_مروان : ياخالي قولو يبعد شوية هاكا باش نطرشو راهو
__نديم : ههه هذاكا قاعدين يفرحو بينا
_مروان : اي ظاهر
_نديم : هاني باش نرتحك منهم
قام و جا باش يقوم معاه ياخي كلمو
_نديم : انتي اقعد لتفضحنا
_مروان : اي احسن
طبس نديم للفولار متاع زهرة و شدها في يدو و بداو يشطحوو عاملين دورة لين جات صاحبة زهرة و كركرتها معاها باش يشطحو مع بعضهم ..شدت في يد نديم و هوما كل عاملين حلقة واحدة ..
مروان ينوقز تاليفونو هز عليه
_جيهان : الووو..ياخي في العرس
_مروان : اي مرت خالي ..انا في عرس منيش نسمع فيك
_جيهان : والله ظاهر فما برشا جو عندكم ..شهيتني في حضورو
_مروان : اي والله و تو خالي قاعد يشطح و الله طلع معلم ههه صورت تو نبعثلك التصاور
_جيهان : بسلامة
نديم كمل رقصتو و رجع لمروان
_مروان : شنياا خالوو. هاك معلم في شطيح
_نديم : ههه مالا نلعبو هيا خلينا نلبسو للعروس فردة و نمشيو
مروان : هياا
مروان خالا نديم مشا و رجع للفولارة هزها منغير ما يشلق و مشا سلمو على العرايس و خرجو
زين جاب كرسي و قعد عند زهرة
_زين : نوعدك باش نعملك عرس اكبر من هذا يا عمري
_زهرة : فاش تحكي ياخي
_زين : ياخي مقلكش بوك
_زهرة : اش تخرف ياخي احكي
_زين : تفاهمت انا بوك باش نعرس بيك ..
زهرة تبدل لون وجها و قالت لامها و اختها باش يروحو
في ثنية ممدوح و عايلتو مروحين و زين جااه شاد عليه سلاح
_زين : مش قتلي موافقة ...ياخي تتمخسس علياا
_ممدوح : لا والله باش تواافق ..كلمتي تمشي
زهرة سكتت و مالقات ماتقول ..و خايفة من السلاح الي في يدو و زين يعمل هاكا و يضرب كرطوشة في سماا
مروان و نديم كيف راكبين سمعو حس الرصاص
_مروان : ياخي هذا مش حس رصاص
_نديم : يظهرلي ...امشي نشوفو
_مروان : هايا
قعدوو يمشو يمشو لين لقاو لعايلة و زين شاد سلاح
_زين : شوف انا وثقت فيك اما انتي ...
_نديم : هبطط سلاااح
_ممدوح : سي نديم متخاافش سوء تفاهم اكهو
_زين : انتي مدخلش روحك سي نديم مشاكل عائلية
_ممدوح : اي سي نديم هو يسالني فلوس و اكهوو
نديم قرب من زين و شدلو يدو
_نديم : متنجمش تحكي معاه منغير سلاح ...عيب عليك قدام عائلتوو
_زين : سي نديم ان....
_نديم : سيب السلاح ....سييييييييييييب
#يتبع
مازالت في بدايتهاا ستناو برشااا احذاث و تشويق يستنى فيكم 💯🔥❤️❤️🇹🇳
VOUS LISEZ
أمنية تحت ظل الخيانة
Storie d'amoreالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
