_ناصر ؛ تو الي صار صار ولدي الشركة هذه عندها سنين واقفة على ساقيها و نخدمو مع نفس الشركات اساس خدمة الثيقة و الدقة رد بالك عيش ولدي انا اخترك انت و حملتك المسؤولية هذه خاطر نعرفك قدها
_نديم ؛ عندك الحق بابا سمحني
_ناصر ؛ صلح غلطتك انا باش نمشي ربي يعينكم
خرج ناصر قعد كان هارون و نديم خمم شوي هارون و بعد ريقل قعدتو و تكلم
_هارون ؛ تو بما انو شركة غانمي نجمو نتعاملو مع شركة فؤاد
_نديم ؛ قتلك الف مرة الشركة هاكي مش معروفة ....باش نرجع نحكي مع شركة غانمي
هارون وجهو تلون اخضر احمر و ضرب على ركايبو و قام بزربة يتمتم
_هارون ؛ باهي برشااا باهي ..باهي
الليل طلع ناس كل ملمومين على الطاولة كان بلاصة مروان و نديم اما سي ناصر برغم تغشش من راقية اما مينجمش يعمل حتى شي يبقى يحبها و هي عشيرت عمرو ،، هارون ياكل ساكت النفس طالع هابط و عينيه مرشوقة في كرسي نديم هي مشوار و بدا بلواحد بالواحد يمشي سي ناصر طلع لبيتو قعدو كان جيهان و راقية
_جيهان : شنيا راقية قالولي خرجت مالدار مطرودة اما هاك تبركالله عرفت كيف ترجعلهاا
_راقية ؛ الدار هذه داري نخرج و ندخل كيما نحب باهي ..اما الي معندوش علاش باش يقعد هوني راهو انتي انتبه لكلامك ولا تلقى روحك لبرا
جيهان قامت مالكرسي و مشات وصلت لعندها قالت كلامها و كملت في طويل راجعة لبيتهاا
_جيهان : انتي تو خمم كان كيفاش تنجم تسلك روحك مالحكاية هذه
هي مشات وخلاتها ترحي و الباب دق مشات غصون تحل تلقاها مرا
_سلام بنتي
_غصون ؛ عسلامة تفضل
_مدام راقية موجودة
_غصون ؛ اي هوني
_تنجم تعيطهالي
_استنى
سكرت الباب و مشات لصالة و اسأذنت من راقية و خبرتها استغربت و بعد مشات أول ماحلت الباب لقاتها جاهدة غزرتلهاا بشطر عين مع هي منرفزة و تكلمت
_راقية ؛ تفضل مدام جاهدة
جاهدة شافتها ديراكت بقات تسال فيها على بنتهاا و تضحك فرحانة
_جاهدة ؛ عسلامة مدام جيت باش نسال على بناتي
_راقية ؛ بناتك مهمااش هوني معاش تجي لهنااا
_جاهدة : كيفاش مش هوني مالا وين
راقية سمعتهااا ردت الباب شوية هزت ورقة كتبت العنوان متاع الدار و معاها عشرين الف و رجعت
_راقية ؛ شد هذا العنوان تو تلقى بناتك غادي و رد بالك تجي لهنا مرة اخرى
قالت كلامها و سكرت الباب في وجهااا جاهدة باهتة في الطريقة الي تعاملت معاها بيهاا كيفاش تتصرف هكك غزرت ليدهااا شافت لفلوس حست بحقرة طيحت لفلوس بقهرة و بغل هزتهم النسمة الباردة غزرت للورقة ديراكت خرجت خذات تاكسي و مشات اول ماوصلت استغربت دار كيما هاكي متاع شكون و اش يعملو بناتها غادي ديراكت خلصت التاكسي و طلعت ضربت الناقوز مشات نرجس باش تحل تلقاها امهاا طيشت الي في يدهااا و مشاتلها تجري تبوس و تعنق
_نرجس ؛ امي
_جاهدة ؛ بنتي
سمعتهم زهرة خرجت تلقاها امهاااا ضحكت من قلبها أما الخوف ماكنها
_زهرة ؛ امي ...توحشتك
_جاهدة ؛ بناتي المزيانين
هي دخلو لداخل وهوما معنقين في امهم بعد سالتهم
_جاهدة ؛ ياخي الدار هذه دار شكون وعلاش انتوما هوني مش قتلي يا زهرة بنتي الي انتي تخدم في دار للا راقية
_زهرة ؛ هذه دار جواد صاحب سي نديم ..و اي انا مازلت نخدم غادي
_جاهدة ؛ و اش تعملو في دار الراجل مفهمتش اناا وحدكم هوني
_نرجس : لا والله خويا جواد محلاه راجل طيب عندو مطعم ساعات نمشيو نعاونوه هو ميجيش برشا هوني حتى يجي ...يجي اخر الليل يرقد و يمشي صباح بكري ...
_جاهدة ؛ على كل يكثر خيرو استقبلكم ..اما انا تو كنت في دار للا راقية استقبلتني بطريقة غريبة شوي
_زهرة ؛ تلقاها منرفزة من حاجة عندهم برشا مشاكل المدة هذه
_جاهدة ؛ على كل ربي يفرج عليهم ..
_نرجس ؛ امي ايجاا اعمل دوش و ارتااح اكيد راك تاعبة
نهار جديد جيهان لبست و خرجت مالبيت عرضتها في الصالة للا راقية :
_جيهان ؛ صباح الخير حماتي
_للا راقية ؛ صباح الخير
_جيهان ؛ طلعت حكايتك حولة مفيها حتى فائدة... اما بما انك متصرفتش و بعدت الي اسمها زهرة من حياتي تو نبدلها انهااا
_للا راقية ؛ اعمل الي يضهرك و منغير متكسرلي كرايمي
هي خرجت و جيهان هزت تاليفونهاا و طلبت سمعت راقية اسم الي طلبتو ديراكت بعثت شكون يتبع فيها
_جيهان : زين ؟ ...باش نبعثلك لوكال ايجا حاجتي بيك...ناكدلك باش نتفاهموو
هي فاقو زهرة و عايلتها لين طلبها نديم
_نديم ؛ صباح الخير
_زهرة ؛ صباح النور
_نديم ؛ اشنو حالكم
-زهرة ؛ لباس ..امي خرجت إمبارح
_نديم ؛ هايا باهي هنيك سلامتهاا
_زهرة ؛ يعيشك
_نديم ؛ حضر روحك الليلة باش ناخذك لبلاصة باش تحبها
_زهرة ؛ وين
_نديم ؛ مفاجئة
_زهرة ؛ ههه اما منجمش نصبر هايا قولي
_نديم ؛ ههه لا باش تصبر هايا وصلت لشركة نتقابلو بعد
ضحكت زهرة حطت يدها على كرشهاا و قعدت تضحك ياخي دخلت امها
_جاهدة ؛ بنتي معا شكون تحكي
_زهرة ؛ امي ..لا نحكي مع سي نديم
_جاهدة ؛ اش يحب
....
نهاية الحلقة 🥃
نعرف مقصرة معااكم هيااا هاني باش نهبط برشااا حلقااات توو 🍓🖤
زهرة نهايتهااا قربت 🥺❤️
و جيهان تلعب بالنار اما نديم بين نارين 🥵💥🔥
فووت 🥺
VOUS LISEZ
أمنية تحت ظل الخيانة
Romansaالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
