أمنية تحت ظل الخيانة

الحلقة 41 🥃

كسرك لقارورة العطر يجعلك تشتم رائحته بقوة لكن لأخر مرة ..🖍️

عالصباح فاقت متأملة الأمل بدا يتفقد من وقت مالقاتش نديم و مش ظاهر انو فاق بكري
نفخت و هزت روحها و دخلت لدوش غسلت و خرجت تعدات للخزانة هزت مريول صوف ازرق و سروال ابيض و صباط نوار و حطت شعرها لتالي كعكة و مكيجت
هبطت تلقى الجماعة مازالو ما تلموش على لفطور مشات للكوجينة باش تاخو قهوة تسمع في بسمة و الخدامات يحكو
_بسمة : والله تعرفو هاكي جيهان من وقت لي حبلت وهي ياسر يسايسوو فيهاا تقول كان هي حبلت
_اسيل : هه حرام عليك ..مسكينة قداش عندها وهي تستنى حرام
_غصون : تي يزينا اسيل انتي اكثر وحدة راسك كبر مالنبز و الكلات الي تعطيك فيه
_بسمة : بابا انا حبلة ...لا لا مش هاكا خلي نزيد نذبل عينيا شوي
على تقليدهاا دخلت جيهان عليهم تصيح و تعيط
_جيهان : شنيااا هوني ...كان تلهييتو في خدمتكم قد ما تتلهاو في كلام راكم في عاالم اخر هووني و انتيي مدام بسمة
سمعتهم للا راقية جات تجري
_وه وه وه اش فما يا بنتي
_جيهان : اسأل كنتك لكبيرة
_للا راقية : بسمة متركحش انتي قداش من مرة نبهك على لسانك
_بسمة : انا قولتلهم اما ..
_جيهان : كان انتي ناقصة ...كان متتكلمش انتي هوما ميتجرأوش باش يحكووو
_للا راقية : اوووووه يزوو كهو و انتوو تلهو في خدمتكم خيرر يالاا
جيهان خرجت و بسمة طلعت لبيتهاا و خليل راجل اسيل قعد يكش و ينش ...
_خليل : شنياا اسيل تو هذه اخرتك تحكي على الي خلوك خبزة و الي حلولك دارك و مخلوكش لشر
_اسيل : اما انا و الله خاطيني
_خليل : تتبلى عليك ياخي هي ..
مشا و خلاها و خلا اسيل تبكي و غارقة في دموعهاا
جيهان وقفت الكرهبة قدام الكلينيك و هبطت كلها فرحة .
_جيهان : صباح الخير
_بونجور مدام تفضل كيفاش نجم نعاونك
_جيهان : عندي موعد مع الدكتور فرح
_الاسم بربي
_جيهان : جيهان  ..جيهان الصافي
_اي اي موجود تفضل مدام ارتاح لين يجي دورك
_جيهان : يعيشك
مشات قعدت بحذا مرا حبلة ضاهر في شهرها
_جيهان : في انو شهر
_التاسع
_جيهان : ربي يخلص وحلك
_يعيشك و انتي
_جيهان : جيت باش نحلل
_ربي يرزقك
_جيهان : امين يعيش اختي
نديم في شركة بعد نهار امس الي عداه غايب و زهرة مروحتش قعدت في الكلينيك مع اختها بعد التلحليح متاعها
_نرجس : اختي
_زهرة : يا روح اختك انتي !
_نرجس : فرحانة الي انتي بجنبي
_زهرة : يا روح اختك انتي
جيهان وصل الدور المتاعها
_مدام جيهان الصافي تفضل الدكتورة تستنى فيك
دخلت جيهان فرحانة
_عسلامة مدام جيهان مرحبا بيك
_جيهان : اهلا بيك
_شنية احوال مسيو نديم
_جيهان : لباس كيف العادة خدمة
_ربي يعينوو ...اي مالا كيفاش نجم نعاونك عندك حاجة مقلقتك
_جيهان :  جيت باش نحلل يضهرلي حبلة
الطبيبة وجها مشا الوان و جا الوان
_الطبيبة : اي خلينا نشوفو تفضل معايا
...
جيهان : اي دكتورة قولي معاش نجم نصبر
الطبيبة حمحمت شوية و توترت شبكت يديها و رجعت شعرها لتالي تحكي بالسياسة
_الطبيبة : مدام جيهان انتي مع اسف مش حبلة
_جيهان : ك.ك.كيفاش ....كيفاش مفهمتش
_طبيبة : مدام جيهان سبق و قتلك الكلام هذا
_جيهان ؛ و اعراض الي جاوني كلهم يدلوو على هذا
_الطبيبة ( تنهدت ) مدام جيهان انتي مستحيل تنجم تحبل مستحيل
جيهان تصدمت و قعدت تضحك بوجيعة اما تفكرت حكاية جواب الي عند للا راقية الي كان فيه اسمها و تقطع على يد حماتها
_جيهان : باهي و مفماش حل اخر
_الطبيبة : مفهمتكش
_جيهان : يعني طريقة لام الحاضنة
_الطبيبة : مدام جيهان انتي تعرف الي طريقة هذه ممنوعة ..اما .. الطريقة هذه مستحيلة ليك ..البويضات متاعك مش صالحين للحمل بلكل ..je suis vraiment désolée mais c'est là vérité..
جيهان دخل فيهااا ترينوو ..عاصفة.دخلت.في.حياتها.في.لحضة رجعت بشهرين لتالي في لحظة تفكرت حكاية السفر و حكاية زهرة الف حكاية تحلو و الف سؤال في مخها و الف كتاب معندوش حتى مصدر ولا عنوان هزت روحها جهامة تمشي مش حاسة بخطواتهاا دخلت فيها غولة كمية الأمل الي دخلتو من باب هذاكا مزال في حصرتها شوفتها لنساء الي بصغيرها والي كرشها على حلقها و فرحانة زاد خنقها ..صوت الطبيبة مزال محصور في وذنها محبش يتنحى شوفت كرهبتها عافت روحها و رجعت سنين لتالي للليلة الي عملت فيها اكسيدون ..
زادت تخنقت ركبت في كرهبتها و مشات لصحبتها شكون غيرها فاطمة الي تحملتها هي و بوها سنين و كانو دواء لبعضهم ..

سؤال الي عند جيهان ! جوابو عندكم ❤️
اليوم حلقة قصيرة 😴

انشا الله غدوة نهبطلكم حلقة اخرى
وعد مني 💜🔥
اما تو خبروني و اعطوني أرائكم في احداث
في تعليقات ❤️😍

متنسوش تقراو كرونيك الوتر الحساس 🍃
قيد الكتابة

و كيما العادة احنا موعدنا في حلقة الجاية 🥃❤️
نحبكم يا عسولات و نبوسكم واحد واحد 😍😙

جااااام 💔😞