أنثى الأسد

140\141\142\143

★أنثى الأسد★
140-طويل شوية عينيه شينويين واشم طيهت عنقو ليكان من صباح حاضيه
"سمحيلي الى طفلت عليك ممكن تسمحيلي نشطح معاك كيف كتشوفي جيت مع صحابي ومامعيا حتى بنت الى كان ممكن
إيثار:سمحليا مكنشطحش مع لبراني، بغا دوز شدها من ايديها رجعها قدامو
"انا من صباح وانا مكابلك عطيني غير فرصة الله يخليك وكنأكد ليك ايعجبك لحال
إيثار:واش كتقلب على خلا دار بوك فهاد ليلة متشوفنيش دايرة كي ماريا شرابوفا وتكول هنا نبات راه انتقلب دابا نولي ليك عبيقة شمكار وسير قلب ستة تسعود حسن ليك
"واو كيعجبوني لبنات بحالك دابا زدتي عجبتيني شنو بان ليك ليلة نكملوها بجوج، حس بيد على ضهرو دار لقا وجه لوحش دالغابة عينين حمرين بشراب ولعروق خارجين
آسر:وقيلة سيدة هضرات معاك فالول بالاداب ومتسنطيش وكيف سمعتيها دابا يمكن كتقلب على خلا دار بوك فهاد ليلة وتمشي مكوفر لداركم
"هيا لي عندها حق تهضر شكون انت وزيادون سيد لي معاها هو لي خاصو يهضر ولا لا؟
آسر:كيخرج لعافية من نيفو بحال شي تور هايج دار ايدو ورا عنقو) لا انت ابابا انت ليوم وقيلة بغيتي تمشي لدارك مهرس من شي ضلعة، وقف عليه انور وهناء
أنور:آسر صافي بلاما نديرو شوهة، وقفو آسر بيديه وجهو كيترعد، طلع ركبتو بجهد لوجه شينوي خبطو خلطة وحدة خلى نيفو كلو كيجري بدم ضربو بالمرفق ديالو لكرشو زواه هزو من شعرو لور لي كان شادو بانضة بحال شي بنت داه وجابو وصطحو مع لحيط طاح
آسر:كيشير ليه بيديه) هاد لمرة حط ايديك على لحاجة لي ماشي ديالك، شاف جيهت إيثار مبقا قاشع والو هز ساكها وسوارتو وتيليفونو وجبدها من ايدها مجرجرها خارج بيها خلا انور وهناء واقفين كيشوفو، خرجها فتح باب طوموبيلتو لاحها ورجع دغية ركب وديمارا بزربة غادي سايك مكيهضرش معاها كتشوف فيه ومصغرة عينيها عمرها شافت حالتو بحال
★أنثى الأسد★
141-بحال هكا خلعها سايك مكيشوفش قدامو ختى وصلو لوطيل نزل وخرجها تاني هاد لمرة هضرات حيت حسات بيه زاد فيه
إيثار:ومعلم وعيقتي طلق مني واش وليت حولي انا، مهضرش معاها مجاوبهاش طلعها ولموضفين كيشوفو فيه حتى وصلو لشقة فتح ودخلها وسد لباب
آسر:والله وتم والله ومزال تلبسي ليا هاد نص ميترو ديال توب يتا تاعتك متعاود معايا إيثار:واش انت مريض ولا مالك وانت شغلك انا حرة
آسر:شفتي حريتك فين وصلاتنا ولا عجبك لحال فاش كان داك ميخي كيتحلون عليك ديك ساعات درتي جناح كون صطي طيري
إيثار:انا قادة بشغالاتي اصلا انت جيتي دخلتي محمي زازا انت عارفني اش كنسو كنت انضربو ندوخو انت لي درتي فيها بطل وزايدون انت مالك اه فكرتيني شوف هداك هاه أخر مرة مزال تفكر تحط عليا ايديك ولا تحط عليا فمك واش فينما بنت ليك فالبلان تجي تبقا تبوس عطيني تيساع اصلا انت مكتعجبنيش ومافيك ميتعجب ها حجر لعافية آسر:هادشي علاش مكلتيهش كبيلات أ علاش مامنعتينيش منين بستك وتجاوبتي معايا وعاجبك لحال أ (كيهضر ويقرب ليها) أ ممم ممم معجبنيش لحال ايما
آسر:انا انوري حسك ايمتا،جبدها لصدرو كيدوز ايديه على وجها وهيا كتبرقق فعينيها
آسر:متبقايش تلبسي بحال هكا واخا
إيثار:أ أ ممم واخ، هبط بنيفو كيشم ليها عنقها
آسر:متبقايش تخرجي مع أنور واخا
إيثار:ممم علاش
آسر:بغيت كولي واخا
إيثار:ووو واخا
آسر:كتحمقيني عمر شي وحدة خرجاتني على طوعي بحال هكا
إيثار:وووو واخا
آسر:تبسم) بغيت نعنقك ونشم ريحتك
إيثار:ووو واخا
آسر:كيلعب بخصلات شعرها وكيدوز صباعو على عنقها حاط جبهتو على جبهتها) بغيت نبوسك مرة وجوج وتلاتة وعشرين مابغيتش نشبع من بوستك لحلوين
إيثار:ووو واخا، تبسم آسر بعد عليها
إيثار:كككيفاش بغيت نكول لل لا لا، معطاهاش فرصة حيت كان فات لفوت رجع كيتلدد
