أنثى الأسد

114\115\116\117\118\119

★أنثى الأسد★
114-سلات الاغنية ولي فصالة كيصفقو،ديدجي خدم أغنية وحدى خرى ومن صدف انو احسن اغنية مفضلة عند إيثار
إيثار:ياي هاد الاغنية كتحمقني عفاك اجي، جبداتو
رودريكو:ههه واخا، بعدوناس من صالة بقات غير هيا ورودريكو فالوسط وعلى أنغام أغنية(Jennifer Lopez. Amor amor)خدا ايديه بين ايديها وبداو كيشطحو هي وهو، آسر خرج من لحمام كيثاد فحوايجو ويمسح فمو رجع لطبلة مبانتش ليه إيثار شاف فين كيتفرجو ناس مجموعين كتبان ليه كتشطح بخفة قرب بخطواتو كيشوف فيها ممتيقش عينيه مبهوض كيفاش كتشطح بحال غايبة على لوعي جسد ديالها ملاصق مع جسد رودريكو كيفاش كيدوز ايديه على لجسم ديالها ويدوز بلمساتو على رجليها بقا واقف بلا حركة، حتى سلات الاغنية صالة تهزات بتصفيقات عليهم بجوج، هي فرحانة وكتغوت(هوهو) دارت عند رودريكو دارت ايديها ورا عنقو قدام ناس ونزلات بفمها على شفايفو كتبوس فيها حتى هو عنقها ولصقها معاه كيبوس فيها، آسر فلحظة معرفش شنو وقع ليه حتى ولا حداهم جرها بجهد وراه وهز ايدو حتى لسما وضرب رودريكو ضربة وحدة جابتو طايح مناضش،إيثار كترمش تشوف فيه وفرودريكو
إيثار:لسانها تقيل) علاش علاش درتي هكا علاش حشومة بسالة ديك ساع تسنانا حتى نكملو لبوسةوضربو قطعتي عليا لحظة شحال وانا مشهية ديك لبوسة
آسر:انت اتسكتي داك دلقوش ديالك وزيدي كدامي بلاتي اجي لهنا، شد وجها بيدو وقرب من فمها
آسر:سوطي عليا سوطي
إيثار:بشوية هانا هاح هاح
آسر:شاربة منين جاك
إيثار:واشتي شتي ظلم هدا انا عصيري شربتو عادي جدا والله ماشربت وانت كتبغي تحكرني وصافي ودابا خليني نكمل لبوس، جرها مم ايديها كتعكل فصندالتها مشا لطبلة لي كانو فيها هز كاسو كان مزال عامر وهو كاسها شمو كيشم ريحت شراب فيه
آسر:لحمار تغالطو ليه لكيسان، هز ليها ساك ومخرجها بنطير دفع

   ★أنثى الأسد★
115-دفع لحساب وخرجها غادية وكتمايل
إيثار:اوالله حتى لحكرة هادي شي يبوس شي لا واشوف اسي محمد يانبوسو كاملين ياحرامة
آسر:انت زينة وزادك نور لحمام تفاوت عليك اشوية شوفي حالتك كونما جيت كون حيدتي لسيد حوايجو
إيثار:ماشي حتى لديك درجة تاني وانا بغيت انبوس واش منبوسش اعيباد الله(هضرتها تقيلة ديال سكايرية)وسيد فمو حميمر بحال لفريزة وبغيتيني نقيلو ههه وليني واخا هكاك مكايعرفش يبوس بحالك انت خطير فلبوسان وريكتو ماشي بحالك احح عليك اتايغر شحال بوكوص شفتي انا راه واخا تشوفني مكنحملش فيك شعرة ولكن كيعجبوني بوساتك وقف وقف نكوليك،جراتو وقفاتو
آسر:زيدي قدامي درتيلي شوهة
إيثار:وغير وقف نكوليك وسير فخبارك انا عمر شي حد باسني والله العضيم ولبزيزيلة لي تشاركنا
آسر:اشمن بزيزيلة تشاركنا حتى لدابا مزال متشاركنا شيحاجة، هزها بين ايديه ومشا غادي بيها فين خلى سكوتر ديالو وصلو حطها
إيثار:اجي نسولك علاش شعرك زوين درتي ليه لكيراتين احح ديك لكصيصة عندك شحال كتحمقني وسنيناتك لبيضين ولعضلات اني اغرق اغرق تحت لماء يوبي ههههه
