أنثى الأسد

160\161\162

★أنثى الأسد★
160-تخلعات مشات جيهتو حركاتو لقاتو جامد بالبرد
إيثار:آسر آسر، محسات براسها ايمتا ولا كيفاش حتى ولات هي لتحت وهو فوق منها
آسر:انا ديريها بيا أ انا ديري ليا هكا اليوم نشرك ليك لوالادة ليوم نخلط ليك لمصارن مع بعضياتهم، بدا يبوس فيها بقوة وشراهة وعي كتغوت ربي لي خلقها وكضرب فيه وتنتف فشعرو وتركلو حكمها مزيان وبدا يقطع ليها فحوايجها بسنانو حتى خلى حوايجها كلهم مقطعين وناض فوقها مشا لبس حوايجو دغية فتح باب لجناح وبدا يعيط على أنور بجهد
آسر:أنور أنور، خرج انور كيجري من بيتو وهناء حتى هي
أنور:ياك لباس شنو واقع؟
آسر:اجي عندي دغية أجي، دخل انور مع آسر وهناء دايرة عليها بينوار ديالها
آسر:أنور إيثار دخل عليها شيحد كان بغا يغتاصبها
هتاء:اويلي وفين كنت انت؟
آسر:خرجت نتمشا بينما بردات ونتفاهمو ولكن دخل لقيتها كتغوت منين دخلت لقيتها فديك لحالة، دخلات هناء كتجري عندها بانت ليها مشعكة وحوايجها مقطعين لاحت عليها داك ليزار وجات حداها،
هناء:إيثار واش دار ليك شيحاجة هضري عاقلة على وجهو كيكان؟ تم داخل أنور وأسر معاه
أنور:إيثار انت بنت قوية خليتيه يتعدا عليك واشدار ليك شيحاجة؟
آسر:يكما فات لفوت واش مزالك بنت أ؟ إيثار بدات ترعد وبدات تبكي
أنور:صافي صافي انجبدوه دابا تشوفي متخافيش واش عاقلة على وجهو وكيفاش حتى دخل كيدار، علات ايثار عينيها فأسر عينين مدمعين شعرمشعكك وقفات ومشات جيهتو كتشوف فيها نطرات ليه ايدو وحتات عليها بعضة تعض وتغوت ومجنة محيداتها هناء من ايديها حتى سخفات لصقات عليه لصقة وحدة دفعات هناء ضربات فيهم ودخلات لحمام، وقفات كتشوف فالمرايا وكتنهج.
أنور:مالها مافهمت والو
آسر:صافي سيرو انتوما انا غادي نتكلف
هناء:ولي تهجم عليها
آسر:متهجم حد صافي اهناء كتليكم سيرو انا غادي نتكلف،
★أنثى الأسد★
161-شافو فبعضياتهم ومشاو، دوشات إيثار وخرجات من لحمام ضربات فيه مهضراتوش هزات حوايجها ورجعات لحمام لبساتهم خرجات لابسة بنطوفة دارت عليها كاب وخرجات من لجناح طلعات لسطح ديال لاوطيل كلسات ودلات رجليها وخرجات تنهيدة طويلة
إيثار:اوووف انا إيثار بونجوم لبنت لقوية لمرحة لي مكتسوقش ومعندهاش حدود علاش كيوقع ليا هكا علاش علاش غير كنشوفو كنتشل ونخليه يدير لي بغا احالة لبه فمي يبوس كي بغا بحال شي وحدة شايطة امسيرني لي عمر شي ولد لمرا سيرني خاصك توكضي ا إيثار واش جيتي لهنا باش تخدمي واخدمي وسيري فحالك آسر عميل خدام معاك اي حاجة وقعات محيها اصلا انت ضسرتيه اه بصح خاصني نجمع ونطوي، حسات بدمعة عمرت عينها
إيثار:علاش دابا كنبكي علاش مالي وليت حساسة بحال هكا اووف مخنوقة شي حاجة خانقاني،
