أمنية تحت ظل الخيانة

الحلقة 11🥃

الحلقة 11🥃
_زين. : واضح سي نديم كيما تحب
هوما هكاك و زهرة و نرجس و امهم هربو جا باش يخلط عليهم زين اما شدو نديم
_زين : زهرة
_نديم : اشششش..و انتي امشي لعائلتك
_زين : محقكش دخلت سي نديم
_نديم : المرة جاية متعاودش صنعتك باهي ..
_زين : ...
_نديم : باااهي
_زين : باهي كيما تحب سي نديم
مشا و خلاه نديم و ركب في كرهبتو هو و مروان طريق الدار و خالا زين يتمتم وحدو
_زين : محقكش دخلت سي نديم
ممدوح وصل لدار اول ما حل الباب شد زهرة من شعرها و دزها جابها على قاع
_ممدوح : تكسرلي كلمتي يابنت لحراام اهه
_زهرة ؛ بابا
_ممدوح : اسكت حتى كلمة زين باش تاخذيه
_زهرة : منخذووش
_ممدووح : قتلك باش تاخذيه و مانيش نشاور فيك ( و عطاها كاف شفايفها طرشقو بالدم )
_زهرة : على جثتي
_ممدوح : اي باهي مالا ايجا لهنااا
شدها من شعرها و دخللها للبيت و سكر عليهاا و قاللها الي غدوة صباح كان قالت ناخذو تخرج و الا تبقى غادي جات امها باش تحل عليها الباب كللها قلبها بطريحة ..و هو قعد قدام الباب يشرب لصباح
نديم و مروان وصلو لدار يحكيو
_مروان : خالي تو صدقت حكايتهم هاكو
_نديم : لا منيش مرتاحلو الراجل هذاكا
_مروان : حتى انا ..نحب نعرف شنيا لحكاية
_نديم : تو نعرف بطريقتي
_مروان : كيفاش
_نديم : تبعني
_زهرة : ( وهي تبكي ) لا منخذوش
حل الباب و تعمى على عينيه و شدها من شعرها يكركر فيها و دزها وسط الحوش و خلط عليها بكف قوي
_ممدوح : يا بنت لحراام انا نلوج على مصلحتك و الراجل عطاني فيك مهر باش يخرجنا من الهعيشة و انتي تقولي لا
_زهرة : نموت و مانخذوش
جات جاهدة ام زهرة باش تنقذها من عذاب بوها دزها جات على قاع