أمنية تحت ظل الخيانة

الحلقة 13🥃

الحلقة 13🥃
جيهان في دار بوها هو مريض ميتكلمش مشلول و عندو فرملية تعيش معاه و صاحبة جيهان اسمها فاطمة
_جيهان : ( وهي تبكي ) مخلت ماقالت ..انا منجمش نجيب طفل لنديم وهي تعرف الشي هذا و ماهوش ذنبي
_فاطمة : عندك حق يا جيهان اما انتي متعرفش شنيا تنجم تعمل
_جيهان : اش باش نعمل ..فاطمة انتي عندك برشا معانا و تعاون فينا ..و انتي تعرف كلشي ...نديم من حقو يجيه طفل ..اما انا منجمش ..عملت المستحيل مفماش طبيب ممشيتلوش و مشيت حتى لطبا في خارج ...اش باش نعمل تعبت والله
_فاطمة : فما طريقة حكينا فيها هاك نهار تتفكر
_جيهان : لا
فاطمة : في موضوع الام
_جيهان : نديم مستحيل يوافق
_فاطمة : من رايي لازم تحكو في موضوع خاطر مهناش حل اخر .
من غدوة صباح فاقو ناس كل في فيلا بسمة لابسة روبة روز حد الركبة كانت جايبة قهوة لحماتها عرضتها سلفتها جيهان لابسة سورية بيضة وفيها شوي مارون و سروال مارون و صباط عادي هزت من عندها القهوة
_جيهان : بسمة القهوة لمرت عمي
_بسمة : اي
_جيهان : باهي هاتي تو انا نهزها عندي موضوع باش نحكي فيه معاها
خذات الطبق و مشات خلت بسمة تمتم
_بسمة : اي اكهو انا نطيبها و هي تاخذها
هي وصلت جيهان مدت القهوة للا راقية
_راقية : انتي عملت القهوة
_جيهان : لا بسمة عملتها و انا جبتها
_راقية : باهي يعطيك صحة
_جيهان : نجمو نحكو في موضوع مهم
_راقية : شني انشا الله خير
_جيهان : موضوع الصغاار
وجه راقية تقلب 360° و بعد تكلمت
_للا راقية : اش بيه
_جيهان : انا خممت و خذيت قرار باش يرضي ناس كل ..
_للا راقية : وشنوة هالقرار
_جيهان : انا منجمش نجيب صغار  على هذاكا قررت نعملو طريقة الأم الحاضنة