_زهرة ؛ قالي الي مرتو حاجتها بياا بعد في لعشية
_جاهدة ؛ بنتي ياخي شنيا الخدمة هذه
_زهرة ؛ امي متخافش عليا شوي و نرجع
_جاهدة ؛ كان عاطي ربي راني انا الي نخدم انا عليك ...
_زهرة ؛ يزي امي متقولش هكا شكون عندي اناا ياخي ..اما انتي قولي رقدت مليح
_جاهدة ؛ اي حمد الله حكيت امبارح مع سي جواد محلاه راجل محترم ..
_زهرة ؛ اي قتلك ...انا لازم نظف الكوجينة ارتاح انتي باهي
_جاهدة ؛ لا خلي نجي معاك ..
جيهاان في جبل لفوق على حافة لبحر تستنى في زين شوي و جاا وقف الكرهبة و هبط
_زين ؛ مدام الصافي
_جيهان ؛ اهلا بيك
_زين ؛ اش فما زادة علاش جبتني لهوني
_جيهان ؛ تحب على زهرة ؟
_زين ؛ اش تحكي انتي
_جيهان ؛ سالتك سؤال جاوبني
زين كان لابس لونات نحاها و دور راسو يشوف في المشهد الي قدامو خذا نفس و تكلم
_زين ؛ اش عندك تربح من الشي الي تعمل فيه
_جيهان ؛ زهرة دايرة براجلي نحب نتخلص منها و انتي الوحيد الي تنجم تعاوني ...تخرج انتي رابح و انا نرجع راجلي .
_زين ؛ شنيا هذا فخ جديد
_جيهان ؛ لا
واقفين قدام بعضهم لين قدم زين حاط يديه في مكاتبو مع الطقس البارد و الريح و راجل الي بعثتو راقية يصور قرب قدامها قدقد و تكلم
_زين ؛ اسمعني معادش تلعب معايا باهي و كانك على زهرة وقت نستحقها تو نلقاها وحدي
قال كلامو و ركب في كرهبتوو و مشاا خلا جيهان واقفة وحدهااا
_جيهان ؛ بهيم
خذا التسجيل و عطاتو لراقية راقية هزتووو و مشات لبيتهاا جبدت البيسي و بنت بسمة دخلت طلبت منهاا تحللها الفلاش في بيسي و تحولو للتاليفون عملتلها الي قالتلها عليه و مشات
جات لعشية زهرة خارجة طلبها نديم و هي مشات لصالة
_زهرة : امي أنا ماشية
_جاهدة ؛ بنتي ياخي شنيا الي في رقبتك منين جبت لفلوس
نرجس بقات تغزر و خايفة اش باش تقول اما زهرة فيسع ما قالت و خرجت تجري معاش تحب تزيد تكذب اكثر
_زهرة ؛ لا هذا مش اصلي ...هي انا لازم نمشي متتحيروش علياا
_جاهدة ؛ بسلامة ..
خرجت زهرة لقات نديم يستنى فيها طلعت في كرهبة و مشا ثنية كاملة وهوما ساكتين وقت شافت زهرة بلاكة لي هوما خرجين مالبلاد تفجعت
_زهرة : سي نديم وين باش نمشيو انا منجمش نوخر امي في دار
_نديم ؛ سي نديم !
