انت الآن مرأتي التي أرى فيها نفسي و القشة التي أخرجتني من الغريق ...أنت نفسي🖍️...🖤
على نار تمشي وتجي في بيتها و جيهان و حماتها في صالون يشربو في قهوة و هي كل شوية تهز التاليفون تستنى في فاطمة تطلب
_للاراقية : قولي تستنى في حاجة
_جيهان : نعم
_للا راقية : لقيتك تغزر لتاليفونك برشا قولت اكيد عندك حاجة مهمة تستنى فيها
جيهان تنرفزت و قامت تحكي و تعلي صوتها
_جيهان : ياخي معاد نجمو نعملو شي في دااار هذه من شيرة بسمة الي تستنى مني في غلطة و مش شيرة انت
للا راقية هزت يدها بتجاوبها و نديم دخل
_جيهان : اهلا نديم ...معندكش خدمة
_نديم : ويني زهرة
_جيهان : خبرتك سايي
_نديم : سألتكم سؤاااال ويني زهرة
_للا راقية : اه ولدي في بيتها اماا...
خلاها تحكي وحدها و طلع يجري لقاها متوترة خايفة
_نديم : زهرة لباس
_زهرة : اي اما امي مخلاونيش نخرج ..نحب نشوفهاا
_نديم : باهي اهدا شوي هايا حضر روحك خلينا نمشيو
هزت زهرة صاكها و تمتمت اي بدهشة و مشات تجري هبط نديم في دروج عرضتو جيهان منرفزة
_جيهان : نديم زهرة معندها وين ماشية
_نديم : الطفلة طلبت تشوف امها و تطمئن عليها حرمتووها ...طلبت تشوف امها مش اكثر
_للا راقية : يا ولدي احنا محرمناهاش اما امها لباس عليها قللنا المحامي
_نديم : لحساب مش تو
هز زهرة و خرج و بسمة خرجت مالكوجينة بقات تسأل
_بسمة : ياخي اش صار ..و نديم وين هاز زهرة
_جيهان : تلهى في راجلك يزي
طلعت تجري و خلطت وراها للا راقية و خلات نقاط الاستفهاام معلقة عند بسمة
_بسمة : لا والله مهياش دار هوني ...سبيطار عزيزة عثمانة
_مريم : اه فكرتني بسمة امشي معايا بعد لازم نحلل
_بسمة : هن شرف قداش بندوملكم انااا ...ياربي يفضلني ليكم
هوما هكك و يسمعو كاان حس التكسير الفوق جيهان مخلاتش حاجة في بيت مكسرتهااش
_جيهان : علاااااااش
_للا راقية : يا بنتي هدي اعصابك يهديك
_جيهان : اصلا كلو منك انت سبب في كل شي من وقت ما دخلت الطفلة هذه لحياتنااا و نديم معادش كيما قبل
_للا راقية : باهي احكي معاه
_جيهان : هههه علا اساس معملتش تي حتى في بيت معاش قاعدين مع بعضنااا
_للا راقية : باهي احكي معاه و هزها لدار بوك و هكا ترتاح انت منها و منه كي يسألونا نقولو الي هيا تخدم غادي
جيهان : هزت شعرها لتالي و بعد مشات للبار متاعها صبت كااس و قعدت بحذا للا راقية و تكلمت
_جيهان : باهي اما مش انا الي باش نحكي انت باش تحكي مع ولدك باش ترجعهولي كيف مكان و كيما دخلت الطفلة هاكي لحياتنا تخرجهاا
للا راقية : ( كانت قاعدة استفزتها جيهان بكلامها ) اسمعني مليح انا سكتتلك برشا و عديتلك بزايد رد بالك على تصرفاتك و كانك على نديم كان جيت مرا راك عرفت كيفاش تحافظ على راجلك مش انا الي نعلمك ...و متخلينيش ناخذ في خاطري منك و لعلمك انا مهيمنيش بلكل شكون الي مع نديم انت ولا زهرة كيف كيف الفايدة في شكون الي جاب لحفيد
جيهاان سمعتها تكونست خاطر عارفة الي صغير الي في كرش زهرة مش ولدها هو ولد نديم و زهرة
في كلينيك وصلو ديراكت بدات تجري زهرة دخلت تشوف امها الي راقدة و يدها مسكرة بالمونوت 🔗 على سرير ترمات عليها و تبكي وجات باش تبوسها اما هي دورت راسها
_زهرة : امي
_جاهدة : رد بالك تنطقها ..انا مانيش امك فهمتني رد بالك مرة اخرى تقلي امي
_زهرة : امي فاش تحكي ...انل زهرة بنتك
