أمنية تحت ظل الخيانة

الحلقة 61 🥃

نديم وقف الكرهبة قدام المطعم
_نديم : سكرتو ولا مزال
_جواد ؛ اووووه ..يامرحبااا..ياولدي وينك
_نديم اه ..اه ياجواد يا خويااا
_جواد : الله لا ينهدك يا خوياا ادخل و اشكيلي همك
_نديم ؛ هاياا
دخل نديم و حكا و فرغ قلبو للين جاه تاليفون و تلقى خبر امو مشالها يجري للكلينيك و رجعها لدار في اخر الليل ...هي في صباح بسمة كيما العادة نافخة ريشهااا في كوجينة شادة كعبة فراز تاكل فيهاا و مش لهنااا جملة تعدي في الأوامر على اسيل و غصون لين تسمع فيهاا راقية من براا
_بسمة ؛ اسيل شنيااا هذا
_اسيل ؛ هذا معجون برتقال
_بسمة ؛ يزي عااد تشوف فيا عمياا ياخي ؟
_اسيل : حشاك امـا للا راقية تحبو ديما على طاولة هـ......
قصت عليها و قعدت على كنتوار حطت ساق على ساق و تحكي و تتهدد
_بسمة ؛ تره ثبت مليح وينها ...للا راقية متاعك ..
شادة كعبة فراز 🍓في يدها طيشتها في طبق و تحكي
_بسمة : بح...وفا زمان للا راقية و جا وقت للا بسمة ...
عوجت فمهاا و كملت كلامها بتشنطير
_بسمة : فهمت ...
هي هكك و دخلت للا راقية و وهرتهااا للكوجينة قحرة لبسمة قحرة موت و بسمة مراتهااش ديراكت تلفتت لأسيل و أمرتها صوتها زعزع بسمة تجمدت في بلاصتهاا ديراكت هبطت من فوق الكونتواار و تلفتت لغصون لقاتها تتبسم من تحت بشماتة
_للا راقية : أسيل حط الطاولة فيسع
_بسمة ؛ غصون مسمعتش تحرك
خرجو الزوز يوشوشو و يتشمتوو و راقية تفردت ببسمة و تكلمت معاهاااا
_بسمة ؛ هاك جيت
_للا راقية ؛ جيت ! اما ظاهر الي فما شكون يستنى في تلفيتة مني باش يشد بلاصتي
_بسمة ؛ لله يسامحك يا امي ..لا غير الدار هذه بوهرتها و قانونها كي خرجت أنتي قلت ميجيش تقعد مسيبة
غزرتلها من فوق للوطة و هزت راسها يعني طي اي ...و تكلمت على طراطش لسانهاا
_للا راقية ؛ الدار هذه عندهاا مولا واحد و طول مهو عايش يرزق حد مينجم يهد قوانينهاا...سمعتني بنتي
خلاتها و جاات خارجة تلفتتلهااا
_للا راقية ؛ امشي بدل الروبة مش مناسبة للفطور ..اختار حاجة مستورة تليق بوهرة الدار كيما قلت ..
بسمة جمدت في بلاصتها غزرت لروحهاا و بعد بدات تحكي وحدهااا و جبدت صحن الفراز تاكل
_بسمة ؛ شبيها روبتي ...ربي يعطي الفول للمعندوش ضروس ..
تلفتت لروحها و طيشت الفراز من يدهاااا
_بسمة ؛ لا معااش فيها اش معنااها نلبس حاجة مستورة معناها انا سمنت لا سمنت ...سمنت سااي لازم نضعف ..سبور اكيد تي اي السبور هو الحل ..ياااااا غصوون غصون
_غصون : نعم مدام
_بسمة : بسمة
_غصون : نعم بسمة مدام .
_بسمة : باهي معليناش ...كلملي الكوتش هارون   فيسع
قالت كلامها و جات خارجة طالعة لبيتها
_غصون : هارون الكوتش ؟
_بسمة ؛ لا هارون راجلي
_غصون ؛ اه هي باهيي تو
زهراء في بيتهاا تعبت نضفت الدار هوما قاعدين في دار جواد جواد يجي كان مالليل لليل نهارو كل يعديه في المطعم قاعدة سارحة في حياتهاا وين وصلت لين قص على سرحتها التاليفون
_زهرة: الو
_الو مدام زهرة
_زهرة ؛ اي تفضل
_انا محامي جديد متاع مدام جاهدة امك
_زهرة ؛ اه المحامي
سمعت نرجس المحامي سيبت قرايتها و مشات لعند زهرة
_زهرة ؛ اي تفضل
_المحامي : نحب نقلكم هاتو لبشارة ساي خذينا قرار المحكمة باش تتحاكم في خلال 15 يوم و يتم طلاق سراحها
_نرجس : اختي اش فما ..
_زهرة ؛ ياا بلحق ماتر ...يعيشك مرسي والله احلى خبر نسمعوو
_نرجس ؛ اختي قولي
نرجس تضحك وحدها من غير حتى ما تعرف شنيا اما الحاجة الي عارفتها و قلبها مؤمن الي هي حاجة باهية باش تسمعهااا علقت زهرة
_زهرة ؛ امي باش تخرج خلال 15 يوم نرجس امي باش ترجع
نرجس : ياااااا حمد الله ياربي
_زهرة ؛ حمد الله ربي يخليكم لياا يا ربي ولا يحرمني منكم
عنقت نرجس اختها و بقاو فرحانين بعد زهرة عدات يدها على كرشها و بعد بدات تبكي
_نرجس : زهرة ..اختي شبيك
_زهرة ؛ نعرف امي مش باش تسامحني على الشي الي عملتوو
_نرجس ؛ متخممش اختي ..انتي معملت شي ..عملت هذا على خاطرنا اكيد امي باش تفهم هذا كيما انا فهمت ...صحيح باش تتنرفز اما تعرف امي
_زهرة ؛ منجمش نقولها مستحيل
_نرجس ؛ اختي انـ....
قص عليهم صوت الناقوز قامت زهرة و نرجس مشات رجعت لقرايتها مشات للباب لقاتو سي ناصر استغربت و مشات تجري حلت
_زهرة ؛ سي ناصر مرحبا بيك تفضل
_ناصر ؛ اهلا بيك بنتي يعيشك يزيد فضلك
_زهرة ؛ تفضل متقعدش واقف
_ناصر ؛ يعيش بنتي
زهرة ؛ شنية تشرب ..شنية تحب
تبسم و هز يدو يحط فيها على فوتاي و يقوللها ايجا اقعد يعني

رايكم في بداية الجزء الثاني 😍🦋

يلا فووت🌟 و اذا عندك توقعات حطهااا في كومنتار يهمني رايك ❤️🍷🔥🔥