أمنية تحت ظل الخيانة

الحلقة 62 🥃

_ناصر ؛ لا يبنتي متعبش روحك ايجا اقعد عيش بنتي
_زهرة ؛ حاضر
_ناصر ؛ بنتي راك مستغربة تقول الراجل هذا اش يعمل هوني
_زهرة ؛ استغفر الله ..مرحبا بيك في كل وقت
_ناصر ؛ متقاطعنيش عيش بنتي ..و اسمعني ...نعرف الي انتي مقتلتليش حفيدي ، نديم خبرني صدقني الي عملتو متتصورش قداش عز بيا وقت خبرتنا الي للا راقية طيحتي الصغير حسيت قلبي وقف معاه اما رجع كيف قالي نديم لخبر الي فرجنا و رجعني للحياة ...انا خبرت نديم و باش نخبرك انتي تو ..مكانش عندي كان هالامنية في حياتي ...كانت امنيتي اني نشد حفيدي بين يدا و بعد خلي ربي يهز امانتو
غزرتلو و بعد غزرت لشباك متحبش تبكي و تكلمت كل كلمة وحدهاا تحاول تتحكم في روحهاا باش  دمعتها متخونهاش
_زهرة ؛ لطف عليك...انا منجمتش نعملها حرام ..هو معندوش حتى ذنب باش يموت..احنا نجمو نقررو الي نحبو اما هو مينجمش منجموش نقررو في بلاصتو ...
_ ناصر ؛ بنتي انتي ملكتني الدنيا كل اطلب الي تحب
_زهرة : نطلب منك تدعي لحفيدك يجي بخير و تحملو بين يديك
هبطت راسها و بعد تكلمت
_زهرة ؛ صحيح البيبي هذا مش ولدي..اما حبيتو برشاا وحاسبتو كيف ولدي
_ناصر ؛ بنتي ربي يحفظك و يحميك ...خليني نقوم منزيدش نقلقك اكثر
_زهرة : مرحبا بيك في أي وقت
_ناصر : هه يعيش بنتي هي في أمان الله رد بالك على روحك ...
_زهرة ؛ بسلامة ..
هارون في شركة يمشي و يجي ساي وصل للهدف متاعو وصلوه اوراق متاع انسحاب الشركة الي باش يصدرو ليها السلعة بسبب تأخير ثلاثة ايام
هارون هز التاليفون و كلم بوه
_ناصر : هار ن ولدي
_هارون ؛ بابا وينك في دار
_ناصر ؛ لا اما في طريق الدار
_هارون ؛ تجي لشركة بربي فما برشا حاجات لازم تعرفهاا
_ناصر ؛ وينو نديم خليه يشوف هو
_هارون ؛ حتى نلقوه سي نديم باش يشوف
_ناصر ؛ باهي هاني جاي ..( علق التالفون ) .ولدي ارجع لشركة
_حاضر سي ناصر
نديم وصل قدام الدار متاع جواد وين زهرة هبط مالكرهبة يشوف في زهرة لبرة في جنينة لابسة مريول أبيض و جوب نوار قصيرة شوي و صبات بلاى مشالها قعد يغزرلها شوي و يسمع فيها تحكي مع الوردات بقا يتبسم وحدوو
_زهرة ؛ ياخي انتوما تحبو الشمس كيفي ايجو خلي نعطيكم ماء اشربو باش تكبرو
نديم حمحم و بعد تكلم زهرة تنقزت منو
_نديم ؛ الشمس محظوظة فيكم
_زهرة ؛ آه ! نديم ..؟
_نديم ؛ فجعتك ؟
_زهرة ؛ لا اما استغربت نورمالمون في خدمتك تو
_نديم ؛ جيت باش نعطيك الشمس
زهرة عوجت راسها متاع مفهمتش تشوف في نديم دخل يدو في جيوبو و جبد باكو احمر ظاهر متاع صياغة و جبد منها شركة (سلسلة) فيها شمس و مدهالها
_نديم ؛ الشمس هذه ليك باش تعطيك القوة مش قلت قوتي نجيب فيها مالشمس
_زهرة ؛ ياااا مرسي والله اما منجمـ.....
قص عليها نديم خاطر كان يعرف الي باش تقولو حط صبعو على شفايفها باش يسكتهااا و بعد كمل كلامو
_نديم ؛ هذه باش نلبسهالك تو و منحبكش تنحيها حتى مرة
دورها هزت شعرها و لبسهااا الشَرْكَةْ و بعد جاه تاليفون مشا و خلاهااا تسقي اما مفاقش بالكرهبة ااي وقفت صورتهم و مشات ...
