أمنية تحت ظل الخيانة

الحلقة 54🥃

إبـــــــتــــســــــم وجــــــــــــاهـــــــــل كــــل ما يــــــؤلــــمــــك فالـــحــــيـــــاة تٌـــعـــــــاش مــــــــــرة و لـــــيـــــــس مــــــرتــــــــــيـــــــن🖍️...🖤

جيهان في بيتها راقدة لين يجي نديم الي جاب زهرة معاه باش تخدم على اساس قدام اختهاا.. تلفتتلو
_جيهان : جييت
_نديم : اي انت فايقة نستخايلك راقدة محبيتش نفيقك
_جيهان : نخمم على زهرة و على الي عملتو ممتتصورش قداش نادمة
_نديم : عادي مصار شي برا اطلب منها السمااح اهيكا في بيتهااا
_جيهان ؛ هيا هووني
قاللها اي و دخل لدوش
جيهان مشات لساكها هزت هاكي الدواء و حطتو في جيبها و خرجت
وقفت قدام الباب خذات نفس و مشات للكوجينة
اسيل و غصون في كوجينة يحكو لين تدخل عليهم منغير حتى كلام تحل الخزانة و تجبد كاس كبير و تحطو فوق الكونتواار وهوما باهتين كيفاش دخلت للكوجينة و تهز وحدهماا والي اغرب الي هيا طلبت كاس حليب وهي متحبوش حليب وحدووو
_جيهان ؛ اعطيني كاس حليب
_اسيل : ...
جيهاان شافتهم صمامة مع التوتر الي عندها تنرفزت
_جيهان : اش فماااا ياخييي قوتلكم عبولي الكاس هذا فيسسع
_اسيل : معااادش لحليبب و صينا مزال مجااش
_غصون : لا اسيل موجود جابو خليل هات مدام نعبيلك
_جيهان : زييد خوووذ راحتك ..
تلفتت لأسيل لقاتها تغزرلهااا عملتها براسها اش فما و تكلمت
_جيهان : تنجم تشوف خدمتك اسيل
اسيل مشات و رجعت لبلاصتها تنقي في لعدس و غصون مدتلها الكاس معبي بالحليب ..هزتو جيهان و خرجت
_غصون : ياخي شبيها هذه تكش و تنش وزيد من وقتااش تشربو هي لحليب و زيد الكااااس هاذاكا كل
قرصتهاا اسيل و هوما يحكيو بالتوشويش
_اسيل : اسكت يا طفلة اش دخلك ...مسكينة لحبالة تعمل
_غصون : لحبالة تعمل !! تقول كان هي حبلت
وقفت جيهان متركنة حطت الكاس تلفتت يمين و يسار و جبدت الدبوزة حطت قطرة الاولى الثانية و الثالثة و بعد بقات مترددة و كملت زادت صبت الي في زريقة كل بدوزة قوية ..
و رجعت الدبوزة و رسمت تبسية خبيثة و طلعت لبيت دقت الباب و دخلت
_جيهان : زهرة عسلامة
_زهرة : اهلا بيك مدام
_جيهان : نعرف الي انا كثرت المدة لخرة اما منيش في وعي صدقني
_زهرة : مصار شي اما البيبي ...
_جيهان : البيبي جبتلوو حليب بالعسل هيا اشربو
_زهرة : اه حليب لا منجمش نشربو يقرفني المدة هذه
جيهان تنرفزت كيفاش متحبش تشرب
_جيهان : كييييفاش متنجمش اشرب فييسع
_زهرة : باهي
غمضت عينها و خشمهاا و شربت نصووو
_زهزة : والله منجم ساي باش نرد ريحتو ياسر قوية
_جيهان : قتلك كملووو الكل منفعة هااكي
تناقشو هوما هكك اشرب منشربش لين طااح الكااس تكب
_جيهان : هاااااااكااااا علاااااه ياخي متراااش شوف قدااامك تعميييت شبببيك قتلك اشربو
