أنثى الأسد

31\32\33\34\35

★أنثى الأسد★
31-نوال دابا مابقيتيش كتحمليني كوليها نمشي بحالي دابا
إيثار:شفتي باش كتعجبيني غير هبيلة باش كتليك لكالاخ جا حتى لعندك ورتاح راه داركم هادي انا لي كاينة عندك ماشي انت انا لي خاص نمشي بحالي ولكن لا انا بت هنا نبت حتى نعاود ليك
نوال:اتزوجي جاك عريس ياك شوفي ليا خوه
إيثار:كرزات على ايدها) ياربي صبرني منقتلش شي حد من خلقك ياربي انت مال بوك داربك على زواج صافي مبقاش كريم ولا بغيتي غيرو ولايني عشاقة ملالة
نوال:والله مهكاك واختي خوك مديت منو لا حق لابطل مايقتلك مايحييك مهم معلينا ياك لباس
إيثار:انسافر
نوال:هاء وانت ديما مسافرة يلاه اتسافرين شلا ماكلتي
إيثار:اتسنطي دابا ولا نمشي نشريه فحالي
نوال:صافي صافي هاني سكت (دارت ايدها على فمها) عاودات ليها إيثار كلشي طاق طاق لسلامو عليكم، بقات ساكتة نوال حتى طرطقات بالبكا
نوال:وااا بغاو يرزيوني فصحيبتي وااا بغا يديوك يقتلوك اهيء اهيء انا واخا كنت كندعي فيك غير بضحك ياربي كنسحب كلامي ياربي والله معندي من غيرها انا سبابك فعدابك انا لي نضل نعاير فيك وندعي فيك، مسكتات حتى حسات بالخبطة جاتها فضهر
إيثار:اللقوة اللقوة لعسرية ان شاء الله واش فيك طيكوك واش كايكلك كرصونك ولا مالك تفو على كنس ندمتيني مال موك مالك واش انا غادية عند داعش
نوال:بحال بحال انت مالك ومال هادشي اش دخلك فيه
إيثار:انا عاجبني هادشي عرفتي انوال شكون بقا فيا من هادشي كامل
نوال:فرحانة كتسحاب هي) شكون احبيبة
إيثار:كلابي يلاه جبتهم مزال مشبعت منهم كاع وانتفرق عليهم انشوف شي بلان نديهم معايا
نوال:إيثار ختي سيري فحالك لداركم رولي وشريه محدو رخيص يلاه لباب لباب لهيلة كاتليك كلابي يامو كلاب يا شيخة لمارجة
إيثار:انا مارجة انا فين شتيني مارجة شفتي انت كنشك فيك تكوني ليسبيانة منين
★أنثى الأسد★
32-منين كنبات معاك كنحس بالمانطة كتجر عليا دوي الكلبة دوي اش كديري ليا
نوال:تفو عليك تفو اعود بالله اش كتكولي
إيثار:وباش عرفتيني مارجة يالمارجة دبصح يالمدودة لهاترة زاكضة ديال بصح.
نوال:واش اتمشي دبصح دابا
إيثار:اه غدا انسافر لبولقنادل
نوال:علاش
إيثار:تدريب اش كنخبر من صباح انا تما فين انتدرب ومن تم لبرازيل نيشان جيت ابش نعلمك وصافي تيليفون ايتقطع ممنوع طول فترة تدريب حتى نرجع ونجي عندك نتسيفط معاك
نوال:ديني معاك
إيثار:مالي غادية لموسم ولاد حريز ندور فيه وازوينة هادي يلاه يلاه انا مشيت تهلاي حتى لمن بعد. خرجات إيثار من عند نوال مشات لدار طلعات لبيتها نيشان حطات ساكها دوشات وخرجات جبدات واحد ساك صغير حطات فيه لحوايج لي اتحتاج تفتح عليها لباب دخل روني نقز عليها تبعو اليكس وسام كايلحسو فيها ويلعبو بقزيبتهم عنقاتهم بحال ولادها وتبوس فيهم
إيثار:منسخاش بيكم اندير شيحاجة نديكم ماشغليش، حتى هوما بحال فهموها تحماو فصدرها معنقينها بحال مهم وقفات وخلاتهم كيلعبو حطات صاكها على جنب خرجات من لبيت وتبعوها دخلات لصالة لقات لكل كالس
إيثار:سلام
لحاجة:على سلامتك ابنتي جمعتي حوايجك
إيثار:جمعتهم
لحاج:كريم خوك هو لي ايوصلك غدا
إيثار:بلا منعدبو نمشي راسي فطوموبيلتي
لحاج:لا غير خليه ابنتي هضر معايا رشدي وعلمني انو كلشي مزيان وانو موسيو لهلالي قبل يستقبلك ويعاونك الله يرضي عليك ابنتي ديك لعصبية ديالك مديريهاش معاه الله يخليك
إيثار:لحاج انا مسعورة والله نكولها ليك من هنا يدير معايا هك ولا هك والله منعقل عليه بالله واناعلمتك
لحاج:لا حول ولا قوة إلا بالله العلي العظيم الله يحفظ ويدير تويل دالخير هادشي لي انكول.
