أمنية تحت ظل الخيانة

الحلقة 42🥃

يا قلبي سامحني عملت شيء ميشبهني 💔

وصل للكلينيك طاير معمي على عيونوو زهرة دايخة ...حرق الضوء كل معادش يرى وقف الكرهبة قدام الباب و هبط حملها و دخل بيهاا يجري و يصيح
_نديم ؛ دكتوور وييييييينكمم
_الفرملية : اجرووو فيسع ..شبيها مسيوو
_نديم : منعرفش داخت و هي enceinte
_الفرملية : باهي ستنى هوني لين تشوفها الطبيبة
قعد نديم يمشي و يجي تعدى شوي وقد و الفرملية خرجت و خلات الباب محلول قرب نديم يلقى تصويرة الايكو في شاشة و يسمع في  الطبيبة تحكي مع زهرة
_الطبيبة : متخافش البيبي لباس قولي سمعت دقات قلبو قبل
_زهرة ؛ لا
_الطبيبة : هاني باش نسمعك استنى
سمعتهم و نديم لبراا يضحك و عينيه تغزلل. بالدموع و زهرة تضحك
في دار وسط الفيلا هابطة تجري في الدروج عرضتها بسمة
_بسمة : سايس روحك راك حبلة شبيك تجري في دروج ...مش باهيلك في الشهور لاولى
_جيهان : صحيت سلفتي الغالية على المعلومة اما شدها عندك
و مشات و خلاتهاا و كملت تمشي باش متزيدش تشك فيها لين وصلت للا راقية
_بسمة : حبلة و ميهمهاش في روحها مالا مرا
سي ناصر في يبتوو حل لخزانة يفركس في دواه جبد باكوو باش يفركس فيه طاح جواب هزو يلقاه من سبيطاار حب يحلوو بعد محبش يخون الامانة و حب يعطيه لصاحبو الي هي للا راقية 
جيهان قربت من للا راقية و بدات تحكي
_جيهان : قولي ياخي ويني زهرة
_للا راقية : اش اش اسكت و نقص في حسك باش ميسمعوكش
_جيهان : ميهمني في حد اسمعني ..انا وثقت فيك و خليتك تختارها و قتلك عندك فيها ثيقة قوتلي اي و تو وينهاا ...جاوبني وييين هربتت و نديم خالط وراهااا يمكن تو راهم مع بعضهم و انا هوني ناكل في روحي عاااااااجبك هاكة
_للا راقية : اسمعني مليح ...انتي الي قررت القرار هذا فهمتني ولا لا ...و كانك الطفلة ولدها و هي حرة
و قفت على كلامها كينها شوكة و دقتها في كراجمهاا و جهها لخلخ و تربكت و جيهان من شك صنعت عالم و سيناريوو كينهاا حاست بالحقيقة الي هو ولد زهرة و نديم خاطر بويضات جيهان مستحيل يتلاقحو
_جيهان : لحظة ...لحظة عاود اش قلت
_للا راقية : قتلك اتلهى ..
_جيهان : قتلي هي و ولدهاا اش تقصد
_للا راقية : اسمعني مليح انا هوني نبقى في مقام امك فمتتجاوزش حدودك
_جيهاان : كان انتي عرفت كيفااش نتصرف راني تو منيش هاكااااا وينو نديم تو ولا خايف على ست الحسن اكثر مني وينوو نديم حتى النوم معادش يراه في البيت
_للا راقية : اسمعني مليح عيش بنتي ..كان وصلنا اليوم لهنا راهو في جرتك ...كان سياتك تكرمت و جبتلنا حفيد راهو هذايا كل مصارش
جيهان قعدت تغزر ملقات متجاوب و هزت روحها و مشات لعند بوهاا تحكي و تفرغ قلبها لفاطمة في ثنيتهاا للبيتها بتهز ساكهاا عرضها سي ناصر
_ناصر : بنتي
_جيهان : نعم بابا .
_ناصر : هذوما تحاليل متاع للا راقية اعطيهملها بربي
_جيهان : باهي يا بابا تهنى
_سي ناصر : يعيش بنتي مشاية لعند بوك
_جيهان : اي تستحق حاجة
_سي ناصى : لا بنتي سلامتك و سايس روحك ...باهي بنتي
_جيهان : تهنى يا بابا
شدت الماصو و معطاتوش اهمية كبيرة حطتو في ساكهاا و خرجت في ثنيتها طلبها انيس الي يخدم معاها و قلها لازم تجي
تعداتلوو
زهرة في كلينيك معاها نديم الي طلبتو جيهان اكثر من مرة و كان يعلق عليهاا و بعد زهرة طلت على نرجس ..
وصلت جيهان لانيس سلمت و جبدت pc متاعها لقات الماسوو جات باش تحلوو اما قص عليها سؤال انيس
_انيس : وينوو نديم جيهان
