أمنية تحت ظل الخيانة

الحلقة 44 🥃

لا ربما نذكر ان الماضي صعب لكن من صعب ان نبتعد عن الماضي و في الوقت نفسه لا نستطيع ان نعبر الى المستقبل 🖍️

قاعدين قدام قاعة العمليات يستنووو ..زهرة تمشي و تجي تو تعدات ساعة غير ربع وفما حتى خبر نديم قاعد على كرسي حاط ساق على ساق تاليفونو من الخدمة مسكتش
_زهرة : يا ربي اش بيهم عطلو اكيد صارت حاجة
_نديم : اهدا زهرة هذه عملية متاع قلب يعني شي اكيد باش باش يعطلوو ايجاا ارتاح
قص عليهم التاليفون متاعو و كلام زهرة.
_زهرة : سي نديم متعطلش روحك على خاطري يعيشك امشي كان عندك خدمة
_نديم. : لا متخممش خلينا نطمانو على نرجس قبل ...
خدامة ماشين جااين منهم مروان الي طلب طلب خالو نديم مهزش مشا لخالو هارون دق الباب و دخل
_مروان : خالي
_هارون : تعااالا يا رجال
_مروان : الوراق هذو يلزم يصحح فيهم خالي نديم اما مهوااش و معاش وقت صححلي فيهم انت
_هارون : اي مالا لا ايجاا انا ديما موجود اما خالك نديم الله اعلم في انو بر
_مروان : صحة ليه
مروان يحكي و سارح شافوو خالوو. حب يعرف اش بيه
_هارون : بست شبي بابا
_مروان : خالي قولي كان جيت انتي حبيت طفلة و حبيتها علخر اما فما شكون قالك لا و مخلاكش على راحتك اش تعمل
_هارون : ههه شنية ولد مريم طايح love
_مروان : اشنو انتي زادة باش تقولي لا
_هارون : شكون هيا و شكون الي قالك لا
سكت شوية يخمم و سارح في ضحكتهاا ، هاايم في مشيتهاا و يتنفس في ريحتها ريحت الفولارة الي كانت عندوو
_مروان : زهرة ..زهرة الي تسكن عناا و نديم خالي قال ابعد عليهاا
_هارون : حكيت معاها
_مروان : اي
_هارون : اي ؟
_مروان : قاتلي مستحيل
_هارون : اي اكيد نديم هو الي قالها
_مروان : حتى انا
_هارون : اسمعني اسمعني ...امشي للكلينيك تو زهرة و نديم غادي
_مروان : اش يعملوو شبيها زهرة
_هارون : متخافش متخافش ...اخت زهرة باش تعمل عملية امشي اقف معاها و حسسها بوجودك
_مروان : زااايد معاك خال
خرج مروان فرحان طلع في كرهبتو في طريقو للكلينيك
وقفت الكرهبة قدام دار بوها خذات نفس و خرجت دقت الباب حلتلها فاطمة
_فاطمة : اهلا جيهان
_جيهان : اهلا بيك لباس و  بابا لباس
_فاطمة : لباس بوك تو رقد شرب دواه و رقد
_جيهان : باهي
_فاطمة : تشرب قهوة
_جيهان : لا جيبلي تيزانة
_فاطمة : باهي ادخل هاني جيت
دخلت قعدت في صالة جابتلهاا التيزانة هي كيف قربتهاا لفمها و معدتهااا تدور تمشي تجري لسال دو
_فاطمة : لبااس جيهان
_جيهان : لبااس ..لباس ...فاطمة يظهرلي انا حبلة
فاطمة وجها تبدل ياما فرحت جيهان على الاوهام هذه اما بعد يخيب املها و ترجع لنقطة الصفر بحصرتهاا
_فاطمة : متأكدة يا جيهان ..انتي تعرف الي برشا طبة .م..
_جيهان : اي اي نعرف الي برشا طبة مشيتلهم اما تو بالحق حاسة بإحساس قوي خلي نطلب نديم
_فاطمة : لا رد بالك ...يعني تأكدي قبل و بعد خبرو
_جيهان : تقصد نخليهالو مفاجئة
_فاطمة : اي
_جيهان : باهي اما و الله فرحانة يا فاطمة
_فاطمة : و اش عملتي مع لخرى
_جيهان : شكون
_فاطمة : زهرة
_جيهان : شي يعني اهيكا كيما العادة في بيتهاا اليوم مشات لأختها بتعمل عملية ..اما .... انا حاسة فما حاجة ..