آسر:مخصكش تهضري بوحدك انت يلاه دوشتي وطالعة لبرد، سمعات صوتو وهي اصلا مزال معصبة دارت شافت فيها رجعات رجليها لور وتمات غادية، شدها من ايديها وقفها قدامو عينيها كلهم تحدي كترعد
آسر:إيثار خاصنا نهضرو وقيلة شوفي، شدات ايدو حيداتها من دراعها نطراتها كتشوف فيه بعصبية
إيثار:شوف انت وسمع وحل ودنيك مزيان مزيان فهمتيني هاد لمرة انا ليغادي نهضر ماشي انت انا جيت لهنا فبلاصة ختي أسية جيت على قبل لخدمة انسالي هاد تخربيق ونمشي فحالي ونرجع لحياتي لقديمة ولصحابي طول حياتي عمر شي حد تحكم فيا ولا غادي يتحكم انا كنعتامد على راسي فيا لمرا وفيا راجل باش تجي انت تزعزع ليا حياتي منقبلهاش منك بعد مني عفاك خليني عليك مرة ضحك معايا مرة تعاملني كيف كيتعامل واحد مع حبيبتو فينما دوز تبوس وتعنق واش انا ساهلة ليك ولا شنو؟
آسر:وفدقيلة مكنبوسكش غير انا بوحدي حتى انت كيكون عاجبك الحال بلاما تبقاي تهربي وتنكري لي زاقع بيناتنا متنكريش
★أنثى الأسد★
162-متنكريش اني كنعجبك وحتى انا مغاديش نكر دابا شنو بغيتي بلاما تبقاي دوخي عليا شنو بغيتي مني
إيثار:تيقار غير تيقار هو لي بغيت منك واعطيه ليا كل واحد من جيه واخا، ضربات فيه وهبطات كتجري دخلات نيشان لبيت تخشات تحت فراشها وطفات ضو باش تنعس، حسات بيه هبط دخل لبيت حسات بنفس ديالو على وجها حط بوسة جنب فمها ومشا لبلاصتو،متحركاتش تقالو عينيها بنعاس ونعسات، لغد ليه جاهوم أوردر باش يبداو فالمهمة ديالهم 14فبراير قربات يكتفو تدريبات ويدفعو وراقهم لمسابقة داكشي لي كان فعلا بداو يدفعو وراق ديالهم دوزو لبروفة لولة قدام لجنة لي متكونة اغلبية من شينوا وشي جوج لي من اوروبا تم لقبول ديالهم معاملة ديال آسر وايثار جامدة وباردة مكيهضروش غير الى كانت ضرورة لحفل بقات ليه يوماين جمع آسر هناء وأنور وايثار معاهم حاط واحد طبلة كبيرة فوقها واحد لمخطط كبير واقف لوسط كيشرح ليهم
آسر:هنا فين اتكون لحفلة لقاعة عندها بزاف دلبيبان ولكن لي معرف الامن انو لحمام فيه واحد شرجم صغير مكيبانش يقدر اي واحد يدخل منو هنا فين انكتفو لحراسة مزيان بغيت كل واحد منكم ياخود لموقع لي عطيتو ومتعيقوش خاص نبانو بحال الى حنا من ضيوف لي كاينين تما باش منتيروش شبوهات أول حاجة انخليو لوزير يعطي لكلمة ديالو من بعد اتنطالق لحفلة بشطيح ديك ساعة نستغلو لفرصة نطفيو ضو ويبقى ضو خفيف رومانسي فديك لوقيتة انخرج سعادة لوزير وندخل شبيه ديالو فهمتو لخطة مزيان
هناء:وي بوس فهمناها
أنور:كلشي مفهموم
إيثار:علاش انا بضبط نكون معاك علاش منمونش مع هناء وأنور معاك
آسر:هناء كتخدم مع أنور هي وهو كيشكلو فريق ناجح انت اتكوني معايا نخاف ديري شي زبلة
إيثار:شفت داك دركوش ديالك حليتيه ياكما تسحاب راسك شان وهما وانت وجهك كي لحكاكة درجلين وخلينا هنيين