مع ل 5ديال صباح فاقت إيثار فطرات لبسات حوايجها هزات صاكها هبطات لقات كريم
★أنثى الأسد★
33-لقات كريم كيتسناها خرجو ركبو فطموبيلتو وشدو طريق حطات إيثار راسها على زاج وكملات نعاسها حتى فيقها كريم
كريم:روبن هود يلاه وصلنا
إيثار:الله ياربي على نعسة على مزيناتها كنحس بالعداب هدا وفهاد لبرد اوف اوف
كريم:يلاه خلاص ادخلي كاين لي ايتلقى ليك من مدريلبين ومرافقين ليك
إيثار:اجي نسولك نهار نكون بغيت نمشي بغيت ندي معايا كلابي
كريم:روني والكس وسام من نيتك
إيثار:وعلاش كاين شي وحدين من غيرهم اه وشنو فيها شوف نكوليك شفتي انا والله من تفعفع من هنا الما دبت كلابي فينما كنت يكونو منتيقش نخليهم معاكم انتوما مامعاكم عشرة ومافيكم تقة انا نكولها ليم وبلاما تبقا دور عليا فعينيك بحال لبي
كريم:قربي نكوليك قربي قربي
إيثار:والله منقرب عارفاك بغيتي تجبدني من شعكاكتي راني مربية معاك وكنت ملاصقة معاك بحال لكملة ديال لبحر شوف الله بحفظك شوف كي دير ليها وكولها لداك رشدي
كريم:رشدي حاف مكاين لا سي لا والو سيري دخلي سيري يلاه حبيبت خوها نشوفك بعد شهر، تمت داخلة وكتشير بيديها بمعنى سير هورجع لكازا وهي دخلت لأكاديمية فين اتعلم وتدرب لمدة شهر كامل، دازو الأيام عند إيثار بحال بحال تفيق تفطر تدريب ديال لعسكر راسها خفيف وملقيينش معاها اشكال بحكم جسد ديالها دا على ضرب اي حركة كتصدى ليها بمهارة كبيرة لمدرب تعجب من لبنية لجسمية ديالها غير تسالي دوش وطيح تنعس تيليفون ممنوع روتين هو هو وزبايل قلالو ولفعايل مكاينينش غير كتخزن وتخبع حتى تخرج وتفدي هادشي بتاني ولمتني تعلمات تهز سلاح وكيفاش تنيش وتسدد كيفاش تركز كيفاش تصدا لعدو كاع لي اتحتاج تعلمات ليه وكتر داز شهر وهي عارفة كلشي ومستعدة جسميا وفكريا جا كريم داها دخلات لدار كان كلشي كالس كايتسناها حتى من نوال كاينة اشافتها ناضت تعنق وتبوس أسية
★أنثى الأسد★
34-اسية حتى هي مكلسينها ومجبدين ليها رجلها حتى من رشدي كالس
رشدي:على سلامة تبارك الله عليك وخلاص
إيثار:مزال متكول تبارك الله حتى نشوفو هاد لحريرة ونفكوها وديك ساعات ارا متبارك
الحاج:على سلامتك ابنتي
ايثار:الله يسلمك الواليد
سعاد:حبيبتي نوجد ليك شيحاجة تاكليها
إيثار:اه اعمتي تشهيت رفيسة بدجاج لبلدي كتصرعيها انت، شافت فالحاجة مليكة:ماما وانت عفاك كتجي من ايديك لوبيا كتحمق وديري ليا لوبية كريني دغية كطيب اما لوخرة خاصني عام باش طيب
الحاجة وسعاد:هي لولة ابنتي
أسية:هادشي اتكليه فنهار واحد
إيثار:كرشي هادي ولا كرشك جاوبي كرشك ولا كرشي ودخول صحة هدا شي دوز سهر فتمارة ولعداب وسباحة على ضهر ولمشي على لبطن وليت بحال ديك تيقليلت لي لصقة فالحيط ايسخن لحال وتخرج تقلب على متاكول