آسر:إيثار طلعي وشدي فيا، طلعات وراه قبل ميديماري تلاحت ليه على عنقو من لور كتبوس فيه
آسر:إيثار تركني لارض انخبط طسيلتك مع الارض
إيثار:انبوس اشعرك ونشمو والله
آسر:واش بغا تخليني ندور فشارع نتف حوايجي
إيثار:هاء باش عرفتيها والله الى داكشي لي تافقت انا وراسي كبيلة نخليك تنتف راسك فشارع ياه وليتي كضرب لفال
آسر:انخلي دار عشتك انا الى مكلستي
إيثار:واغير نبوس لكصيصة ونزكا والله مندير بسالات، آسر سلم امرو لله وعطاها شعرو، شدات راسو مبغاتش طلق كتبوس وتشمشم
إيثار:مووووواح الله على ريحة موااااح الله على شعير هز راسك نشوف، هزات ليه راسو كدورو ليه وتشوف من هنا ولهيه نزلات نيشان على فمو
   ★أنثى الأسد★
على فمو كتبوس فيه وتجر فشفايفو، قربها منو ودخلها وسطو معنقها ايد على فخضها لعريان وايد شاد بيها وجها، محاسينش بشنو كيديرو هبطات ايدها لكرشو وجنابو وكدور على ضهرو آسر جعر بوساتو تحولو لقوة وشهوة ورغبة ولاو احساسيو مخدرين، فجأة مبقاش كيحس بيها كتجاوب معاه بعد راسو عليها وهو كينهج لقاها مغمضة عينيها وراسها بغا يطيح عليه، خرج نفس عميق كيسوط
آسر:درتيها قدها قد راسك ونعسي وخلي حالتي حالة واش انا مكتوب عليا هاد لمكتوب هادا عجبك الحال الالة إيثار دابا فرحانة وصلتي لاش بغيتي يلاه قلنا بدينا وناويين نكملو جيتي لنص ونعستي شنو نبقا انا هكا قنبلة موقوثة انفاجر انا انفاجر، قادها فالكلسة دار ليها واحد لحزام شد ليها ايديها دارهم على خصرو وديمارا وصل للاوطيل هزها وطلع بيها نيشان لبيت حطها على نموسيتها حيد لينا صندالها وغطاها قبل ميطفي ضو رجع طل عليها شيحاجة خلاتو ينزل ويبوسها طلع راسو كيشوف فيها خرج طاير من لبيت
آسر:اش كندير انا كنجي نطفي لعافية نرجع نشعلها اش درتي ليا اش درتي لا لا خاصني نتحكم فأعصابي هادشي مغاديش بيا فطريق مزيانة لا ، حيد حوايجو رماهم ودخل لحمام طلق على راسو لما بارد كيحاول يطفي بيه ثورة ولعاصفة ديال الاحاسيس لي نوضات فيه إيثار بقا مدة ساعة تحت رشاشة حس براسو شوية مزيان خرج لبس حوايجو يلاه غادي جيهت لبيت وهو يرجع لصالون قادو ونعس فوق لفوطوي مداهش نعاس ليل كلو كيكلب من هنا لهنا نعس على كرشو وغطا راسو ومعقلش على اشمن وقت داه فيه نعاس.
    ★أنثى الأسد★
116-طلعات شمس بمدة طويلة آسر كيتشبح حاس براسو مدكدك حيتاش منعسش بكري بدا كيتوكض من نعاس وكيجيه شي صوت غريب فتح عينيه وكلس شعرو مخربق مرمي على عينيه وعاطي ودنيه بدا صوت كيتجهد وصوت موسيقى غريبة بحال الىفايت سمعها جاي من بيت إيثار وقف كيقرب شوية بشوية وصوت كيتوضح شد بوانيي ديال لباب بيديه دورو وفتح حل لباب بدا كيرمش غير مصدوم مفاهم والو، إيثار فوق نموسية واقفة وهازا ميكرو فيديها ديال كاريوكي ومخدمة أغنية وكتغني وتشطح معاها آسر بقا مبلوكي من أغنية لي كتسمع ليها إيثار وكتغني معاها بكل حيوية ونشاط مكايبانش ليها شكون حداها كاع
