أمنية تحت ظل الخيانة

الحلقة 37 🥃

وصل نديم للبلاصة الي قالو عليها خليل الدنيا فجر و فما كان رجال الي يصليو في جامع مروحين و هبط لقا راجل كبير قدامو
_نديم : السلام عليكم
_وعليكم السلام ورحمة الله و بركاته
_نديم : خويا تعرفشي واحد اسمو زياد ميكانسيان
_اي ولدي نعرفو امشي القدام و بعد دور على الايمين اول حانوت على يدك ليسار هاكي حانوتو اما ولدي تو فجر و هو ميحلش بكري راهو
_نديم : يعيشك ...نهارك زين ربي يباركلك
_منغير مزية ...نهارك سعيد
رجع نديم لكرهبتو ركب و مشا للبلاصة الي سالو عليها و جا و قد متركن يعس على زياد لين يحل
جيهان في دار تمشي و تجي بعد ما طلبت نديم 100 مرة مهزش و حتى من النوم طار من عينيها ..
اللا راقية في بيتها هي زادة مجاهاش النوم تخمم في المصايب الي عملتهم و قداش باش تكون نهايت هالذنوب الي عملتهم ..
هي دنيا بدات تضوى شوية شوية زهرة مازالت راقدة و زين دخل بعد ما مشا شرالها روبة جديدة و جاب معاه ماكلة ..
وقف بحذاها و بدا يقيم فيها
_زين : زهرة ...زهرتي ...هيا قوم ياخي شبيك وليت ترقد برشا نعرف نومك خفيف ...هياا متسالنيش منين عرفت بوك كان ديما يحكيلي عليك ...زهرة
في لحضة تحركت زهرة حلت عينيها لقات روحها في بيت مع زين قامت مرعوبة جات خارجة وصلت للباب شدها زين قعدو يتفارعو هكك في لحضة دزها لتالي جات طايحة على كانبي حست بوجيعة شدت في كرشها و تنفست بالقوي ارتاحت ..
_زهرة : اه ..
_زين : اش لزك يا زهرتي انتي تلز فيا باش نتعامل معاك هكا الله يسامحك
زهرة مكلمتوش بقات ساكتة تقحر كهو
زين : شد البس هذه
_زهرة : معينيش
_زين : قتلك شد البس متهبلنيش هاني خارج
خرج زين و سكر الباب وراه و طلب زياد يوصي فيه اش لازم يعمل فيما لبست زهرة
_زين : زياد اسمعني كان عرضك حد سالك عليا قول منعرفش فهمت
_زياد : وعلاش نقول منعرفش ماك ساكن في داري
_زين : يا بهيم ياخي قداش باش نبقى نقاسي فيك انا ...
_زياد : باهي باهي ( زياد يمشي قريب من الحانوت يشوف في كرهبة قدامو ( كرهبة نديم اما زياد مينتبهش و لا معرفهاش ) واقفة قدام الحانوت ) علق عندي كليون
_زين : باهي ربي جيبلك القسم
نديم يشوف في زياد من بعيد كبس على يدو على الفولون و يحكي وحدو و عينيه متحركتش على زياد
_نديم : سرقلي ولدي الكلب ...
علق التاليفون و زياد كمل وصل قدام الحانوت و هبطلو نديم مالكرهبة دوب ما شافو حاول يهرب الا ونديم كان عارافو باش يهرب ديراكت جرا وراه و شدو و بدا يسال
_نديم : وينو زين و وينها زهرة تكلم
_ زياد : منعرفش انا ..
_نديم : قوتلك تكلم وين قاعدين خير مالي نطلبلك الحاكم تو ..
زياد سمع حكاية حاكم خاف
_زياد : ببب..بب.يتهي .باهي قاعدين في داري مش بعيد من هوني ..
_نديم : امشي تحرك
شدو من مريولو طلعو في الكرهبة و طلع بجنبو لين نعتو على دار
زين قاعد بحذا زهرة و جبدلها ماكلة و بيناتهم جبن و قربهملها ياخي هي محبتش و تقولو لا هز خبز و حط فيه جبن و بدا يلز فيها
_زين : شد كول
_زهرة : معينش ..منحبش
