لفوك في توب ابيض.... يا ابو قلب لونو ابيض💔💔
كان كل شئ باهت..... بس السحاب ابيض💔
كان زفتك حلوة والناس حزينة بقلب💔💔
كانت ملامحك نور لون شعرك الأبيض💔
من يومها وانا ضهري مكسور بقول الصبر💔💔
اقسم برب الكون حسيت بقلبي اتخلع ورموه معاك في القبر💔💔
"فارس قطرية "
ومع كل خطوة قلبي دقاتو بتزيد والخوف بسيطر على اكتر واكتر لمن قربتا اصل لاقاني راجل قال لي البركة فيكم يابتي وربنا يصبركم........ دخلتا البيت وانا ما فاهمة شئ منو المات والناس دي لي بتبكي كدا بقيت افكر يارب دي امي لالا مستحيل طيب مهدي لالا ما بصدق بس هم الإثنين وين لي ما ظاهرين مشيت الراكوبة لقيت ناس تسنيم قاعدين ببكو مشيت ليها قلتا ليها يابت منو المات فهميني والناس بتبكي على منو ما ردت علي، قلتا ليها امي ومهدي كويسين ما جاتهم حاجة صح.. هزت لي بي رأسها.. قلتا ليها طيب المات منو اتكلمي ياخ ما تحرقي اعصابي منو المات.. قالت لي وهي بتشهق من البكى عمي يا هيومة عمي مات.. قلتا ليها عمك منو يابت انطقي.. قالت لي عمي عبد القادر مات يا هيومة ابوك مات.. حسيت الدنيا لافة بي وبقيت بشوف اي شئ اسود اسود قلتا ليها كيف يعني ابوي مات انا الصباح خليتو كويس ولمن هو عمل لي الشاي انتي بتهظري صح.. قالت لي ياريت لو كان هظار بس دي الحقيقة.. قلتا ليها مستحيل ما بصدق قمتا من جنبها وبقيت بفتش في البيت وبنادي ابوي يا ابوي انت وين تعال شوف تسنيم بتقول في شنو دخلتا الغرفة لقيت امي قاعدة بتبكي قلتا ليها امي ابوي وينو انا عايزاهو.. بقت تعاين لي وبتبكي.. قلتا ليها امي ردي علي ابوي وينو مشى وين.. حضنتني عليها وقالت لي ابوك خلاص مات بقى ما موجود معانا في الدنيا دي خلاص مات💔💔.. زحيت منها قلتا ليها انتي كمان بتكذبي علي ابوي ما بمشي وبخليني براي💔💔 انا متأكدة من الشئ دا ابوي ما بخليني براي من غير ما يودعني💔💔 طلعتا برة ومشيت الديوان لقيت حسن واقف برة وببكي كنتا عايزة ادخل حسن وقفني وقال لي ما بتدخلي.. قلتا ليهو ح ادخل انا عايزة اشوف ابوي وينو كلهم بكذبو علي وبقولو لي هو مات وانا متأكدة انو لسه عايش💔💔.. دخلتا لقيت اعمامي قاعدين وابوي راقد في السرير مشيت قعدتا جنبو قلتا ليهو ابوي قوم شوف ديل بقولو شنو قوم هزيتو كتير ما قام💔💔 لمن مسكتا يدو كانت باردة زي التلج حاولتا اقومو كتير ما قام معاي رفعتا يدو وقعتا براها بقيت بصرخ💔 ابوي قوم ما تخليني براي انا ما بقدر اعيش من غيرك💔💔 انت قلتا لي ما بتخليني عليك الله ما تموت ما تخليني انا ما عندي سند غيرك عليك الله💔💔 قوم انا ما بتحمل غيابك ما تموت💔💔 عليك الله قوم.. جاء عمي عبد الجليل مسكني قال لي خلاص يا بتي ابوك مات💔💔 وما موجود معانا في الدنيا دي.. قلتا ليهو انتو بكذبو علي ابوي ما بموت💔💔 ويخليني يا ابوي قوم وبطل هظار لانو الهظار دا ما حلو خلاص قوم.. عمي قال لي يا بتي حرام عليك البتسوي في نفسك دا خلاص ابوك مات💔💔 وما ح يرجع تاني كفاية تعذبيهو وتعذبي نفسك💔💔 ابوك مات💔💔 استوعبي خلاص مات💔💔.. جو رجال داخلين قالو بعد كدا لازم نغسل الميت ونكفنو عشان نمشي ندفنو جو عايزين يشيلوهو.. مشيت زحيتهم قلتا ليهم ابوي ما مات عشان تكفنو هو نايم خلوهو وبعد شوية