إيثار كتشالي بيديها ورجليها "في فخ غريب وقعنا في عالم الأرقام ضعنا كيف لخروج كيف لخروج من اين طريق عالم غريب لمعالم نواجه الاخطار نقاوم نلقا عدو ونقابل الف صديق لالالاووووو نحن في وجه لمخاطر لالالاوووو نحتفظ بهدوء اعصابنا نقاوم نعلم انا لن يعيدنا الامل من عالم ديجيتال بل لعمل مع يدا بيد بحثا عند طريق هيا...."كملات أغنية وبدات تانية وهي كتشطح وأسر جاب كرسي وحطو ودار رجل على رجل وكلس كيتفرج فيها
إيثار: في الغابة قانون يسري في كل مكان قانون أهمله البشر ونسوه الأن اخلاص حب دافئ عيش فطري هانئ لا ظلم ولا خوف ولا غدر ولا أحزانفي الغابة قانون يسري في كل مكان قانون لم يفهم مغزاه بنو الانسان ساعد غيرك لو تدري مامعنى حب الغير ما أجمل أن تحيا في الأرض بلا نكران ماوكلي
لاي لاي لاي لالاي ماوكلي ماوكلي لاي لاي لاي لالاي ماوكلي ماوكلي لاي لاي لاي لالاي ماوكلي ماوكلي فلتحذر ان تثبت استخدم عقلك أكثر وحدك عودٌ غض الوتري وبالجمع العصى لا تكسر فلتحذر ان تثبت استخدم عقلك أكثر وحدك عودٌ غض الوتري وبالجمع العصى لا تكسر"مع أخر كلمة طاحت على نموسية كتفركل بضحك ولحماس
   ★أنثى الأسد★
117-اسر كيضرب رش شافت جيهتو دغية نقزات من بلاصتها كتشوف فيه
آسر:تبارك الله تبارك الله على ماوكلي وانا مفارسيش عندي روض ديال الاطفال هنا خاصك غير سبايستون وكوكب زمردة واش انت بعقلك
إيثار:سير اش كتعرف فخبارك رسوم متحركة خصوصا ديك لقديمة كتعطيك واحد طاقة وحيوية منكولش ليك كيولي فيك واحد جهد كبير راه انا بغيت طاقة ولحيوية باش نخدم مزيان كون كنتي كدير بحالي كوراه زهلي يالخبار اتكون ديما ناشط وفرحان نصيحة مني مرة مرة جبدك داك دري صغير لي فيك اه نسيت انكم نتوما رجال اصلا عقولكم كيدراري صغار اما فاش كتكبرو الله يستر خاصكم اسكاتة خخخخ
آسر:اجي انت منبرة على صباح ومحيحة ماموجدة لا فطور لا والو نسيتي لغسلة دلبارح
إيثار:كتعجبك)اشمن غسلة انا لي عقلت عليه لبارح، بدات كتفكر خرجات عينيها تلاحت عليه شنقاتو
إيثار:اكوليا انت ايمتا اتعطيني تيساع واش انت نهار ومطال تبوس وتعنق وتصيد بلا حشمة بلا حيا داخل مع ديك خيتي لحمام وانا سيد على مزينو ياربي خليتي دار عشتو
آسر:انا راجل جات عليا اما انت لا راك بنت وفخدمة ياحصرة وتحت حمايتي وامانة عندي نهار تمشي لداركم خرجي حتى عريانة وانا مالي كاع كالس تحلوني انت وداك ماريخيتا وتبوسي فيه شايطين عليك شلاقمك
إيثار:اه شايطين عليا نرضهم سوسيطة انا كاع انت مالك وها دخول شبوقات
آسر:شفتك خرجو رجليك شواري اكراندايزر اتنتويتي او وليتي تتري لفخاض دزات فيك ضلعة، بعدات عليه كتشوف فيه بنص عين
إيثار:انت لي جيتيني وليتي فشكل
آسر:معنديش وقت لمناكرة ليوم عندنا حصة ديال تدريبات بدلي عليك ولبسي شيحاجة مزيانة، رجعات إيثار سدات لباب وهي غير كتخمم وتفكر
إيثار:هدا مالو تسطى، هزات تيليفونها بسات نمرة نوال بدا كيصوني جاوبات
نوال:حوبي توحشتك غبرتي عليا عندي ليك شلى جديد.