_زين : قوتلك كوول شد
قربهولها لفمها وهي دوبا ما شمت ريحتو معدتها دارت قامت من بحذاه و بدات تتنفس بالقوي طارتلو زين و بدا يصيح عليها على وصول نديم يسمع في الحس هبط يجري و قال لزياد يحلو الباب دخل يلقا زين عاطي بظهر و قدامو زهرة يحب يظربها شدو من كتفو و دورو ليه و عطا بونيا على خشمو و دزو و جا هو قدام زهرة زين طاح في قاع مسح فمو و في لحظة جبد المسدس متاعو و جهو لنديم زهرة شافتو ترعبت
_زهرة : لا ..لا
جيهان في بيتها لتو عينيها متغمضوش لين دخلت عليها حماتهااا تجري
_للا راقية : بنتي شبيك لباس
_جيهان : نديم مالبارح نطلب فيه مهزش زعما اش بيه
_اللا راقية : امبارح مشا مع مروان يسهر برا اسالو بنتي
_جيهان : سالتو قالي مشا و خلاني في نص السهرية
_اللا راقية يا بنتي سبق الخير يمكن عندو خدمة زادة
_جيهان : امي راقية قتلك طليت السكريتيرة متاعو قاتلي مجاش من امس
_للا راقية : يا بنتي حيرتني .. باهي بنتي ايجا هدي روحك و خلينا نشربو فنجان قهوة و كان فما حاجة اكيد راني عرفت قلبي خبيري ..تره زيد اطلبو من تاليفوني بالك يهز
زين استغرب من تصرف زهرة كيفاش حامت على نديم مالكرطوشة اما مترددش بانو يهبطو في لحظة شد نديم زهرة و دورها و عطا بظهرو للسلاح و حط يدو على كرشها
_زين : سيبها ولا نفرغ فيكم السلاح بزوز
هو هكك و تاليفون نديم صونا جبد نديم تاليفونو خطفو منو زين لقاها مكتوبة امي
_زين : تره خلي نكلمو الوالدة نطمنو على صحتها و نقولها على اخر اخبار
هز على تاليفون
_زين : ..
_نديم يا روحي ...
_زين : اووو هاي المدام زادة
_جيهان : الو شكون انتي و وينو نديم
_زين : نديم متاعك مهدد بالسلاح كان ميسيبش الي حاجتي بيه باش نرتحك منو .
_جيهان : ياخي هبلت انتي ...الو الووو
_للا راقية : اش فمااا
_جيهان : قالي مهدد بالسلاح ..
_اللا راقية : وه شنيا
_جيهان : اش باش نعملو
زين كان موجه السلاح على راس نديم في لحظة دار نديم و نطر السلاح مشات تجري زهرة بعدتو بساقها و هو ضرب زين لين معادش ينجم يقوم بسرعة ...طبس على تاليفونو و شد زهرة من يدو و خرج عرضو زياد قدامو عطاه بدماغ جابو يبربش و ركبو و مشاو ...
_نديم : انتي لباس
_زهرة : اي لباس ...اطلب عايلتك باش يطمانو اكيد تفجعو عليك
_نديم : اوك ارتاح انتي و خوذ اشرب
عطاها ما وهو خطف الكرهبة و يسوق و طلب جيهان الي ديجا قاعدين على جمر هي و للا راقية
_نديم : جيهان
_جيهان : نديم قولي لباس امان
_للا راقية : ولدي لباس
_نديم : لباس لباس مصار شي ..
_جيهان : قولي اش يحب منك هذا علاش عمل هكا .
تلفت نديم يلقا زهرة متقلقا و معدتها مقلقتها
_نديم : جيهان نحكو بعد قاعد نسوق
علق التاليفون و تلفت لزهرة يحكي
_نديم : لباس
_زهرة : منعرفش معدتي مقلوبة ..
راكا نديم الكرهبة على ليمين و يحكي
_نديم : اهبط نتمشاو شم شويا هوا تو تتفرهد

#يتبع

حلقت اليوم 😍🔥🔥

رايكم في تصرف زين ؟؟ 😎👀

و متنساش فوت 🌟😉

باش تزيد تشجعني اكثر 🔋🔋

احنا موعدنا غدوة 🔥 في حلقة جديدة 👀😍🥃