_جيهان : هاوينو  كيف عادتتو..اما عندي ليك سوربرييز
_انيس : شنياا
_جيهان : انا حبلة
_انيس : يااا مبروك مبروك ...و الله فرحتلك تستاهلي
_جيهان : يعيشك يعيشك
حطت هاكا الماسو فوق الطاولة و بدات تخدم فيسع ما تعدى الوقت و نديم ماقنع زهرة تروح معاه للفيلا كان بالروح و جا اليل و كل شي عال اما بالطبيعة احنا النسا مش طبيعي النكد الي عندناا
روح نديم دخل لبيتو يلقى جيهان تشرب
_نديم : ياخي اش قاعدة تعمل ...كان يشوفك شكون توو
_جيهان : محسوب خالي يعرفوو
_نديم : شبيك انتي
_جيهان : لا لحق مبيا شي ..قولي ياخي وين كنت
_نديم : شنية السؤال هذا
_جيهان : مالي مشيت مع زهرة صباح ريحتك مفمااش نطلبك متهزش نجيك لشركة منلقاااكش ..اش قاعد تعمل
صوت صيااحهم كان واصل لبيت بسمة و هارون الي ميفلتو حتى عركة الطير الطاير لازم يعرفوه
سمعتهم اللا راقية يحكو على علاقة زهرة بنديم مشات متحزمة لزهرة دقت الباب و دخلت
_للا راقية : شوف بنتي احنا وثقنا فيك و اعطيناك امانة باش تهزها عليناا ... اما راهوو فما حدود و فما قوانين باهي ... نديم راهو معرس
قصت عليها زهرة عرفتهاا اش باش تحكي اما سكتتها بالصياح
_زهرة : مدام راقية انا معنديش نية ان...
_للا راقية : انتي بنية مزيانة و طبيعي ولدي باش يميل عندك فنحب نقولك ابعد عليه و متخربلوش حياتو عيش بنتي باهي و متنساش الي رقبتك في ايدينا و بما انك وافقت معنها تكمل مفماش رجووع و تو معاش بكري امشي ارقد مش باهيلك السهر و معاش تبقى برشا في بالكون لتمرض
_زهرة : ليلتك زينة .
سكرت الباب و خرجت مشات خطوتين اما تفكرت حكاية الجواب مشات تجري لبيتها تفركس فيه دخل عليها سي ناصر
_سي ناصر : للا راقية تفركس على جواب
_للا راقية : اي اه اي اي ريتو وين
_سي ناصر : الصباح لقيتو و عطيتو لجيهان قتلها تمدهولك ياخي معطاتهولكش
وجها صفار و ريقها شاح و تلكون لسانها اش معناها الورقة و السر الكبير الي مخبي بين يدين جيهان الجواب فيه تحاليل جيهان الي يأكد انها متجيبش الصغار .
_سي ناصر : لباس ماهوو اش فيه الجواب
_للا راقية : لا لا حتى شي فيه تحاليل السكر
_سي ناصر : متأكدة
_للا راقية : اي اي انا خلي نمشي نشوفو اكيد راهي نساتو حاجة طبيعية تنسى في المدة هذه
خرجت و خلاتو مستغرب و حاير عليها و على صحتهاا دقت الباب و دخلت قصت على صياحهم
_للا راقية : بنتي قولي صباح عطاك بوك جواب متاع تحاليل
_نديم : تحاليل شنوة امي
_للا راقية : تحاليل السكر ولدي ..قولي بنتي عندك ماهوو.
_جيهان : اي اي عندي لحظة
مشات دخلت لبيتها شافت الساك لقاتهاا مفمااش
_جيهان : اوووف نسيتوو فوق البيروو غدوة تو نجيبهولك
_للا راقية : لا لا مش مشكل تو نبعث الشوفور يجيبو
_ نديم : امي باش تبعثو تو 11:34 متاع الليل خلي غدوة
_للا راقية : اه باهي غدوة صباح بكري تو نبعثو مالا هي ليلتكم زينة .
خرجت و سكرت الباب و هي تدعي باش يوصللها الجواب في اقرب وقت
و جيهان هزت كاس الشراب و زادت عبتو و مشات رقدت شوي و خلط عليها نديم غطاها و رقد بجنبهاا و هي فايقة بيه دارت و حملتو و رقدت ...

صباحكم مزيان كي حروف القرآن
😃🇹🇳

لحق حتى انا باش نرقد 😂
اش رايكم في الحلقة ❤️

زعما شنية حكايتو الجواب و على يد شكون باش يكون 🤔
حسب رايكم تصرف جيهان صحيح في حكاية تصرفاتها مع زهرة😕 ..

صدقوني الكرونيك مزال فيها برشاا تشويق و باش تولي ادمان 🥃🔥

و متأكدة باش تحبوها و تشيخو عليها
يالا موعدنا في حلقة الجاية 😴😚