زهراء حطت يدهااا على وجها و بقات تضحك بعد تكلمت
_زهرة ؛ والله لا نجم نرجع مخر امي شادة عليا العسة تسال و تجاوب نخاف لا تعرف بكل شي
_نديم ؛ ماني قتلك متخافش باش نمشيو لبلاصة مزيانة باش تحبها برشاا حتى هانا وصلناا
_زهرة ؛ يااا ثلج
شافت الثلج نحات السانتور متاع الكرهبة و هبطت حطت يديها جيوبهاا و مشات تجري تشوف في رجل ثلج ☃️ خشمو و كاشكور متاعو طايح مشات تجري رجعاتو و نديم يغزرلها كيفاش نسات القلق متاعها و شايخة كيف لولاد الصغار
بعد جاو على جسر و قعدوو و بدااو يحكيوو
_زهراء : مرسي و الله لبلاصة ياسر مزيانة ...مالي صغيرة و انا نحب الثلج امي كانت ديما تقلي الي ثلج يحقق الامنيات كان كل ما وين يصب الثلج نبدى نتمنى برشا امنيات عاد مرة صب الثلج و انا وقتها مريضة مشات اختي جابتلي كرة متاع ثلج حطيتها في يدي لين هزني نوم و انا نعاود في نفس الامنية كيف فقت ولقيتهاا ذابت بقيت نبكي وقتهااا
نديم بقاا يضحك و هبط لم بيديه كرة متاع ثلج و مدهالهاا فرحت بيهاا هي كيف باش تلعب بيها و حست معدتهاا داارت مشات تجري تتقيأ
_نديم ؛ زهرة لبااس
زهرة تكح لين كلمت نديم بسيف
_زهرة ؛ امان متغزرليش نديم
و كملت تتقيأ و نديم عطاهاا بظهرهاا تعدى شوي وقت تلفت نديم و مشالهاا جبد بابي من جيبو و مدهولها مسحت فمها
_نديم ؛ لباس...تقلقت من حاجة ؟
_زهرة : لباس ..اما الصغرون حس ببوه
نديم ضحك و بعد قرب من زهرة حط يدو على ضهرهاا
_نديم ؛ هي نمشيو نشربو حاجة تو تتفرهد
جيهان في وسط الداار بعد ما دخلت و استقبلتها حماتهااا
_راقية ؛ وين لللا كووري تدخل و تخرج وقت ماتحب
_جيهان ؛ سلم على لقليلة
_راقية ؛ احترم نفسك
_جيهان ؛ انا محترمة نفسي ...اما وينوووو ولدك ريحتو مفماااش الدار يجيها مرة في فال
راقية تنرفزت هزت يدهااا بااش تنبهااا و قدمت منهاااا خطوة و صوت عياطهم باقي طالع لين فزعوو هارون و بسمة و الناصر و لبنات
_راقية ؛ احترم روحكك و الا الـ......
و تقص عليهم بصوتهاااا الي زعزع الدار
_رد بالك و اعرف اش تحكي مع بنتي مدام راقية
_جيهان ؛ امي متدخلش
_راقية ؛ مدام نوال ماكش انت الي باش تعلمني شنيا نحكي
_نوال ؛ انا هوني باش نحل عليك باب جهنم قتلك هذا المرة الي فاتت و نزيد نعاودلك
_جيهان ؛ يا ماما يزي عااد اطلع لبيتي تو نحكيو
تبسمت بخباثة و هزت صبعهاا تقصد في ناس كل و تحكي و تهدد
_نوال ؛ ناس كل باش نحسبكم واحد واحد على الي عملتوه في بنتي و الي وصلتوووووووه ليهاااا و اولهم ولدك نديم يا مدام راقية
قص عليهاا هارون حتى هو يدز في صدرو يحب يتهدد حتى هو و يعلي في صوتو
_هارون ؛ هااي ياخي اش تسخاايل في روحك تهدد في شـ....
قص عليه بوه و يكلم فيه رجع لتالي و تكلم معاها بكل هدوء
سي ناصر ؛ ياللا نوال ...ميجيش هكاا مش كل وين تجي تبدى تهدد فينا ...لدار هذه عندها حرمتهاا و هيبتها مش معقول الصياح هكا
بسمة هي و هارون من بعيد تغزر لابسة روبة روز قصيرة جايتهتتتا قدقد مواتيتهاا
_بسمة ؛ اغزرلها بدنها تقول مانكااا زعمااا سبور ولا عملية
_هارون ؛ وقتك تو بسمة ...اسكت
_جيهاان ؛ و اناا مطلبتش منك تعااوني ..ارجع منين جيت
_نوال ؛ بنتي !
_جيهان ؛ منقوليش بنتي وقت خـ....
_سي ناصر ؛ بنتي جيهان مش بلاصة تحكيو فيها هوني اطلع لبيتك و احيكو انتي و امك
_نوال ؛ اي خير ..خلينا نحكيو راس راس جيهان.
جيهان طلعت منغير حتى كلمة و طلعت في جرتهاا
_هارون ؛ بابا علاش مخليتنيش نتكلم ...نورمال تهدد عيني عينك و نسكتو
_ناصر ؛ عيب نطلعو صوتنا على مرا يا هارون ولدي و زيد قلبها محروق على بنتهاا عندها الحق
تلفت لراقية برغم مزال واخذ في خاطرو منها اما الكبدة مشومة
_ناصر ؛ للا راقية تلهى بضيفتنا
_راقية ؛ تهنى سي ناصر
نهاية الحلقة 🎁
حلقات اليوم نااارية 🔥🥵
القنبلة باش تتفجرر في حلقة قادمة 🥰😌😤
كان عجبك الجزء الثاني خلي تعلييق 🥰🎁
الحلقة القادمة ↓
VOUS LISEZ
أمنية تحت ظل الخيانة
Roman d'amourالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
