في البالكون تترشف في قهوة لين جاتها فاطمة
_فاطمة : صباح الخير جيهان
_جيهان : صباح النور فاطمة ..فاق بابا
_فاطمة : اي فاق هاني باش نحضر لفطور ايجا افطر
_جيهان : لا لا يا روحي باش نمشي نديم راهو تحير عليا ..باش نسلم على بابا و نمشي
_فاطمة : بالسلامة .
سلمت على بوها و هزت مفاتحها و كبوتها و مشات
في بيتها زهرة تمشي و تجي لابسة جيب في نوار و مريول ابيض صوف ليين دق الباب حلت اسيل
_اسيل : نجم ندخل
_زهرة : اي تفضل اختي اسيل
_اسيل : جبتلك فطورك
_زهرة : يعيشك تعبتك معايا
_اسيل : شنو هالكلام تعبك راحة ..و هذا تاليفون بعثتهولك اللا راقية
_زهرة : يعيشك
حطت الطبق فوق الطاولة و دارت باش تحكي معاها
_اسيل : هيا كول تو قبل ما يبرد ..و متخممش على اختك تو تولي لباس ..
_زهرة : يعيشك يا اختي اسيل انشا الله
خرجت و خلاتها و زهرة دوب ما خرجت اسيل مالباب هزت التاليفون و طلبت اختها..
_زهرة : الو اختي
_نرجس : زهرة وينك توحشتك اختي
_زهرة : حتى انا يا روحي ..
_نرجس : ياخي علاش معادش تجي بحذايا ...انا مستحقتك برشااا
تعدى نهار و مع الليل نديم و جيهان قاعدين في جنينة و زهرة كيما العادة في بالكون ...
_جيهان : متنرفز مني
_نديم : منعرفش اش نعمل ..كل خطوة نعملها نزيد نغرق كل شي تحت مسؤوليتي
_جيهان : و انا زدت عليك نعرف اما مش بيدي
_نديم : لا انا الي مش فاهمو اش صار باش ولينا هاكا
_جيهان : شوية وقت تو يرجع كل شي لبلاصتو ..وقت تشد ولدك بين ايديك تو تنسى كل شي
تلفتلها نديم تبسم و شدها من يديها و باسها و حملها
_نديم : انشا الله
دخل الطبيب على نرجس و معاه فرملي و تلز باش يقوللها على العملية باش يعملو التحاليل و نرجس خبات التاليفون باش ما يخذوشي منها كمل الطبيب خدمتو و بعد كلمت نرجس اختها
زهرة سمعت تاليفونها مشات لقاتها اختها هزت عليه لقات نرجس عرفت كل شي و خايفة و تبكي
_نرجس : اختي اش باش يعملولي عملية ..
_زهرة : ...اهدا عيش اختي ..متخاافش
_نرجس : كنت تعرف ..كنت تعرف و خبيت عليا
مسحت دموعها و بعد كملت تحكي
_زهرة : اي اما متخافش عيش اختي انا ديما معاك
_نرجس : ايجا عندي اختي ...ايجا عندي أنا خايفة ..
_زهرة : باهي ..متبكيش هاني جاية
علقت التاليفون و مشات تجري هبطتت الدروج و مشات لنديم و جيهان الي كانو عاطين بظهر
_زهرة : سي نديم
نديم و جيهان تلفتو جيهان ديراكت تبدلت و بدات تتسومم
_نديم : اش فما زهرة
_زهرة : اختي عرفت بالعملية لازمني نمشي بحذاها
_جيهان : هبلت باش تمشي تو في هالوقت ..
غزرلها نديم و بعد رجع لزهرة
_نديم : صحيح تو مخر برا اطلع لبيتك و ارتاح و غدوة تو نهزك
_زهرة : اما سي..
_جيهان : قلنالك غدوة تشوف اختك ..
زهرة هبطت عينيها و دارت و رجعت تجري و تحكي
طلعت الدروج دخلت البيتها
_زهرة : مستحيل نخلي اختي
جات خارجة عرضها مروان
_مروان : زهرة وين ماشية ..شبيه وجهك مخطووف
_زهرة : سي مروان انا لازم نمشي لختي هي مازلت صغيرة ...سي نديم مخلانيش ..تنجم توصلني..
_مروان : اما ..
_زهرة : ابعد
جات ماشية ياخي عيطلها
_مروان : باهي استنى متمشيش وحدك في هالوقت
_زهرة : هايا
#يتبع
VOUS LISEZ
أمنية تحت ظل الخيانة
Romanceالمرة هذه باش نتلمو على كرونيك مزيانة 🔥🌸 كرونيك فيها كل ماهو #رومنسية❤️ #حقد😡 #كره 🤬#حب😘 و برشا #تشويق 🎭 و #اثارة 🔥 تستنا فيكم 🍷🖋️💞🔥🔥 منطولش عليكم كرونيك اليوم بعنوان : أمنية تحت ظل الخيانة للكاتبة : yousra.hassin كرونيك بالهجة التونسي...
