لا يوجَدُ طريقٌ للعودة،فيا ليتني كنت قادرة بالتحكم في الزمن ...🖍️
طلعت للبيت تجري غمت على راسها و رقدت و جيهان في بيتها راقد قريب تعنق دبوزة الشراب ...في يدها الكاس عملت بالعاني هي اصلا باش يهتم بيها نديم دخل نديم دور بعينيه على بيت ملقاهاش عرفها رقدت نفخ طيش كبوتو و نحا منقالتوو و الفازت veste المتاعو و دخل للبيت الي فيها السرير
يلقاها راقدة بحوايجها و كاس في يدها بقا سارح معاها..و بعد حك لحيتو و تنهد بالحسرة و وجيعة و قرب منها ... نحالها الكاس و ريقللها الرقدة متاعها و غطاها و جا بجنبها و رقد
فاقت الصباح عملت دوش محبتش تفيقو اما جاه مساج فيقو
_جيهان : بونجور
_نديم : صباح الخير
_جيهان : توحشتك نديم
_نديم : مازلت كي فقت اصبر نصحصح و نحكوو
_جيهان : نديم سمحني المدة لخرا اعصابي تاعبة علخر
_نديم : جيهان
_جيهان : بربي يا نديم سمحني و خلينا نرجعو كيف ما كنا
_
نديم : باهي جيهان باهي
_جيهان : اش قولك نمشو نعملو دورة و نهزو معانا زهرة
_نديم : فكرة
_جيهان : ياسر توترت المدة لخرة خليها تبدل جو
_نديم : اي خير يعطيك الصحة
_جيهان : مالا خلي نمشي نقولها تحضر روحها و بعد نشوفو وين نمشو
_نديم : خليها عليا
_جيهان : وين باش نمشو
_نديم : مفاجئة
_جيهان : تحمست ههه
نديم سرح و تفكر وقت زهرة خطفها زين و وقتها حكاتلو قداش هيا تتمنى تركب في باتوو ⛴️
في ثنية جيهان و نديم من قدام وراهم زهرة جيهان لاحظت تصرفات نديم الي كل مرة يشيع عينو للمراية الكرهبة باش يشوف زهرة زادت في صوت الغناا و دارت لزهرة
_جيهان : الموسيقى الكلاسيكية باهية للبيبي وهو في كرش امو ..تو نعطيك تسمع عندي برشا
_زهرة : تحبش نوع اخر ولا هذه تكفي
_جيهان : لا هذه تكفي متخافش موسيقى هادئة و متوترتش لعصاب
_زهرة : ( تنهدت ) اوك
_نديم : ...وصلنا
_جيهان : ياا منصدقش باش نمشيو بالبطو
_نديم : ( غزر لزهرة الي تضحك فرحانة ) اي
طلع نديم جيهان و بعد مد يدو لزهرة في لحضة هاكي تمدت يد و خذات تصويرة لنديم وهو يدخل في زهرة للباتو ...
_نديم : ياا كابتن نجموو نمشوو
_الله يبارك سي نديم
زهرة مشات ديراكت لحافة الباتو و قعدت تشم في هواء و جيهان و نديم قعدو من قدام على الطاولة
_جيهان : المدة لخرة الكل عشنا برشا ضغط باهي الي جبتنا هوني
_نديم : اي و الله
_جيهان ؛ كيفاش جات لبالك الفكرة
نديم هز رشفة قهوة و دور راسو ب لا حط الكاس تكى لتالي كان لابس سورية بيضا و كوستيم ازرق و كابوت اكحل طويل و لونات كحلة
_نديم : لحق مش فكرتي
_جيهان : كيفاش
_نديم : فكرة زهرة اكا النهار الي خطفها زين حكينا شوي و منها قاتلي الي هي تتمنى تركب في باطو
_جيهان : فهمت ..
جيهان نار الغيرة شعلت فيهاا اما حاولت تسيطر على روحهاا
_جيهان : انا خليني نشوف زهرة وين
قالها باهي براسو و بعد دار للبحر يتأمل
مشات جيهان لزهرة لقاتها وحدها وقفت وراهاا
_جيهان : انشا الله عجبك الجو
_زهرة : اي علخر
_جيهان : اول مرة اكيد تركب فيها خاطر في ريف مفماش
_زهرة : اي صحيح ..اكا نهار حكيت مع سي نديم يمكن مزال يتفكر ..
_جيهان : لا الباتو كانت فكرتي انا مش نديم
_زهرة : بالحق كنت تجي هوني
_جيهان : ملي انا صغيرة كنت نجيها انا و بابا و مع نديم زادة ..منعرفش علاش نحكي في اومور عائلية ليك ..مش مهم هيا يزي ملقعدة هوني تو تبرد
زهرة هزت روحها و مشات لقات نديم قاعد و يحط في صحن فيه كيك
_نديم : هاء ..هايا ايجو كيك كيما تحبو و تشتهوو
_جيهان : لا انا منحبش باش ناخو قهوة
_نديم : اوك اقعد زهرة ارتاح
_زهرة : منحبش نقلقكم
_جيهان : لا انتي متقلقناش جملا
تلفتلهاا نديم بنظرة لووم عملت روحها صلحت الغلطة
_جيهان : متفهمنيش بالغالط زهرة اما نقصد انتي تو وليت وحدة مالعيلة
قص عليها تاليفونها
_جيهان : سامحوني لازم نجاوب ...الو......
