أمنية تحت ظل الخيانة

الحلقة 15🥃

الحلقة 15🥃
_جيهان : اي اماا حسب رايك نديم يوافق
_للا راقية : هذاكا راجلك ويظهرلي وليت تعرفو اكثر مني ..انتي تصرف لازمك تقنعوو
_جيهان : باهي تو نتصرف
و مشات جيهان لبيتها و قاعدة تستنى في نديم
هي رجع للا راقية كانت في بيتها تسمع في حس نديم يعيط
_نديم : ياخي مستوعبة الي قاعدة تقول فيه ..هبلتي ياخي
هبطو مروان و انو مريم على حس الصياح لقاو للا راقية
_مريم : اش فما امي
_للا راقية : مفما شي تصير مشاكل بين راجل و مرتو امشو لاش ندخلو رواحناا
هي هبطو
نديم لابس كوستيم و واقف قدام باب بلار يتفرج لبرا و حاط يدو في جيوبو و جيهان قاعدة في فوتاي و تبكي
_جيهان : مفمااش طريقة اخرى يا نديم. ...هذا الحل الوحيد الي لقيتو
_نديم : الحل الوحيد لشنوة
تلفتلها و كمل يحكي
_نديم : جيهان  مش بظرورة يكون عنا صغيرر ..و ميهمنيش كلام الناس ( ورجع عطاها بظهر )
_جيهان : اما انا يهمني كلام ناس و تعبني و فديت من عيونو الناس الي تشوف فيا ظالمتك ...
سكتت شوي قعدت تبكي و بعد كملت كلامهاا
_جيهان : نحب نجيب صغير منك نديم يشدلي يدي ..نرقدو و نلعب بيه و ينادلي ماما
_نديم : و الصغير هذا تحبو من كرش اخرى
_جيهان : مايهمنيش في لخر هو ولدنا باش ياخذ اسمك و اسم عيلتك و عايلتك من حقهم يفرحو بيه ..
جاء قدامها وقفها و بدا يوقف فيها
_نديم : اما احنا مش مجبورين لشي هذا
_جيهان : تعرف وين نشوف مرا معاها ولدها اش نحس ...نحس بالنقص نحس روحي ناقصة مش كي الباقية
_نديم : باهي جيهاان
_جيهان : ....(تبكي )
_نديم : جيهااااااان
شدلها راسها بين يديه و حملها يسكت فيهاا
و بعد خالاها و مشا لجنينة و هي دخلت للقجر بدات تجبد في دوايات و تطيش فيهم و تبكي
سمعها نديم جاها يجري لقا القاع كل مفروشة حرابش
_جيهان : انا عايشة على الحرابش و انتي مش حاس ...مش حاس بيااا
و طيشت الدبابز و بدأت تعيط شدها من يديها و حملها من تالي و هو يسكت فيها