من جانب مهدي:-
ما زال يدور في الشوارع يبحث عن مكان ليجلس فيه ويخلو بنفسه من دون ضجيج الناس ليفرغ الحزن💔 المتراكم على صدره ويطلق العنان لدموعه😭😭 لتزرف وتخرج ما يكتمه من ألم💔 ووجع💔 وكسرة💔 ليحزن على وفاة والده سنده وظهره ودرعه الحامي الشخص الوحيد الذي كان يتمنى له كل الخير♥️ ويتمنى انا يراه أفضل حالا منه♥️ الذي كان يفرح لفرحه أكثر منه😊 ويحزن لحزنه أكثر منه🥺 الشخص المستعد لتلقي جميع الضربات والآلام🤕🤕💔 حتى لا تصبه ولو خدشة صغيرة.. الأب♥️ مدرسة وسند♥️ وحماية♥️ لن يدرك قيمتها إلا من فقد والده💔 وحرمته الدنيا من وجوده معه💔 وبعد كل ذلك هنالك من يعق والده💔 ويقسو عليه💔 ويكسر قلبه💔 الا تعلمون انا فقدان الأب عظيم وجلل💔💔 الا تعلمون انا الحرمان منه من أكثر ما يؤلم القلب💔 الا تعلمون انا غيابه يعني غياب كل أسباب الفرح والسعادة في الدنيا💔 وبعد كل هذا هنالك ما لا يقدرون نعمة وجود آبائهم حولهم الا أيها الناس اتقوا الله انا فقدان الأب لشئ عظيم💔💔 وكسرة يصعب التعافي منها إلا بفضل الله عزة وجل ورحمته علينا♥️ انه يخفف عنا فقدانهم ويجبر بقلوبنا ويصبرنا على مصيبة كبيرة💔 أيها الناس ارجعوا إلى ابائكم واطلبو رضاهم لا تعملون في أي يوم أو ساعة أو دقيقة قد يأخدهم الموت منكم💔💔 ارجعو إلى ابائكم وخذو رضائهم فكم من شخص يتمنى ولو يرجعه الزمن ثانية واحدة من أجل انا يقضيها مع والده💔 الله احفظ كل أب وارحم منهم من كان تحت الثرى🤲🤲🤲🤲
يا ابوي مشيت وين وخليتني و انا لسه محتاج ليك ما كفاية زمان امي خلتني ومشت وهسي انت ذاتك خليتني انا بعدكم أعمل شنو انا تاني فضل لي منو ولا انت ولا امي مافيشين ودا كلو حصل بي سبب هيام وامها من دخلو حياتنا كلها اتغيرت وبي سببهم امي مشت وخلتني ولو ما هم هسي كان احتمال امي معاي وعايشين ونحنا مبسوطين بس أنت دائما كنتا بتفضلهم علي وبتحب هيام اكتر مني وفي كل مرة انت كنتا بتقيف معاها ضدي مع انو كان مفروض تقيف معاي انا لاني خسرتا امي بي سببها هي وأمها صحي كلام عمتو وداد لمن قالت لي انو انت بتحبهم اكتر مني وبدليل انك سجلتا البيت بي اسمها هي براها وانا ولا كأني ولدك حتى وانت ميت ميزتها علي
رجع مهدي البيت الكبير ولقى عمتو وداد قاعدة ومستنياهو اول ما شافتو جات عليهو قالت ليهو اها طلعتهم من البيت خلاص ومشو وين ولا اقول ليك ما بهمني المهم انت طلعتهم من البيت صح وجبت حق امك وطلعت المرة الحرمتك من البيت هي وبتها، عاينت ليهو كان واقف وما رد عليها ولا بي كلمة.. قالت ليهو في شنو يا مهدي ما سامعني بتكلم معاك لي ما عايز ترد علي.. مهدي اتنهد وقال ليها ما قدرتا اطلعهم من البيت.. قالت ليهو بي صوت عالي وانفعال كيف يعني ما قدرتا تطلعهم مشيت تعمل شنو يعني اصلا انت ما بعتمدو عليك وغلطانة انا الوثقتا فيك وفكرتا انك ح تجيب حق امك من الناس الحرموك منها بس طلعتا غلطانة.. قال ليها القصة ما كدا يا عمتي اسمعيني.. قالت ليهو ما عايزة اسمع منك اي شئ.. قال ليها ما طلعتهم عشان ابوي سجل البيت بي اسم هيام.. عاينت ليهو قالت ليهو كيف يعني سجل البيت بي اسمها.. قال ليها زي ما سمعتي لمن مشيت اطلعهم جاء عمو التاج المؤجرين منو البيت وقال لي انو ابوي اشترى البيت وسجلو بي اسم هيام.. قالت ليهو وانت بالسهولة دي صدقتا عادي يكون بكذب عليك.. قال ليها انا ما غبي وقلتا ليهو البخليني اصدقو شنو قام ضرب لي المحامي وجاب