نوال:الحب ديالي توحشتك كيف داز داكشي بدلتي لجو بعدا ديال هنا
إيثار:ويلي ويلي على توتوز كان فاوروبا داكشي زين صباح كنقيل فالبحر نتبرونزا وليل ديسكو وشطيح ورديح شفتي نهار يلقاوني كندور فنواصر ونهضر بوحدي يعرفو سبابي انت كيف ايدوز اكولي ليا لبونيةليل ونهار ونطيح ايديا تحكو وعظامي تهرسو وشيشي ونيني صافي، قربات لودن نوال
إيثار:لخوبنزة شفتك كاينة فدار اممم ولا حبيب اقلب كاين هنا أح عليك منمشي حتى نشريها ليك معاه مرابانا نرجع نلقاكم ولدتو مع انت حامية دغية تبيضي
نوال:نبيض وليت فرخ سكتي ايسمعك اتفضحينا
كريم:انتوما دوك جوج اش كتكولو نوال معرفت اش عاجبك فهاد خيتي انت بنت زوينة وضريفة اش لاحك عليها
إيثار:هايهاي على لبانضي لاخور ولايني راك مساهلش انا نطلع ندوش ونعس ونتحاسبو من بعد اه وصل معاك نوال لدار حيت عيانة مافيا لي يوصلها انا، دارت لعند نوال وغمزاتها، يلاه هزات ساكها طلع لبيتها نباها رشدي
رشدي:ايثار وجدي
★أنثى الأسد★
35-ايثار وجدي راسك غدا مع 10 دليل عندك طيارة، رجعات بالور كتشوف فيه
إيثار:عرفتي بسبابك انسمي راسي خربزشة ولا لكنبوشية كرهتيني فسميتي انت متخليش بنادم يحط راسو على لمخدا ويرتاح ياك إيثار ديري إيثار فعلي وابزاف رخف عليا شويةراه يلاه جينا ياحصرة بابا هضر مع صاحبك واه
الحاج:مدام كالت بابا راك عصبتيها او وصلات بيها لفوق انا عارفها اتكول بابا تقدر دير فيك شيحاجة بنتي موسيو رشدي راه كينفد تعليمات معندو ميدير
إيثار:اجي بعدا كريم كاليك على كلابي
رشدي:اه الالة وكوني هانية اتديهم معاكم هادي لبيي ديال طيارة، حطها ليها فوق طبلة) وهادو وراقك كلها حاجة وحدة لي بغيت نكوليك ومتنسايهاش موسيو لي عند بالو انو ختك لي جايا الى سولك على اسم إيثار قليه اسم مستعار باش منتيرش شبهات تفاهمنا، نباتو من دروج لفوق
إيثار:واخا واخا، دخلات لبيتها لاحت ساك دخلت دوشات خرجات بالبينوار تلاحت نعسات مفاقت حتى أدن لعشا عاد فاقت لبسات سروال فضفاض بانتوفا جاراها فرجلها وهبطت كتجر فرجليها دخلات لكوزينة كانت سعاد ولحاجة كالسات
إيثار:لوليدة علاش ميقتوتيش
الحاجة:شحال ابنتي فيقنا ومابغيتيش تنوضي خلينا على خاطرك انا نسخن ليك حقك من رفيسة ولوبيا
إيثار:اه حطي ليا قتلني جوع، تحطو طباسل بجوج قدامها رجعو خاويين
إيثار:الله يخلف الله يلاه حسيت بروح رجعات ليا، دخلات أسية فوق كرسي مادة رجلها
أسية:واش ضربتي دوك طباسل كاملهم
إيثار:بسم الله الرحمن الرحيم مشافوني عينيك
أسية:وغير بلاتي وانت غدا شادة طريق حسن عوان لي ايركب معاك
إيثار:لي كيعرف با يمشي يدعيه مال بنادم مايحزقش يبقا حاسرها كيبقلت رجليك؟
أسية:مكنحركهاش نهائيا أجي شفتي تصاور لعميل لي اتعاملي معاه غزال ياختي سعداتك
إيثار:الى غزال غزال لمو وباه مالي بغيت نتصور معاه