ركبو في كرهبة و مشاو وصلت و شافت اختها و روحو كي رجعو هوما طالعين في دروج جاو هوما و نديم و جيهان
_نديم : اش تعملو انتو.
_مروان : هزيتها تشوف اختهاا
_جيهان : ياخي انتي متفهمش مش قتلك غدوة ..و انت مقصرتش مروان
_مروان : ياخي اش بيكم هزيتها لختها و رجعتها اش فيها
_نديم : مروان امشي قدامي نحكو و انتي ادخل ارقد تو غدوة نتفاهمو
مشا نديم و مروان يحكو و جيهان هزت زهرة و دخلو لبيتها
_جيهان : ياخي انتي متفهمش ..
_زهرة : انا معملت شي جيتكم و قوتلكم محبيتوش تهزوني
_جيهان اما احنا مقلنالكش لا اما غدوة تو تمشي ..متنسااش الي ولدي عندك وقت يجي ولدي انتي تنجم تعمل الي تحب عليه و حد ما باش يسالك. ..و تو ارقد
في بيت نديم عندو صالة قاعدين هو مروان
_نديم : ياخي متفهمش ..مروان قداش من مرة قوتلك ابعد عليها الطفلة هاكي
_مروان : ياخي اش عملت انا ...لقيتها باش تمشي وحدهاا في عقابات ليل حبيت نهزها وزيد انتي مخليتهاش تمشي ..اختها باش تعمل عملية على قلب و انتي حابسها هوني
_نديم : برا ارقد مروان و ارتاح
ضرب مروان الكرسي بساقيه و خرج نديم مسح وجهو بيديه و وقف مقابل البالكون جيهان دخلت لبيتها قحرت لنديم و دخلت ...
زهرة في بيتهاا جبدت فاليجتها و حطت فيهم حوايجها و ستنات شوية لين بدا الصبح يطلع و خرجت وصلت للباب عرضها السيكوريتي
_مداموزال : لباس تحب نطلبلك تاكسي
_زهرة : لا يعيشك
خرجت من باب و بدات تدب بالشوية بالشوية لين وصلت للجنينة الي تقرب لدار و قدتت تبكي
العايلة ملمومة كل على طاولة لفطور ..ناصر راقية ، نديم و جيهان ، مريم و مروان ، هارون و بسمة ، و بناتهم لين تكلمت اللا راقية
_للا راقية : اسيل طلعت فطور لزهرة
_اسيل : هاني باش ناخذهولها تو مدام
_سي ناصر : لا يا بنتي عيب خليها تجي بحذانا
جيهان تقلبت و ولات تغزل كلها و نديم تمهمش معرفش اش يعمل و للا راقية و نديم يغزرو لبعضهم و باهتين ..
_اسيل : حاضر
طلعت باش تعيطلها لقات البيت فارغة و فوق الفرش ورقة هزتها و هبطتت تجري و تعيطت
_اسيل : سي نديم ..سي نديم
_نديم : اش فما ...
_جيهان : اش فما اسيل
_للا راقية : اش صار يا بنتي
_اسيل : زهرة مهياش و خلات الورقة هذه
في لحظة هاكي جيهان حطتت الفرشيطة و سكينة بقوة لين شلقت الي فما حكاية و نديم تنطر هز الورقة و خرج ..هارون و بسمة غزرو لبعضهم و غمزو و بعد كملو ياكلو
_جيهان : وين مشات ..
_سي ناصر : اهدا يا بنتي ..وين عندها تمشي تو تلقاوها ..اتلهى بروحك
_للا راقية : بنتي هايا قوم ارتاح في بيتك مش باهيلك التوتر
_بسمة : اي وزيد الطفلة من حقها تخرج تحوس تو ترجع مش هاكا هارون
_هارون : اي هاكا يا عزيزتي
_بسمة : برا اطلع لبيتك و اشرب تيزانة و ارتاح مش باهيلك في شهور لاولى الستراس
نديم مشا للسيكوريتي و سالو خبرو بكل شي طلع في كرهبتو و بدا يمشي بشوية بعد شافها في جنينة تبكي هبط البلار و جاء باش يهبط تفكر الورقة هزها و حلها لقاها مكتوب فيها
_ انا قبلت معاكم خاطر مجبورة البيبي الي في كرشي هو ولدكم اما معندكمش الحق تتدخلو في حياتي ...راكم بالطريقة هذه تزيدو تخنقو فيا تعبت اما متخافوش ولدكم باش يكون لباس ..
غمض عينيه نديم و هبط مالكرهبة هو كيف يوصلها و نديم عيطلها و هي تفجعت
_نديم : متخافش
_زهرة : جبرتوني باش نعمل هاكا
_نديم : باهي اهدا
_زهرة : متفاهمنااش هاكا
_نديم : زهرة زهرة اسمعني ..
زهرة طرشقت بالبكااا و نديم هزها و حملها لين سكتت و بعد وقفها باش يمشو هو كيف هزهاا و جاها تاليفون مالطبيب متاع اختها قالها الي باش يعملو العملية تو زهرة اعصابها زادو تلفو و نديم يحاول يهدي فيها حط الفاليجة في كرهبة و زهرة حست روحها مخنوقة بدات تتنفس بالسيف و حست بوجيعة لين خلاتها الدوخ على تلفيتت نديم هزها حملها في كرهبة و طار بيهاا للكلينيك ..
#يتبع
اش صار لزهرة زعما 😕
و نديم كيفاش باش يتصرف مع جيهان الي ظاهرة عليها الغيرة 🤐🤔
VOUS LISEZ
أمنية تحت ظل الخيانة
Roman d'amourالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