_فاطمة : كيما شنوة
_جيهان : اليوم للا راقية خبت عليا جواب قريت عليه اسمي ..جواب متاع تحاليل ..متأكدة عليه اسمي قريتو بعينياا
_فاطمة : اي حكيت معاها ولا لا
_جيهان : اي وقت مشيت حكيت معاهاا نلقاها قطعتوو و رماتو في بوبال ...
زهرة واقفة قدام الباب خرجت فرملية تجري و مكلمت حد
_زهرة : اش فماا خبرووني اش بيها اختي
_مروان : وسع بالك زهرة ...اكيد كل شي باش يكون لباس
نديم يغزر لمروان و تصرفاتو الي قاعد يحاول يتقرب من زهرة فد منو و وقف يحكي
_ نديم : زهرة ايجا اقعد و متخافش اختك باش تكون لباس
قعدت زهرة و نديم و مروان قعدو يوشوشو لين قص عليهم الطبيب بعد حديثهم
_نديم : اش تعمل مروان
_مروان : جاي و واقف مع الطفلة الي نحبهاا الي الي اش تعمل خالي
نديم سكت مالقاا مايقول اما سلكهالو الطبيب الي خرج و الي زهرة مشات تجري تسال و ملهوفة
_زهرة : قولي اختي لباااس
_الطبيب : وسع بالك مداموزال ...العملية كانت صعيبة اما الحمد الله تجاوزنا لخطر لكن مع هذا نحتاجو لدم لازم تلقاو متبرع في اقرب وقت نوع الدم A+
_زهرة : انا نتبرع انا اختهاااا
في لحظة هاكي تنطر نديم قدامهاا يعني هي حبلة ميجيش
_نديم : زهرة هدي روحك اكيد تو نلقو متبرع تو نطلب الشركة تو نلقاو متخاافش
_مروان : انا نتبرع
تلفتوو الزوز باهتين
_زهرة : سي مروان
_مروان : انا نتبرع لأختك زهرة عادي
الفرملية : تفضل معايا مسيو مروان
مشاو مروان تبرع لنرجس و العملية وفات و خرجوها و قعدو يستنو فيها لين تفيق
في الفيلا قاعدين على حافة الشوميني بسمة و مريم و من شيرة لخرى للا راقية و جيهان
_بسمة : والله غريبة في هالطبة
_جيهان : مفهمتكش
_بسمة : يعني انتي جيهان كنت باش تموت على صغير انتي و نديم و مخليتو ولا طبيب ممشيتلوش و كلهم كانو يقولو مستحيل تحبل كيفااش تو صارت معاك
_مريم : بسمة !
_للا راقية : بسمة بنتي شنو هاكلام احشم شوية
_بسمة : ياخي شبيكم اش قولت انا ..غير هكك حبيت نعرف ماكم تعرفو يعني انا جبتلكم زوز ملكات لجين و لمار
_جيهان : مش لازم تعرف الي صار المهم صاار
غزرت لحماتها و طلعت تجري و مشات وراها للا راقية
_مريم : ياخي شبيك بسمة
_بسمة : هكك ياخي شبيني انا حبلت مرتين و حد ما دار بالو عليا ...هذا كل خاطر مجبتش ولد اي اش نعمل اناا
طلعت لبيتهاا و رشقت الباب بقوة و تعداات طيشت ساكهاا و مشات للكوان متاعهاا جبدت كاس و بدات تشرب لين حلت الباب حماتها و تحكي
_للا راقية : يا بنتي اش بيك على اعصابك
_جيهان : اسمعني مليح انا لحكاية هذه بديت نشم عليها في لخنن
_للا راقية : اسمعني مليح اناا هنااا غاطسة في كذب على خاطرك كان تكرمت و جبت الصغير هذا راو مصارش هذا كل
مشات و خلاتها و جيهان تعيط قلبت الي في دار كل سافيه على عاليه
لين تعبت و رمات روحها على فرش و رقدت

رايكم في احداث ❤️

زعما جيهان باش تعرف لحقيقة كل 🤔
و كان عرفت شنيا باش يكون مصير للا راقية 😕💥

و زهرة نهايتهاا و بدايتهاا مجهولين 🤐🔥

هذوما حلقات اليوم انشا الله يكونو عجبوكم 🔥🔥💜

خلولي تعليقاتكم و ارائكم و نقدكم يهمني برشا و خاصة يفرحني و متنساوش جاام 🍃😙😙🔥🔥🔥

احنا موعدنا في الحلقة الجاية 🤟🥃

نحبكم فرازاتي 🍓😍