المرة هذه باش نتلمو على كرونيك مزيانة 🔥🌸
كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥
منطولش عليكم كرونيك اليوم
بعنوان : أمنية تحت ظل الخيانة
للكاتبة : yousra.hassin
كرونيك بالهجة التونسي...
Oups ! Cette image n'est pas conforme à nos directives de contenu. Afin de continuer la publication, veuillez la retirer ou mettre en ligne une autre image.
بداو يتمشاو نديم و زهرة وصلو على حافة الشط _نديم : اش تحس في روحك تو _زهرة : اي خير الحمد الله ..احسن كيف جينا لهنا هوما يمشيو لين لقاو واحد يبيع في ساندويتشات _نديم : جيعانة _زهرة : يعني _نديم : ايجا مشا نديم وقف قدام الكونتوار هو حال دار صغيرة كيما كشك _نديم : الله يعينك _الله يسلمك تفضل _نديم : اعيني سندويتش بربي .. _زهرة : لا علاش مخذيتش زوز _نديم : لا انا منحبش سكتت زهرة و نديم رجع يحكي مع الراجل مدلو الصحن و خذاها و قعدو على كرسي حطو قدام زهرة _نديم : خوذ كول يالا ..مش قلت جيعانة _زهرة : لا سي نديم انا منجمش ناكل وحدي و انت تغزرلي هايا كول معايا ..يعيشك _نديم : لا انا قوتلك منحبش ..منيش جيعان...كول انت و ميهمكش فيا و تحب تزيد قولي _زهرة : لا سي نديم ههه انا هذا نخمم كيف باش نكملو قعد يضحك نديم و بقا يحفظ في وجه زهرة و تفكر وقت جاتو تجري باش تطلب من عندو فلوس " مكستم كي العادة و يودع في مسؤولين باش يرجع لتونس ... _زهرة : سي نديم تلفتلها و بعد قال للي كان يحكي معاه لحظة برك و مشا لها _نديم : تفضل _زهرة : سي نديم ..انا نحب شهريتي _نديم : لتو لا عطوهالك _زهرة : لا مش هكاك انا مستحقة سلف و هوما محبوش يعطوني _نديم : باهي تو نقلهم هو جا داير و هي شدتو من يدو و ساقها تتلوى جات بطيح شدها من ظهرها و بقاو باهتين في بعضهم و بعد شدها رجعها و كملت تحكي _زهرة : سي نديم انا منيش طالبة شي كان فلوسي النهارات الي خدمتهم لا اكثر ولا اقل _نديم : مدامك طلبت اكيد مستحقة _زهرة : علخر _نديم : شنيا اسمك انتي _زهرة : زهرة " تعدى بطاح يزمر سمعت حسو زهرة تلفت و عينها يلمعو _زهرة : و انا صغيرة كانت امنية حياتي نطلع في باتو هههه ... نديم كان قاعدد و مهموم هز روحو و بدا يسمع في زهرة ... _زهرة : وقتها امي وعدتني باش نركبو فيه اما من بعدها نرجس اختي مرضت رصاتلنا شرينا بيه الدواء و بقات لحكاية نقطة في قلبي لين كبرت ههه تلفتت لنديم و بعد حشمت ضحكت و رجعت تحكي _زهرة : كسرتلك راسك بحكاياتي نعرف _نديم : هه لا بالعكس ... اختك تو تبرى و امك تو ترجعلك متخافش _زهرة : انشا الله _نديم : هيا نقومو _زهرة : هايا قامو زوز زهرة مشات للكرهبة و نديم مشا خلص الراجل و خلط على زهرة ركبو و مشاو في ثنية تكلمت زهرة كسرت السكوت _زهرة : سي نديم مش هذه ثنية الدار _نديم : لا مناش ماشين لدار هاكي _زهرة : مالا وين مااشين _نديم : متخافش ...باش نهزك لداري غادي امان ليك اكثر و معاك امي و جيهان يتلهاو بيك .. زهرة سكتت منجمتش تحكي وصلو لدار هبط نديم و قال لزهرة باش تهبط وقفو قدام البا ضرب الناقوز خرجت جيهان تجري و عنقتوو _جيهان : ندييييم يا روحي قولي اش عملك هذاك اه ... مصارلك شي _راقية : ولدي تفجعت عليك لباااس _نديم : لباس لباس متخافوش زهرة حشمت بدات تبعد في عينيهاا تلفتلهاا نديم و بقا يحكي _نديم : زهرة ماليوم باش تعيش معانا جيهان وجهها تقلب و مفهمت شي غزرت لحماتها الي رسمة ضحكة صفراء و رحبت بيها _للا راقية : مرحبا بيك بنتي _زهرة : يعيشك مدام راقية _نديم : امي تلها بزهرة و قول للبنات يحضرولها بيتها _للا راقية : تهنا يا ولدي ...ايجا بنتي مرحبا بيك دخلو و في جرتها دخل نديم الي سبقتو جيهان لبيتهم _جيهان : ياخي شبيكم عطلتلو اش عملك الكلب هذاكا _نديم : معمل شي ...هو حب يخطف زهرة _جيهان : يخطف زهرة ..؟ _نديم : اي اما تو لباس رد بالك عليها اليوم خافت برشااا جيهان تحكي و نار الغيرة باش تخليها رمااد _جيهان : وانت علاش تدخل في روحك بلكشي صاحبها اش مدخلك في طفلة تعرض في روحك للخطر _نديم : الطفلة متحبوش لدرجة وقفت قدام السلاح باش متجيش الرصاصة فياا وانتي تقولي متدخلش _جيهان : شنياا وهي نورمال في مخهاا _نديم : اسمعني _جيهان : قولي اش قعدت تعمل مالا _نديم : حتى شي هزيتها تشم هواء المخلوقة خافت برشاا _جيهان ؛ ( تصيح ) معناااااها انا هوني يعلم بيا ربي كيفاش قاعدة نستنى فيك وانتي و ياها قاعدين تتمشااو _نديم : جيهان متصيحش قوتلك الطفلة كانت خايفة و حالتها خايبة اش تحبني نعمل .. جيهان غزرتلو و هزت روحها و مشات لبيت زهرة تعفس في طاجين تقعرو ....
#يتبع
زعماجيهاناشناوية تعمل لزهرة ؟؟👀 انا مانيديمانبتبت و مخلي حتى شي في قلوبكم 😂 قاعدة ننقللكم حتى اشقاعد يصير في بيت نوم نديم و جيهان 🙂😍 اما نديم sérieux ياسرهانينقولكم من تو 😂🔥❤️ اما حنين و رومنسيانشا الله نلقاوكيفوبرك 👀🙂 ههههيا باي حبايب قلبي 😘😚
نحب نشكركم ناس كل الي تقرى في الكرونيك ❤️ بفضلكم قاعدة نشوف في تحسن ولات في المرتبة 4 بين الكرونيكات التونسية 🔥🔥😘 بعدها كرونيك الوتر الحساس في مرتبة 7
نحبكمبرششااااا و احناموعدناكيما العادة غدوة مع العشرةمتاع الليل 😘😘