نديم : فرحانة
_ زهرة : علخر يعشك
_نديم : معملت شي
_زهرة : امي قبل كانت تقول ..الي موجة لبحر مصنوعة من دموع نسا ..دموع الظلم و قهر و وجيعة و عذاب على هذاك ديما الموجة تكون قوية على خاطر مايوصلو يهبطو الدموع هذه...كان ما يوصلو لتووب
تسمع كان حس الضحك في كوجينة كيف العادة بسمة و شلتها
_بسمة : السر في مقرونة هي الرند
_اسيل : و اللهي لازم نتعلم منك انا ..مشا الله عليك
_بسمة : اي مالا حتى انا بسمة نعرف كل شي مش كيف برشا جماعة ...فالحين كان في ماكلة
_غصون : تي سمحني اش دخل الرند في مقرونة ...حكايتو فارغة
_بسمة : و انتي اش تفهم منوو
_غصون : اسكت توو و اسمعووني ملييح لخبر الي عندي
_بسمة : اش فما اش فما احكي
_غصون : سي نديم هز زهرة و جيهان و مشاو رحلة للباتو
_بسمة : متأكدة !! زهرة زهرة
_غصون : تي اي زهرة متاع للا راقية
_بسمة : مالا خبر جبتوو شد شد حرك الطنجرة رد بالك تتحرق
_اسيل : وين
_بسمة : نعم ؟
اسيل سكتت و تلفتت لغصون و رجعت تضحك
بسمة طلعت لبيتها و هزت تاليفونها حطت ستق على ساق و طلبت هارون راجلها ( خو نديم )
_بسمة : الوو عمري
_هارون : حبيبتي توحشتني معنديش ساعة مالي بعدت عليك
_بسمة : اسكت و اسمع لخبر الي عندي
_ هارون : اش فماا
_بسمة : نديم هز جيهان و مشاو رحلة في باتو
_هارون : اي و انا اش دخلني
_بسمة : تي ركز معايا شوي
_هارون : تي احكي عااد متقطرش علياا
_بسمة : هز معااه زهرة زادة
_هارون : نديم ...معناها انا هوني نخدم يعلم بيا ربي و هو يغرم في زمانو مع زوز نساا
..باهي برشاا تو نشوفو سي نديم زايد معاك مرتي
_بسمة : هاكا تو ..هايا متعطلش جيب لجين و ايجو بكري عملت مكرونة
نديم قاعد يسمع فيها و يحفظ في ملامحها و في شعرها الي يتمايل مع نسمة ريحة لبحر الي تخلطت مع ريحة الياسمين متاع زهرة سحرتو
_زهرة : سمحني وجعتلك راسك بكلامي
_نديم : لا جملا احكي نسمع فيك
_زهرة : توحشتها برشاااا
و طرشقت بالبكااا نديم خذا بابي مشوار و مدهولها تتلفت جيهان تلقاهم قاعدين يحكو تحاول تقص التاليفون و مشاتلهم
_جيهان : زهرة تبكي
_زهرة : ءء ..لا انا ...حساسية اي حساسية
_جيهان : اه نديم سمحني اما لازم نمشي عندي اجتماع مهم برشاا
_نديم : اي خلي نرجعو
_جيهان : لا متقلقوش رواحكم على خاطري
_ زهرة ؛ اي خلينا نروحو
_جيهان : لا لا بالرسمي منغير متفسدو خرجتكم انا تو نمشي و نتقابلو في دار قولي كلمتهم ماهو يجيبولي كرهبتي
_نديم : اي اي قولت لخليل
جيهان كانت تقول فيها بتفدليك اما نديم سمع كلامها و كمل الخرجة متاعو وصلو للكرنيش لقات جيهان كرهبتها ركبت و مشات
زهرة و نديم بقاو يتمشاو لين تعدى بيهم الوقت في ثنيتهم عرضهم بياع براسليات وقفت زهرة ختارت ثلاثة جات بتخلص اما نديم مخلاهااش
_زهرة : لا سي نديم يعيشك ...هذوما خذيتهم لاختي و امي
_نديم : اي مزيانين اما انا باش نخلصهم منغير حتى كلمة
سكتت زهرة خذاتهم و بعد ركبت في كرهبة و مشاو راجعين لدار
زعما جيهان على شنو ناوية🙂
و شنو سر سكوتها و هدوئها 🤔
نحب نقلكم الي هذا هدوء ماقبل العاصفة 😴🔥🔥🔥
كلعادة نشكركم على متابعتكم صحيح موصلنيش المدة لخرى الأراء متاعكم اما فرحانة بتفاعلكم و بنسب المشاهدة الي حققتوها 😚😚💥🔥
جااام ❤️🙏🏻
نحبكم برررشا و بزاف و كتير ❤️😍
موعدنا في حلقة اخرى 🥃
VOUS LISEZ
أمنية تحت ظل الخيانة
Romanceالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
