#آية_في_الجنون
الفصل الخامس عشر♡صفعة♡
#الكاتبة_ندى_محسن
#اذكروا_الله♡
☆تبدو مثل الحلم، تمر بهدوء على قلبي، تعانق عقلي، تجعلني أطفوا للسماء وأنغمس مع النجوم بتفاصيلها.. لكنك تظل حلم! ☆
#الكاتبة_ندى_محسن
كان يتمنى لو يرى وجه "حسن" بعد أن تمت فضيحته أمام الكثير من الأشخاص، سمع طرقات على الباب، تأفف في البداية ولكنه حاول التحدث بهدوء:
-كلوا أنتو أنا مش جعان.
وجد الباب يُفتح ودخل "عز" إلى الغرفة، كان يرتدي بذلة سوداء أنيقة وعينيه تحدق بابنه:
-أنا مشوفتش في حياتي كدة! أيه يا موسى بيه يا موسى باشا أبوك موحشكش؟
ابتسم "موسى" إبتسامة صفراء لم تصل إلى عينيه وهو يحرك رأسه بنفي:
-أكيد حضرتك وحشتني.
اقترب ليقوم بضمه، كان "موسى" جامد، قبض يده بقوة واعتصر عينيه بانفعال واضح، طال عناق والده له وهو يتحدث:
-حتى لو موحشتكش يا موسى أنت وحشتني، ملامحك وحشتني، عيونك اللي تشبه الألماس وحشتني.
ازداد وجه "موسى" احمرارًا من كثرة الضيق وابتعد عن والده وقد انفعل:
-أنت ليه جيت دلوقتي؟ ليه في الوقت ده بالذات؟ اتصلت وقولت لعبدالرحمن وكأنك ملكش عيال وكأنك..
قاطعه "عز" بتحذير:
-صوتك يوطى وأنت بتتكلم معايا، مسمحلكش تعلي صوتك.
ابتسم "موسى" ساخرًا وهو يحاول أن يتمالك أعصابه بقدر المستطاع، اوشك على الخروج من الغرفة لكن قام "عز" بسحب زراعه وقد ظهر الغضب على وجهه:
-هو في أيه؟ أومال لو كنت بايت في حضنك؟ مالك!
نظر "موسى" له، حاول أن يطيل النظر في عين والده، لكنه لم يستطيع، تحدث "عز" بهدوء وهو يحاوط وجهه وعلى ثغره ارتسمت إبتسامة حنونة:
-كل متكبر بتحلو ماشاء الله، طالع لأمك يا ابن نورسين، يا ابن القمر.
إبتسامة عرفت طريقها إلى وجه "موسى" تابع "عز" حديثه:
-الله يرحمها عرفت تربي وعرفت تديك حنان يكفيك العمر كله ويفيض منه كمان يا صاحب الألماستين.
كان يقصد عينيه ونجح في جعل "موسى" يكشف عن نابيه، قام بضمه وعرف كيف يحتوي حالة إكتئابه دون أن يعرف بالأمر حتى، قاطعهم صوت "محمد" وهو يصيح:
-أوعاا الحنية، أنا عايز من ده.
ضحك "عز" وهو يعض على شفته السفلى بغيظ شديد:
أنت تقرأ
آية في الجنون.. للكاتبة ندى محسن|White Rose
Mystery / Thriller-مين المجنونة اللي توافق تتجوز واحد أيده مبتورة ومتجوز وتيجي تعيش في أرياف بدل مكانت عايشة في المدينة؟! مستحيل هتوافق بيا يا جماعة! رواية مختلفة، مميزة، مشوقة. ✨❤ #آية_في_الجنون #الكاتبة_ندى_محسن