★أنثى الأسد★
142-كيتلدد بفمها وشفيفها صغار رقاق عنقها بجهد وحتى هيا عنقاتو بجهد كيطبع بوسة على زجها وعويناتها يرجع لفمها يتلدد بيها ويعطيه طاقة ويكل على كل بلاصة أخرى عنقها ودنيها او ورا ودنيها خلاها بحال لحورية بين ايديه طايرة فسما قلبها كيضرب بجهد بدا كيحس براسو كيفقد سيطرة وحتى هيا هكاك مبقاتش حاسة بشنو كدير ولا شنو غادي دير بعد عليها راسو كيسوط
آسر:بسبابك اتربا فيا لبرودة انت سبابي فعدابي دعيتك الله
إيثار:علاش اش درت
آسر:شوفي، شير ليها لجيهت سروالو نزلات عينيها شافت فيه ورجعات عينيها لتحت بقات تشوف هنا ولهيه هزات سايطتها ومشات كتجري لبيتها قبل مدخل رجعات شافت فيه وضحكات
إيثار:قلت ليك نقص منو وتبرع بيه
آسر:تبغيني نديرها(غمزها).زمات فمها كتخنزر فيه
إيثار:سير الله يمسخك يالماسخ لممسوخ، سدات عليه لباب كتسمع فيه كيضحك عاجبو لحال، تلاحت على نموسيتها فاتحة ايديها وكتبسم بوحديتها كدوز ايديها على فمها وتبسم
إيثار:أخخ اش واقع ليا اش طاري ليا اويلي مالي على تواخير زمان دودت شنو زعمة كيعجبني ميمكنش حنا ديما كندابزو ومكنتحاملوش ولد لهم من فعايلو كيعرف يأتر فيا شوف كيخلاني على شوية كنا انولدو لولاد كاع استغفر الله عليها كلمة نوض ندوش عليا حيت كيبان ليا انا لي خاصني دوش بارد يفيقني من لgلبة، جمعات لوقفة حيدات حوايجها دارت عليها بينوار جبدات لحوايج لي خاصها، وكلسات تسنا فيه بينما خرج من دوش اسمعاتو دوش وخرج وهيا دخل لحمام يلاه بدات كدوش كايبان ليها لما هابط حمر
إيثار:تفو صبحنا على الله ونبي رسول الله وقتك انت تاني الله ياربي الله بغيتي تفرجي فيا ناس سنغافورة كلها اتعرف جاتني دم خزيت جاب الله جايبة معايا واحد الويزة، دوشات عليها لبسات ودخلات لبيت كان متكي فوق ناموسية عريان من لفوق لابس غير
★أنثى الأسد★
143-لابس غير سروال دازت حداه كتشوف فيه مشات لدريسينك كتقلب فحزايجو وتبغم
إيثار:مكدوه فيل زادوه فيلة مكسل ليا وعريان كيبين ليا لبيدرات زعمة ناري ياربي ولد لحرام زعمة بغا يتيرني يييع، هزات الويزة ومشات لحمام دارتها ورجعات لبيت تخشات تحت لكوفر وطفات ضو
آسر:لعجب كيدرتي حتى نعستي
إيثار:عيانة وبغيت نعس بلاما تهضر يلاه داتني عيني وانت تهضر
آسر:ياك الالة واخااا، من بعدها ضرب طم وسكت داه نعاس وايثار بدا لحريق دلوجع فيها مصارنها كيتقطعو ضهر ديالها كيضرها راس ودوخة
إيثار:هي هي هي واكواك اميمتي كنموت وااااع واجيلالي وعبد لقادر وكواك اميمتي كريشتي، آسر نعاسو خفيف شعل ضو بانت ليه كالسة وكتوجع ناض لعندها كلس حداها
آسر:مالك ياك لباس (كيسحابو ضاربها حنار ليل)
إيثار:والوجع لوجع واكواك الحق، كتهز ايدها تالسما وتخبطولضهرو) اححح اعيباد الله واااع
آسر:واش عندك شي دوا شيحاجة
إيثار:جيب لخزامة ولا جيب سالمية
آسر:واش كضحكي عليا واش بنت ليك عطار اما فين انلقا ليك خزامة وسالمية هنا تسطيتي، خرجات فيه عينيها لي فيهم دموع نزلات عليه بعضة لكتفو تعض وتغوت
إيثار:وتهيا بويا وهيا خويا كنتقطع كنتقطع(شوية طلقاتها باع بالبما تبكي تبكي)آسر عمرها شافها كتبكي حتى بكاتها ليغيكل
آسر:صبري انا جاي،مشا عمر قرعة بلما سخون ورجع لعندها تكاها ونزل ليها سروال وحط ليها لقرعة على كرشها وبحال الى كيدلك ليها
إيثار:هن هن ماما بابا نوال كريم اسية ريم نادية جمال امنية غسان سهيل لي هسين لمونيكة انور هناء بلارج عينيك زوينين فمك زين شعرك زين وكواك كنتقطع واكواك صافي صافي،آسر كيسمع ليها ويدلك ضحكاتو شوية بشوية بدا صوتها كيتخفض مبقاش تسمع على عينو فيها بانت ليه نعسات خلى لقرعة على كرشها غطاها ونزل حط بوسة على فمها ورجع ينعس..