أمنية تحت ظل الخيانة

الحلقة 31🥃

الحلقة 31 🥃
نديم وقف الكرهبة قدام الحبس و هبط شوية و خلطت وراه كرهبة للا راقية مع مراد الشوفور و زين يراقب من بعيد
_زياد : ياخي اش يعمل سي نديم هناا
_زين : هاي حتى مدام راقية
_زيااد : شنيا لحكاية
_زين : اسكت خلي نفهم
مروان قاعد هو ميساء  هو يطلب في نديم اما شي ميهزش
_مروان : شي ميهزش ..زعماا اش فماا اكيد صارت حاجة
_ميساء : ستنى نطلب امي بلكشي تعرف ( بسمة )
_مروان : اي اطلب
_ميساء : الو امي قولي ياخي ميما غادي
_بسمة : لا علاش
_ميساء : عمي نديم وصلو تاليفون من عند ميما و خرج يجري مفهمتش علاش و تو مش يهز على تاليفون
_بسمة : قتلي خرج يجري
مريم كانت بجنب بسمة سالتهاا ديراكت
_مريم : اش فماا
_ميساء : اي
_بسمة : منعرفش طلبت جداتك قالت الي عندها صاحبتهاا مرضت مشات تطل عليهاا
_ميساء : باهي امي باهي
_بسمة : كان عرفت حاجة قولي اوك
زهرة في بيرو المدير متاع الحبس جابولهاا ما و جا المحامي
_المحامي : مداموزال زهرة لباس تو ...طلبت مدام راقية هي ماكانش عندهاا علم بالحكاية الي احنا جينا
_زهرة : ياخي علاش خبرتهم
وقفت جات خارجة و اختهاا معاااهاا جا قدامها نديم بلعت ريقهاا
_نديم : انتِ لباس
_المحامي : طالحلها الطونسيون و براا
_نديم : انتي تنجم تستنى لبراا مرسي
خرج المحامي و نديم قال لزهرة هيا نمشو و خرجو كل قدام الحبس