دقت الباب و عملت روحهاا محترمة قدام اول لقاء خاص ..
_جيهان : نجم ندخل
_زهرة : اي بطبيعة تفضل مدام جيهان
دخلت جيهان و بقات تغزر بغل لزهرة اما بعد مسحتها بضحكة صفرة كيما العادة
زهرة قعدت تقول بينها وبين روحها اش تحب هذه تقلقت من تصرفها عرفتها قاعدة تتصنع في ضحكتها ...
تبسمت هي زادة و هبطت راسها و بعد تكلمت
_زهرة : مدام جيهان نعاونك في حاجة
_جيهان : ام لا ...اقعد ارتااح
قعدت زهرة وهي تغزر لجيهان بالاستغراب
_جيهان : قولي اش عملك هذاكا الي اسمو زين ..اش يحب منك ؟
_زهرة : حكاية فارغة ..من قبل يعني من وقت ما كنت في ريف و هو يحب يعرس بيا يعني باش بابا يسدد ديونو
_جيهان : قالولي الي انتي دافعتي على نديم و وقفتي قدام السلاح
زهرة : تصرف كان طبيعي سواء كان سي نديم ولا اي واحد اخر ..و اي واحد في بلاتي يعمل نفس الشي
جيهان كانت قاعدة قامت و كتفت يديها و تحكي بتشنطير
_جيهان : اما انتي مش اي واحد ..زهرة انتي هازة امانة في كرشك ..انتي حبلة بولدي و لازمك تتلهى بيه فهمتي
زهرة قامت و بدات تحكي اما قصت عليها جيهان
_زهرة : اما ان..
_جيهان : حتى كلمة يلزمك تتصرف على حسب كلامي و باش تتلهى بصحتك و انا تو ناقف و نتلهى بيك ( تصيح )
على دخول للا راقية الي سمعت صياح
_للا راقية : اش فما هنا
_جيهان : حتى شي كنا نحكيو شوية مش هكا زهرة
زهرة غزرتلها و هبطت راسها
_زهرة : ...
_جيهان : انا ماشية نطل على بابا متستنونيش في لعشا
_للا راقية : باهي بنتي سلم على بوك
سكرت الباب و راقية مشات لصالة باش تريقل لعشا و الطاولة
في ليل بعد ما تعشو طلعت راقية لزهرة و قعدتها قدامها و بدات تحكي
_للا راقية : بنتي هوني في دار فما قواعد و قوانين
_زهرة : اي عندي خبر
_للا راقية : باهي بنتي برشا ... اه اه ...اسمعني
هبطت في صوتها و بدات توشوش
_للا راقية : الصغير الي في كرشك سر ميلزموش يخرج مالبيت هذه من ناحيتك ..
_زهرة : متخافش مدام راقية ..اما بعد كيف كرشي تكبر اش باش نقول
_للا راقية : منا لوقتها تو نلقاو حل ..اما تو نحبك تحل وذنيك معايا و تفهم رد بالك تحكي ولا تعطي جنب لبسمة مرت هارون مفهوم
_زهرة : فهمتك
_للا راقية : و مش لازم تدور برشا في دار مذبيك من بيتك متخرجش و احنا تو نوفرولك كل شي ...متخليش سي ناصر يشوفك يتقلق خاطر و كان حاجتك بحاجة اطلبها مني و رد بالك تاخو في خاكرك من جيهان ليمات هذه متوترة و خايفة عليك و على بيبي ..باهي بنتي
_زهرة : (تنهدت ) باهي تهنى
_للا راقية : اه قبل ما ننسى ..اختك باش تعمل العملية بعد ثلاثة ايام ..و امك وكلنالها محامي متخافش و متخممش عليهم مش باهيلك التخمام ..
_زهرة : مدام راقية ..
_للا راقية : نعم بنتي
_زهرة : نجم نطلب منك حاجة
_للا راقية : اي تفضل اش تحب بنتي
_زهرة : تليفوني قعد في الدار لخرى ..
_للا راقية : فهمتك تو نوصيهم يجيبولك تاليفون جديد تحب حاجة اخرى قبل ما نمشي
_زهرة : نهار العملية باش نكون موجودة مع اختي مش هكا
_للا راقية : اي بنتي بالطبيعة .
_زهرة : يعيشك مدام
خرجت اللا راقية و سكرت الباب و زهرة حلت القارد روب هزت حوايج النوم بدلت و مشات للبلكون تتفرج على المنظر و حاطة يديها على كرشها تخمم فالي مزال يستنى فيها
بالزهر طلت لقات نديم قاعد على حافة البيسين ..
بسمة كيف عادتها تقطع و تريش في الكوجينة مع خدامة لين شافت هارون مروح
_بسمة : يالا حبيباتي انا نخليكم زوجي جاء اكيد راهو تاعب نهار كل وهو يخدم اما ديما مش عاجبهم ديما
منال : ( الخادمة ) و الله برسمي قالك اليوم سي نديم تعارك مع مرتو
_اسيل : سكر فمك و انتي اش دخلك ...يا ولله حوال
في بيتهم هارون متكي على فرش و بسمة قدام الكوافوز تنحي في مكياجهاا و تحكي
_بسمة : و الله اليوم نديم و جيهان قلبوها الدار بصياح
_هارون : بالاهي شيني علاش اش صار
_بسمة : و انا وين نعرف مفهمتش علاش اما ضاهر فما مرا اخرى في لحكاية
_هارون : لا لا اما مرا خويا مرتو يحبها و ميعملش حاجات كيف هكا
_بسمة : أنا نقولك سمعتهم بوذنيا و انتي تقولي ميعملهاش عملو و كملو
_هارون : نديمم ...معناها انا نلكلت ليل نهار في شركة و هو يغرم في زمانو و بعد يخرج نديم هو المثالي
نديم على حافت البسين قاعد على كرسي يخمم لين تجيه جيهان في يدها زوز كيسان مدتلو كاس و قعدت بجنبو
_جيهان : نعرف الي عندك برشا مشاكل اما افهمني انا زادة ليامات هذه متوترة ...
_نديم : يلزمك تعرف الي انتي الي طلبت لحكاية هذه مش انا ..
_جيهان : نعرف
زهرة كانت تشوف فيهم من فوق في لحظة قربت جيهان من نديم و باستو ياخي زهرة شهقت و حطت يدها على وجها و دخلت تجري ريقلت فرشها و طفت الضوء و رقدت
#يتبع
برشا مفاجأت و تشويق من عند نديم و زهرة !؟❤️
و برشا معطيات باش تتقلب عند جيهان و هارون 😎🔥
موعدنا في حلقة جديدة 🥃❤️ باااي
💬🌟
VOUS LISEZ
أمنية تحت ظل الخيانة
Lãng mạnالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
