنوضيش معرفتش شنو درت حتى بلاني الله بيك
إيثار:شي صدقة احبيبي درتيها ولا شي خير ربي جزاك بيا يلاه بيزو بيبي،سيفطات ليه آخر ميساج طفات تيليفون ونعسات كتشخر."عند آسر"
أسر:كيهضر فتيليفون)وي واش متأكد كلشي هو هداك صافي برافو عليك هكاك نبغيك يلاه بسلامة،قطع تيليفون ورجع سونا من جديد
آسر:وي امضرا وجدتي على وصيتك صافي مزيان داكشي لي بغيت لحساب بحال ديما يلاه باي، إيثار عاطياها ماكلة نعاس ماكلة نعاس كتجي عندها نادية تاخود عليها لقياسات وهي لي اتكلف بتكاشطها بداو كيوجدو لبنيات ديال لكياطن فين ايكونو تحددو وترسمو جاو لخدامة كيكادوهوم كانو بحال شي مهرجان كبير أيدار.
عند إيثار"
أسية:أيوا راه مجاتش يمكن تسيفطي كروت دعوة لناس دهنا؟
إيثار:انلبس ترازة على شمس ونمشي ندق دار بدار
نوال:خرجت فيها عينيها)من نيتك لا عرسك بقا ليه سيمانة وتخرجي دوري على ديور تعرضي؟
إيثار:هي الى درتيها انت وكريم خرجو ركبو على كروصت عمي لعربي ودقو دار بدار
نوال:كطنزي عليا ودرتي موسم درتيه جيبي لبراح
إيثار:مالنا كاينين فعهد لموحدين لي ندير لبراح نكشي بيدي انا نيت نعرض مالها شفتي انا سنين وانا كنبقى نهار ومطال فشموشات مكيديو مني لاحق لاباطل أكوني هانية كنبغي نسمار لدوا أو والو اكنحمار بحال قزيبت دجاجة ونرجع نبياض
نوال:شافت فأسية)كولي شيحاجة لختك
★أنثى الأسد★
389-لختك أنت
أسية:على أساس اتسنط ليا كون بغات تسنط كون تسنطت ليك انت نيت بقا غير أنا أجي درتو مع سعاد نقاشة راه عليها دومونض خاصكم من دابا؟
نوال:هضرات معاها خالتي مليكة ودارت معاها على قبل لخميس ان شاء الله تكون عندنا هنا فلعشية
أسية:وشنو دارو مع عبيدات رمى وزهرة رباطية وديك لقشلة تكون ختي بغات دير مهرجان موازين هنا
إيثار:وانا عرسي بغيتي مية فالمية شعبي كلشي ينشط كبير وصغير عندك شي مانع لاسمح الله؟
أسية:لالا أختي جيبي انت حتى خديجة لبيضاوية وانا مالي
إيثار:أياه هاديك نسيتها آسر دار مع لوخرين توقيت انكوليه يزيد خديجة لبيضاوية واش بان ليكم فولاد لبوعزاوي،شافت اسية فنوال
أسية:ختي انا انوض ندير واحد لماسك لوجهي الى زدت دقيقة مع هاد برشيد ديال ختي انخرج بلا حوايج
نوال:اجي اختي ديني معاك كندم حتى كنجي نكلس نتشاور معاها أحمقة وكالو ليها زغرتي،وقفو بجوج تمو خرجين قبل ماتسد لباب نوال طلات على إيثار
نوال:وانت بقاي تشرطي على راجل حتى يهرب كون ادرتي خير فراسك وخرجتي شيخة حسن، خرجت وسدت لباب
إيثار:كدور فراسها)دابا انا مالي واش كلت شي عيب هادو مالهم يمكن لعرس اتر عليهم، دار لحاج عمر مكتخواش بناس شي داخل شي خارج صنادق ديسير بالكثرة سهيل فينما يدخل يتصادف مع أسية كول واحد كيشوف فتاني نظرة ديال لكره ويضرب فيه ويدوز..
"قبل من نهار لحنة بنهار"
إيثار:راه الف مرو كنكوليك داك لعجب مابقيتي تجيبيه ليا والله حتى نحرش على طاسيلتك ألكس
نوال:واخا نعرف راسي نجيب كريم وأسية ودار كاملها يربطوك والله حتى ديري هادشي
إيثار:واش انت هبيلة بغيتي تغمسيني فلحنة ولخرقوم ونعس بيها انت هبيلة لا بعدي مني راه انطلي ليك وجهك فديك طاسة
نوال:واشني واخا نعرف راسي انا وانت نتناتفو اديريها ديريها
إيثار:مغاتعطينيش