WATCH ME FALL (Ariston Ghold Zodiac)

CHAPTER 004 - Used To Pain

MAAGANG NAGISING SI LAWRAH KINABUKASAN. Alas sinco pa lang ay bumangon na ito at naligo. Pagkatapos maligo ay dumiretso ito sa kusina para magtimpla ng kape. Kagabi pa lang ay sinabi na ni Susie na hindi ito nagluluto sa umaga dahil hindi naman kumakain ng almusal si Aris. At ganoon din ito, kaya alam ni Lawrah na wala itong aabutang tao sa kusina sa mga sandaling iyon.

Sa kusina ay may dalawang klase ng kapeng nakita si Lawrah. Isang instant at isang barako. Lawrah chose the latter and brewed it using the percolator. Hindi maiwasan ng dalagang alalahanin ang dating buhay– noong nabubuhay pa ang mga magulang.

They had a pretty decent and comfortable life. Nasa business industry pareho ang mga magulang nila– ang ama nila'y nagmamay-ari ng maliit na shipping company at ang ina nila'y may maliit na hair salon sa bayan. Parehong nag-aral sa isang international school sina Lawrah at Dexter, pero madalas na hindi napasok ang huli dahil noon pa man ay wala na itong interes sa pag-aaral. Lawrah used to top her class, and she was doing well in college until their parents were...

Lawrah shut her thoughts and released a heavy sigh.

Bakit pa ba niya binabalikan ang nakaraan?

Dalawang taon na ang lumipas simula nang maging impyerno ang buhay niya, at sa loob ng dalawang taon ay namuhay siyang puno ng takot at hinagpis ang dibdib. Nawalan na siya ng kontrol sa buhay. Nawalan na ng direksyon dahil na rin sa pagmamanipula ni Dexter.

But she was now willing to change that.

And her future depended on this final job.

For now, she needed to focus.

At para alisin sa utak ang mga alaala ng nakaraan at upang libangin ang isip habang hinihintay na matapos ang pagbu-brew ng kape ay inikot niya ang tingin sa paligid. The whole kitchen area was huge. Ang L-shaped sink ay gawa sa grey and white marble at moderno ang faucet. Ang cupboards ay nakapintura ng puti at nakapantay sa haba ng lababo, at sa mismong lababo ay may nakapatong na mga creeper plants katabi ang ilang mga mamahalin at modernong kitchen devices.

Ang buong kusina ay tila yaong nakikita sa mga lifestyle magazines. Moderno, malinis, mukhang mamahalin.

Pero... hindi ang mga mamahaling kitchen devices ang kailangan ni Dexter na makuha niya.

Ang nais ni Dexter ay mas malaki; mas kapaki-pakinabang.

Napa-hugot siya nang malalim na paghinga. Kailangan niyang pag-aralan nang mabuti kung papaano makukuha ang simpatya at interes ni Aris. Kailangan niyang pag-aralan kung saan ang kiliti nito.

Kailangan niyang makuha ang loob nito. At mag-uumpisa siya sa pag-alam kung ano ang mga paborito nito at ang mga ayaw. From there, she will creep her way to Ariston Ghold's mind and soul. At kapag nabaliw na ito sa kaniya ay...

Natigil siya sa pag-iisip nang marinig ang pag-iingay ng percolator. Ibig sabihin ay handa na ang kape niya. Nilapitan niya iyon at pinatay ang stove. Kumuha siya ng tasa sa cupboard– doon sa area na inituro ni Susie sa kaniya. Matapos niyang magsalin ng kape sa tasa ay tinungo niya ang frigde upang kumuha ng gatas. At habang naglalakad siya patungo sa fridge ay pumasok sa isip niya ang bilin ni Susie kagabi,

"Konsumo nating dalawa 'yong fresh milk na nasa loob ng ref. Pero iyong almond milk, kay Sir Aris 'yon. Pwede kang manghingi kung gusto mo, pero ako kasi, mas gusto ko 'yong fresh milk ipang-halo sa kape ko. Kung gusto mo ng almond milk, itabi mo na lang ang karton sa lagayan ng mga fresh milk. Kapag kasi nainom ng gatas iyang amo natin ay tag-isang karton. Ayaw non ng may bawas kapag nainom, Maarte 'yan sa ganiyan. Tandaan mo na lang para di ka mapagalitan."