   ★أنثى الأسد☆
118-ايثار:شوفي كولشي فراسي ونتفاهمو من بعد اعضيم طيو دابا سمعيني وحلي ودنيك معايا
نوال:هاني اشكاين، إيثار عاودات ليها تصرفات آسر كلهم معاها
نوال:كضحك) هههههه وكواك ضحكتيني
إيثار:دايا انا وليت كلون معيطة ليك تكوليا ليا اش واقع وانت كتفرنسي طلقينا خلاص راه مافهمت حتى وزة انا
نوال:والهبيلة دابا هو راه وليتي كتعجبيه والله داكشي باش ولا كيدير هكا حيت وليتي كتباني مرة وليتي كتيريه
إيثار:يمشي يخرا نهار لول كان يخبطني حتى زعزع مخي ودابا كنعجبو كيعجيوه شراوطي ولمظهر واصلا انا مكيعجبنيش
نوال:ممم زعمة
إيثار:احم ممكن نكول جوج حوايج كيعجبوني فيه لا لا تلاتة اولا شعرو يابيي مسبسب او سنيناتو وتبوديرتو واهيا ناري على قلدة عرفتي اتعنيقة بين ايديه ادوب
نوال:وبنت لحاج شفتك تحليتي ياكما طحتي
إيثار:نوضي اشمن طحت او واخا يكون جورج كلوني يمشي يلعب كاع لي يبغيني على مظهر ديالي معندي منكجدر بيه وزايدون انا وهو مكنتلاكاوش امدابزين
نوال:عرفتي راجل الى بغيتي تحكيه وتنتاقمي منو ماشي بالمضاربة ديالك تسحابي راسك فالمصارعة مع جون سينا راه راجل يكون صعصع بغيتي دبحيه هي تقادي وتلبسي ودفعي عليه كبير يولي تابعك وماشتيش وتكوني تحلوني عليه ويلي ويلي اما كاع الى هتميتي مزيان شوية تنخليه ايولي بحال داك لي قطعتي عليه لما وضو
إيثار:الله عليك اخويا كريم ومعامن طحتي مع لفعة كركيطة اياه ابنتي كملي دابا انا الى بغيت نتاقم من هاد بلارج على ديك كلمة عبد المولى لي حلاها فيا فحلقي كطلع وتنزل اش اندير
نوال:حلي معايا ودنيك مزيان،اسر كان فالحمام كيدوش ومنظر إيثار قدامو كتغني وتشطح بعفوية وطفولة طلق لما بارد عليه كثر وكثر
آسر:تايغر توكض على أخر يامك تولي بحال مراهق لا خاص ندير شيحاجة بقا كيفكر شحال خدا قرار

★أنثى الأسد★
119-قرار وناوي ينفدو،إيثار قطعات مع نوال وعينيها كلهم شر وكضحك عاجبها لحال مشات لدريسينك لبسات انصوبل مينيا مع تريكو قصير ديالها بشيبي مزوقين مع دجاكيط هزاتو فيديها وسبرديلة فرجليها بيضة رشات من ريحتها عطات لماكلة لكلابها وخرجات على برا ملقاتش آسر مشات لكوزينة لقهوة لقاتها واجدة دارت كوفيتير فالخبز وكلسات كتفطر حتى خرج آسر من لباب دالبيت خلاها حتى خرجات عاد دخل خرج لابس سروال بيض تيشورت فلكحل وكيهضر فتيليفون قشع اش لابسة ودور وجهو باش ميتأترش
آسر:وي لويس كيف كتسمع مني واش بغيتي نكملو هادشي بغيتهم دابا ياخدو اول طيارة ويدخلو معايا فهاد لعملية هادي كيفاش مشاو لمغرب دبر راسك أهم حاجة عندي بغيت ظابطة هناء ولعميل أنور ياخدو اول طيارة ويجيو لهنا مفهوم لويس ولا كنحلف بالله لمعبود لا كملت هاد لخدمة هادي، قطع عليه)شاف جيهت إيثار
آسر:الى ساليتي نوضي خلينا نمشيو
إيثار:انا واجدة يالاه، هزات تجاكيطة ديالها لبساتو وسبقاتو خرجات مع حلو لباب تحل لباب طاح جوا عليهم هزو آسر دورو مكايبان فيه والو فتحو لقا فيه ورقة بيضا مافيها حتى كتبة خاوية
إيثار:شنو هادا
آسر:اجي معايا، مشاو جيهت لاسانسور دخلو وسدوه طفا ضو فيه
آسر:جبدي لعكر لي كنت عطيتك،فتحات إيثار صاكها جبداتو عطاتو ليه، لصق لورقة مع لحيط وسلط عليها واحد ضو فالحمر من داك لعكر بدات كتبان ليهم كتبة بحال الى مكتوبة بزيت
"كنصحكم نصيحة وبلاما تعدبو راسكم ولا واحد فيكم يمكن يتعرض لخطر لوزير ميت ميت كلكم متراقبين اه انسة إيثار كنتمنى طعم ديال مشروب سنغافورة يكون عجبك مرحبا بيك"
إيثار:ولد لكلبة كتليك لبارح راه شي حد تابعنا ومتيقتينيش كلتها ليك
آسر:خصنا نزيدو نكتفو لحراسة ونحلو عينينا مزيان لقضية ديال هاد تهديد خليه حتى نرجعو دابا عندنا