أمنية تحت ظل الخيانة

الحلقة 5🥃

الحلقة 5 🥃
حملو بعضهم و بعد هو خلاها و مشا للخدامة يحكي معاهم و خلالها في يدها رمانة
كملت جيهان تمشي بين شجرات الرمان و تاكل في رمانة الي في يدها لين لقات خدامة يخدمو غادي و واحد قاعد يغني بجنبهم قربت منهم و هي تسمع لقات طفلة تخدم غادي وقفت وراها و كلمتها
_جيهان : مزيانة لغناية هذه مش هاكا
_اي مزيانة برشا
_جيهان : انا جيهان مرت سي نديم
_انا لازم نرجع نخدم سمحني
طبست و رجعت تقطف في الرمان
_جيهان : انتي شنوة اسمك
_انا زهرة
_جيهان : زهرة محلاه اسمك
_زهرة : يعيشك ..لازم نرجع نخدم خذيت pause كهو
بسمة قاعدة في جنينة هي و اخت هارون و نديم مريم
بسمة : و اللهي نديم محقووش يعمل الحالة هاكي كل ..اما انا مش فاهمة علاش قال هكك واللهي انا بعد كلامو منجمت ناكل شي ...اما هو عمل مليح و هز الأميرة يحوسو ...صحة ليها عايشة كان فيههاا ..مدللة
_مريم : مش كان شوف قدامك كهو كان خيرلك ..
_بسمة : اش تقصد مفهمتش ..
_مريم : اخلط عليا لجنينة الورانية تو تفهم ..مزلت باش نزرع الوردات ..
نديم منادي الخدامة قدامو و يحكي معاهم بكل وقار و تواضع ..
_نديم : الغلة سنا مشا الله باهية
_واحد مالخدامة : اي سي نديم هذايا رمان بيو باهي برشاا و انشا الله كان نكملو هكا نوليو نصدرو للخارج
_نديم : كان تكملو بنفس الريتم تو نصدرو
جاتهم جيهان خدامة كل بداو يسلمو عليها لين تكلم نديم
_نديم : فما حاجة اخرى ناقصتكم
_واحد : بصراحة سي نديم عندي طلب اليوم عرس بنتي مذبيا كان تشرفونا بحضوركم اللليلة
_نديم : اكيد هذا كلام تو اكيد باش نجوو
و دار لجيهان
_نديم : هيا احنا لازم نمشو عائلتي يستنو
_جيهان : ربي يعينكم
_كل : الله يسلمكم
يتمشاو وحدهم محملين بعضهم
_جيهان : تحب تكون العرف المثالي
_نديم : لا مش عاجبك يعني
_جيهان : ههه لا اما برسمي تحب تمشي
_نديم : اي
#يسرى
#يتبع