أمنية تحت ظل الخيانة

الحلقة 2🥃

وجه نديم و جيهان تقلب فرد مرة جيهان هبطت الطفل من حجرها و طلبت منهم يسامحوها باش تدخل و دخلت تجري حابسة دمووعها باش ما يطيحوش كلم نديم امو و خلط يجري لمرتو
_نديم : شنية امي ...فاش قام تجبدي في الموضوع
_للا راقية : علاش قلت حاجة غالطة انا تو
قحرلها و قام من الطاولة
ناصر : شبيك للا راقية كان لازم تقول هاكلام تو وقت لفطور و احنا مجتمعين ...صدقني القعدة هاذي متتعوضش ..علاش تجبد في لولاد تو وقتو
_للا راقية : الي في عمارهم عندهم اربعة صغار و هوما لتو حايرين في صغير لول
دخل للبيت لعند جيهاان لقاها تبكي جاء بجنبهاا و بدا يرضي فيها
_نديم : مش لازم تتقلق على كلام امي ...وليت تعرفها
_جيهان : اما انا تعبت يا نديم ...ماشي في بالها الي انا منحرش نجيب صغيرر ...(عطاتو بظهرها باش ميشوفهااش تبكي ) انا اكثر وحدة نحلم باش يولي عندي صغير
هزلها شعرها على جنب و قرب منها يحكي
_نديم : عندك حق ...اهدأ تو هدي روحك
_جيهان : منيش منجمة ...انا نحلم اني نولي ام ...في لحظة و كل ليلة و كل ثانية و انا نحلم لين يطير عليا النووم متخماام ..
قرب منهاا اكثر حط خشمو على شعرهاا و بدا يوشوش في وذنها بصوت ضعيف
_نديم : عزيزتي وسع بالك ..و معاش تبكي ..انتي مرتي ..نحبك
دارت عندو و هو يمسح في دمووتهاا وهي تحكي
_جيهان : مرتك الي متجيبش صغار
_نديم : سضهرلي حكينا فيه الموضوع و تسكر و احنا تو فرحانين ..
_جيهان : الموضوع هذا ماهوش باش يتسكر و مستحيل يتسكر حتى كان هوما ماقالو شي انا باش نتقلق
تلفت للبيت خمم شوية و بعد قام
_جيهان. : نديم...امانك متعملش مشكلة جرتي ...ندييييم
مشا و هبط ديراكت لعايلتو كل وقف قداموو و بداا يحكي
_نديم : s'il te plaît حتى واحد مايجبد حكاية صغاار لا قدامي لا قدام جيهاان ...مفهووم .
_ناصر : كيما تحب ولدي