نزلت معاها في قبرها💔 كان ابي وأخي يتابعاني من فوق القبر💔 سجيتها في مثواها الأخير ودموعي لا تتوقف💔 ثم خرجت من القبر وعندي خروجي سقطت ساعتي بجانبها💔 لم أستطع الكلام نظرت إليها ونظرت الي ساعتي بجوارها💔 والم فظيع يعتصر قلبي💔 وصوت ما يهمس في داخلي شئ مني معها💔💔💔
الدكتور جاء طالع وملامح وشو نهائي ما بتبشر بالخير وانا خلاص الفيني انتهت.. الدكتور قال لينا..... كل شئ في الدنيا مكتوب ومقدر والأعمار بيد الله وكلنا ح يجي يوم وربنا يشيل امانتو فيهو نحنا عملنا كل العلينا بس مع الأسف ما قدرنا ننقذها البقية في حياتكم وربنا يصبركم على فراقها.. بقيت واقفة وبعاين ليهو في اللحظة ديك كل احساسيسي اتجمدتا وبقيت ما عارفه انا اصلا حاسة بي شنو حتى دموعي في الوقت دا خذلتني وما نزلت بقيت بعاين حولي شفتا عمتو عفراء وخالتو منال ببكو وعمو عبد الجليل وخالو متوكل بتحسبنو وبقولو انا لله وانا اليه راجعون فجأة كدا أصواتهم كلها اختفت وبقيت ما سامعة اي شئ بس شايفاهم ببكو بي خطوات تقيلة دخلتا الغرفة الفيها امي لقيتهم مغطيين ليها وشها وفصلو الأجهزة منها مشيت شلتا الغطاء من وشها ورقدتا جنبها وحضنتها من غير ما اقول ولا كلمة بس بقيت حاضناها وراقدة جات عمتو عفراء قالت لي هيومة قومي تعالي معاي.. قلتا ليها خليني عايزة انوم جنب امي شوية بس خليني معاها.. قالت لي هيومة قومي فالحة حبيبتي.. قومتني من جنبها وجو كم ممرض عايزين يسوقو امي.. قلتا ليها عمتو ديل مودين امي وين خلوها هنا هي عايزة ترتاح وبعد شوية بتقوم هسي قالت لي هيومة بتي انا عايزة انوم وما تخلي زول يصحيني قولي ليهم يخلوها ولا كدا بتزعل مني عشان ما سمعتا كلامها.. بقت بتعاين لي وبتبكي.. قلتا ليها عمتو مالك بتبكي في شنو احكي لي ايواا عرفتا انتي قايلة امي ماتت صح ما تصدقي كلام الدكتور دا مجنون هسي امي اتكلمت معاي قبل ما انتي تجي داخلة بي ثواني.. حضنتني وبقت بتبكي.. بقينا واقفين مسافة بعدها قلتا ليها عمتو خلينا نمشي نشوف امي مشت وين اتأخرت من جبيل ساقوها ولسه ما جابوها هسي بتكون بتفتش فينا.. قالت لي هيومة امك تاني ما ح تجي راجعة ولا بتكون بتفتش علينا.. قلتا ليها عمتو كيف يعني ما بتجي راجعة انتي براك عارفاها ما بتقدر تقعد فترة طويلة من دوني عشان كدا خلينا نمشي ليها.. جاء عمو قال لينا بعد كدا ح نرجع البيت عشان نغسل الجنازة ونمشي ندفنها.. قلتا ليهم عمو جنازة شنو ومنو المات.. عمتو أشرت ليهو ما فهمتا قاصدة شنو.. قال لي خلينا نمشي البيت وبتعرفي.. طول الطريق وعمتو عفراء حاضناني وبتبكي وصلنا البيت ونزلنا وكان مليان ناس وكلهم ببكو انا بقيت بعاين ليهم وما فاهمة هم اصلا ببكو لي شنو دخلتا جوة قعدتا في البرندا وبقيت بعاين للنسوان وهم ببكو بعد مسافة جات عمتو عفراء قالت لي هيومة تعالي معاي.. قلتا ليها اجي معاك وين يا عمتو وانتي النسوان ديل ببكو علي منو.. قالت لي تعالي شوفي امك.. مشيت معاها جو الغرفة لقيت امي مرقدنها وملابسنها ملابس كلها بيضاء ولافنها بيها الا وشها فاتح وكان خاتين ليها قطن في اذنها وانفها زحيت القطن من انفها قلتا ليها عمتو لي خاتنو ليها هنا كدا ما بتقدر تتنفس.. عمتو قالت لي اصلا هي ما بتقدر تتنفس تاني لأنها خلاص ماتت.. قلتا ليها امي ما ماتت هي نايمة بس وخلي النسوان البرة ديل يسكتو عشان ما يصحوها ومشيت بستا امي في رأسها وطلعتا عشان اخليها تنوم بعدها جو ناس عمي وحسن شالو امي وطلعو بيها لمن قربو يطلعو من البيت قلتا ليها انتبهو على امي كويس هي مسافرة وجاية خلو بالكم منها كلهم قعدو يعاينو لي بي طريقة غريبة كدا ما قدرتا افسر هم قاصدين شنو دخلتا المطبخ لقيت امي عاملة لي رز باللبن لاني بحبو قعدتا اكل فيهو جات عمتو ومعاها مرة داخلين.. قلتا ليها عمتو دي منو المعاك دي.. قالت لي دي خالتك منال انتي نسيتي ولا شنو.. قلتا ليها خالتي من زمان ما جاتنا الليلة جات من وين.. الإثنين بقو يعاينو لي بعض وتاني عاينو لي.. قلتا ليهم تعالو اكلو معاي شوفو امي قبل ما تسافر عملت لي رز باللبن وبقيت بأكل بعد خلصتا رجعتا الباقي في الثلاجة وشربتا لي موية وطلعتا برة والنسوان لسه مواصلين بكى وانا كل ما اسأل واحدة فيهم ببكو لي ماف واحدة بترد علي وبعاينو لي بس طلعتا برة الحوش جات روان قعدت جنبي.. قلتا ليها روان انتي لي الناس دي ببكو منو المات.. قالت لي هيومة انا عارفه القصة صعبة عليك تصدقيها بس دي امك الماتت.. قلتا ليها روان انتي جنيتي ولا شنو انا امي سافرت ما ميتة مالك عايزة تقتليها.. قالت لي هيومة ما تحاولي تنكري انتي امك ماتت اقتنعي بالقصة دي لي مصلحتك.. قلتا ليها اقتنع بي كلام ما حقيقي اصلا انا عارفه انتي وامك عايزين امي تموت وهسي امشي من جنبي انا ما مصدقاك انا امي سافرت وح ترجع بعد كم يوم وقمتا من جنبها ركبتا سماعاتي وبقيت بسمع في قرأن.. مرو ثلاثة أيام وكلهم بقولو بي انو امي ماتت بس انا عارفة امي ما بتخليني هي سافرت وح ترجع بعد فترة بس هم ما عارفه لي ما راضيين يقتنعو ومُصرين انها ماتت