جيهان في بيروها تخدم عندها نهارين  مروحتش لدارها لدار نديم ..اليوم باش ترجع هي لمت حوايجها و جات خارجة ركبت في كرهبتها و طارت عجاحة.
في دار الصافي (لقبهم مش اسم شخصية 😂) بسمة قاعدة هي و مريم يشربو في قهوة لين يصوني تاليفون مريم
_مريم ؛ اوووه تي شنيا توو
_بسمة : شبيك
_مريم ؛ عندو قداش يطلب هذا و يبقى ساكت
_بسمة ؛ وه يطلعش معجب سري
مريم عوجت فمها متاع منعرفش و سكرتو و طيشت التاليفونها و هزت الفنجان تترشف في قهوة
_بسمة ؛ متسكتش قول لهارون ولا نديم تو يعرفوه شكون
_مريم ؛ ياه والله فكرة تو نقول لهارون ..نديم المدة هذه مش قد بعضو
_بسمة ؛ اي ماهو هارون فاضي ماهو ...
مريم هزت تاليفونها و حطت الكاس و وقفت
_مريم ؛ هي أنا باش نمشي نطل على مروان توحشتو
_بسمة ؛ اي امشي شوفو زعما مزال مغشش من نديم
_مريم ؛ مزال أما تو يرجع مروان يحب نديم
مشات مريم و قعدت  بسمة وحدها شوي و خلطت جيهان عرضتهاا بسمة تجري
_بسمة ؛ يا جيهااان هااك جيت
_جيهان ؛ جيت ...تحب نخبرك المرة الجاية كي نجي
_بسمة ؛ لا اما عندك  نهارين مجيتش هك عـ....
قصت عليهااا بنبرة صوت مخلطة بغش قالت كلامهاا و طلعت لبيتها خلات بسمة ترحي
_جيهان ؛ هذه داري زادة نجي وقت نحب و كيما نخرج منها وقت نحب باهي و منيش مطالبة باش نقدم دخولي و خروجي مفهووم
بعد ما مشات جاوبتها بسمة وحدهاا و تحكي بينها وبين روحها
_بسمة ؛ مفهموم يا للا يا لطيف حتى بعد الي عملتو كل مزالت نافخة ريشها بففف تتفلق معادش لازمني نتنرفز غصووووووون وينوووو الكوتش
جاتها تجري في يدها منديلة تمسح في يدهااا
_غصون ؛ كلمتووو قال خمسة دقايق نكون بحذاااك
_بسمة؛ عال ...خالي ننشي نحضر روحي كيف يجي دخلو للجنينة
_غصون ؛ واضح
ناصر وصل للشركة و قبل ما يوصل كلم نديم قالو الي لازم تجي لشركة كان تبداش في كرش حوته
هي دخل سي ناصر بوقارو ناس كل تحبو و تحترمو الي يسلم و لي يصبح ولي يوزع في ابتسامات هي دخل ديراكت مشا لبيرو نديم باش يستناه غادي لقا السكريتارة متاعو
_ناصر : بنتي خبر هارون اني هوني
_حاضر سي ناصر تحب تشرب حاجة
_ناصر : جيبلي قهوة كان مفيهاش تعب
_حاضر
هزت السكريتارة تاليفون طلبت قهوة لبيرو نديم و مشات باش تعيط لهارون عرضها في باب نديم
_سكريتارة : سي نديم مرحبا بيك
_نديم ؛ اهلا بيك بابا هوني
_اي في بيروك هو وسي  هارون زادة
_نديم ؛ باهي ربي يعينك
هي دق الباب و دخل
_نديم ؛ بابا
_ناصر ؛ تفضل نديم اقعد
هارون قاعد حاط ساق فوق ساق يقحر كهو و يستنى في جواب بوه
_ناصر : قولي ياخي وينك عندك مدة متجيش للشركة
_نديم : مكنتش فاضي بابا
_هارون : ماكش فاضي اما مرتك و هاكي طفلة فاضي بيهم
تلفتلو ناصر متغشش شوي لا كب القهوة
_ناصر ؛ هااارون
_هارون ؛ سمحني بابا
_ناصر ؛ نديم بسبب توخير الي صار مع شركة غانمي قررو باش يبطلو المبيعة
_نديم ؛ شنياا ..

هذوما حلقااات اليوم 🥰🎉

النشر باش يكون كل يوم أحد 🍷🎁
مع 10:00PM بتوقيت تونس

متنسوش فووت 🌟

صدقوني نفرح كيف نقرى رايكم و نقدكم
موعدنا نهار الاحد الجاي 💛🔥

ردو بالكم على رواحكم نحبكم برشااا 🍋❤️