أوراق البيت عشان كدا ما بقدر اطلعهم لانو البيت بي اسمها.. قالت ليهو المرة الأولى غشت اخوي وخلتو يطلق امك ويطلعها من البيت والمرة دي برضو غشتو تاني وخلتو يسجل البيت بس اسم بتها وطلعتك انت منى دي كل مرة بتفاجأني بي خططها.. قال ليها يا عمتي بس هم قالو لي انو ما كانو عارفين بي قصة البيت دي وابوي الله يرحمو ما جاب ليهم اي سيرة عنو.. قالت ليهو وانت صدقتهم انت عوير اكيد ما ح يقولو ليك نحنا غشينا ابوك وخلينا يسجل لينا البيت انا متأكدة انهم كانو عارفين وقدامك بمثلو كأنهم ما عارفين انا منى دي بعرفها كويس هي أخبث واحدة وبتظهر للناس انها كويسة ومسكينة وطيبة بس انا فاهمها كويس.. قال ليها يا عمتي انا نفسي افهم انت ليه بتقولي عليها كدا مع اني ما شفتا منها حاجة كعبة.. قال ليهو عايز تشوف منها شنو اكتر من أنها فرقتك عن امك وانت صغير.. قال ليها عمتي انتي مش قلتي امي خلتني وانا عمري 5 سنوات طيب انا لي ما متذكر اي شئ عنها وحتى شكلها ما متذكرة.. وداد اتوترت وبدت تعرق وقالت ليهو انت كنتا صغير عشان كدا ما متذكر شئ بس انا كنتا قاعدة وشفتا كل شئ.. قال ليها طيب طالما انتي قاعده لي ما منعتيها واتكلمتي مع ابوي وما خليتي يطلقها ويفرقني عنها.. قالت ليهو اتكلمت مع ابوك كتير بس منى كانت غاسلة ليهو مخو وما كان برد على زول فينا وما بسمع غير كلامها هي وبس.. قال ليها طيب امي كان مفروض تجي وتشوفني وتسوقني معاها وما تخليني هنا ولي السنين دي كلها ما جات وسألتا عني.. قالت ليهو لانو امك كانت خايفة عليك عشان كدا ما قدرتا تجي وتشوفك.. قال ليها تخاف علي لي شنو ومن منو.. قال ليهو خايفة عليك من منى لانو هي هددتها لو جات شافتك أو حاولت تتواصل معاك ح تأذيك وامك من خوفها عليك ما جات عشان انت تكون في امان.. قال ليها طيب انتي لي ما حاولتي تساعدي امي وتوديني ليها طالما انت عارفة كل شيء لي سمحتي ليهم يبعدوني عن امي وفضلتي ساكتة.. قال ليهو الزمن داك انا كنتا حاملة بي بتي رهف وكنتا خايفة منى تعمل لي شئ وتقتل بتي لانو المرة الفرقت طفل صغير عن امو بتقدر تعمل اي شئ وانا خفتا على بتي عشان كدا ما قدرتا اساعد امك بي شئ خفتا ترميني أو تعمل شئ تخليني افقد بتي بي سببو.. قال ليها دا ما سبب كان بتقدري تسوقيني وتوديني لي امي أو تخليها تجي تسوقني بس انتي ما عملتي كدا.. قال ليهو انا حاولتا كتير اوديك لي امك يس في كل مرة منى كان بتجي وتمنعني وتشيلك مني لي درجة انها خلت اخوي يمنعني اجي بيتو واشوفك عشان ما اديك لي امك.. قال ليها طيب امي ما حاولت تجي تسوقني.. قال ليهو حاولت بس منى في كل مرة كانت بتمنعها لي درجة منى اشتكت عليها للشرطة وخلتهم يسجنوها وبعد كم يوم حتى طلعت وبعدها انا ولدتا وتاني ما عرفتا اي اخبار عن امك وما عارفة مشت وين ودا كلو حصل بي سبب منى هي الفرقتك عن امك.. قال ليها يس البشوف خالتو منى ما بقول بتعمل دا كلو انا ما قادر أصدق انها عملت دا كلو.. قال ليهو صدق لأنها بتعمل اكتر من كدا انا البعرفها كويس لأنها من دخلت حياتنا خربتها وفرقت الأسرة كلها واخوي كان قاعد معانا ومن عرسها خلتو يطلعها من البيت ويأجر بعيد مننا وبقينا نشوفو يوم الجمعة بس وزي ما شفتا براك هو بحبها هي وبتها كيف حتى اكتر منك.. قال ليها طيب هسي ح نعمل شنو البيت ما بنقدر نطلعهم منو.. قال ليهو انت امشي ارتاح وخليني انا بفكر في حل للمشكلة دي