بصحى.. شالوهو وطلعو بيهو.. قلتا ليهم جيبو ابوي خلوهو نايم مودنو وين انا بتكلم معاكم رجعو لي ابوي سايقنو وين💔💔.. عمي مسكني وحضني عليهو قال لي يابتي خلاص ابوك مات وما ح يرجع تاني.. بقيت ببكي وبشهق قلتا ليهو يا عمي انا ابوي ما بخليني هو عارف اني ما عندي زول غيرو يسندني في الدنيا.. عمي قال لي دا كلام شنو انا موجود وح اسندك.. قلتا ليهو عمو قول ليهم يرجعو لي ابوي انا ما عايزة شئ تاني بس خليهم يجيبو لي ابوي💔💔.. عمي قال لي ابوك ما ح يرجع ادعي ليهو واصبري هو مشى للارحم مني ومنك وفي مكان احسن من النحنا فيهو بي كتير وانتي كدا غير بتعذبيهو ما بتعملي شئ الله يرضى عليك ما تعملي كدا.. جاء راجل من الجبيل ساقو ابوي قال لينا تعالو شوفوهو لي اخر مرة وادوهو العفو.. ناس امي وعمي دخلو انا ما قدرتا ادخل بقيت واقفة بس وببكي خلاص ابوي وسندي وأماني في الدنيا دي راح في لحظة واحدة بس فقدتو بقى ما موجود انا هسي اعيش كيف في دنيا هو ما موجود فيها تاني منو البقول لي اميرتي وبدلعني ويحبني زيو انا تاني اعيش كيف وسندي ما موجود💔💔 وااي💔💔 انا الليلة من الجاتني وااي يا وجع وكسرة قلبي💔💔 الليلة انا ضهري اتكسر💔💔 الليلة يا ابوي مشيت وين وخليت اميرتك براها💔💔.. جات امي قالت لي يا بتي خشي شوفي ابوك للمرة الأخيرة واديهو العفو.. قلتا ليها امي انا ما بقدر ادخل والله ما بقدر اشوفو كدا ما بقدر.. قالت لي كلنا ما بنقدر بس دي حكمة ربنا وما عندنا اعتراض عليها ما علينا ألا الصبر بس وندعي لي ابوك ربنا يتقبلو قبول حسن.. قلتا ليها امي انا ما بقدر والله ما بقدر انا ما قادرة أصدق انو ابوي خلاص بقى ما موجود معانا في الدنيا دي انا الصباح كنتا قاعدة معاهو وعمل لي الشاي بي يدينو هسي كيف بس مات الحصل شنو.. امي قالت لي انا زاتي ما عارفه بعد طلعتي قال لي انو حاسي نفسو تعبان ورجلينو ما شايلاهو وماشي ينوم اما انا قلتا ليهو يرتاح ولمن يجي زمن الفطور اصحيهو ومشى لمن جيت اصحيهو ما صحى معاي مشيت ناديت ولد جيرانة ديل دكتور قال لي انو مات ليهو اكتر من ساعتين انا زاتي في البداية ما صدقتا الا بعد مسافة حتى استوعبتا في لحظة واحدة بس فقدنا سندنا في الدنيا وعمود بيتنا💔💔.. قلتا ليها يعني كان كويس بس تعب فجأة ومات.. قالت لي اي انا لي هسي ما مصدقة كيف حصل كدا وهو قبل ساعات بس كان بتونس معاي وبضحك وهسي مشى وين لي مكان بعيد شديد عننا تاني ما ح نرجع نشوفو.. جو ناس عمي واولادهم وشالو جنازة ابوي وكانو طالعين.. قلتا ليهم استنو ما تشيلو خلو معاي ابوي ما بخليني عليكم الله ما تبعدو مني والله انا ما بقدر من دونو خلو ما تشيلو.. حسن جاء مسكني قال لي عارف فراقو صعب عليك جدا بس دي حكمة ربنا وما لينا حق نعترض عليها قولي ان لله وان اليه راجعون وربنا يصبرك ويصبرنا على فراقو.. قلتا ليهو حسن انت عارف ابوي أغلى زول في حياتي هسي انا اعيش من دونو كيف ما بقدر صعبة علي والله صعبة.. قال لي انا عارف انها صعبة بس نعمل شنو قدر ربنا كدا والحمدلله على كل حال.. قلتا ليهو فكي انا عايزة امشي ليهو هو هسي بكون محتاجني انا ماشة ليهو كنتا عايزة امشي رأسي لفة وبقيت بشوف طشاش طشاش وتاني ما حسيت بي أي شئ