_زهرة : مدام جيهان
_جيهان : نعرفك وين تحبي توصلي سمعتني انت و البيبي الي في كرشك ميهمونيش يا طيح البيبي يا نمشي لامك نقوللها كل شي
_زهرة : مدام جيهان
_جيههان : سمعت ولا لااااا
نديم في صالة هو وانو يستنى في زهرة و يحكيو
_للا راقية ؛ يا ولدي قولي شبيك معادش تمشي للشركة
_نديم : شكون قالك الي انا منيش قاعد نمشي
_للا راقية : هارون هو الي قالي
_نديم : صحيح الي انا منمشيش اما قاعد نمشي في اومور الخدمة
هو هكك و يتناقش و يتلفت يلقى زهرة هابطة مالدروج تجري و تبكي يمشيلها نديم و يخلطو وراها جيهان و للا راقية
_نديم ؛ زهرة سي نديم مدام راقية انا معادش نحب نكمل منجمش
_للا راقية ؛ شبيك بينتي
_زهرة : نحب نطيح الصغير و معاد نحب شي منكم
_جيهان : شنياا ياخي تو ولا لعب صغاار
زهرة غزرت لجيهان تشوف في الظلم بعينيها و نديم الي تصدم معرفش اش يقول و راقية الي خافت خاطر تحب على صغير هذاكا و على مصلحتهاا
_زهرة : انا منجمش نكمل مستحيلل ...
نديم : باهي تو نتفاهموو زهرة اقعد خلي نحكيوو
زهرة بقات تبكي و تعمل برااسها لا و خرجت تجري
جيهان ؛ يااخي وين مااشيااا متنجمش تمشي هاااكااااا هذااااكااا ولدي انااا نقررر مش انتتتت تسمععع فيااا
نديم : جيهان يزي اسكت
خلاها ومشاااا يجري ورا زهرة
بعد مخرج جيهان تلفتت للا راقية الي تحاول تهدي فيها
_للا راقية : وسع بالك يا روحي اش باش تعمل تو نديم يقنعها تخلي البيبي متخافش
_جيهان : هههه تحكي بجدك انت تووو و اللهي باهتة فيك ياخي نورمال انت
_للا راقية : ياخي شبيك بنتي
هي هكك و تسمع صوت وراهااا
_شبيهاااا ماهو للا راقية
هزت راسهاا جيهان و تكلمت
_جيهان : ماما
_للا راقية : نواال
_جيهان : اش تعمل هوني و وينو راجلك و اولادك
_نوال : اومورنا الشخصية مش هوني نحكيو وحدناا
هوما هكك و الناصر و كنتو بسمة جات باش يقعدو في صالة لقاو العرض
_نوال : جيهان انتي على اعصابك المدة هذه خليني نعاونك
_جيهان : متعاونيييش امشي منين جييت و انا فرحانة في حياتي حمدالله
_سي ناصر : ياخي اش فما هوني
_نوال : عسلامة سي ناصر هاكا تو بنتي خليتها في امانتكم يصير فيها هذا كل
_جيهاان : يهديك اش صارلي هاني فرحاانة امشي من هوني هـ...
_سي نااصر : ااييييه يزو عااد بنتك معزة مكرمة هوني و كان عندكم مشاكل حلوها بين بعضكم لفوق بنتي جيهان هز امك و احكيو لفوق و حالو تحلو مشاكلكم
_جيهان : باهي بابا
هي طلعت و نوال قعدت تغزر شوي قربتلها بسمة
_بسمة : محلاها روبتك منين شريتها بربي
غزرتلها على جنب و طلعت ...

حلقة اليوم ❤️😍

قبل انشا الله رمضانكم مبرووك 🤲🏻❤️

جام للحلقة
و حطووو توقعاكم و قولولي صحيحة ولا غالطة ❤️

نشوفكم في حلقة الجاااية 🔥🔥
Up 🔥