جاهدة تحكي و تبكي و تعيط فرد وقت و زهرة مالصدمة ماهياش عارفة اش تعمل تحاول تفيق في امها باش ترجع تحن عليها كيما قبل اما لا هي برسمي تحكي
_جاهدة : معنديش بنية كيفك ...تكذب عليااا تقولي نخدم و انتي تخدم بشرفك ..علاش انا هاكا ربيتك ...حرام عليك مسحت بيا القاع و انا شامخة بيكم نشوف الدنيا فيكم اما انتي سودتلي وجهي و مرمدت صمعتي في قاااع يا خسارة تربيتي فيك
زهرة تقول سطل ماء و تصب على عليها بدات تصيح و تهدي في امها و تحاول تفهم و تحب تتقرب منها
_زهرة : امي علاش تحكي هاكا
تتلفت امها للبوليسية الي واقفة على باب
_جاهدة : بنتي تنجم تخرجها وفا كلامنا
تقدمت البوليسة و شدتها من يدها و خرجتها وهي تعيط
_زهرة : لا امي اميييييي
حطتها وراء الباب و سكرتو مشات خطوتين و سندت على حيط ساقيها معادش حاسة بيهم كل شي عملتو باش تنقذ عائلتها بالرغم تعرف الي غالط اما مجبورة في لحظة تعدا عليها شاريط حياتها كل و مع كل لحظة النفس يتقطع عليها بشوي لين ترخفت تتنفس بسيف يتلفت نديم يلقاها على حالتها مشالها يجري شدها من يدهاا و يحكي
_نديم : زهرة ..زهرة اش صار
زهرة بقات تبكي و العينيها بداو يتسكرو رددت كلمة امي و طاحت بين احضانو نديم يشدها من يدها يقومها شوي و يحملها و يجري بيها ويعيط
_نديم : وينكمم عاونوننني
جاوه زوز فراملة بالبلانكار و حطهاا بشوية
_نديم : حبلة فيسع
_الفرملية : متخاافش عليها
عدو عليها و لباس و نديم واقف يستنى فيها تقوم تعدات ساعة باش حلت عينيها
_زهرة : اه
_نديم : زهرة ارتااح متتحركش فيسع
_زهرة : نحب نخرج
_نديم : باهي تو نمشيو اما استنى حتى ترتاح شوي ... وحكيلي اش صاار
زهرة تفكرت امهاا و بعد هبطتت راسها حاشمة و بدات تحكي
_زهرة : فما شكون قاللها الي ..انا و انت على علاقة .و...
_نديم : باهي باهي متخممش هايا خلينا نخرجو
روحو لدار و للا راقية حكات مع نديم و وافق مشا وصلها لدار بو جيهان و كيف العادة زياد يتبع فيهم و عرف بلاصة زهرة
دخل نديم لبيتو يلقى جيهان تحضر في فاليجتها
_نديم : فاش تعمل وين ماشية
_جيهان : عندي خدمة لبرى
_نديم : وحدك و شبيني مفيباليش
_جيهان : لا ماشية انا و الي يخدم معايا و الخدمة جات صدفة
_نديم : اي ربي معاك و رد بالك على روحك
جيهان تبسمت و تلفتتلو
_جيهان : هايا باهي كي تفكرت الي عندك مرا لازم تتلهى بيها ...ولا يطلعشي تشوف فياا زهرة و مفيباليش
نديم تلفتلهااا و مستغرب
_نديم : شنيااا مفهمتكش
_جيهان : نديم من وقت ما دخلت زهرة لحياتنا ملاحظ الي تبدلت عليا برشااااا
_نديم : جيهان انت سبب في دخول زهرة انت الي حابة على صغير و باش تموت في بالي
_جيهان : كان عيني و تو معاد نحب شي ...كنت نتصور باش تعيش في دار و يجينا صغيرنا نربوه مش باش تجيبهااا لدااري
_نديم : لوين تحب توصل انت
_جيهان : قولي ياخي انت و زهرة ..
سكتهاااا نديم و تنرفز مالي سمعو والي باش يسمعوو
_نديم : اس اس يزي ..
🥃🔥
حلقة وفااات فرشاتي 🖤🦋
.
***
.
جيهان شبيها ولات هاكا مازالت باش تعكل اكثر من هاكا هاني قلتلهم 😉🙂
خبروني في كومنتار توقعاتكم للأحداث 🖍️🤔
غدوة باش تكون حلقة جيهان 😌🐍🔥💥💥
فرحانة بالتفاعل متاعكم🙏🏻 واصلو حبايبي احنا موعدنا في حلقة القادمة ❤️😍
جااام 🖤
تصبحو على خير 😚😴
VOUS LISEZ
أمنية تحت ظل الخيانة
Romansaالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
