الحلقة 33🥃
_بسمة : اي وينو نديم ...مش كان معااك
جيهان غزرت لبسمة و بعد غزرت للا راقية و تكلمت
_جيهان : امي راقية
_للا راقية : قالي عندي اجتمااع مشا لشركة ..
_بسمة : اممم ....مفماش علاش يتعب روحوو اهوكا فماا هارون غادي
_للا راقية : بسمة جيبلي قهوة هاني في بيتي
_بسمة : الله يبارك مرت عمي
هي هيا مشات و جيهان سالتهاا
_جيهان : احكيلي ياخي فما حاجة خايبة ...فما حاجة صارت لزهرة
_للا راقية : اششش...امشي لبيتك تو نحكيو
نديم قاعد على فوتاي و زهرة قدامو مقابلتو
_نديم : لاخر مرة نسالك ...علاش دخلت روحك في حاجة كيما هاكة وقت انتي متحبش تتحصر و تكون تحت رحمت حد
_زهرة : يظهرلي قتلك من قبل ...
_نديم : اخر مرة قتلي على خاطر لفلوس
_زهرة : اي بظبط
نديم علا صوتو و كمل يحكي
_نديم : علااااش زهرة ...علاش ..اخر مرة ريتك كي جيتني لجنان الرمان و قتهاا طلبت مني فلووس ظاهر الي انتي عندك حاااجة مخبيتهاا ...
زهرة قامت و بدات تصيح
_زهرة : اي اي جيت طلبت فلوس ...خاطر مستحقة فلووس ...امي في حبس اختي بين لحيااة و الموت اش تحبني نعمل ...ملقييت شي ملقيت حتى حد نجم نلتجا ليه ...ووقت عرضت علياا مدام راقية ..قبلت منغير منخمم خاطر معنديش اهم من امي و اختي تفهمم فياااا ...
بعدت عليه شوية و بعد مسحت وجهاا بديهاا و كملت تحكي
_زهرة : الغارق يشد في قشة ...و انا كنت غارقة و شديت في قشة متاعكم .
#يتبع
صدقوني تفاعلكم عندي بالدنياا نحبكم برشااا ❤️
تنجموو تابعوني على جروبي في الفيسبوك الرابط في بروفايل ❤️
VOUS LISEZ
أمنية تحت ظل الخيانة
Romanceالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
