أمنية تحت ظل الخيانة

الحلقة 45🥃

فاطمة : اذا كان انتي متنجمش تجيب صغير بأم الحضانة ... مالا الصغير الي في كرش زهرة ولد شكون
_جيهان : منعرفش منعرفش ...يمكن ولد زهرة و نديم
_فاطمة : لا منتصورش مدام راقية باش تعمل حاجة كيف هاكا
جيهان نفخت هزت شعرها لتالي و تكلمت و بعد هزت روحهااا و خلات كان غبابر
_جيهان : لا تعمل فاطمة تعمل تعمل حتى اكثر من هكك ...اما انا مش باش نكتف يدياا لازم نفهم
_فاطمة : جيهان وين ماشيااا
_جيهان : ....
في وسط الدار تدور وحدها و بعد مشات لجنينة نحات صباتها و بدات تمشي على قازون حافية هي هكك و تشوف ارنوب هارب مشاتلو هزتو و قعدت على كرسي ...و تلعب هي وياه و تحكي وحدهاا ...شافهاا نديم من الصالة وحدها في جنينة قرب منها شوي سمعها تحكي
_زهرة : تعرف مش كان انتي وحدك حتى انا زادة ...اما كل واحد و ثنيتو وين وصلتو انتي هربت اما انا منجمش نهرب عندي امانة كبيرة لازم نحافظ عليها ...
تعرف انا تو شاهية قاتو عليه شوكولاته و فريز امم ...
نديم ضحك و بعد رجع لبيتو دخل بدل حوايجوو على خلطتت جيهان دخلت ملباب الوراني تشوف في زهرة حافية مشاتلها و فرغت الغش الكل فيها
_جيهان : ياخي متتربااش انتي
_زهرة : اه ..مدام جيهان
_جيهان : قداش من مرة نبقى نبهبه فيك على حكاية هذه ...نورمال حافية هاكا في هالطقس كان تصير حاجة لولدي
_زهرة : اما يا مدام...
_جيهان : سكر فمك و متزيد معايا حتى كلمة و تحرك ادخل و ماليوم انا تو نتلهى بيك مدامك متعرفش تستحفظ
_زهرة : مدام جيهان انا نعرف اش نعمل منيش صغيرة
_جيهان : انتي اقضى انا الي يهمني الي في كرشك فهمتني
في كوجينة البنات يخدمو على رواحهم و بسمة دخلت
_بسمة : صبااايااا انااا جيت
_غصون : اهلا بيك
_اسيل : تفضل مدام بسمة تحب حاجة
_بسمة : وه اسيل شبيك لطف
_اسيل : انا في جرتك راني كليت نبزة قد راسك ..و زيد خليل لتو و انا متعاركة معاه
_بسمة : تي هايا عاد اسيل حتى انا راني كليت الكلات من عند هارون هاو راسي
_اسيل : ههه باهي ام...عسلامة زهرة
زهرة سمعت و الي سمعتو و هزت روحها و مشات دخلت للكوجينة وقفت على كونتواار
_بسمة : زهرة شبي اختي ... شبيك لباس
_زهرة : لباس لباس .تنجم تعطيني كاس ماء
_اسيل : اي بالطبيعة تفضل
مدتلها الكاس و حلت الطنجرة باش تحرك دوبا ما شمت الريحة خواطرها دارت
_زهرة : شنيا الريحة هذه
_بسمة : اما ريحة
_زهرة : ....
_اسيل : شبييك بنتي
_غصون : اكيد كلات حاجة لبرا ولا متكلش اللوبيا
_بسمة : غصون اسكت و ايجا اقرالي الفنجان
نديم في بيتو قاعد في بيروه يخدم و جيهان تدخل لا سلام و لا كلام ترمي الساك و تنحي الكبوت و نديم مزال يتبع فيها بعينيه و تمشي ديراكت تصب الشراب و تشرب الكاس لول الثاني الثالث هي صبت الرابع و نديم يتنطر يجي قدامها يفكهولهاا و يحكي
_نديم : يزي عاااد مالشرب احكي اش فما اخر
_جيهان : ههه تحكي بالرسمي
_نديم : اي احكي
_جيهان : معادش نحب زهرة لهناااا ... وجودهاا ياسر مقلقني
_نديم : تو ولا وجودها مقلقك ...نسيت روحك وقت جيتني و تترجى فيا باش نوافق تو جايا تقولي لكلام هذا
_جيهان : و انا منكرتش اماا مكنتش نتصور الي باش تجيبها لهوني كانت مشا في بالي احنا باش نكملو حياتنا لين يجينا ولدناا اما مش تجي تعيشها معانا
_نديم : الطفلة في خطر ...كان يجي زين مرة اخرى تخسر كل شي عملتو
_جيهان : اهههه..ياسر تبدلت راك
_نديم : شكون لتبدل جيهان شكون ...انا ولا انتي
لكلهم قاعدين في صالة يسمعو في صياح لين يتكلم الناصر
_الناصر : اما حسهم كثر المدة لخرى الله يسامحوو نديم بنتي جيهان حبلة كيفاش يحكي معاها هكاا
_بسمة : متخافش عمي تحبش نعمللك قهوة عربي
