"في احدى أرياف بلادنا المزيانة "
كانت زهرة ماشية تخدم في جنان الرمان كي عادة لابسة روبة فلوري على ابيض و رابطة فولارة على اكتافها تمشي تخدم باش تعيش امها و اختها... هي وصلت لجسر مزيان هزت راسها على خطوتها لقات قدامها زين مكستم كي العادة واقف يتفرج فيها حاط يديه في جيوبو بطولو و عرضو هذايا يحب زهرة و يموت فيهاا ..
هي دوب ما شفاتو زادت في سرعتها و جات باش تفوتو اما شدها من زندها و قربها ليه يشم في ريحتها
_زين : ماتعبتش مالخدمة ياخي ...غير نعرسو برك تو ترتاحي
قحرتلو قحرة مووت
_زهرة : سيبني زين اخطااني
_زين : وسع بالك زهرة انتي علاش متنرفزة ديمااا ياخي لتو لفهمتي...افهم انا نحبك..و باش نعرسو على قريب
_زهرة : اما انا منحبكش زين ...تنجم تفهم و تسيبني
قالت كلامها و نطرت يدها من يدو و مشات و خلاتوو..
العائلة كل ملمومة سلايط و انواع مقارن و لحم و مشوي
_نديم : ساموحني بطيت عليكم ..قعدت نشوي
جاوبوه كل و يشكرو فيه
_نديم : صحة و بشفااء اما هاني نقولكم كيما هاكا مشوي مش باش تذوقو لا في تونس ولا في العالم
_هارون : اهه خاتر انتي شويتوو
_نديم : bien sûr
_هارون: و باهي مشوي هذا علاش متعملناش منو في تونس العاصمة...
_نديم : خاطر اللحم هوني في ريف يكون فرشك و بنين
قعدوو يضحكو كل لين تكلم بوه سي ناصر
_ناصر : والله يا ولدي حتى ريحتهم تشهي
_غصون : متكثرش برشاا عمي تو يقلقك ..عندك الدم
نديم : حيااتي ..
و غزر لمرتوو
_جيهان : يعطيك الصحة يا عمري ياسر بنين
و باستو من خدوو كان حماتها للا راقية تتسومم و مش عاجبها الوضع ...وضع جيهان الي متجيبش صغار
جاهم ولد خو خالد الي يخدم شوفور عندهم لطاولة جاتو جيهان و ركباتو في حجرها و بدات تحكي هي وياه و الي قاعدين على الطاولة كل يتبسمو لين تكلمت للا راقية
_للا راقية : انشا الله نفرحو و نشوفو ولدك في حضنك يا جيهاان خاطر والله باش نموتو على هالصغير
#رايكم في أول حلقة نحب رايكم بصدق يهمني رايكم 😘💯
#يتبع
#يسرا
VOUS LISEZ
أمنية تحت ظل الخيانة
Romanceالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