الناصر يسمع في حس جيهاان زاد قوى كي سمع حس الكاس تكسر جا باش يقوم
_سي ناصر : لا عاااد انا لازم نحلهاا معاهم
_للا راقية : سي ناصر يعيشك متتدخلش تو يتعاركو اما يوصلو لحل متخافش مهمش صغار
_جيهان : انتي ماكش قاعد تشوف في روحك ..تتلهى بيها هي اكثر ..تعدي وقيت معاها تكثر مني ..
_نديم : فاش قاعدة تحكي ياخي ...فايقة على روحك
_جيهان : سيب جاي الكاس و امشي تلهى بيها هي ابعد ...اخرررررج
نديم الغش عمالو عينوووو
_نديم : هاااااني خااارج اما يلزمك تعرفف الي وصلنااالو كللللو بعماااااااايلك و امشي شوف روحك في مرااااية يااااسر تبدللللت رااااك فيق جيههااان فيق اناا معادش نعقللك ..
خرج و خلاها تعفس في طاجين تقعرو زهرة كانت في جنينة مسمعت شي عرضها نديم خارج
_زهرة : سي نديم لازم نحكوو
_نديم : بعد زهرة
_زهرة : اما انا نحب نحكي في حاجة مهمة
_نديم : زهرة منبعد قتلك
_زهرة : سي نديم
_نديم : زهههههرة قوتلككك بااااعد فوووك
زهرة سكتت هبطت راسها و رجعت لبيتها يزيها مالكلاط الي عاشتوو قعدت على فرش حطت يدها على كرشها و غمضت عينيها تمنع في دموعها اما منجمتش غلبووها دموع سخونين يحرقو ..اما حرجها الباب الي دق مسحت دموعها و عطاتو اذن الدخول طلع مروان
_مروان : عسلامة زهرة
_زهرة : اهلا بيك سي مروان تفضل
_مروان : شبيك ياخي كنت تبكي
_زهرة : لا لا اما عينيا يحرقو
_مروان : تحب نمشيو لطبيب
_زهرة : ا.ء.لا .لا مش لازم مستانسة شوي و نكون لباس
_مروان : هي باهي قولي اش حال نرجس
_زهرة : لباس احسن الطبة طلبو باش تبقى اكثر تحت المراقبة
_مروان : هي باهي ...اءء.قلت كان معندكش مانع نهبطو نتمشاو شوي الطقس مزيان في هالعشوية
_زهرة : صحيح وقت الغروب يعجبني هياا
_مروان : ههه عال اما البس حاجة باردة البرة
خرجو يتمشاوو
_مروان : شنية اكثر حاجة تحبها في روحك
_زهرة : نعم
_مروان : لا ههه ..متحاولش تفهمني بالغالط اما نحب نتعرف عليك هذاكا علاش نسأل
_زهرة : منعرفش شنيا اكثر حاجة نحبها في روحي انتي قولي اكثر حاجة تحبها فيا
مروان كان يدب وقف على سؤالها و دارلها و حط يديه في جيوبو
_مروان : زهرة انتي كلك تعجبني
_زهرة : ....
نقذ الموقف تاليفون مروان الي طلبو منه يجي للشركة حالا ..
نديم قاعد في جلسة خمرية مع عشير عمرو حلمي و يحكيو
_حلمي : اشكي يا نديم يا خوي ..اشكي متخليش في قلبك
_نديم : باش نولي بو
_حلمي : اي اي مروووك مبروك فرحتلك و الله اما علاش تخمم
_نديم : المشكلة معقدة
_حلمي : علاش متقوليش ام البيبي مش جيهان
_نديم : لا امو اما مش هي الي حبلة بيه
_حلمي : اه ..ستنى ستنى ..خوذني على قد عقلي مفهمتش كيفاش جت هذه
_نديم : الام الحاضنة ماهو .. ..
حكالو نديم كل شي و بقاو يشربو و يغنو ينسو رواحهم نسو الوقت تعدى وصلت 23:00 ...
روح نديم العائلة كل راقدة كان زهرة لقاها قاعدة في جنينة وحدها تردد باش يمشي يحكي معاها و بعد مشاا لقاها سارحة و دموعها على خدها قعد بحذاها و يحكي
_نديم : الطقس مزيان اليوم
سمعتو زهرة تفجعت و بعد مسحت دموعها فيسع و جاوبتو
_زهرة : اي
_نديم : شبيك لتو مرقدتش
_زهرة : مجانيش النوم حبيت نقعد هوني
_نديم : اسمعني زهرة ..مبكري عيطت عليك سمحني كنت على اعصابي
_زهرة : لا لا ..عادي اصلا انا محقنيش كبشت
_نديم : اش كنت بتقولي ياخي
_زهرة : اه لا نسيت ..منعرفش نسيت مش مهم ..انا بنرقد تصبح على خير

الحلقة وفات و كيما وعدتكم برشا احداث و حماس فيها 🔥💥

رأيكم في الحلقة و في احداث يهمني برشااا كلامكم و نقدكم 😍

جااام 😞😚

حرب جيهان و للا راقية مستمرة 💥🔥🔥
و برشا مفاجئات يستنو في زهرة 😉🥃

احنا ملتقانا في حلقة الجاية 🥃
نحبكم 😍